߂߀߂߆ ߓߌ߲ߠߊߥߎߟߋ߲ ߕߟߋ߬ ߁߭ ߣߌ߲߬ ߡߊ߬߸ ߛߌߟߊߓߐߛߐ߯ߣߊ߫ ߞߊ߬ ߛߋ߲߬ߠߊ߬ߓߐߟߌ߫ ߞߍ߫ ߞߊ߬ ߥߊ߫ ߛߋ߫ ߛߎ߲ߞߎ߲ߟߐ߲ߘߐߦߟߊ ߞߏ߲߬ߓߏ ߞߏߕߍߓߊ߲߫ ߞߡߊ߬ߙߊ߫ ߟߋ߬ ߝߍ߬߸ ߛߴߊ߬ ߘߌ߫ ߞߎߡߊ߫ ߞߵߊ߬ ߓߍ߲߬ ߊ߬ ߟߊ߫ ߖߊ߬ߕߋ߬ ߓߐߣߍ߲ ߠߎ߬ ߡߊ߬ ߢߌ߬ߣߊ߲߫ ߛߊ߲߭ ߞߊ߲߬.
ߓߊ߬ߘߏ߬ߢߐ߲߰ߦߊ ߣߌ߲߬ ߘߐ߫߸ ߊ߬ ߞߎߡߊ߫ ߘߊ߫ ߜߟߍ߬ߦߊ ߟߎ߬ ߣߌ߫ ߓߍ߬ߒ߬ߛߋ߲߬ߡߊ ߟߎ߫ ߞߊ߲߬<<ߊ߲ ߕߘߍ߬ ߦߋ߫ ߂߀߂߅ ߟߋ߬ ߘߐ߫߸ ߓߊ߬ߙߌ߫߸ ߊ߲ ߓߘߊ߫ ߣߊ߬ ߛߋ߫ ߂߀߂߆ ߟߋ߬ ߘߐ߫ ߕߋ߲߬ ߣߴߏ߬ ߦߋ߫ ߛߊ߲߬ ߞߎߘߊ ߘߌ߫߸ ߏ߬ ߓߟߏߡߊ߬߸ ߊ߲ ߠߊ߫ ߞߊ߬ߙߊ߲߬ߡߐ߮ ߟߎ߬ ߞߵߊ߬ߟߎ߫ ߛߙߊ߬ ߊ߲ ߠߊ߫ ߞߏ߫ ߊ߲ ߧߋ߫ ߣߊ߬ ߘߏ߫ ߝߐ߫ ߏ߬ ߟߋ߬ ߞߣߐߞߏ ߞߊ߲߬ ߡߌ߬ߙߌ߲߬ߘߌ ߦߋ߫߸ߖߐ߲߰ߛߊ߫ ߞߵߊ߲ ߞߛߌ߫ ߊ߬ ߡߊ߲߬ߕߙߐ߬ߡߊ߬ߝߊ߲ ߠߎ߬ ߡߊ߬߸ ߞߵߊ߲ ߕߊ߫ ߛߐ߬ߘߐ߲߫ ߊ߬ ߤߙߍ ߘߐ߫߸ ߢߌ߬ߣߊ߲߫ ߛߊ߲߭ ߦߋ߫ “ߛߊ߲߬ ߝߌ߲” ߠߋ߬ ߘߌ߫߸ ߏ߬ ߟߋ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߊ߬ ߡߊ߲߬ߕߙߐ ߟߎ߬ ߓߕߐ߫ ߡߐ߱ ߟߎ߬ ߞߕߐ߫ ߟߋ߬>>
ߞߏ߲߬ߓߏ ߞߵߊ߬ ߦߌ߬ߘߵߊ߬ ߟߊ߫ ߡߊ߬ߝߟߍ߬ߟߌ ߟߎ߬ ߞߐߝߍ߬ ߞߏ߫ ߛߎ߲ߞߎ߲ ߞߎߡߊ߫ ߘߊ߫ ߟߋ߬߸ ߞߊ߬ ߕߋ߬ߟߋ ߞߎߡߊ߫߸ ߞߊ߬ ߝߢߐ ߝߣߊ߫ ߞߎߡߊ߫߸ ߤߊߟߌ߬ ߝߙߍߕߍ ߖߍ߬ߘߍ ߝߣߊ߫ ߞߎߡߊ߫ ߘߊ߫ ߟߋ߬ ߢߌ߬ߣߊ߲߫ ߛߊ߲߭ ߣߌ߲߬ ߞߊ߲߬߸ ߣߌ߲߬ ߛߐ߰ߒ߬ߡߊ ߦߋ߫ ߟߐ߬ ߟߊ߫ ߝߊ߰ߡߊ߬ ߞߎ߲ߘߊ߫ ߟߋ߬߸ ߊ߬ ߞߵߊ߬ ߦߌ߬ߘߊ߬ ߊ߬ ߟߊ߫ ߞߎߡߊ߫ ߣߌ߲߬ ߘߐ߫߸ ߞߏ߫ ߢߌ߬ߣߊ߲߫ ߡߊ߲߬ߕߙߐ ߓߍߣߊ߬ ߥߙߊ߬ ߝߊ߰ߡߊ߬ ߓߏ߲߬ߘߊ߫ ߟߊ߫߸ ߊ߬ ߖߌ߰ߕߍ߮ ߓߍߣߊ߬ ߥߙߊ߬ ߝߊ߰ߡߊ ߓߏ߲߬ߘߊ߫ ߟߊ߫<<ߝߊ߰ߡߊ ߟߎ߬ ߞߊ߫ ߞߊ߲߫ ߞߵߊ߬ߟߎ߫ ߞߙߐ߬ߛߌ߫ ߊ߬ߟߎ߬ ߟߊ߫ ߞߍߕߊ ߟߎ߬ ߘߐ߫߸ ߣߌ߫ ߡߍ߲ ߦߴߊ߬ ߝߍ߬ ߞߊ߬ ߞߛߌ߫ ߢߌ߬ߣߊ߲߫ ߡߊ߲߬ߕߙߐ ߡߊ߬߸ ߞߵߊ߬ ߟߊ߫ ߞߊ߲ߕߌ߯ߦߊ ߕߏ߫ ߊ߬ ߡߊ߬ ߤߊ߲߯ ߂߀߂߇߸ ߏ߬ ߦߴߊ߬ ߕߊ߲߬ߞߊ߫ ߟߊ߬ߤߘߌ߬ ߕߊ ߡߊ߬߸ ߞߊ߬ ߞߍߟߌ ߞߐ߲߰ ߟߊ߬ߤߘߌ ߢߍ߫ ߢߍߥߟߊ ߟߎ߬ ߘߐ߫߸ ߣߴߏ߬ ߕߍ߫߸ ߏ߬ ߕߌ߱ ߘߌ߫ ߗߌߙߏ߲߫߸ ߣߌ߫ ߞߊ߲ߕߌ߮ ߡߍ߲ ߦߴߊ߬ ߝߍ߬ ߊ߬ ߟߊ߫ ߞߊ߲ߕߌ߯ߦߊ ߦߋ߫ ߕߏ߫ ߊ߬ ߢߌ߬ߣߊ߲߫߸ ߝߏ߫ ߌ ߕߌ߰ߟߊ߬ߡߐ߮ ߦߋ߫ ߞߍ߫ ߜߎ߲߬ߘߎ߬ ߘߐ߬ ߡߐ߮ ߟߋ߬ ߘߌ߫>>
ߢߌ߬ߣߊ߲߫ ߡߊ߲߬ߕߙߐ ߟߎ߬ ߛߋߣߍ߲߫ ߠߋ߬ ߓߌ߬ߟߊ߬ߒ߬ߘߐ߬ߖߎ߮ ߟߎ߫ ߝߣߊ߫ ߡߊ߬߸ ߓߌ߬ߟߊ߬ߒ߬ߘߐ߬ߖߎ߮ ߘߌ߫ ߞߍ߫ ߝߛߊߦߌ߫ ߞߊ߬ ߛߌߦߊߦߊ߫߸ ߓߊ߬ߙߌ߫߸ ߊ߬ ߡߐ߰ ߝߊ߮ ߟߋ߬ ߕߍߣߊ߬ ߛߌߦߊߦߊ߫ ߟߊ߫<<ߌߟߋ ߟߊ߬ߓߏ߬ߙߌ߬ߟߌ߬ߟߊ ߡߍ߲ ߦߴߊ߬ ߝߍ߬ ߞߊ߬ ߞߛߌ߫ ߓߌ߬ߟߊ߬ߒ߬ߘߐ߬ߖߎ߮ ߏ߬ ߟߎ߫ ߡߊ߬߸ ߏ߬ ߟߋ߬ ߦߋ߫ ߓߌߘߌ߲ߒߞߊ߲ ߛߊ߲߭ ߘߌ߫ ߞߵߊ߬ ߘߌ߫ ߡߐ߱ ߘߏ߫ ߡߊ߬߸ ߏ߬ ߓߊ߯ ߞߍ߫߸ ߌߟߋ ߘߌ߫ ߕߊ߲߬ߞߊ߫ ߓߌ߬ߟߊ߬ߒ߬ߘߐ߬ߖߎ߮ ߡߊ߬>>
ߞߎߡߊ ߛߋ߫ ߘߊ߫ ߘߎ߰ߞߘߐ߬ ߣߊ߲ߝߟߏ ߟߎ߬ ߝߣߊ߫ ߡߊ߬߸ ߊ߬ ߞߍ߫ ߘߊ߫ ߛߊߣߌ߲ ߘߊߡߊ߲ߘߊ߫ ߣߌ߫ ߣߐ߬ߓߊ߬ߟߌ߬ ߘߊ߬ߡߊ߲߬ߘߊ߬ ߘߌ߫ ߓߊ߬߸ ߏ߬ ߟߎ߫ ߣߊ߲߬ߝߟߏ߬ ߞߏ ߕߍߣߊ߬ ߛߌߦߊߦߊ߫ ߟߊ߫<<ߢߌ߬ߣߊ߲߬ ߛߊߣߌ߲ߞߏ ߕߍߣߊ߬ ߛߌߦߊߦߊ߫ ߟߊ߫ ߦߏ߫ ߂߀߁߀ ߕߊ߬ߡߌ߲߬ߣߍ߲ ߕߊ ߟߎ߬ ߞߍ߫ ߘߊ߫ ߢߊ߫ ߡߍ߲ ߡߊ߬߸ ߊ߬ ߞߍ߫ ߘߊ߫ ߣߐ߬ߓߊ߬ߟߌ߬ ߘߌ߫ ߊ߬ ߞߍ߫ ߘߊ߫ ߛߊߣߌ߲߫ ߘߌ߫߸ ߡߌ߬ߛߍ߲߬ߡߊ߲߬ߣߍ߲ ߠߎ߬ ߞߏ߬ߣߌ߲ ߘߌ߫ ߦߋ߫߸ ߓߊ߬ߙߌ߫߸ ߊ߬ ߞߎ߲߬ߡߊ߬ߓߊ ߟߋ߬ ߕߍ߫ ߣߊ߬ ߦߋ߫ ߟߊ߫ ߞߊ߬ ߛߌߦߊߦߊ߫߸ ߞߵߊ߬ ߟߊ߫ ߏ߬ ߞߊ߲߬߸ ߢߌ߬ߣߊ߲߫ ߘߊ߬ߡߊ߲ ߠߊ߫ ߡߐ߰ ߡߌߣߊ ߛߌߦߊߦߊߕߐ ߟߋ߬߸ ߊ߬ ߘߏ߲߬߸ ߣߴߊ߬ ߞߊ߬ ߡߐ߰ ߡߍ߲ ߡߌ߬ߣߊ߫߸ ߛߌߞߊ߫ ߕߴߊ߬ ߘߐ߫߸ ߌ ߣߌ ߦߋ߫ ߕߏ߫ ߟߊ߫ ߟߋ߬ ߊ߬ ߘߐ߫߸ ߌߟߋ ߡߍ߲ ߦߴߊ߬ ߝߍ߬ ߞߊ߬ ߞߛߌ߫ ߏ߬ ߡߊ߲߬ߕߙߐ ߟߎ߫ ߡߊ߬߸ ߌ ߦߋ߫ ߓߊ߬ߡߛߏ߬ ߥߎߟߋ߲ ߠߋ߬ ߢߌߣߌ߲߫ ߠߊ߫߸ ߞߵߏ߬ ߟߊߛߋ߫ ߛߟߐߡߌ߲ ߠߎ߫ ߡߊ߬߸ ߌ ߣߴߌ ߟߊ߫ ߘߊ߬ߡߊ߲߬ߛߋ߲߬ߠߊ ߟߎ߬ ߦߴߏ߬ ߛߏ߬ߓߏ ߢߌߡߌ߲߫ ߞߋߟߋ߲ߘߌ߫>>
ߓߊߟߏߝߋ߲߫ ߕߌߢߍ ߝߣߊ߫ ߞߍߕߐ߫ ߟߋ߬ ߝߊ߲߬ߞߊ ߛߐ߬ߘߐ߲߬ ߠߊ߫ ߢߌ߬ߣߊ߲߬ ߞߏߛߓߍ߫߸ ߊ߬ ߞߍ߫ ߘߊ߫ ߣߊ߲߬ߝߟߏ߬ ߡߎ߯ ߘߌ߫ ߥߟߊ߫ ߝߋ߲߫ ߜߘߍ߫<<ߞߏ߫ ߣߌ߫ ߡߍ߲ ߦߴߊ߬ ߝߍ߬ ߞߵߌ ߟߊ߫ ߣߊ߲߬ߝߟߏ ߘߏ߲߬ ߘߊ ߘߏ߫ ߟߊ߫߸ ߌ ߞߊߣߵߊ߬ ߓߍ߯ ߘߏ߲߬ ߊ߬ ߘߐ߫ ߞߋߟߋ߲ߘߌ߫ ߘߋ߬߸ ߓߊߏ߬߸ ߞߏ߫ ߢߌ߬ߣߊ߲߬ ߞߏ ߟߊߓߊ߲߫ ߠߊ߫ ߡߊ߲߫ ߛߌߦߊ߫߸ ߊ߬ ߘߏ߲߬߸ ߕߋ߰ߙߋ ߟߎ߬ ߝߣߊ߫ ߟߊ߫ ߕߌߢߍߟߌ ߝߊ߲߬ߞߊ ߥߙߊ߬ߕߐ ߟߋ߬߸ ߊ߬ߟߎ߫ ߟߊ߫ ߓߋ߬ߒ߬ߞߊ߲߬ߠߌ߲ ߘߌ߫ ߛߌߦߊߦߊ߫ ߞߵߊ߬ߟߎ߬ ߟߊ߫ ߕߌߢߍߟߌ ߥߙߊ߬ߦߊ߫߸ ߓߊ߬ߙߌ߫߸ ߊ߬ߟߎ ߡߌ߬ߣߊ ߟߋ߬ ߕߍߣߊ߬ ߛߌߦߊߦߊ߫ ߟߊ߫>>
ߖߊ߬ߡߊ ߟߊ߫ ߝߘߏ߬ߓߊ߬ ߛߘߊߞߊ ߞߊ߫ ߞߊ߲߫ ߞߊ߬ ߞߍ߫ ߡߎ߲߬ ߘߌ߫߸ ߖߐ߲߰ߛߊ߫ ߊ߲ ߠߊ߫ ߛߊ߲߭ ߣߌ߲߬ ߘߌ߫ ߞߍ߫ ߛߊ߲߬ ߛߊߣߌ߲ߡߊ߲ ߘߌ߫ ߞߵߊ߬ ߓߐ߫ ߛߊ߲߬ ߝߌ߲߬ ߦߊ ߘߐ߫߸ ߟߎߕߌ߮ ߓߍ߯ ߟߋ߬ ߞߊ߫ ߞߊ߲߫ ߞߊ߬ ߣߐߣߐߝߍ߫ ߞߋߟߋ߲߫ ߓߐ߫߸ ߞߵߏ߬ ߤߌߣߊ ߟߊߛߋ߫ ߓߋ߲ߓߊ߫ ߝߙߋ ߟߎ߫ ߡߊ߬߸ ߌ ߣߴߌ ߟߊ߫ ߘߋ߲ߓߦߊ ߦߋ߫ ߘߍ߬ ߞߵߏ߬ ߡߌ߲߬߸ ߥߟߊ߫ ߞߊ߬ ߢߐ߬ ߞߌߣߌ߲ ߓߐ߫ ߞߵߌ ߓߟߏ ߟߴߊ߬ ߞߊ߲߬߸ ߞߵߏ߬ ߘߌ߫ ߡߐ߰ ߟߎ߫ ߡߊ߬߸ ߡߍ߲ ߠߎ߬ ߣߴߊ߬ ߘߊߥߎ߲ ߞߊ߫ ߞߊ߲߫߸ ߣߴߏ߬ ߘߏ߲߬ ߕߍ߫߸ ߞߊ߬ ߘߐ߬ߕߐ ߘߏ߫ ߟߊߘߌߦߊ߫ ߥߟߊ߫ ߞߵߊ߬ ߟߊߛߍߥߊ߫߸ ߏ߬ ߞߍ߫ ߘߊ߫ ߣߊ߲߬ߝߟߏ߬ߡߎ߮ ߘߌ߫ ߥߟߊ߫ ߝߋ߲߫ ߜߘߍ߫.
ߞߏ߫ ߛߌߦߊߡߊ߲߫ ߜߘߍ߫ ߟߎ߫߸ ߡߍ߲ ߓߍߣߊ߬ ߞߍ߫ ߂߀߂߆ ߢߌ߲߬ ߠߊ߫߸ ߊ߬ ߞߎߡߊ߫ ߘߊ߫ ߘߊߞߎ߲߫ ߛߌߦߊߡߊ߲߫ ߠߋ߬ ߞߊ߲߬߸ ߞߎߡߊ ߣߊ߬ ߘߊ߫ ߛߋ߫ ߕߎ߲ߞߊߙߊ߲ߒߞߋ ߟߎ߬ ߟߋ߬ ߝߣߊ߫ ߡߊ߬߸ ߣߴߏ߬ ߦߋ߫ ߕߎ߲ߞߊ߲ߠߊߕߊ߯ߟߊ ߟߎ߬ ߘߌ߫<<߂߀߂߆ ߣߌ߲߬ ߕߍ߫ ߕߊ߯ߡߊ ߛߊ߲߬ ߘߌ߫߸ ߕߊ߯ߡߊߘߋ߲ ߡߍ߲ ߓߕߐ߫ ߢߌ߬ߣߊ߲߬ ߞߊ߬ ߥߊ߫ ߕߊ߯ߡߊ ߘߐ߫߸ ߏ߬ ߕߌ߱ ߞߎ߲߬ߠߊ߬ߘߌ߬ߦߊ߬ߣߍ߲ ߠߋ߬ ߊ߬ ߕߍ߯ߜߍ ߘߏ߲߭ ߘߌ߫ ߛߏ߫߸ ߣߴߏ߬ ߕߍ߫߸ ߌ ߛߎ߭ ߟߋ߬ ߦߋ߫ ߌ ߞߐߛߊ߬ߦߌ߲߬ ߠߊ߫߸ ߤߊߡߊ߲ߕߍ߫߸ ߌ ߖߊ߲߬ߞߊ߬ߙߏ߬ߕߐ߸ ߏ߬ ߓߟߏߡߊ߬߸ ߓߍ߯ ߟߋ߬ ߣߌ߫ ߡߊ߬ߝߊ ߞߊ߫ ߞߊ߲߫ ߊ߬ ߡߊߞߍ߫ ߘߌ߲ߞߌߙߊ ߘߐ߫ ߢߌ߬ߣߊ߲߬>>
ߡߍ߲ ߓߍ߲߬ߕߐ߫ ߤߙߍ ߡߊ߬ ߊ߲ ߠߊ߫ ߞߏ ߟߎ߬ ߘߐ߫߸ ߏ߬ ߟߋ߬ ߦߋ߫ ߊ߲ ߠߊ߫ ߦߙߌߘߋ߲ ߠߎ߬ ߘߌ߫߸ ߣߴߏ߬ ߦߋ߫ ߡߊ߲ߞߏߙߏ߲ ߠߎ߬ ߣߌ߫ ߢߐ߭ ߟߎ߬ ߘߌ߫߸ ߊ߬ ߣߌ߫ ߊ߬ ߘߎ߰ߘߐ߬ߕߊ ߟߎ߬<<ߣߍߡߊ ߞߏ߬ߣߌ߲ ߓߍߣߊ߬ ߛߋ߫ ߊ߲ ߠߊ߫ ߠߊ߫ ߓߊߟߏߝߋ߲ ߘߏ߫ ߟߎ߫ ߡߊ߬߸ ߏ߬ ߓߍߣߊ߬ ߦߙߌߥߊ߫ ߊ߲ ߓߟߏ߫߸ ߦߏ߫ ߡߊ߬ߟߏ ߣߌ߫ ߟߋ߬ߡߎߣߎ߲ ߣߌ߫ ߞߎ ߟߎ߬، ߊ߬ ߣߌ߫ ߘߏ߫ ߜߘߍ߫ ߟߎ߫߸ ߏ߬ ߟߋ߬ ߦߴߊ߬ ߦߌ߬ߘߊߞߊ߬ ߟߊ߫ ߞߏ߫ ߢߌ߬ߣߊ߲߫ ߛߡߊ߬ ߛߣߍ ߘߌߣߊ߬ ߘߌߦߴߊ߲ ߠߊ߫ ߞߏߛߓߍ߫>>
ߓߌߦߊ߲ ߠߎ߬ ߟߊ߫ ߞߎ߲߬ߠߊ߫߸ ߛߊ߬ߦߊ ߘߌ߯ߕߐ߫ ߞߓߊ߬ߡߊ߬ߝߋ߲ ߏ߬ ߟߎ߫ ߟߋ߬ ߟߊ߫ ߓߊߞߍ߭<<ߊ߲ ߠߊ߫ ߓߌߦߊ߲ ߓߌ߬ߟߊ߬ߕߊ ߟߎ߬ ߛߊ߫߸ ߏ߬ ߟߎ߬ ߝߊ߰ߓߊ߰ߕߐ ߛߌߦߊߡߊ߲ ߓߍߣߊ߬ ߞߍ߫ ߛߌ߬ߛߍ ߟߎ߬ ߣߌ߫ ߓߌ߬ߘߌ߲ ߏ߬ ߟߎ߫ ߟߋ߬ ߘߌ߫߸ ߞߎߡߊ߫ ߟߊߛߎߘߎ߲ߧߊ߫ ߘߐ߫߸ ߞߓߊ߬ߡߊ߬ߝߋ߲ ߠߎ߬߸ ߞߏ߬ߣߌ߲߫߸ ߓߊ߱ ߣߌ߫ ߛߊ߱ ߟߎ߬߸ ߊ߬ ߣߌ߫ ߣߌ߬ߛߌ ߟߎ߬߸ ߏ߬ ߟߎ߫ ߟߋ߬ ߟߊ߫ ߖߘߌ ߛߌߦߊߦߊߕߐ߫߸ ߏ߬ ߟߎ߬ ߟߊ߫ ߘߋ߲ ߛߐߘߐ߲ ߝߊ߲߬ߓߊ ߖߍ߬ߘߍ ߦߋ߫ ߞߍ߫ ߟߊ߫ ߝߌ߬ߟߊ߬ߣߍ߲߬ ߛߐߘߐ߲ ߠߋ߬ ߘߌ߫، ߡߐ߱ ߟߎ߬ ߟߊ߫ ߞߎ߲߬ߠߊ߫߸ ߘߋ߲ߣߍ߲߫ ߓߘߎߓߘߍ ߟߎ߬ ߟߊ߫ ߖߊ߲ߞߊߙߏ ߕߍߣߊ߬ ߝߊ߲߬ߞߊ߫ ߛߐ߬ߘߐ߲߬ ߠߊ߫߸ ߞߊ߬ ߛߋ߫ ߡߐ߰ߓߊ߬ߞߘߐ ߟߎ߬ ߕߊ ߘߐ߫.
ߓߊ߬ߙߌ߫߸ ߖߊ߲߬ߞߊߙߏ ߡߍ߲ ߛߌߦߊߦߊߕߐ ߢߌ߬ߣߊ߲߬ ߓߊߞߍ߭߸ ߏ߬ ߦߋ߫ ߞߣߐߘߐ߫ ߖߊ߲ߞߊߙߏ ߟߋ߬ ߘߌ߫߸ ߏ߬ ߞߣߐߡߊ߬߸ ߓߍ߯ ߦߴߊ߬ ߞߙߐ߬ߛߌ߫ ߊ߬ ߟߊ߫ ߘߊߥߎ߲ߕߊ ߟߎ߬ ߘߐ߫߸ ߓߊߏ߬߸ ߓߊߛߌ߫ ߕߍ߫ ߏ߬ ߟߊ߫߸ ߘߊ߲ߘߊߟߌߟߊ ߟߎ߬ ߝߣߊ߫ ߦߴߊ߬ ߟߐ߲߫ ߞߏ߫ ߞߣߐߘߐ߫ ߖߊ߲ߞߊߙߏ ߟߋ߬ ߥߊߓߊ߯ߕߐ ߛߌߦߊߦߊߕߐ߫ ߊ߬ߟߎ߫ ߡߊ߬ ߢߌ߬ߣߊ߲߬߸ ߞߊ߬ ߕߊ߬ߡߌ߲߫ ߝߊ߬ߘߌ߬ߛߓߏ ߟߊ߫ ߖߊ߲߬ߞߊߙߏ ߞߊ߲߬߸ ߊ߬ ߣߌ߫ ߞߵߊ߬ ߕߊ߬ ߛߊ߲߬ ߁߈ ߡߊ߬ ߞߵߊ߬ ߥߊ߫ ߛߊ߲߬ ߁߀߀ ߦߙߌߞߊ ߏ߬ ߟߎ߬ ߟߊ߫߸ ߏ߬ ߟߎ߬ ߟߋ߬ ߝߣߊ߫ ߟߊ߫ ߖߊ߲߬ߞߊߙߏ ߛߌߦߊߦߊߕߐ߫ ߞߊ߬ ߕߊ߬ߡߌ߲߫ ߘߋ߲ߡߌߛߍ߲ ߕߐ߭ ߟߎ߬ ߕߊ߬ ߞߊ߲߬>> ߒ߬ߓߊ߬߸ ߞߏ߲߬ߓߏ ߞߏߕߍߓߊ߲߫ ߞߊ߬ߡߙߊ߬ ߛߎ߲ߞߎ߲ߟߐ߲ߘߐߦߟߊ ߛߋ߫ ߘߊ߫ ߡߍ߲ ߝߐ߫ ߟߴߊ߲ ߧߋ߫ ߛߊ߲߬ ߦߟߍ߬ߡߊ߲ ߣߌ߲߬ ߞߊ߲߬߸ ߏ߬ ߟߋ߬ ߕߍ߬ߘߍ߫ ߏ߬ߘߌ߫.
ߞߊ߬ ߖߡߊ߬ߣߊ ߘߌߦߊ߫߹
ߞߊ߬ ߕߋ߬ߟߋ ߘߌߦߊ߫߹
ߞߊ߬ ߟߏ߲ ߘߌߦߊ߫߹
ߞߊ߬ ߞߊߙߏ ߘߌߦߊ߫߹
ߞߊ߬ ߛߊ߲߭ ߘߌߦߊ߫ ߊ߲ ߠߊ߫߹
ߟߏ߲ߞߊߛߌߦߊ߫ ߞߡߊ߬ߙߊ߬ ߣߌ߫ ߛߎ߯ߟߊ߲ߘߌ߫ ߛߊ߬ߞߐ߬ ߟߊ߫ ߟߊ߬ߘߍ߬ߟߌ ߟߋ߬
