ߙߊߝߊ߫ ߓߐߕߏ߲ ߠߎ߬ ߟߊߞߊ߬ߣߍ߲ ߞߐ ߞߐ߬ߓߊ߬ߟߏ߲ ߡߊ߬߸ ߜ߭ߊߖ߭ߞߊ ߘߏ߫ ߟߎ߫ ߓߘߊ߫ ߓߊ߲߫ ߘߏ߲߬ ߠߊ߫ ߌߗߏߔߌ߫ ߞߣߐ߫߸ ߌߗߏߔߌ߫ ߣߌ߫ ߔߊߟߍߛߑߕߌ߲ߣ ߓߐߕߏ߲ ߠߎ߬ ߘߊߕߎ߲߯ߣߍ߲߫ ߠߋ߬ ߕߘߍ߬ ߦߋ߫ ߞߊ߬ߦߌ߯ ߂߀߂߄ ߘߓߊ߬ߕߊ ߟߊ߫߸ ߞߵߏ߬ ߕߎ߬ߙߎ ߞߍ߫ ߤߊߡߊ߬ߛߌ߬ ߣߌ߫ ߌߛߌ߬ߙߊ߬ߌߟߊ߫ ߟߊ߫ ߞߍ߬ߟߍ ߟߎ߬ ߘߌ߫߸ ߒ߬ߓߊ߬߸ ߘߊ ߟߎ߬ ߟߊߞߊ߬ߣߍ߲ ߞߐ ߘߐ߫߸ ߡߐ߰ ߁߅߀ ߏ߬ ߟߎ߬ ߟߋ߬ ߡߊ߬ߞߐ߬ߣߐ߲ ߦߴߌߘߐ߫ ߌߗߏߔߌ߫ ߘߊ߲ߘߊߟߌ ߞߊ߲ߡߊ߬߸ ߘߊ߫ ߟߊߞߊ߬ ߣߌ߲߬ ߞߍߣߍ߲߫ ߜ߭ߊߖ߭ߊ߬ ߖߡߊ߬ߣߊ߬ߘߋ߲ ߠߎ߫ ߡߊ߬ ߖߌ߰ߡߊ߬ߝߊ ߟߋ߬ ߘߌ߫߸ ߡߍ߲ ߠߎ߬ ߘߏ߲߬ ߝߣߊ߫ ߕߘߍ߬ ߦߋ߫ ߘߊ߲ߘߊߟߌ ߘߊߞߘߐ߫ ߦߋ߲߬ ߞߘߐ߬ߡߊ߲߫ ߞߊ߬ ߞߐ߲߰ ߓߐߕߏ߲ ߠߎ߬ ߘߊߕߎ߲߯ ߢߍ߫߸ ߏ߬ ߟߎ߬ ߝߣߊ߫ ߓߍߣߊ߬ ߊ߬ߟߎ߬ ߞߐߞߎ߬ߘߎ߫ ߟߋ߬ ߞߊ߬ ߕߊ߯ ߊ߬ߟߎ߬ ߓߐ ߦߌߟߊ߸ ߊ߲ ߠߊ߫ ߞߎ߲߬ߠߊ߬ߝߎߟߋ߲ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߞߏ߫ ߘߊ߲ߘߊߛߏ߫ ߁߅߀ ߢߐ߲߰߸ ߊ߬ ߣߌ߫ ߛߋ߲߬ߘߐ߬ߞߎߟߎ߲߫ ߃߀߀ ߞߵߏ߬ ߕߊ߬ ߞߵߊ߬ ߟߊ߫ ߘߊ߲ߘߊߟߌߟߊ߫ ߥߊ߫ ߦߙߌߞߊ ߞߊ߲߬߸ ߞߴߏ߬ ߟߎ߫ ߟߋ߬ ߘߐ߭ߘߏ߲߬ߣߍ߫ ߖߊ߲߬ߞߊ߬ߙߏ߬ߕߐ ߟߎ߬ ߟߊ߫.
ߜ߭ߊߖ߭ߊ߬ ߘߊ߲ߘߊߛߏߓߊ ߞߊ߲ߕߌ߮ ߡߏ߬ߤߊ߬ߤߍ߬ߘ ߊߓߎ߫ ߛߊߟߑߡߌߦߊ߫ ߟߊ߫ ߞߎߡߊ߫ ߘߐ߫߸ ߖߊ߲߬ߞߊ߬ߙߏ߬ߕߐ ߡߍ߲ ߦߴߊ߬ߟߎ߬ ߓߟߏߞߘߐ߫ ߥߊ߯ߕߌ߫ ߣߌ߲߬ ߠߊ߫߸ ߏ߬ ߘߌ߫ ߡߐ߰ ߂߀ ߀߀߀ ߢߐ߲߰ ߓߐ߫߸ ߞߏߕߐ ߟߎ߬ ߘߐ߫ ߘߋ߲ߣߍ߲߫ ߡߐ߰ ߄ ߅߀߀ ߦߴߊ߬ ߘߐ߫߸ ߓߐߕߏ߲ ߠߎ߬ ߛߌߟߊ ߟߊߓߌ߬ߟߊ߬ߣߍ߲ ߌߞߘߐ߫߸ ߌߗߏߔߌ߫ ߞߎ߲߬ߠߊ߬ߛߌ߮ ߟߎ߬ ߞߵߊ߬ ߦߌ߬ߘߊ߬ ߞߏ߫ ߔߊߟߍߛߑߕߌ߲ߣߑߞߊ߫ ߁߅߀ ߟߋ߬ ߞߊ߬ ߏ߬ ߖߡߊ߬ߙߌ߬ߦߊ߫ ߛߓߍ ߟߊߛߐ߬ߘߐ߲߫߸ ߛߊ߬ߦߌ߲߬ߓߊ߰ߕߐ ߟߎ߬߸ ߞߴߏ߬ ߟߎ߫ ߓߙߍ߬ߦߊ ߘߌ߫ ߡߐ߰ ߅߀ ߓߐ߫߸ ߞߊ߬ߦߌ߯ ߕߎ߬ߡߊ߬ ߖߊ߲߫ ߠߊ߫߸ ߌߗߏߔߌ߫ ߣߌ߫ ߔߊߟߍߛߑߕߌ߲ߣ ߓߐߕߏ߲ ߠߎ߬ ߘߊ ߟߊߞߊ߭߸ ߏ߬ ߦߋ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߣߌ߫ ߘߍ߬ߡߍ߲߬ߠߌ߲߬ ߞߙߎ ߛߌߦߊߡߊ߲߫ ߠߊ߫ ߟߊ߬ߢߌߣߌ߲ ߠߋ߬ ߘߌ߫߸ ߖߐ߲߰ߛߊ߫ ߞߐߞߊ߲ ߖߡߊߣߊ ߟߎ߬ ߟߊ߫ ߘߍ߬ߡߍ߲ ߘߌ߫ ߛߋ߫ ߜ߭ߊߖ߭ߊ߬߸ ߞߵߊ߬ ߓߍ߲߬ ߖߡߊ߬ߣߊ߬ߘߋ߲ ߠߎ߫ ߟߊ߫ ߣߊ߬ߝߊ ߞߊ߲ߡߊ߬߸ ߓߊ߬ߙߌ߫߸ ߤߊߟߌ߬ ߛߊ߫ ߏ߬ ߛߐ߲߬ߣߍ߲߫ ߕߍ߫ ߞߍ߫ ߟߊ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
