ߘߊߘߐߖߊߥߏߓߊ߫ ߟߋ߬ ߕߎ߲߬ ߦߋ߫ ߛߋ߲߬ߠߊ߫ ߛߌ߯ߙߌ߲߫ ߞߣߐ߫߸ ߞߎߡߊ߫ ߞߍ߫ ߘߊ߫ ߛߊߣߌ߲߫ ߓߊ߯ߙߊ߫ ߕߙߏߞߏ ߟߎ߬ ߟߊ߫ ߞߏ ߞߊ߲߬ ߡߍ߲ ߘߐ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߓߊ߯ߙߊ ߟߊߟߐ߬ ߞߏ ߡߊ߬، ߟߊ߬ߘߍ ߣߌ߲߬ ߞߍ߫ ߘߊ߫ ߛߌ߬ߣߌ߲߬ߟߏ߲ ߠߋ߬ ߡߊ߬߸ ߂߀߂߆ ߞߏ߲ߞߏߜߍ ߕߟߋ߬ ߁߃߸ ߛߌ߯ߙߌ߲߫ ߡߙߊ߬ߓߊ߰ߘߊ ߓߏ߲ߓߊ ߟߊ߫߸ ߝߊ߰ߡߊ ߟߎ߫ ߞߵߊ߬ ߦߌ߬ߘߊ߬߸ ߞߏ߫ ߛߊ߬ߙߌ߬ߦߊ ߡߍ߲ ߦߋ߫ ߞߎߡߊ߫ ߟߊ߫ ߛߊߣߌ߲߫ ߓߊ߯ߙߊ߫ ߕߙߏߞߏ <<ߔߏߞߑߟߍ߲>> ߠߊ߫ ߓߊ߯ߙߊ ߞߍߢߊ ߟߎ߫ ߞߊ߲߬߸ ߞߏ߫ ߞߵߏ߬ ߛߊ߬ߙߌ߬ߦߊ ߟߊߕߊ߯ߡߊ߫ ߊ߬ ߢߊ ߡߊ߬، ߞߊ߬ߕߎ߲߯߸ ߛߌߞߊ߫ ߞߍߣߍ߲߫ ߞߏ߫ ߊ߬ߟߎ ߟߋ߬ ߓߘߊ߫ ߓߐ߰ߝߍ ߘߐߖߊߛߌ ߛߋ߲߬ߠߊ߬ߞߊߟߌߦߊ߫ ߘߊ߬ߡߊ߲߬ߘߊ߬ ߓߏߟߏ߲ ߠߎ߬ ߟߊ߫ ߕߋ߲߬.
ߟߊ߬ߘߍ ߣߌ߲߬ ߞߎ߲߬ߠߊߛߌ߰ ߘߊ߫ ߡߙߊ߬ߓߊ߮ ߟߋ߬ ߓߟߏ߫߸ ߝߊߙߌ߲ ߊߟߑߛߋߣߌ߲߬ ߛߌߟߑߝ߭ߍߙ ߞߡߊ߬ߙߊ߬߸ ߊ߬ ߣߴߊ߬ ߟߊ߫ ߞߎߓߋߘߐ ߟߎ߬߸ ߞߵߏ߬ ߟߊ߫ ߛߌ߯ߙߌ߲߫ ߡߙߊ߬ߓߊ߰ߘߎ߯ߟߊ߫ ߡߎ߬ߥߊ߲ ߞߊ߲߬ ߦߋ߲߬ ߡߙߊ ߘߐ߫߸ ߊ߬ ߣߌ߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߣߌ߫ ߛߏ ߡߐ߰ߓߊ ߟߎ߬.
ߟߊ߬ߢߌ߬ߣߌ߲߬ ߜߘߍ߫ ߕߎ߲߬ ߕߍ߫ ߟߊ߬ߘߍ ߢߌ߲߬ ߠߊ߫: ߞߊ߬ ߘߏ߬ߣߌ߲ ߛߌ߰ ߝߊ߰ߡߊ ߟߎ߫ ߞߎ߲߬߸ ߊ߬ ߣߌ߫ ߛߏ ߞߏߟߊߕߍ߮ ߟߎ߫ ߞߎ߲߬߸ ߛߴߊ߬ߟߎ߬ ߘߴߊ߬ߟߎ߫ ߟߐ߬ ߊ߬ߟߎ߫ ߟߐ߬ ߦߌߟߊ ߞߵߊ߬ ߓߍ߲߬ ߛߊߣߌ߲߫ ߘߊߡߊ߲ ߠߎ߬ ߕߣߐ߬ߓߐ߬ ߢߊ߬ ߛߎ߮ ߣߌ߲߬ ߞߙߐ߬ߛߌ ߡߊ߬߸ ߏ߬ ߡߍ߲ ߓߘߊ߫ ߞߍ߫ ߥߊ߬ߟߊ߬ߞߌ߬ ߓߊ߯ߙߊ ߘߌ߫ ߕߙߏ߬ߞߏ߬ ߜߌߟߌ߲ ߠߎ߬ ߓߟߏ߫ ߕߋ߲߬. ߊ߬ߟߎ߬ ߟߊ߫ ߘߐ߲߬ߛߋ߲߬ ߞߎߘߊ ߣߌ߲߬ ߘߏ߲߬ ߕߍ߫ ߖߘߍ߬ߞߊ߬ߣߌ߲߬ ߘߐ߲ߛߋ߲߫ ߘߌ߫߸ ߗߋߦߊߟߌ߫ ߛߓߍ ߟߋ߬ ߝߘߊߣߍ߲߫ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߯ߘߊ ߟߊ߫߸ ߊ߬ ߣߌ߫ ߕߎ ߣߌ߫ ߖߌ ߣߌ߫ ߓߐ߰ߝߍ ߣߌ߫ ߘߎ߰ߘߐ߬ߛߓߍ ߣߌ߫ ߘߊ߬ߡߊ߲ ߠߎ߬ ߞߏߕߌ߯ߘߊ ߟߊ߫.
ߡߙߊ߬ߓߊ߮ ߟߊ߫ ߛߙߊ߬ߣߎ߲ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫: <<ߛߊ߬ߙߌ߬ߦߊ ߞߊ߬ ߡߍ߲ ߝߐ߫߸ ߏ߬ ߟߋ ߞߊ߫ ߞߊ߲߫ ߞߊ߬ ߡߊߓߏ߲߬ߧߊ߬ ߜߘߋߜߘߋ߫.>> ߊ߬ ߓߊ߲߫ ߘߊ߫ ߞߊ߬ ߖߊ߬ߡߊߙߌ ߘߌ߫ ߡߙߊ߬ߓߊ߰ߘߎ߯ߟߊ ߟߎ߬ ߝߣߊ߫ ߡߊ߬߸ ߊ߬ ߣߌ߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߞߊ߲ߕߌ߮ ߟߎ߬ ߓߍ߯ ߟߊߘߍ߬ߣߍ߲ ߞߐߘߍ߫:
<<ߕߙߏ߬ߞߏ ߡߍ߲ ߠߎ߬ ߕߍ߫ ߛߊ߬ߙߌ߬ߦߊ߬ ߞߣߐ߫߸ ߞߵߏ߬ ߟߎ߬ ߓߍ߯ ߢߊߢߌߣߌ߲߫ ߞߵߊ߬ ߟߐ߲߫ ߜߘߋߜߘߋ߫߸ ߝߋ߲ ߺ ߋ ߺ ߝߋ߲߫ ߦߴߊ߬ ߘߐ߫ ߏ߬ ߘߐ߫ ߣߴߊ߬ߟߎ߬ ߕߍ߫ ߞߊ߬ߟߊ߫ ߞߊ߲߬ ߛߊ߬ߙߌ߬ߦߊ߬ ߞߏ ߛߌߟߊ ߝߍ߬߸ ߞߵߏ߬ ߟߎ߫ ߡߌ߬ߣߊ߫ ߞߵߊ߬ߟߎ߬ ߟߊ߫ ߓߊ߯ߙߊ ߟߊߟߐ߬.>>
ߘߋ߲ߡߌߛߍ߲ ߡߍ߲ ߠߎ߬ ߓߘߴߊ߬ߟߎ߫ ߖߘߍ߬ ߘߌ߫ ߞߵߊ߬ ߓߍ߲߬ ߟߊ߬ߡߌߣߌ߲ ߘߐߖߊߛߌ ߞߍ߬ߟߍ ߡߊ߬߸ ߊ߬ ߣߌ߫ ߛߊߣߌ߲߫ ߓߊ߯ߙߊ߫ ߢߊ ߡߍ߲ ߠߎ߬ ߘߌ߫ ߛߏ ߕߌߢߍ߫߸ ߏ߬ ߟߎ߬ ߟߊ߫ ߞߎߡߊ ߝߊߘߌ߲ߧߊ߫ ߘߊ߫ ߞߏߛߓߍ߫، ߊ߬ߟߎ߬ ߟߊ߫ ߓߋߟߋ߲ߕߌ߮ ߦߋ߫ ߡߊ߬ߡߊ߬ߘߌ߫ ߛߌ߬ߟߊ߬ ߡߍ߲ ߘߌ߫߸ ߏ߬ ߞߊ߬ ߡߙߌߦߊ ߣߌ߲߬ ߕߊ߲߬ߘߏ߫߸ ߡߍ߲ ߝߘߊߣߍ߲߫ ߝߊ߰ߡߊ ߟߎ߬ ߟߊ߫، ߓߊ߬ߙߵߊ߬ ߓߊ߲߫ ߘߊ߫ ߞߊ߬ ߞߊ߲߬ߞߊߙߌ ߟߴߊ߬ ߘߊ ߝߍ߬ ߝߣߊ߫:
<<ߓߌ߬ ߟߊ߬ߘߍ ߣߌ߲߬ ߓߘߴߊ߲ ߖߌ߰ߡߝߊ߬ ߣߍ߲ߞߍ߫، ߣߴߊ߲ ߠߊ߫ ߝߊ߰ߡߊ ߟߎ߬ ߓߘߴߊ߲ߠߎ߬ ߣߌ߫ ߡߐ߰ߓߊ ߟߎ߬ ߟߊ߫ ߛߍ߬ߘߏ߲ ߢߊߦߋ߫߸ ߞߵߊ߬ ߟߐ߲߫ ߞߏ߫ ߊ߲ߠߎ߬ ߘߋ߲ߡߌߛߍ߲ ߠߎ߬ ߦߋ߫ ߛߍ߬ߘߏ߲ ߞߊ߲߬ ߛߌ߯ߙߌ߲߫ ߛߌߣߌ߲߫ ߣߊ߬ߕߐ ߟߋ߬ ߦߋ߫߸ ߕߣߐ߬ ߡߞߊ߬ߘߊ߲߬ ߞߏ߫ ߕߍ߫، ߛߌߞߊ߫ ߕߴߊ߬ ߘߐ߫ ߊ߲ ߘߌ߫ ߛߋ߫ ߘߊ߲߭ߛߌ߰ ߟߊ߫ ߝߊ߬ ߓߘߊ ߘߐߕߌߢߍ߫ ߞߏ ߢߌ߲߬ ߠߊ߫، ߓߊ߬ߙߌ߬߸ ߒ ߧߋ߫ ߞߎߡߊ߫ ߟߴߊߟߎ߫ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߟߊߒߠߦߊ߫ ߕߴߊ߲ ߘߐ߫ ߞߏ߫ ߓߊ߯ߙߊ ߣߌ߲߬ ߓߍ߫ ߟߊߟߐ߬߸ ߝߊ߬ߣߌ߫ ߕߙߏ߬ߞߏ ߟߎ߬ ߦߋ߫ ߥߊ߭ ߘߐ߫، ߊ߬ߟߎ߬ ߦߋ߫ ߤߌߣߴߊ߲ ߠߊ߫߸ ߊ߲ ߧߴߊ߬ ߦߋ߫߸ ߊ߬ߟߎ߬ ߓߘߴߊ߬ߟߎ߬ ߞߐߛߊ߬ߦߌ߲߫ ߕߙߏ߬ߞߏ ߘߌ߫߸ ߞߵߊ߬ ߟߊߓߐ߫ ߥߊ߭ ߘߐ߫߸ ߞߵߊ߬ ߟߊߘߏ߲߬ ߛߏ߫، ߓߊߏ߬߸ ߝߊ߬ߣߴߊ߬ ߦߋ߫ ߥߊ߭ ߘߐ߫߸ ߣߴߊ߬ߟߎ߬ ߡߴߊ߬ ߓߊ߯ߙߊ߫ ߛߎ ߘߐ߫߸ ߊ߬ ߘߌ߫ ߓߊ߯ߙߊ߫ ߝߊߦߙߌ ߝߍ߬، ߏ߬ ߘߐ߫߸ ߣߴߊ߬ߟߎ߬ ߦߴߊ߬ ߝߍ߬߸ ߊ߲ ߧߋ߫ ߛߌߟߊ߫ ߞߊ߲߫ ߓߐߟߌ ߟߎ߬ ߓߟߏߞߊ߬߸ ߊ߬ߟߎ߬ ߦߋ߫ ߕߙߏ߬ߞߏ ߟߎ߬ ߟߊߘߏ߲߬ ߛߏ߫߸ ߞߵߊ߬ߟߎ߬ ߓߐ߫ ߥߊ߭ ߘߐ߫.>>
ߏ߬ ߟߊ߫ ߞߎߡߊ ߟߋ߬ ߞߏ ߘߐ߫߸ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߞߊ߲ߕߌ߮ ߟߎ߬ ߟߊ߫ ߓߋߟߋ߲ߕߌ߮ ߞߊ߬ ߞߊ߬ߝߏ߬ߙߋ߲߬ߕߌ߮ ߟߎ߬ ߡߙߌߦߊ ߢߊߦߌ߬ߘߊ߬: <<ߞߏߟߊߘߍ߫ ߓߊ߬߸ ߥߟߊ߫ ߡߐ߰ ߞߎ߲߬ߞߋߟߋ߲߫ ߓߊ߬߸ ߝߋ߲ ߺ ߋ ߺ ߝߋ߲߫ ߣߊ߬ ߘߊ߫ ߣߌ߫ ߛߓߍ߫ ߞߟߊ߬ߟߡߊ߬ ߕߴߌ ߓߟߏ߫ ߞߊ߬ ߝߘߊ߫ ߞߏߕߌ߯ߘߊ߫ ߟߊ߫߸ ߡߍ߲ ߘߐ߱ߘߏ߲߬ߣߴߊ߬ ߟߊ߫߸ ߊ߲ߠߎ߬ ߟߊ߫ ߡߊ߬ߙߊ ߕߴߊ߬ ߓߟߏ ߛߌ߰ ߏ߬ ߕߌ߰ ߞߘߐ߫ ߝߋߎ߫.>>
ߞߎߡߊ ߘߏ߫ ߟߎ߫ ߥߟߌ߬ ߘߊ߫ ߖߊ߬ߡߊ ߣߌ߲߬ ߘߐ߫߸ ߘߋ߲ߡߌߛߍ߲߫ ߛߍ߬ߘߏ߲߬ߠߊ ߟߎ߬ ߓߟߏ߫߸ ߞߏ߫ ߊ߬ߟߎ߫ ߞߊ߬ ߟߊ߬ߡߍ߲߬ߠߌ߲ ߘߏ߫ ߞߍ߫ ߓߟߐߟߐ ߞߊ߲߬߸ ߡߍ߲ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߏ߬ ߟߋ ߞߎߡߊ ߥߙߊ߬ ߘߊ߫ ߝߏ߫ ߞߵߊ߬ ߞߍ߫ ߡߊ߲߬ߞߊ߲ ߘߌ߫ ߟߊ߬ߘߍ ߣߌ߲߬ ߞߎ߲߭ߝߊ߰ ߕߎߡߊ ߟߊ߫، ߤߊ߲߯ ߣߊ߬ߣߌ߲߬ߠߌ߲ ߞߊ߬ ߊ߲ ߓߊ߯ߙߊߢߐ߲߯ ߝߐ߰ߓߍ߬ߦߊ߬ߟߊ߫ ߡߏ߬ߤߊ߬ߡߍ߬ߘ ߟߊ߬ߡߌߣ ߛߌ߬ߛߋ ߡߊߛߐ߬ߘߐ߲߬߸ ߞߵߊ߬ ߣߊ߬ߣߌ߲߫߸ ߞߵߊ߬ ߜߊ߬ߛߌ߫߸ ߘߋ߲ߡߌߛߍ߲߫ ߔߊߞߌߛߦߊߟߊ ߢߌ߲߬ ߠߎ߬ ߘߏ߫ ߟߎ߫ ߓߟߏ߫.
ߓߌ߬ߟߊ߬ߒ߬ߘߐ ߣߌ߲߬ ߘߏ߲߬ ߜߎ ߞߍߣߍ߲߫ ߟߊ߬ߘߍ߫ ߟߋ߬ ߛߋ߲߭ߝߍ߬߸ ߡߍ߲ ߓߎ߲ߓߎ߲ߣߍ߲߫ ߛߏ ߟߎ߬ ߡߊ߬ߙߊ ߓߊ߲ߓߊ߲߫ ߞߊ߲ߡߊ߬߸ ߓߐ߰ߝߍ ߟߊߞߊ߲ߘߊ ߞߣߐ߫، ߝߐ߰ߓߍ߬ߦߊ߬ߟߊ ߟߎ߫ ߘߏ߲߬ ߝߣߊ߫ ߕߊ߫ ߓߏ߲߬ߓߊ߬ ߦߴߏ߬ ߘߐ߫، ߏ߬ ߓߘߊ߫ ߕߊ߬ߡߌ߲߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߞߏ ߓߌ߬ߟߊ߬ ߟߊ߫ ߞߙߋ ߟߊ߫߸ ߊ߬ߟߎ߬ ߘߐߜߍ߬ߘߍ߲ ߘߐ߫ ߊ߬ߟߎ߬ ߟߊ߫ ߓߊ߯ߙߊ ߘߐ߫، ߊ߬ ߞߏ߬ߣߌ߲߸ ߛߌ߯ߙߌ߲߫ ߞߣߐ߫ ߕߋ߲߬߸ ߝߊ߰ߡߊ ߟߎ߬ ߟߊ߫ ߟߊ߬ߘߍ ߣߌ߲߬ ߞߍߕߐ߫ ߞߘߐߓߐߟߌ ߟߋ߬ ߘߌ߫߸ ߞߵߊ߬ߟߎ߬ ߟߊ߫ ߞߏ ߓߌ߬ߟߊ߫ ߖߊ߭ ߟߊ߫ ߘߋ߲ߡߌߛߍ߲ ߠߎ߬ ߓߟߏ߫.
ߌߓߙߊߤߌߡߊ߬ ߞߊߡߊ߲߫ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
