ߡߐ߱ ߟߎ߬ ߟߊ߫ ߝߊ߬ߘߌ߬ߡߊ߬ߞߟߏ ߞߎ߲߭ ߞߊ߫ ߛߌߦߊ߫ ߓߊߟߋ߬ ߞߵߊ߬ ߓߍ߲߬ ߊ߬ ߟߊ߬ߢߌߣߌ߲ ߠߎ߬ ߡߊ߬:
ߊ–ߞߍ߲ߘߍߦߊ ߞߏߛߐ߲߬.
ߞߊ߬ ߕߏ߫ ߖߙߎߡߎ߲߫ ߢߌߡߊ ߘߐ߫ ( ߝߐߙߑߡ)
ߞߊ߬ ߛߋ߫ ߖߊ߲߬ߞߊߙߏ ߟߎ߬ ߡߊߕߊ߲߬ߞߊ߬ ߟߊ߫ ( ߛߐ߲߬ ߖߊ߲ߞߊߙߏ ߣߌ߫ ߗߊߥߎ߲ ߣߌ߫ ߖߋ߬ߟߌ߬ߞߐ߬ߕߊ߲߬ߦߟߍ ߟߎ߬ ߣߌ߫…)
ߞߊ߬ ߛߋ߫ ߞߊ߬ ߡߍ߲߫ ߓߊߟߏ ߘߐ߫ ߥߊ߯ߕߌ߫ ߖߊ߲߫ ߞߘߐ߫.
ߋ– ߞߊ߬ ߝߊ߬ߘߌ߬ߞߟߏ ߝߊ߲߬ߞߊ ߘߏ߲߬ :
ߞߵߌ ߞߍ߫ ߝߊ߲߬ߞߊ߬ߡߊ ߘߌ߫߸ߞߊ߬ ߛߋ߫ ߓߎ߬ߖߟߎ߬ ߛߘߍߡߊ߲߫ ߛߐ߬ߘߐ߲߬ ߠߊ߫߸ߞߊ߬ ߛߋ߫ ߞߊ߬ ߛߍ߭ ߞߟߍ߬ ߝߊ߬ߘߌ ߘߐ߫.
ߌ–ߞߵߊ߬ ߓߍ߲߬ ߝߊ߬ߘߌ߬ߞߟߏ ߦߋߝߊߘߌ ߕߊ߫ ߝߊ߲߭ ߡߊ߬:
ߝߊ߬ߘߌ߬ߡߊ߬ߞߟߏ ߦߋ߫ ߡߐ߱ ߘߍ߬ߡߍ߲߬ ߠߊ߫ ߞߊ߫ ߛߋ߫ ߝߊ߬ߘߌ߬ߞߟߏ߬ ߢߌߡߊ ߛߐ߬ߘߐ߲߬ ߠߊ߫߸ߞߵߌ ߝߊ߬ߘߌ߬ߞߟߏ ߟߊ߫ ߓߏ߲߬ߧߊ ߡߊߓߍ߲߬߸ߞߵߌ ߞߍ߫ ߡߐ߰ ߡߊߦߋߙߋ߲ߣߍ߲ ߘߌ߫
ߥߊߘߌߞߏ ߡߊ߬ߝߊ߲ ߝߍ߬
ߘߏ߫ ߟߎ߫ ߝߣߊ߫ ߦߋ߫ ߝߊ߬ߘߌ߬ߡߊ߬ߞߟߏ ߞߍ߫ ߟߊ߫ ߣߊ߲߬ߝߟߏ߬ ߞߏ ߟߋ߬ ߘߐ߫:
ߞߊ߬ ߝߊ߬ߘߌ߬ߡߊ߬ߞߟߏ ߞߍߢߊ ߘߏ߫ ߛߎߥߊ߲ߘߌ߫ ߞߵߊ߬ ߞߍ߫ ߓߊ߯ߙߘߊ ߘߌ߫ ߦߏ߫ :
ߕߏ߬ߟߊ߲߬ߕߊ߲ ߣߌ߫ ߞߘߎ߬ߟߌ ߣߌ߫…
ߡߐ߰ ߛߘߍߡߊ߲߫ ߠߋ߬ ߦߋ߫ ߥߊߘߌ߫ ߛߐ߬ߘߐ߲߬ ߠߊ߫ ߞߏ ߛߎ߯ ߏ߬ ߘߐ߫.
ߤߊ߲ߞߟߌ߫ ߞߏ ߡߊ߬ߝߊ߲ ߝߍ߬߸ ߊ߬ ߦߋ߫ ߛߋ߫ ߟߊ߫ :
ߞߊ߬ ߛߋ߫ ߣߌ߬ߟߊ߬ߝߌ߲ ߞߟߍ߬ ߟߊ߫߸ߞߵߌ ߓߊ߲ߓߊ߲߫ ߞߏ ߘߏ߫ ߟߎ߫ ߞߊ߲߬ ߸ߞߊ߬ ߘߍ߲߬ߞߣߍ߬ߦߊ߬ ߌ ߖߍ߬ߘߍ ߡߊ߬ ߘߊߞߎ߲ ߓߍ߯ ߟߊߘߍ߬ߣߍ߲ ߘߐ߫.
ߝߊ߬ߘߌ߬ߡߊ߬ߞߟߏ ߛߎ߯ߦߊ߫ ߟߊߒߡߊ߫ ߝߌ߬ߟߊ߬ ߝߟߍ߫ ߣߌ߲߬:
ߓߏ߬ߙߌ :
ߞߊ߬ ߛߋ߫ ߞߵߌ ߣߌߟߊߞߟߌ߫ ߝߢߐ ߟߊ߫ ߛߋߞߏߦߊ ߡߊߞߊ߬ߝߏ߬߸ߞߊ߬ ߛߐ߲߭ ߠߊ߫ ߝߊ߲߬ߞߊ ߡߊߞߊ߬ߝߏ߬߸ߞߊ߬ ߛߟߊ߬ߦߊ ߞߟߍ߬.
ߝߋ߲߫ ߜߌߟߌ߲߫ ߠߎ߬ ߕߊ߭ :
ߞߊ߬ ߕߏ߫ ߝߋ߲߫ ߜߌߟߌ߲߫ ߠߎ߬ ߞߘߐߕߊ߬ ߟߊ߫ ߛߐ߲߬ ߖߐ߲߰ߛߊ߫ :
ߞߊ߬ ߛߋ߫ ߓߎ߬ߖߟߎ ߟߎ߬ ߛߐ߬ߘߐ߲߬ ߠߊ߫ ( Muscle )
ߞߵߌ ߝߊ߬ߘߌ߬ߞߟߏ ߟߎ߬ ߓߊ߲ߓߊ߲߫،ߞߵߊ߬ ߘߤߊߣߍ߲߫ ߕߏ߫.
ߊ߬ ߢߊ߬ߕߣߐ ߘߏ߫ ߟߎ߫ ߝߟߍ߫ ߣߌ߲߬ :
ߝߊ߬ߘߌ߬ߡߊ߬ߞߟߏ ߞߊ߫ ߢߌ߲߬ ߝߊ߬ߘߌ߬ߞߟߏ ߡߊ߬:
ߊ߬ ߦߋ߫ ߖߋ߬ߟߌ ߟߊ߫ ߕߊ߯ߣߌߛߊߦߌ߫ ߣߐ߰ߦߊ߬ ߟߊ߫߸ߞߊ߬ ߞߟߏ ߓߊ߲ߓߊ߲߫߸ߞߊ߬ ߛߎ߬ߣߐ߮ ߛߣߐ߬ߦߊ߫ ߡߐ߱ ߡߊ߬.
✔ ߣߌ ߡߊ߬ߝߊ߲ ߝߍ߬ :
ߊ߬ ߦߋ߫ ߣߌߛߐ߲ߘߌߦߊ ߘߌ߫ ߟߊ߫ ߡߐ߱ ߡߊ߬߸ߞߊ߬ ߣߌ߬ߟߊ߬ߝߌ߲ ߡߊߘߐ߯ߦߊ߫.
ߘߍ߭ ߡߊ߬ߝߊ߲ ߝߍ߬ :
ߊ߬ ߦߋ߫ ߖߊ߬ߡߊ ߟߊߘߍ߬ ߟߊ߫ ߢߐ߲߮ ߞߊ߲߬߸ߞߊ߬ ߖߐ ߟߊߘߏ߲߬߸ߞߊ߬ ߖߏ߯ߘߏ߲߫ ߛߣߐ߬ߦߊ߫ ߖߡߊ߬ߕߌ߮ ߡߊ߬.
ߝߊ߬ߘߌ߬ߡߊ߬ߞߟߏ ߞߐߝߟߌ߫ ߓߘߍ ߘߏ߫ ߟߎ߫ ߟߋ߬߬:
ߞߍ߲ߘߍߦߊ߫ ߓߘߍ߸ ߟߊ߲ߘߦߊ߸ߡߐ߰ ߟߎ߬ ߓߏ߲߬ߧߊ߸ߛߌ߰ ߖߊ߲…. ߠߎ߬ ߘߌ߫.
ߝߊ߬ߘߌ߬ߡߊ߬ߞߟߏ ߞߐߝߟߌ߫ ߖߎ߮ ߘߏ߫ ߟߎ߫،ߣߌ߫ ߡߐ߱ ߞߵߊ߬ ߘߊ߲߬ߠߊߕߊ߬ߡߌ߲߬ :
ߊ߬ ߘߌ߫ ߘߊ ߓߐ߫ ߓߐ߫ ߡߐ߱ ߡߊ߬ (ߞߵߌ ߡߊߘߌߡߌ߲߫)
ߊ߬ ߘߌ߫ ߛߍ߰ ߞߏ߬ߖߎ߰ߦߊ ߟߊߛߋ߫ ߡߐ߱ ߡߊ߬߸ߞߊ߬ ߓߎ߬ߖߟߎ߬ ߝߙߋߞߋ ߟߊߛߋ߫ ߡߐ߱ ߡߊ߬:
ߏ߬ ߓߟߏߡߊ߬߸ߝߏ߫ ߡߐ߰ ߦߋ߫ ߝߊ߬ߘߌ߬ߡߊ߬ߞߟߏ ߓߍ߲߬ ߕߍߡߊߞߊߒߞߋ ߟߋ߬ ߡߊ߬߸ ߌ ߞߊߣߵߌ ߘߊ߲߬ߠߊߕߊ߬ߡߌ߫.
ߝߊ߬ߘߌ߬ߡߊ߬ߞߟߏ ߦߋ߫ ߡߊ߲߬ߕߏ߲ ߓߍ߯ ߟߋ߬ ߘߐ߫ :
ߘߎߢߊ߫ ߡߊ߲߬ߕߏ߲ ߓߍ߯ ߟߊߘߍ߬ߣߍ߲ ߘߐ߫߸ ߝߊ߬ߘߌ߬ߡߊ߬ߞߟߏ ߢߊ߬ߕߣߐ߫ ߞߊ߫ ߓߏ߲߬ ߓߊߟߋ߬.
ߊ߬ ߦߋ߫ ߖߡߊ߬ߣߊ ߟߊ߫ ߟߊ߬ߞߟߏ߬ߞߟߏ߬ߟߌ ߘߐ߫ ߸ ߊ߬ ߦߋ߫ ߘߋ߲ߡߌߛߍ߲ߧߊ ߟߊߥߙߎߞߌ߫ ߟߊ߫.
ߊ߬ ߦߋ߫ ߛߊ߲ߞߊߢߐ߲߯ߦߊ߫ ߝߋ߲ ߠߋ߬ ߘߌ߫ ߘߎߢߊ߫ ߖߡߊ߬ߣߊ ߟߎ߬ ߣߌ߫ ߢߐ߲߯ ߕߍ߫.
ߟߊߒߡߊ ߘߏ߫ ߝߟߍ߫ ߣߌ߲߬ :
ߘߎߢߊ߫ ߕߏ߬ߟߊ߲߬ߕߊ߲߬ ( ߖߌߟߊߝߍ) ߓߙߊߘߓߐ ߦߋ߫ ߡߌ߬ߙߌ߲߬ߘߌ ߟߎ߬ ߟߊߘߍ߬ ߟߊ߫ ߞߣߍ߫ ߞߋߟߋ߲߫ ߞߊ߲߬.
ߝߊ߬ߘߌ߬ߡߊ߬ߞߟߏ ߦߋ߫ ߖߊ߯ߓߊߞߊ߲ ߠߋ߬ ߘߌ߫߸ߡߌ߬ߙߌ߲߬ߘߌ߫ ߓߍ߯ ߟߊߘߍ߬ߣߍ߲ ߓߍ߲߬ߣߍ߲߬ ߡߍ߲ ߡߊ߬.
ߊ߬ ߝߊ߲߬ߞߊ ߞߊ߫ ߓߏ߲߬ ߞߊ߲ ߘߌ߫߸ߊ߬ ߘߏ߲߬ ߕߊ߬ߡߌ߬ߣߍ߲ ߘߌ߯ߣߊ ߟߊ߫߸ߞߵߏ߬ ߟߊ߫ ߟߊ߲߬ߘߊ ߟߎ߬ ߞߊ߲߬.
ߞߎߡߊ߫ ߟߊߛߎߘߎ߲ߧߊ ߓߟߏߡߊ߬ ߛߊ߫߸ ߡߐ߱ ߟߎ߬ ߦߋ߫ ߝߊ߬ߘߌ߬ߡߊ߬ߞߟߏ ߞߍ߫ ߟߊ߫ ߞߍ߲ߘߍߦߊ߫ ߢߌߡߊ ߣߌ߫ ߝߊ߬ߘߌ߬ߞߟߏ ߟߊ߫ ߘߤߊ ߣߌ߫ ߤߊ߲ߞߟߌ ߣߌ߫ ߣߊ߲߬ߝߟߏ ߣߌ߫…. ߟߎ߫ ߟߋ߬ ߞߏߛߐ߲߬.
ߏ߬ ߓߟߏߡߊ߬߸ߝߊ߬ߘߌ߬ߡߊ߬ߞߟߏ ߞߊ߫ ߢߌ߲߬ ߣߴߌ ߛߋ߫ ߘߊ߫ ߞߵߊ߬ ߓߟߏߦߴߊ߬ ߢߌ߬ߡߊ ߟߊ߫ ߞߊ߬ߣߌ߲߬.
ߊ߬ ߞߊ߫ ߢߌ߲߬ ߡߐ߱ ߝߊ߬ߘߌ߬ߞߟߏ ߡߊ߬߸ߘߍ߭ ߡߊ߬ ߞߵߏ߬ ߟߊ߫ ߞߎ߲߬ߣߍ ߝߣߊ߫ ߞߊ߲߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫ ߞߌ߲ߘߌߦߊ߫
