ߖߌ߬ߣߍ߬ :ߟߊ߬ߞߊ߬ߙߊ߲߬ߠߌ߲߫ ߛߊ߲ߘߐߕߊ ߞߏߕߌ߮ ߓߘߊ߫ ߞߊ߬ߙߊ߲߬ߝߊ߬ ߤߏߞߌ߫ ߓߟߏߡߊߞߊ߬ߣߍ߲߬  ߝߌ߬ߟߊ߬ ߟߊߛߣߍ߫ ߞߊ߬ ߓߐ߫ ߓߙߎߞߌߣߊ߫ ߝߊ߬ߛߏ߬

ߞߏߕߌ߮: ߡߊ߬ߓߎ߲߬ߧߊ߬ߕߊ ߊߟߌߝߊ߫ ߓߊߞߊ߬ߙߌ߫ ߓߊ߬ߙߌ߫ ߥߟߊ߫ ߞߊ߬ߙߊ߲ ߛߊ߲ߘߐߕߊ ߞߏߕߌ߮ ߟߋ߬ ߣߐ߬ ߓߙߎߞߌߣߊ߫ ߝߊ߬ߛߏ߫ ߞߊ߬ߙߊ߲߬ߝߊ߬ ߞߟߏߞߕߏ߫ ߝߌ߬ߟߊ߬ ߟߊߛߣߍ߫ ߟߊ߫، ߛߴߊ߬ߟߎ߬ ߘߌ߫ ߞߊ߬ߙߊ߲߬ߠߌ߲ ߞߍ߫ ߟߊ߲߬ߛߣߊ߬ ߞߐ߲ߕߍ߬ ߛߏ߲߬ߝߏ߲߬ߣߌߦߊ߫ ߖߊ߯ߓߘߊ ߛߊ߬ߙߌ߬ߦߊ߬ߟߐ߲߬ߘߐ߬ߦߊ ߓߏߟߏ߲ ߠߊ߫.

ߟߊ߬ߛߣߍ߬ߟߌ߬ ߡߙߌߘߐ ߣߌ߲߬ ߦߋ߫ ߝߊ߬ߛߏ߬ߟߊ߬ߞߊ ߢߍߥߟߊ ߘߏ߫ ߟߋ߬ ߘߐ߫ ߸ ߏ߬ ߡߍ߲ ߟߊ߬ߢߌߣߌ߲ ߦߋ߫  ߞߊ߬ߙߊ߲߬ߝߊ߬ ߃߀߀ ߟߎ߬ ߟߊߛߣߍ߫ ߘߌ߫ ߖߌ߬ߣߍ߬ ߞߣߐ߫ ،ߡߍ߲ ߠߎ߬ ߓߍ߯ ߦߋ߫ ߞߏ߲߬ߓߏ߬ߕߌ߰ߦߊ (PhD) ߟߊ߫߸ ߛߊ߫ ߞߊ߬ ߖߌ߬ߣߍ߫ ߞߊ߬ߙߊ߲ ߛߊ߲ߘߐߕߊ ߛߎ߯ߦߊ ߟߊߢߊ߬߸ ߞߵߊ߬ ߓߌ߬ߟߊ߬ ߝߊ߬ߘߌ߬ ߞߎߘߊ߫ ߘߐ߫.

ߞߊ߬ߙߊ߲߬ߝߊ߫ ߝߌ߬ߟߊ ߢߌ߲߬ ߠߎ߬ ߓߍߣߊ߬ ߞߏ߲߬ߓߏ߬ ߞߊߙߊ߲ߘߋ߲ ߠߎ߬ ߟߊߓߌ߬ߟߊ߬ ߟߋ߬ ߞߵߊ߬ߟߎ߬߫ ߞߊ߬ߙߊ߲߬߸ ߞߊ߬ ߟߐ߲ߞߏߕߌ߯ߦߊ ߕߌߙߌ߲ߠߌ߲ ߠߎ߬ ߟߊߥߙߊ߬ ߞߵߊ߬ߟߎ߫ ߝߊ߲߬ߞߊߘߏ߲߬ ߸ ߊ߬ ߣߌ߫ ߞߊ߬ ߛߊ߬ߙߌ߬ߦߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏ߲߬ߓߏ߬ߦߊ ߞߊ߬ߙߊ߲߬ߕߊ ߛߋߞߏߦߊ ߡߊߞߊ߬ߝߏ߬.

ߊ߬ߟߎ߬ ߟߊ߫ ߣߊ߬ߟߌ ߘߊ߲߬ ߕߍ߫ ߏ߬ ߘߐߙߐ߲߫ ߘߌ߫ ߘߋ߬ ߸
ߊ߬ߟߎ߬ ߓߍߣߵߊ߬ߟߎ߬ ߘߐߓߍ߲߬ ߞߊ߬ ߞߊ߬ߡߍߛ (CAMES) ߛߙߍߘߍߦߊߟߌ ߘߐߓߍ߲ߠߌ߲߫ ߕߊ߲ߓߊ߲ ߓߊ߯ߙߊ ߘߏ߫ ߜߙߋ߬ߡߊߕߍ߰ ߸ ߏ߬ ߡߍ߲ ߣߊ߬ߕߐ߫ ߖߌ߬ߣߍ߬ ߞߍ߫ ߟߊ߫ ߖߊ߯ߓߘߊ߫ ߞߊߙߊ߲ ߕߊ߲ߓߊ߲߫ ߓߟߋߓߟߋ ߘߏ߫ ߘߌ߫ ߊߝߙߌߞߌ߬ ߕߟߋ߬ߓߋ ߘߐ߫.

ߟߊ߬ߞߊ߬ߙߊ߲߬ߠߌ߲߫ ߛߊ߲ߘߐߕߊ ߞߏߕߌ߮، ߊߟߌߝߊ߫ ߓߊߞߊ߬ߙߌ߫ ߓߊ߬ߙߌ߫ ߞߵߊ߬ ߦߌ߬ߘߊ߬ ߞߏ߫ << ߢߍߥߟߊ ߣߌ߲߬ ߦߴߊ߬ ߕߊ߫ ߘߊ߬ߟߎ߬ ߖߐ߲ߖߐ߲߫ ߠߋ߬ ߘߌ߫،ߞߏ߫ ߖߌ߬ߣߍ߫ ߦߋ߫ ߊߝߙߌߞߌ߬ ߟߐ߲ߠߌ߲ߠߊ ߞߟߏߞߕߏ ߟߎ߫ ߟߋ߬ ߡߊߞߟߌ߫ ߞߊ߲߬ ߸ ߖߐ߲߰ߛߊ߫ ߞߵߊ߬ ߟߊ߫ ߟߊ߬ߞߊ߬ߙߊ߲߬ߠߌ߲߫ ߞߊ߲ߞߋ ߟߊߘߊ߲߫ >>
ߞߏߕߌ߮ ߟߊ߫ ߝߐߟߌ߫ ߞߵߏ߬ ߟߋ߬ ߟߊߛߙߋߦߊ߫.


ߞߊ߲ߓߍ߲ ߞߊ߲ߕߌ߮߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߖߍ߬ߘߍ ߦߋ߫ ߞߊ߬ߙߊ߲߬ ߞߏ ߡߊ߬ߘߍ߬ߡߍ߲߬ߠߌ߲߬ ߓߟߋߓߟߋ ߣߌ߲߬ ߞߐߞߘߐߓߌ߲ߓߌ߲߫ ߠߊ߫ ߞߏߛߓߍ߫ ߸ ߓߊߏ߬ ߏ߬ ߦߋ߫ ߓߟߏߡߌߘߊ߫ ߞߟߊ ߓߊߖߎߟߞߊ ߘߏ߫ ߟߋ߬ ߘߌ߫ ߖߡߊ߬ߣߊ ߟߊߥߙߎߞߌ߫ ߞߏ ߡߊ߬ߘߎ߮ ߘߐ߫.

ߝߊߦߌߘߊ߫ ߡߐ߰ ߘߴߊ߬ ߝߐ߫ ߛߍߣߍ߲߬ ߞߏ߫
ߖߌ߬ߣߍ߫ ߦߴߊ߬ ߟߊ߫ ߖߊ߯ߓߘߊ ߟߎ߬ ߝߊ߲߬ߞߊߘߏ߲߬ ߞߊ߲߬߸ ߞߵߏ߬ ߛߊߓߎ ߞߍ߫ ߊߝߙߌߞߌ߬ ߞߊ߬ߙߊ߲߬ߝߊ߬ ߞߟߏߞߕߏ ߓߟߏߡߊߞߊ߬ߣߍ߲߬ ߠߎ߬ ߟߊߛߣߍߟߌ ߘߌ߫ ߖߌ߬ߣߍ߬ ߞߣߐ߫ ߸ ߛߊ߫ ߞߊ߬ ߟߊ߬ߞߊ߬ߙߊ߲߬ߠߌ߲ ߣߌ߫ ߕߌߙߌ߲ߠߌ߲ ߠߊߢߊ߬߸ ߊ߬ ߣߌ߫ ߞߊ߬ ߛߌߣߌ߲߫ ߡߊ߬ߞߟߐ ߟߎ߬ ߟߊߞߐ߯.

ߊ߲ ߣߐ߬ ߟߌ߬ߤߟߊ ߣߌ߲߬ ߡߊߛߐ߬ߘߐ߲߬ ߠߊ߫ ߞߊ߬ ߝߘߊ߫ ߞߊ߬ߙߊ߲ ߛߊ߲ߘߐߕߊ߸ ߟߐ߲ߞߏߕߌ߯ߦߊ ߕߌߙߌ߲ߠߌ߲ ߊ߬ ߣߌ߫ ߞߎ߲ߝߊ߲ߓߐߟߌ ߞߏߕߌ߯ߘߊ ߟߋ߬ ߟߊ߫.

ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫ ߞߌ߲ߘߌߦߊ߫