ߟߊ߬ߛߋ߬ߟߌ߬ ߛߓߍ ߘߏ߫ ߟߋ߬ ߟߊߖߍ߲ߛߍ߲߫ ߘߊ߫ ߟߞߊ߬ߙߊ߲߬ߠߌ߲ ߞߏߕߌ߯ߘߊ ߓߟߏ߫ ߛߊ߲߬ ߞߎ߬ߘߊ߬ ߝߏߟߌ ߘߌ߫߸ ߟߊ߬ߛߓߍ߬ߛߎ߲߬ߧߊ߬ߟߌ ߣߌ߫ ߖߊ߯ߓߘߊ߫ ߘߎ߯ߟߊ ߟߊ߬ߞߊ߬ߙߊ߲߬ߠߌ߲ ߞߏߕߌ߮ ߞߵߊ߬ ߦߌ߬ߘߊ߬ ߞߏ߫ ߥߟߊ߬ߘߊ߬ ߘߌ ߓߍߣߊ߬ ߘߊߡߌ߬ߣߊ߫ ߞߊ߬ߙߊ߲߬ߛߏ ߟߎ߬ ߟߊ߫ ߂߀߂߆ ߓߌ߲ߠߊߥߎߟߋ߲ ߕߟߋ߬ ߅ ߡߊ߬߸ ߈ߙߋ߲߸ ߖߡߊ߬ߣߊ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߞߏߘߐߦߟߍߡߊ߲ߣߍ߲߫ ߓߍߣߊ߬ ߘߏ߲߬ ߞߊ߬ߙߊ߲ ߛߊ߲߬ߥߟߊ ߞߘߐ߫.
ߟߊ߬ߛߓߍ߬ߛߎ߲߬ߧߊ߬ߟߌ ߣߌ߫ ߖߊ߯ߓߘߊ߫ ߘߎ߯ߟߊ ߟߞߊ߬ߙߊ߲߬ߠߌ߲ ߞߏߕߌ߯ߘߊ ߞߊ߬ ߟߊ߬ߛߋ߬ߟߌ ߘߏ߫ ߞߍ߫ ߞߎߣߎ߲߬ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂ ߡߊ߬ ߞߐߣߊߞߙߌ߫߸ ߞߊ߬ ߟߊ߬ߛߋ߬ߟߌ߬ ߞߍ߫ ߞߵߊ߬ ߓߍ߲߬ ߞߊ߬ߙߊ߲ ߘߊߡߌ߬ߣߊ߬ ߞߏ ߡߊ߬߸ ߛߊ߲߬ ߠߊ߬ߓߊ߲ ߢߊ߰ߢߊ߮ ߓߊ߲ߣߍ߲ ߞߐߝߍ߬.
ߊ߬ߟߎ߬ ߟߊ߫ ߛߓߍ ߣߌ߲߬ ߡߍ߲ ߠߊߖߍ߲ߛߍ߲߫ ߘߊ߫ ߞߵߊ߬ ߘߍ߬ߡߍ߲߬ߘߌ߫ ߟߊ߬ߞߟߏ߬ߞߟߏ߬ߟߌ ߘߏ߲߬ߞߏ ߓߍ߯ ߟߊߘߍ߬ߣߍ߲ ߠߊ߫ ߞߐߘߍ߫، ߞߏߕߌ߯ߘߊ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߛߐ߰ ߟߊ߫ ߛߊ߲߬ ߞߎߘߊ ߝߏ߬ߟߌ ߟߋ߬ ߡߊ߬ ߡߎߣߎ߲߬߸ ߞߊ߬ ߞߍ߲ߘߍߦߊ ߣߌ߫ ߤߙߊ ߣߊ߬ߕߊ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߣߌ߫ ߞߊ߬ߙߊ߲߬ߘߋ߲ ߠߎ߬ ߣߌ߫ ߘߋ߲ߓߊߕߌ߮ ߟߎ߬ ߓߍ߯ ߟߊߘߍ߬ߣߍ߲ ߦߋ߫߸ ߊ߬ ߣߴߊ߬ߟߎ߫ ߘߍ߲߬ߒ߬ߞߏ߬ߡߊ߬ߢߐ߲߮ ߠߎ߬ ߓߍ߯ ߖߌ߬ߣߍ߫ ߟߞߊ߬ߙߊ߲߬ߠߌ߲ ߘߊߞߎ߲ ߘߐ߫.
ߞߏߕߌ߯ߘߊ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߟߞߊ߬ߙߊ߲߬ߠߌ߲ ߘߏ߲߬ߞߏ ߟߎ߫ ߝߏ߬ ߟߊ߫߸ ߊ߬ߟߎ߬ ߞߍ ߘߐ߫ ߞߵߊ߬ߟߎ߬ ߟߊ߫ ߞߎߣߎ߲ ߣߴߊ߬ߟߎ߬ ߟߊ߫ <<ߘߎ߰ߘߋ߲߬ ߓߘߍ߬ߦߊ ߣߌ߫ ߖߋ߬ߓߌ߬ߦߊ߬ߟߌ>> ߦߌ߬ߘߊ߬ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߞߊ߲ߕߌ߯ ߢߣߊߕߊߟߌ ߝߍ߬، ߊ߬ߟߎ ߟߊ߫ ߝߐߟߌ߫ ߘߐ߫߸ ߞߵߊ߬ ߓߍ߲߬ ߟߊ߬ߛߋ߬ߟߌ ߣߌ߲߬ ߞߣߐߘߐ ߡߊ߬߸ ߞߏ߫ ߢߣߊߕߊߟߌ ߕߊ߬ߡߌ߲߬ ߘߴߊ߬ ߢߌ߬ߡߊ ߟߊ߫ ߖߡߊ߬ߣߊ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫.
ߏ߬ ߟߋ ߘߐ߫߸ ߞߏߕߌ߯ߘߊ ߞߵߊ߬ ߞߊ߲ߠߊߘߌ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߣߌ߫ ߟߊ߬ߞߟߏ߬ߞߟߏ߬ߟߌ ߓߊ߯ߙߟߊ ߟߎ߫ ߡߊ߬߸ ߞߏ߫ ߓߍ߯ ߟߊߘߍ߬ߣߍ߲ ߦߴߊ߬ ߓߌ߫߸ ߞߊ߬ ߞߊ߬ߙߊ߲ ߘߊߡߌ߬ߣߊ߫ ߞߐ߬ߓߊ߬ߟߏ߲ ߂߀߂߆ ߓߌ߲ߠߊߥߎߟߋ߲ ߕߟߋ߬ ߅ ߡߊ߬߸ ߈ߙߋ߲߸ ߞߊ߬ ߖߌ߬ߣߍ߬ ߟߊ߫ ߕߐ߬ߣߐ ߓߌ߬ߟߊ߬ ߢߍߝߍ߬، ߊ߬ߟߎ߬ ߟߊ߫ ߞߟߌߟߌ ߣߌ߲߬ ߘߏ߲߬ ߟߐ߬ߣߍ߲߫ ߖߡߊ߬ߣߊ ߞߊ߬ߙߊ߲߬ߕߊ ߓߍ߯ ߟߋ߬ ߡߊ߬߸ ߘߎ߲߬ߘߎ߬ߡߊ߬ߕߊ ߟߎ߬ ߣߌ߫ ߞߎ߲߬ߠߊ߬ߛߌ߮ ߕߊ ߟߎ߬߸ ߖߊ߯ߓߘߊ߫ ߘߎ߯ߟߊ ߟߎ߬ ߣߌ߫ ߟߊ߬ߛߓߍ߬ߛߎ߲߬ߧߊ߬ߟߌ.
ߟߊ߬ߓߊ߲ ߘߐ߫߸ ߟߊ߬ߞߟߏ߬ߞߟߏ߬ߟߌ ߞߏߕߌ߯ߘߊ ߞߊ߬ ߕߡߊ߬ߖߌ ߓߐ߫ ߞߊ߬ߙߊ߲߬ߘߋ߲ ߠߎ߬ ߘߐ߫߸ ߟߞߊ߬ߙߊ߲߬ߠߌ߲߬ߠߊ ߟߎ߬ ߘߐ߫߸ ߘߋ߲ߓߊߕߌ߮ ߟߎ߬ ߟߊ߫߸ ߞߏ߫ ߢߊ ߘߌ߫ ߡߊߖߌ߰ ߛߊ߲߭ ߟߞߊ߬ߙߊ߲߬ߠߌ߲ ߢߍߥߟߊ ߝߍ߬߸ ߞߊ߬ ߞߏߘߐߦߟߍߡߊ߲ ߞߍ߫ ߊ߬ ߘߐ߫߸ ߖߐ߲߰ߛߊ߫ ߟߊ߬ߣߐ߮ ߡߍ߲ ߠߎ߬ ߘߏ߲߬ߣߍ߲߫ ߞߊ߬ߙߊ߲ ߘߐ߫ ߥߊ߯ߕߌߣߍ߲ ߣߌ߲߬ ߞߣߐ߫߸ ߏ߬ ߟߎ߬ ߘߌ߫ ߛߋ߫ ߣߐ߬ߘߐߓߌ߬ߟߊ߬ ߟߊ߫ ߢߊ ߡߍ߲ ߡߊ߬.
ߞߏߕߌ߯ߘߊ ߟߊ߫ ߟߊ߬ߛߋ߬ߟߌ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߞߏߕߌ߮ ߖߍ߬ߘߍ ߟߋ߬ ߓߟߏ߫߸ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
