ߊߡߙߌ߬ߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔߎ߬ ߟߊ߫ ߡߙߌߘߐ߫ ߟߊߓߊ߲ ߡߍ߲ ߢߍߛߌ߲߫ ߘߊ߫ ߞߎ߲߬ߝߍ߬ߕߊ߰ߟߊ ߟߎ߬ ߟߊ߫ ߘߏ߲߬ߠߌ߲ ߡߊ߬ ߊ߬ ߟߊ߫ ߖߡߊ߬ߣߊ ߞߣߐ߫߸ ߡߙߌߘߐ ߏ߬ ߡߍ߲ ߠߊߥߊ߲߬ߞߊ߬ ߘߴߊ߬ ߓߟߏ߫ ߓߌ߲ߠߊߥߎߟߋ߲ ߕߟߋ߬ ߥߐߙߐ߲ߝߌ߬ߟߊ ߡߊ߬߸ ߞߏ߫ ߊ߬ ߓߍߣߊ߬ ߊߡߙߌߞߌ߬ ߘߏ߲߬ߛߓߍ ߘߌߟߌ ߟߊߘߎ߲߫ ߖߡߊ߬ߣߊ߫ ߇߅ ߟߋ߬ ߡߊ߬߸ߝߘߊ߬ߝߌ߲߬ ߖߡߊߣߊ߫ ߂߆ ߦߋ߫ ߏ߬ ߡߍ߲ ߕߍߡߊ߬ ߞߊ߬ߣߌ߲߬، ߒ߬ߓߊ߬߸ ߏ߬ ߟߊ߬ߕߍ߰ߦߊ ߓߍ߫ ߣߊ߬ ߘߊߡߌ߬ߣߊ߫ ߓߌ߬ ߞߎߣߎ߲ߟߏ߲ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂߁ ߣߌ߲߬ ߠߋ߬ ߡߊ߬߸ ߓߘߍ߬ߓߘߍ߬ߟߌ ߞߟߊ߬ߡߊ߬ߓߊ߮ ߓߍ߲߫ ߖߓߊ߬ߕߋ߬ ߟߊ߫ ߞߎߡߊ߫ ߘߐ߫߸ ߞߏ߫ ߘߏߣߊߟ ߕߑߙߐ߲ߔߎ߬ ߟߊ߫ ߟߊ߬ߢߌߣߌ߲ ߣߌ߲߬ ߞߎ߲߭ ߦߋ߫ ߟߏ߲ߘߊ߲ ߠߎ߬ ߟߊߘߊ߲߬ ߠߋ߬ ߘߌ߫߸ ߞߵߊ߬ߟߎ߫ ߕߊ߲߬ߞߊ߫ ߘߏ߲߬ߠߌ߲ ߡߊ߬ ߊ߬ ߟߊ߫߫ ߖߡߊ߬ߣߊ ߞߣߐ߫߸ ߓߊ߬ߙߌ߫߸ ߞߏ߫ ߡߙߌߘߐ ߣߌ߲߬ ߓߍߣߊ߬ ߘߊ߲߬ ߛߌ߰ ߊߡߙߌߞߌ߬ ߖߡߊ߬ߣߊ߬ߘߋ߲ ߠߎ߬ ߖߍ߬ߘߍ ߟߋ߬ ߟߊ߫.
ߘߏߣߊߟ ߕߑߙߐ߲ߔߎ߬ ߞߊ߲߫ ߞߏ߫ ߊ߬ ߘߌ߫ ߛߋ߫ ߜ߭ߙߏߟߊ߲ߘ ߡߌ߬ߣߊ߬ ߟߊ߫ ߝߊ߲߬ߞߊ ߟߊ߫߸ ߓߊ߬ߙߌ߫߸ ߊ߬ߟߋ ߡߊ߬ߞߏ߬ ߕߍ߫ ߝߊ߲߬ߞߊ߬ ߟߊ߫ ߘߋ߬ ߞߊ߬ ߜ߭ߙߏߟߊ߲ߘ ߡߌ߬ߣߊ߬߸ ߊ߬ ߞߏ߬ߣߌ߲ ߟߊ߫ ߓߌ߬ ߞߎߡߊ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߡߊ߬ߞߏ ߦߋ߫ ߛߌ߰ߞߊ߬ߝߐ ߟߋ߬ ߟߊ߫߸ ߞߊ߬ ߜ߭ߙߏߟߊ߲ߘ ߞߍ߫ ߊ߬ ߕߊ ߘߌ߫، ߞߏ߫ ߞߊ߬ ߏ߬ ߞߏ ߟߎ߬ ߞߍ߫ ߞߊߟߌߦߊ ߘߝߊߣߍ߲ ߠߋ߬ ߘߐ߫߸ ߖߐ߲߰ߛߊ߫ ߊ߬ ߘߌ߫ ߛߋ߫ ߛ߭ߌ߯ߣߌ߲߬ ߣߌ߫ ߙߎߛߌ߬ ߟߊߘߊ߲߬ ߠߊ߫߸ ߏ߬ ߟߎ ߡߍ߲ ߠߎ߬ ߝߣߊ߫ ߦߴߊ߬ߟߎ߬ ߛߊ߲ߞߊߢߐ߲߯ߦߊ ߟߊ߫ ߡߊ߬ߙߊ ߣߌ߲߬ ߞߐ߫߸ ߝߣߊ߫ ߞߏ߫ ߡߍ߲ ߘߌߡߊ߲߫ ߏߕߊ߲߫ ߖߡߊ߬ߣߊ ߟߎ߬ ߟߊ߫߸ ߊ߬ߟߎ߬ ߦߋ߫ ߕߏ߫ ߊ߬ ߞߐ߫، ߓߊߏ߬߸ ߣߌ߫ ߊߡߙߌߞߌ߬ ߞߊ߬ ߡߊ߬ߙߊ ߣߌ߲߬ ߛߐ߬ߘߐ߲߫߸ ߊ߬ߟߎ ߕߍߣߊ߬ ߝߙߋߞߋ߫ ߛߌ߫ ߟߋ߬ ߛߐ߬ߘߐ߲߬ ߠߊ߫߸ ߊߡߙߌߞߌ߬ ߞߊ߲߫ ߞߏ߫ ߊ߬ ߕߍߣߊ߬ ߛߋ߫ ߟߊ߫ ߜ߭ߙߏߟߊ߲ߘ ߟߊߞߊ߲ߘߊ߫ ߟߊ߫ ߞߵߊ߬ ߕߏ߫ ߛߎߝߙߎ ߟߊ߫ ߊ߬ߟߎ߫ ߓߟߏߞߘߐ߫.
ߘߏߣߊߟ ߕߑߙߐ߲ߔߎ߬ ߟߊ߫ ߞߎߡߊ ߟߎ߬ ߞߐ ߘߐ߫߸ ߘߊ߲ߣߑߡߊߙߌ߫ ߞߐߞߊ߲ߞߏ ߞߏߕߌ߮ ߞߊ߲߫ ߞߏ߫ ߛߌߞߊ߫ ߕߴߊ߬ ߘߐ߫ ߘߏߣߊߟ ߕߑߙߐ߲ߔߎ߬ ߦߋ߫ ߜ߭ߙߏߟߊ߲ߘ ߞߐ߫ ߟߋ߬ ߝߛߊߦߌ߫߸ ߓߊ߬ߙߌ߫߸ ߊ߬ ߦߴߊ߬ ߟߊߕߍ߰ ߞߏ߫ ߊ߬ ߕߍ߫ ߣߊ߬ ߓߊ߰ߓߊ߰ߟߌ ߢߍߛߌ߲߫ ߣߴߊ߬ߟߎ߫ ߡߊ߬، ߜ߭ߙߏߟߊ߲ߘ ߞߎ߲߬ߠߊ߬ߛߌ߰ ߞߙߎ ߞߏ߬ߣߌ߲ ߓߘߊ߫ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߟߊߛߏ߬ߓߌ߫߸ ߊ߬ߟߎ߬ ߦߴߊ߬ߟߎ߬ ߓߌ߫߸ ߕߎ߬ߡߊ߬ߘߐ߫ ߣߌ߫ ߊ߬ߟߎ߫ ߣߊ߬ ߘߊ߫ ߓߙߊ߬ߒ߬ߘߐ߬ ߡߌߘߊ߫، ߟߊ߬ߞߊ߲߬ߘߊ߬ߟߌ ߞߏߕߌ߮ ߝߣߊ߫ ߞߊ߲߫ ߞߏ߫߸ ߊ߬ߟߎ߬ ߟߊ߫ ߘߎ߱ ߕߍ߫ ߝߙߋ߬ߟߌ߬ ߝߋ߲߫ ߘߌ߫߸ ߝߣߊ߫ ߘߎ߰ߘߋ߲ ߠߎ߬ ߕߍ߫ ߕߙߍߡߍߟߌ߫ ߝߋ߲߫ ߘߌ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
