ߡߊ߬ߛߎ߬ߓߊ ߘߏ߫߫ ߟߋ߬ ߥߟߌ߬ߣߍ߲߫ ߟߎ ߘߏ߫ ߞߣߐ߫ ߞߎ߬ߡߊ߰ߣߊ߫ ߓߌ߬ ߞߐ߬ߟߏ߲ ߣߌ߲߬ ߖߍ߲ߓߎߙߍ߲ ߝߍ߬߸ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂߀߸ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߗߍ߭ ߘߏ߫ ߓߐ߬ߣߐ߫ ߊ߬ ߣߌ ߘߐ߫߸ ߞߵߊ߬ ߝߘߎ߫ ߡߛߏ ߡߊߘߌߡߌ߲߫ ߞߏߖߎ߯ߦߊ ߞߍ߫، ߣߌ߲߬ ߞߏ ߞߍ߫ ߘߊ߫ ߘߟߊ߬ߖߊ ߖߍ߬ߘߍߖߍ߬ߘߍ ߟߋ߬ ߘߌ߫ ߓߌ߬߸ ߡߍ߲ ߓߘߊ߫ ߕߊ߬ߡߌ߲߫ ߖߐ߬ߘߐ ߟߊߥߙߊ߬ ߟߊ߫ ߞߵߊ߬ ߓߍ߲߬ ߡߊ߬ߙߌ߬ߝߊ ߟߊ߫ ߖߌ߰ߣߌ߬ߦߟߍ ߡߊ߬ ߣߊ߲߬ߒ߬ߕߊ߲ ߠߎ߬ ߓߟߏ߫߸ ߊ߬ ߣߌ߫ ߟߎ߫ ߞߣߐ߫ ߥߊߥߎߟߋ ߟߎ߬ ߞߐߝߟߌ.
ߞߎ߬ߡߊ߰ߣߊ߬ ߦߋ߫ ߞߎߘߍ߫ ߡߎ߬ߥߊ߲߬ ߣߌ߫ ߞߐ߫ ߟߋ߬ ߟߊ߫ ߞߙߎ߬ߛߊ߫ ߡߙߊ߬ߓߊ߰ߘߊ ߘߊߝߍ߬߸ ߏ߬ ߟߎ߫ ߥߟߌ߬ ߘߊ߫ ߛߌߟߊ߲ ߠߋ߬ ߘߐ߫ ߓߌ߬ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂߀، ߞߊ߬ߕߎ߲߯߸ ߡߊ߬ߡߘߎ ߞߐ߲ߘߍ߫ ߟߋ߬ ߞߊ߬ ߕߟߏߞߘߐ ߕߊ߬ ߓߌ߬߸ ߞߵߏ߬ ߕߋ߬ ߊ߬ ߡߏ߬ߛߏ ߟߊ߫، ߞߊ߬ ߓߊ߲߫ ߞߊ߬ ߡߊ߬ߙߌ߬ߝߊ߬ ߞߋߟߋ߲ ߏ߬ ߕߊ߬ ߌߞߐ߫߸ ߞߵߏ߬ ߕߋ߬ ߊ߬ ߖߍ߬ߘߍ ߟߊ߫، ߕߟߏߞߘߐ ߣߌ߲߬ ߦߋ߫ ߣߎ߬ߡߎ߲ ߠߎ߬ ߟߊ߫ ߕߟߏߞߘߐ߫ ߟߊ߲ߘߊ߲ߣߍ߲ ߠߋ߬ ߘߌ߫، ߊ߬ ߡߏ߬ߛߏ ߖߐߞߌ߫ ߘߊ߫ ߟߋ߬ ߓߏ߲ߠߌ߲ ߣߌ߲߬ ߘߐ߫߸ ߏ߬ ߕߊ߬ ߘߊ߫ ߞߊߟߌߦߊ߫ ߓߟߏ ߡߊ߬ ߞߊ߬ ߥߴߊ߬ ߘߌ߫ ߞߙߎ߬ߛߊ߬ ߘߊ߲ߘߊߛߏߓߊ ߟߊ߫߸ ߊ߬ ߓߘߊ߫ ߛߋ߫ ߞߊ߲ߞߊ߲߫ ߕߌ߲߬ߞߎߘߎ߲ ߘߊ߲ߘߊߛߏ ߟߊ߫ ߕߋ߲߬، ߡߍ߲ ߓߍ߲߬ߣߍ߲߫ ߗߍ߭ ߟߊ߫ ߞߏ ߡߊ߬߸ ߊ߬ߟߋ ߡߊ߫ ߛߋ߫ ߓߐ߫ ߟߴߊ߬ ߘߐ߫߸ ߊ߬ ߛߊ߬ ߘߴߊ߬ ߣߐ߭ ߘߐ߫ ߦߋ߲߬ ߠߋ߬ ߌߞߘߐ߫.
ߡߐ߰ߓߊ ߘߏ߫ ߞߎߡߊ߫ ߘߊ߫ ߞߵߊ߬ ߓߍ߲߬ ߣߌ߲߬ ߞߏ ߡߊ߬߸ ߊ߬ ߡߊ߫ ߞߍ߫ ߊ߬ߟߋ߬ ߢߣߊ߫ ߛߊ߫߸ ߓߊ߬ߙߵߊ߬ ߞߏߟߐ߲߫ ߘߊ߫ ߡߊ߬ߙߌ߬ߝߊ߬ ߡߊ߲ߞߊ߲ ߘߐ߫، ߏ߬ ߞߵߊ߬ ߜߘߌ߫ ߢߊ ߢߊߝߐ߫ ߞߵߊ߬ ߞߎ߲߬ߟߊ߫ ߗߍ߭ ߘߌ߲߬ߞߌߙߊ ߞߊ߲߬ <<ߒ ߓߐ߫ ߘߊ߫ ߡߌ߬ߛߙߌ ߟߋ߬ ߟߊ߫߸ ߞߊ߬ ߘߏ߲߬ ߒ ߠߊ߫ ߓߏ߲ ߠߊ߫، ߌߞߘߐ߫߸ ߒ ߞߊ߬ ߡߊ߬ߙߌ߬ߝߊ߬ ߞߊ߲߬ ߝߟߐ ߡߍ߲߫، ߒ ߓߏ߬ߙߌ߬ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߦߋ߲߬ ߡߊߜߍ߲߫߸ ߊ߬ ߞߊ߲߫ ߒ ߡߊ߬ ߞߏ߫ ߊ߬ ߟߊ߫ ߡߊ߬ߙߌ߬ߝߊ ߟߋ߬ ߝߏߘߏ߲ߣߴߊ߬ ߖߍ߬ߘߍ߫ ߡߊ߬߸ ߞߏ߫ ߊ߬ ߡߊ߫ ߛߋ߫ ߡߐ߰ ߡߊ߬، ߒ ߞߊ߬ ߒ ߞߐߛߊ߬ߦߌ߲߫ ߏ߬ ߢߊ ߟߋ߬، ߒ ߧߋ߫ ߛߋ߫ ߟߊ߫ ߒ ߠߊ߫ ߓߏ߲߫ ߘߊ ߟߊ߫ ߌߞߘߐ߫߸ ߒ ߞߊ߬ ߡߎ߯ ߞߊ߲ ߝߌߟߊߣߊ߲ ߡߍ߲߫، ߒ ߛߊ߬ߦߌ߲߬ ߢߊ ߟߋ߬ ߞߍߣߴߏ߬ ߘߌ߫߸ ߞߊ߬ ߣߵߊ߬ ߟߊߣߍ߲߫ ߛߐ߬ߘߐ߲߫߸ ߖߋ߬ߟߌ ߦߋ߫ ߓߏ߲ ߞߣߐ߫.>> ߡߐ߰ߓߊ ߟߋ߬ ߞߊ߲߫ ߕߋ߲߬، ߊ߬ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߞߟߍ߬ ߛߌ߫ ߕߍ߫ ߗߍ߭ ߢߌ߲߬ ߣߴߊ߬ ߡߏ߬ߛߏ ߕߍ߫ ߞߘߐ߬ߡߊ߲߬߸ ߊ߬ߟߎ߬ ߘߌߡߊ߲߫߸ ߊ߬ߟߎ߬ ߟߊ߫ ߟߊ߬ߞߙߐ߬ߛߟߌ߬ ߘߐ߫، ߡߏ߬ߛߏ߫ ߝߌ߬ߟߊ߫ ߟߋ߬ ߡߊ߬ߡߘߎ ߞߐ߲ߘߍ߫ ߣߌ߲߬ ߞߎ߲߬߸ ߊ߬ ߣߐ߬ ߊ߬ ߡߏ߬ߛߏ ߡߍ߲ ߓߏ߲߫ ߠߊ߫ ߣߌ߲߬߸ ߘߋ߲߫ ߟߏ߯ߟߎ߫ ߟߵߏ߬ ߓߟߏ߫.
ߞߙߎ߬ߛߊ߫ ߡߙߊ߬ߓߊ߰ߘߊ ߜߋߙߋ߲ߜߋߙߋ߲ߧߊ ߗߋߕߌ߮߸ ߟߊ߲߱ߛߌ߬ߣߍ߫ ߞߙߎ߬ߡߊ߬ ߞߟߌ߫ ߘߊ߫ ߜߋߟߋ߲ߜߋߟߋ߲ ߠߊ߫߸ ߏ߬ ߞߊ߬ ߖߊ߲߬ߖߏ߲ ߢߌ߲߬ ߠߊ߫ ߖߎ߯ߦߊ ߟߊߞߊ߬ߟߌ߬، <<ߊ߲ ߞߊ߬ ߡߏ߬ߛߏ ߟߊߛߐ߬ߘߐ߲߫ ߞߵߊ߬ ߕߘߍ߬ ߊ߬ ߕߍ߫ ߝߊ߬ߘߌ߬ ߢߌߡߊ߫ ߘߐ߫، ߌߞߏߡߌ߲߬ ߞߏ ߟߎ߬ ߓߍ߲߬ߣߍ߲߬ߓߊ߫ ߕߍ߫ ߞߵߊ߬ ߓߍ߲߬ ߊ߬ ߟߊ߫ ߘߊ߲ߘߊߟߌ ߛߙߊߕߌ ߟߎ߬ ߘߝߊ ߡߊ߬߸ ߊ߲ ߞߵߊ߬ ߡߙߌߘߐߕߊ߬ ߞߵߊ߬ ߟߊߕߊ߯ ߞߊ߲ߞߊ߲߫.>> ߊ߬ ߞߵߏ߬ ߟߋ ߟߊߕߍ߰.
ߊ߲ ߧߋ߫ ߞߎߡߊ߫ ߟߴߊߟߎ߫ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߟߌ߬ߤߟߊ߬ ߛߌ߫ ߡߊ߫ ߛߐ߬ߘߐ߲߬ ߊ߲ ߓߟߏ߫ ߡߎߣߎ߲߬ ߞߵߊ߬ ߟߐ߲߫߸ ߗߍ߭ ߞߊ߬ ߣߌ߲߬ ߞߍ߫ ߡߎ߲߬ ߞߏߛߐ߲߬، ߞߎ߲߬ߠߊ߬ߛߌ߮ ߟߎ߫ ߘߏ߲߬ ߝߣߊ߫ ߡߊ߫ ߟߊ߬ߛߋ߬ߟߌ߬ ߞߍ߫ ߊ߬ ߞߏߢߊ ߞߊ߲߬߸ ߞߎߡߊߕߍ߫ ߞߵߊ߬ ߦߌ߬ߘߊ߬ ߣߌ߫ ߢߊߢߌߣߌ߲ߠߌ߲߫ ߓߘߊ߫ ߛߌ߰ ߛߋ߲߬ߠߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
