ߖߌ߬ߣߍ߬ ߖߊ߯ߓߘߊ : ߖߌ߬ߣߍ߬ ߞߊ߲ߓߍ߲ ߣߌ߫ ߓߙߌߕߊ߲ߓߊ߫ ߡߊ߲߬ߛߊ߬ߟߊ ߟߎ߬ ߦߴߊ߬ ߝߍ߬ ߞߊ߬ ߓߊ߯ߙߊߢߐ߲߯ߦߊ ߘߏ߫ ߓߌ߬ߟߊ߬ ߛߋ߲߬ߠߊ߫ ߞߋߟߋ߲߫ ߘߌ߫߸ߞߵߊ߬ ߓߍ߲߬ ߟߊ߬ߞߊ߬ߙߊ߲߬ߠߌ߲߫ ߛߊ߲ߘߐߕߊ߸ ߟߐ߲ߞߏߕߌ߯ߦߊ ߕߌߙߌ߲ߠߌ߲ ߊ߬ ߣߌ߫ ߞߎ߲ߝߊ߲ߓߐߟߌ ߡߊ߬ߝߊ߲ ߝߍ߬

ߓߌ߬ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂߀ ߣߌ߲߬ ߡߊ߬߸ߖߌ߬ߣߍ߫ ߟߊ߬ߞߊ߬ߙߊ߲߬ߠߌ߲߫ ߛߊ߲ߘߐߕߊ ߞߏߕߌ߮߸ ߊߟߑߝߊ߫ ߓߞߊ߬ߙߌ߫ ߓߊߙߌ߫߸ߏ߬ ߟߋ߬ ߣߌ߫ ߓߙߌߕߊ߲ߓߊ߫ ߟߊ߬ߛߌ߰ߘߋ߲߬ ߞߎߘߊ،ߘߊߣߌߦߍߟ ߛ߭ߋߝߍߙߘ ߣߐ߬ ߢߐ߲߯ߦߋ ߞߍ߫ ߟߊ߫ ߖߌ߬ߣߍ߬ ߞߣߐ߫ ߞߵߊ߬ ߓߍ߲߬
ߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ ߘߏ߫ ߡߊ߬ .

ߊ߬ߟߎ߬ ߟߊ߫ ߢߐ߲߯ߦߋ ߣߌ߲߬ ߞߎ߲߭ ߕߘߍ߬ ߕߍ߫ ߘߏ߫ ߜߘߍ߫ ߘߌ߫ ߸ߝߏ߫ ߞߊ߬ ߛߋ߫ ߖߌ߬ߣߍ߬ ߖߊ߯ߓߘߊ ߟߎ߬ ߛߌ߰ߝߊߘߌ ߟߊߞߎߘߦߊ߫ ߟߊ߫ ߞߵߊ߬ ߟߊߛߓߊ߬ߕߌ߫ ߓߘߍߞߍ߬ ߸ߞߵߊ߬ߟߎ߬ ߘߟߊߞߊ߬ ߞߵߊ߬ߟߎ߫ ߓߌ߬ߟߊ߬ ߘߎߢߊ߫ ߓߍ߯ ߢߍ߫.
ߣߌ߲߬ ߦߋ߫ ߡߙߌߦߊ߫ ߢߊ߬ߕߣߐ߬ߡߊ߬ߓߊ ߟߋ߬ ߘߌ߫ ߞߊ߬ ߛߏ߲߬ߝߏ߲߬ߣߌߦߊ߫ ߖߊ߯ߓߘߊ ߊ߲߬ߜ߭ߌ߬ߟߍ߬ߞߊ߲ ߞߊ߬ߙߊ߲ ߕߊ߲ߓߊ߲ ߟߊߞߎߘߦߊ߫ ߸ߖߐ߲߰ߛߊ߫ ߞߊ߬ ߛߋ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߞߊ߬ߙߊ߲߬ ߠߊ߫ ߊ߲߬ߜ߭ߌ߬ߟߍ߬ߞߊ߲ ߠߴߊ߬ ߢߌ߬ߡߊ ߟߊ߫.


ߟߊ߬ߞߊ߬ߙߊ߲߬ߠߌ߲߫ ߛߊ߲ߘߐߕߊ ߞߏߕߌ߮߸ ߊߟߑߝߊ߫ ߓߞߊ߬ߙߌ߫ ߓߊߙߌ߫ ߞߵߊ߬ ߦߌ߬ߘߊ߬ ߞߏ߫<<  ߊ߲߬ߜ߭ߌ߬ߟߍ߬ߞߊ߲ ߕߐ߬ߣߐ ߞߊ߫ ߓߏ߲߬ ߓߊߟߋ߬߸ߊ߬ ߦߋ߫ ߛߋ߫ ߟߊ߫ ߞߊ߬ߙߊ߲߬ߠߊߘߋ߲ ߠߎ߬ ߘߍ߬ߡߍ߲߬ ߠߊ߫ ߞߊ߬ ߟߐ߲ߞߏ ߞߎ߲߬ߠߊ߬ߝߎߟߋ߲ ߠߎ߬ ߛߐ߬ߘߐ߲߫ ߣߐ߰ߦߴߊ߬ߟߎ߫ ߡߊ߬ ߸ ߊ߬ ߣߴߊ߬ ߦߋ߫  ߓߊ߯ߙߊ߫ ߢߌߣߌ߲߫ ߛߌߟߊ ߟߎ߬ ߓߍ߲߬ߒ߬ߛߋ߲߬ߡߊ߬ ߢߌߡߊ ߟߋ߬ ߘߌ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߢߍ>>

ߟߊ߬ߞߊ߬ߙߊ߲߬ߠߌ߲߫ ߛߊ߲ߘߐߕߊ ߞߏߕߌ߮ ߡߊ߫ ߘߊ߲߬ ߏ߬ ߟߎ߬ ߘߐߙߐ߲߫ ߡߊ߬ ߘߋ߬: << ߊ߬ ߞߊ߬ ߊ߲߬ߜ߭ߌ߬ߟߍ߬ߞߊ߲߬ ߞߊߙߊ߲ ߕߊ߲ߓߊ߲ ߓߟߏߡߊߞߊ߬ߣߍ߲ ߘߏ߫ ߟߊߘߊ߲߫ ߞߏ ߝߐ߫ ߖߌ߬ߣߍ߬ ߞߣߐ߫߸ߊ߬ ߣߌ߫ ߞߊ߬ ߛߋ߫ ߖߌ߬ߣߍ߬ ߣߌ߫ ߓߙߌߕߊ߲ߓߊ߫ ߖߊ߯ߓߘߊ ߟߎ߬ ߟߊ߫ ߕߍߓߊ߯ߦߊ ߝߊ߲߬ߞߊߘߏ߲߬ ߠߴߊ߬ ߢߌ߬ߡߊ ߟߊ߫߸ߖߐ߲߰ߛߊ߫ ߞߊ߬ ߛߋ߫ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߟߊߞߐ߯ ߟߊ߫߸ߊ߬ ߣߌ߫  ߞߊ߬ ߛߋ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߘߍ߬ߡߍ߲߬ ߠߴߊ߬ߟߎ߬ ߟߊ߫ ߞߊ߬ߙߊ߲߬ ߞߏ ߡߊ߬ߘߎ߮ ߘߐ߫ ߤߊߟߌ߬ ߓߙߌߕߊ߲ߓߊ߫ ߡߊ߲߬ߛߊ߬ߟߊ ߖߍ߬ߘߍ ߞߣߐ߫.

ߞߎߡߊ߫ ߞߎ߲߬ߘߏ߲ ߘߐ߫ ߛߊ߫ : ߖߌ߬ߣߍ߬ ߞߊ߲ߓߍ߲ ߣߌ߫ ߓߙߌߕߊ߲ߓߊ߫ ߡߊ߲߬ߛߊ߬ߟߊ ߟߎ߬ ߦߴߊ߬ ߝߍ߬ ߟߋ߬ ߞߊ߬ ߖߊ߯ߓߘߊ ߛߌ߰ߝߊߘߌ ߟߎ߬ ߟߊߛߓߊ߬ߕߌ߬ ߸ߖߐ߲߰ߛߊ߫ ߞߊ߬ ߛߋ߫ ߊ߲߬ߜ߭ߌ߬ߟߍ߬ߞߊ߲ ߞߊ߬ߙߊ߲߬ ߠߊ߫ ߸ ߊ߬ ߣߌ߫ ߞߊ߬ ߓߍ߲߬ߒ߬ߛߋ߲߬ߡߊ߬ ߛߘߍߡߊ߲߫ ߘߌ߫ ߖߌ߬ߣߍ߫ ߞߊ߬ߙߊ߲߬ߠߊ߬ߘߋ߲߫ ߊ߲߬ߜ߭ߌ߬ߟߍ߬ߞߊ߲߬ ߞߊ߬ߙߊ߲߬ߠߊ ߟߎ߬ ߡߊ߬.

ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫ ߞߌ߲ߘߌߦߊ߫