ߓߍ߲߬ߞߊ߲ ߘߏ߫ ߟߋ߬ ߞߟߊ߬ߣߐ߬ߦߊ߬ߣߍ߲߫ ߞߎ߲߬ߠߊ߬ߛߌ߮ ߣߌ߫ ߟߊ߬ߞߟߏ߬ߞߟߏ߬ߟߌ ߕߐ߰ߕߐ߰ߟߌ߬ߟߊ ߟߎ߬ ߣߌ߫ ߢߐ߲߯ ߕߍߍ߫ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߃ ߡߊ߬߸ ߞߊ߬ ߓߍ߲߬ߞߊ߲߫ ߛߐ߬ߘߐ߲߫ ߞߣߐߘߐߘߌߦߊ ߟߎ߬ ߞߊ߲߬߸ ߊ߬ ߣߌ߫ ߓߟߏߢߐ߲߯ߠߛߊߦߌ߲ ߣߌ߫ ߛߊ߬ߙߊ߫ ߕߍ߰ߣߍ߲ ߠߎ߬߸ ߞߵߏ߬ ߟߊ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߟߊ߫ ߜߋ߲߬ߘߐ߬ ߛߌ߯ߞߊ߲ ߞߊ߲߬߸ ߏ߬ ߡߍ߲ ߞߊ߬ ߛߌߟߊ ߟߊߞߊ߬߸ ߞߊ߬ ߓߊ߬ߟߊ߲ ߞߊߘߌ߫߸ ߞߊ߬ ߝߎ߬ߙߎ߲߬ߞߎ߬ߟߌ߬ ߞߏ ߟߊߢߐ߲߬ߞߌ߲߬ ߡߎߣߎ߲߬.
ߞߎ߲߬ߢߐ߲߰ ߦߙߌߞߊ߫ ߡߊ߲߬ߞߊ߲ ߣߌ߫ ߘߊߘߐߖߊߥߏ ߟߎ߬ ߞߐߝߍ߬߸ ߖߌ߬ߣߍ߫ ߞߎ߲߬ߠߊ߬ߛߌ߮ ߣߌ߫ ߕߐ߰ߕߐ߰ߟߌ߬ߟߊ ߟߎ߬ ߓߘߊ߫ ߓߍ߲߬ ߞߋߟߋ߲߫ ߘߐ߫، ߓߍ߲߬ߞߊ߲߬ ߛߓߍ ߘߏ߫ ߓߘߊ߫ ߞߟߊ߬ߣߐ߬ߦߊ߫ ߞߐߣߊߞߙߌ߫ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߃ ߣߌ߲߬ ߡߊ߬߸ ߡߍ߲ ߛߋ߫ ߘߊ߫ ߓߐ߫ ߟߊ߫ ߜߍߟߊ߫ ߊߘߡߊߦߊ ߘߊߘߐߖߊߥߏ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ ߟߊ߫ ߕߍߝߐ߫ ߞߏߢߌߡߊ ߞߏߛߐ߲߬߸ ߞߊ߬ ߘߊ߲߭ߛߌ߰ ߕߍߜߟߍߦߊ߫ ߟߊ߫߸ ߡߍ߲ ߖߎ߭ߛߌ߰ ߘߊ߫ ߞߊ߬ߦߌ߯ ߘߟߊߞߊ ߝߍ߬.
ߘߐ߬ߛߙߋ ߣߌ߲߬ ߞߣߐ߫߸ ߏ߬ ߡߍ߲ ߞߊ߬ߙߊ߲߬ ߘߊ߫ ߛߌߟߊߓߐߛߐ߯ߣߊ߫ ߓߟߏ߫߸ ߖߌ߬ߣߍ߫ ߞߎ߲߬ߠߊ߬ߛߌ߮ ߣߌ߫ ߕߐ߰ߕߐ߰ߟߌ߬ߟߊ ߟߎ߫ ߓߍ߲߬ ߘߊ߫ ߞߋߟߋ߲߫ ߡߊ߬، ߕߐ߰ߟߌ߬ߘߊ ߏ߬ ߟߎ߬ ߡߍ߲ ߦߋ߫ ߟߊ߬ߞߟߏ߬ߞߟߏ߬ߟߌ ߕߐ߰ߕߐ߰ߟߌ߬ߘߊ߬ ߓߊ߯ߙߊߟߞߊ ߟߎ߬ ߟߊ߫ ߞߙߎߝߊ (FSPE) ߊ߬ ߣߌ߫ ߖߌ߬ߣߍ߫ ߕߌߙߌ߲ߠߌ߲ߠߊ ߟߎ߬ ߣߴߊ߬ ߟߞߊ߬ߙߊ߲߬ߠߌ߲߬ߠߊ ߟߎ߬ ߟߊ߫ ߕߐ߰ߕߐ߰ߟߌ߬ߘߊ߬ ߟߊߓߌ߬ߟߊ߬ߣߍ߲ (SLECG)، ߊ߬ ߣߌ߫ ߝߊ߬ߛߏ ߟߊ߬ߞߟߏ߬ߞߟߏ߬ߟߌ ߕߐ߰ߕߐ߰ߟߌ߬ߘߊ (SNE)، ߊ߬ߟߎ߬ ߟߊ߫ ߘߊߘߐߖߊߥߏ ߣߌ߲߬ ߘߊߡߌ߬ߣߊ߬ ߘߊ߫ ߞߊ߬ߦߌ߯ ߂߀߂߅ ߣߍߣߍߓߊ ߕߟߋ߬ ߁߇ ߟߋ߬ ߡߊ߬߸ ߞߵߊ߬ ߛߌ߰ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߃ ߟߊ߫߸ ߞߵߊ߬ ߓߍ߲߬ ߞߏߕߌ߯ ߝߟߐ ߟߊ߫ ߞߎߡߊ߫ ߝߐߣߍ߲ ߠߎ߬ ߡߊ߬.
ߊ߬ߟߎ߬ ߟߊ߫ ߓߍ߲߬ߞߊ߲ ߞߟߏ߫ ߞߎ߲ߓߊ ߟߎ߬ ߘߐ߫߸ ߕߊ߬ߛߙߊ߬ߟߊ߬ ߞߏ ߣߌ߫ ߡߊ߬ߞߍ߬ ߦߙߐ߬ ߞߏ ߓߟߏߢߐ߲߯ߠߛߊߦߌ߲ ߠߎ߬ ߢߊߞߎߘߦߊߟߌ߸ ߡߐ߰ ߟߎ߬ ߟߊ߫ ߞߎ߲߬ߠߊ߫߸ ߡߍ߲ ߠߎ߬ ߦߋ߫ ߟߞߊ߬ߙߊ߲߬ߠߌ߲ ߠߊ߫ ߖߊ߯ߓߘߊ߫ ߘߎ߯ߟߊ ߟߎ߬ ߣߌ߫ ߛߋߒߞߏߟߦߊ ߟߞߊ߬ߙߊ߲߬ߠߌ߲߬ ߘߊߞߎ߲ ߠߎ߬ ߘߐ߫، ߊ߬ߟߎ߫ ߞߊ߬ ߡߊ߬ߞߍ߬ ߦߙߐ߬ ߞߏ ߓߟߏߢߐ߲߯ߠߛߊߦߌ߲ ߞߍ߫ ߖߌ߬ߣߍ߬ ߕߊߡߊ߲ ߂߅߀ ߀߀߀ ߟߋ߬ ߘߌ߫، ߞߊ߬ ߕߊ߬ߛߙߊ߬ߟߊ ߞߍ߫ ߖߌ߬ߣߍ߬ ߕߊߡߊ߲ ߂߀߀ ߀߀߀ ߘߌ߫߸ ߡߍ߲ ߦߋ߫ ߛߙߊ߬ ߟߊ߫ ߥߊ߯ߕߌ߫ ߣߌ߫ ߥߊ߯ߕߌ߫، ߏ߬ ߛߙߊ߬ ߝߟߐ ߓߍߣߊ߬ ߘߌ߫ ߂߀߂߆ ߘߓߊ߬ߕߊ ߟߊߓߊ߲ ߠߊ߫ (߁߅߀ ߀߀߀ ߡߊ߬ߞߍ߬ ߦߙߐ߬ ߞߏ ߘߊߞߎ߲ ߘߐ߫߸ ߊ߬ ߣߌ߫ ߁߀߀ ߀߀߀ ߕߊ߬ߛߙߊ߬ߟߊ߬ ߞߏ ߘߊߞߎ߲ ߘߐ߫)، ߏ߬ ߞߐߝߍ߬߸ ߂߀߂߆ ߕߎߟߊߝߌ߲ ߟߊߓߊ߲ ߠߊ߫߸ ߊ߬ ߘߝߊ ߘߌ߫ ߛߙߊ߬.
ߓߍ߲߬ߞߊ߲߬ ߛߓߍ ߣߌ߲߬ ߦߴߊ߬ ߝߐ߫ ߟߊ߫ ߝߣߊ߫߸ ߞߏ߫ ߞߐ߲ߘߐ߲߫ ߡߞߊߝߏ ߘߌ߫ ߞߍ߫ ߝߋߝߋ߫، ߞߊߙߏ ߓߟߏߘߐߓߍ߲߫ ߞߐ߲ߘߐ߲ ߓߘߊ߫ ߓߐ߫ ߖߌ߬ߣߍ߬ ߕߊߡߊ߲ ߁߀߀ ߀߀߀ ߘߐ߫߸ ߞߊ߬ ߞߍ߫ ߖߌ߬ߣߍ߬ ߕߊߡߊ߲ ߅߀߀ ߀߀߀ ߘߌ߫، ߏ߬ ߦߋ߫ ߕߐ߰ߕߐ߰ߟߌ߬ߘߊ ߟߊ߫ ߡߞߊ߬ߛߟߌ߬ ߞߊ߲ ߘߏ߫ ߟߋ߬ ߘߌ߫.
ߊ߬ߟߎ߬ ߟߊ߫ ߞߎߡߊ߫ ߘߊ߫ ߞߏ߫ ߕߣߐ߬ߡߊ߬ ߜߘߍ߫ ߝߣߊ߫ ߞߊ߲߬߸ ߛߊ߬ߙߊ ߡߍ߲ ߠߎ߬ ߟߢߊߙߊ߲ߣߍ߲߫߸ ߏ߬ ߟߎ߬ ߟߊߛߊ߬ߦߌ߲߬ ߞߏ ߝߐ߫ ߘߊ߫، ߓߊߏ߬߸ ߂߀߂߅ ߞߊ߬ߙߌ߬ߝߐ ߣߌ߫ ߘߓߊ߬ߓߌߟߊ ߕߎ߲߬ ߡߊ߫ ߛߙߊ߬ ߡߎߣߎ߲߬߸ ߞߵߏ߬ ߡߎ߰ߡߍ ߘߌ߫، ߊ߬ ߣߌ߫ ߟߞߊ߬ߙߊ߲߬ߠߌ߲߬ߠߊ ߡߍ߲ ߠߎ߬ ߟߊ߫ ߛߙߊ߬ ߞߏ ߟߢߊߙߊ߲ߣߍ߲߫ ߞߵߊ߬ ߕߊ߬ ߂߀߂߃ ߡߊ߬ ߤߊ߲߯ ߕߋ߲߬߸ ߞߊ߬ ߓߊ߬ߟߊ߲ ߓߐ߫ ߏ߬ ߟߎ߫ ߛߋ߲߬ߘߐ߫. ߏ߬ ߟߋ ߘߐ߫߸ ߊ߬ߟߎ߫ ߞߊ߬ ߥߛߊ߬ߓߊ߰ߦߊ߫ ߝߊ߲߬ߝߌ߬ߟߊ߬ߡߊ ߘߏ߫ ߛߌ߰߸ ߞߎ߲߬ߠߊ߬ߛߌ߮ ߟߊ߫ ߡߐ߱ ߟߎ߬ ߣߌ߫ ߕߐ߰ߕߐ߰ߟߌ߬ߟߊ ߟߎ߬ ߟߊ߫ ߡߐ߱ ߟߎ߬ ߓߌ߬ߟߊ߬ߕߐ߫ ߡߍ߲ ߘߐ߫߸ ߏ߬ ߟߎ߬ ߦߴߊ߬ߟߎ߬ ߢߊ ߡߊߖߌ߰ ߘߐ߬ߛߙߋ ߞߘߐ߫߸ ߞߊ߬ ߓߊ߲߫ ߞߊ߬ ߓߊ߬ߟߊ߲ ߠߊߥߟߌ߬߸ ߏ߬ ߡߍ߲ ߦߋ߫ ߘߊ߫ ߞߏ߫ ߕߣߐ߬ߡߊ߬ ߘߌ߫߸ ߏ߬ ߖߊ߲߰ߧߊ߬ߣߍ߲߬ߓߊ ߟߋ߬ ߂߀߂߆ ߓߌ߲ߠߊߥߎߟߋ߲ ߠߊߓߊ߲ ߘߌ߫.
ߊ߬ߟߎ߬ ߟߊ߫ ߘߐ߬ߛߙߋ ߣߌ߲߬ ߞߣߐ߫߸ ߞߎߡߊ߫ ߞߍߣߍ߲߫ ߠߋ߬ ߟߞߊ߬ߙߊ߲߬ߠߌ߲߬ߠߊ߫ ߟߎ߫ ߟߊ߫ ߞߏ ߞߊ߲߬߸ ߡߍ߲ ߠߎ߬ ߦߋ߫ ߛߊߛߋ ߞߎ߲߬ߞߘߐ߫߸ ߊ߬ ߕߌ߯ߕߌ߯ ߞߐߣߊߞߙߌ߫ ߕߊ ߟߎ߬، ߊ߬ ߣߌ߫ ߝߣߊ߫߸ ߟߞߊ߬ߙߊ߲߬ߠߌ߲߬ߠߊ ߡߍ߲ ߠߎ߬ ߛߎߘߊ߲߫ ߘߊ߫ ߓߊ߯ߙߊ ߞߘߐߓߐߟߌ ߘߐ߫߸ ߏ߬ ߟߎ߬ ߘߌ߫ ߓߌ߬ߟߴߊ߬ߟߎ߫ ߓߌ߬ߟߊ߬ ߦߙߐ ߟߎ߬ ߘߐ߫، ߞߎ߲߬ߠߊ߬ߛߌ߮ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߘߴߊ߬ߟߎ߫ ߟߐ߬ ߏ߬ ߘߏ߬ߣߌ߲ ߠߊ߫߸ ߞߵߊ߬ ߕߊ߬ ߂߀߂߆ ߓߌ߲ߠߊߥߎߟߋ߲ ߣߌ߲߬ ߡߊ߬ ߌߞߘߐ߫߸ ߝߊ߲ߞߊ߲ ߕߡߍ߲ ߠߎ߬ ߟߊߓߐߣߍ߲߫߸ ߏ߬ ߟߞߊ߬ߙߊ߲߬ߠߌ߲߬ߠߊ ߟߎ߬ ߟߐ߬ߘߎ߮ ߘߌ߫ ߘߴߊ߬ߟߎ߫ ߡߊ߬ ߞߵߊ߬ߟߎ߬ ߟߊߢߊ߬ ߞߏߞߎߘߊ߫ ߞߵߊ߬ ߕߊ߬ ߂߀߁߇ ߡߊ߬.
ߛߌ߲߬ߝߏ߲߬ߘߊ ߟߎ߬ ߟߊ߫ ߞߎߎ߲߬ߠߊ߫߸ ߊ߬ ߦߌ߬ߘߊ߬ ߘߊ߫ ߞߏ߫ ߊ߬ߟߎ߬ ߘߴߊ߬ߟߎ߬ ߢߊ ߡߊߖߌ߰ ߟߞߊ߬ߙߊ߲߬ߠߌ߲߬ߠߊ ߟߎ߬ ߟߊ߫ ߜߋ߲߬ߘߐ߬ ߛߌ߯ߞߊ߲ ߞߘߐ߫ ߞߵߊ߬ ߡߊߛߊ߬ߦߌ߲߬߸ ߏ߬ ߓߊ߯ߙߊ ߘߌ߫ ߘߊߡߌ߬ߣߊ߬ ߂߀߂߆ ߞߏ߲ߞߏߜߍ ߟߊ߫߸ ߏ߬ ߞߍߕߐ߫ ߝߊ߲߭ ߝߌ߬ߟߊ ߟߊ߫ ߛߋߒߞߏߟߊ߫ ߥߛߊߓߊ߯ߦߊ ߟߋ߬ ߓߟߏ߫، ߓߍ߲߬ߞߊ߲ ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߝߣߊ߫߸ ߞߏ߫ ߞߐ߲ߘߐ߲߫ ߞߏ ߣߌ߫ ߓߟߏߢߐ߲߯ߠߛߊߦߌ߲߫ ߞߏ ߡߍ߲ ߝߐߣߍ߲߫߸ ߐ߬ ߟߐ߬ߣߍ߲߫ ߟߞߊ߬ߙߊ߲߬ߠߌ߲߬ߠߊ߫ ߟߎ߫ ߟߋ߬ ߡߊ߬߸ ߡߍ߲ ߠߎ߬ ߦߋ߫ ߖߊ߯ߓߘߊ߫ ߘߎ߯ߟߊ ߟߎ߬ ߟߊ߫߸ ߛߋߒߞߏߟߦߊ ߟߞߊ߬ߙߊ߲߬ߠߌ߲߬ߘߊ ߟߎ߬ ߟߊ߫߸ ߊ߬ ߣߌ߫ ߓߊ߯ߙߊ߫ ߟߊߞߐ߯ߟߌߘߊ ߟߎ߬.
ߘߐ߬ߛߙߋ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߞߎ߲߬ߠߊ߬ߛߌ߮ ߞߐߦߌߘߊߓߊ߮ ߓߟߏ߫߸ ߊ߬ ߣߌ߫ ߕߐ߰ߕߐ߰ߟߌ߬ߟߊ ߟߎ߬ ߣߌ߫ ߕߍߝߐߟߊ ߟߎ߬، ߓߍ߲߬ߞߊ߲߬ ߛߓߍ ߣߌ߲߬ ߓߘߊ߫ ߣߊ߬ ߖߐ ߟߋ߬ ߘߌ߫ ߏ߬ ߘߌ߫߸ ߞߊ߬ ߝߊ߲߬ߞߊ߬ ߘߌ߫ ߘߊߘߐߖߊߥߏ ߡߊ߬، ߏ߬ ߘߐ߫߸ ߣߌ߲߬ ߓߘߊ߫ ߞߍ߫ ߛߋ߲߬ߕߊ߬ߓߊ߫ ߘߌ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߟߊ߫ ߞߎ߲߬ߠߊ߫߸ ߡߊ߲߬ߞ߲ߊ ߕߘߍ߬ ߦߙߐ ߡߍ߲ ߠߎ߬ ߘߐ߫߸ ߏ߬ ߟߎ߬ ߓߍ߯ ߘߐߛߎߡߊ߫ ߞߊ߲ ߠߋ߬ ߝߐߣߍ߲߫ ߣߌ߲߬ ߛߊ߫.
