ߡߊ߬ߡߊ߬ߘߌ߫ ߛߌ߬ߟߊ߬ ߡߍ߲ ߞߊ߲߬ߕߐ߮ ߦߋ߫ ߕߐ߬ߔߑߛߌ߬ ߘߌ߫߸ ߣߴߊ߬ ߦߌ߫ ߛߌ߯ߙߌ߲߫ ߘߋ߲ߡߌߛߍ߲߫ ߠߎ߫ ߟߊ߫ ߓߋߟߋ߲ߕߌ߮ ߘߌ߫߸ ߡߍ߲ ߠߎ߬ ߦߋ߫ ߟߊ߬ߡߌߣߌ߲ ߘߐߖߊߛߌ ߛߍ߬ߘߏ߲ ߞߊ߲߬، ߒ߬ߓߊ߬߸ ߊ߬ߟߋ߫ ߕߎ߲߬ ߡߌ߬ߣߊ߬ ߘߊ߫ ߞߵߊ߬ ߞߕߌ߫ ߟߋ߬߸ ߞߵߊ߬ ߓߌ߬ߟߊ߬ ߞߊߙߏ߫ ߥߐ߯ߙߐ߫ ߥߛߎ ߟߊ߫، ߥߐ߯ߙߐ ߏ߬ ߘߐ߫߸ ߊ߬ ߦߋ߫ ߞߋߟߋ߲߫ ߠߋ߬ ߞߍ߫ ߟߴߊ߬ ߞߣߐ߫ ߞߐߟߌߞߐߟߌ߫߸ ߊ߬ ߕߐ߬ ߟߏ߯ߟߎ ߘߌ߫ ߘߐ߲ߘߐ߫ ߊ߬ ߡߊ߬، ߒ߬ߓߊ߬߸ ߓߟߏ߫ ߓߐ߫ ߘߴߊ߬ ߘߐ߫ ߂߀߂߆ ߕߙߊߓߊ ߕߟߋ߬ ߁߇ ߟߋ߬ ߡߊ߬߸ ߞߊߙߏ߫ ߞߋߟߋ߲߫ ߥߛߎ ߏ߬ ߞߍ ߞߐ ߘߐ߫ ߝߊߦߌߘߊ߫، ߂߀ߕߎߡߊ ߟߋ߬ ߡߊ߬߸ ߛߌ߯ߙߌ߲߫ ߘߋ߲ߡߌߛߍ߲ ߥߙߍߓߊߓߊ ߓߐ߫ ߘߊ߫߸ ߞߊ߬ ߓߋߟߋ߲ߕߌ߮ ߟߊߓߍ߲߬، ߊ߬ߟߋ ߡߍ߲ ߡߌ߬ߣߊ߬ ߘߊ߫ ߞߏ߫ ߊ߬ ߓߘߊ߫ ߘߋ߲ߡߌߛߍ߲ ߠߎ߬ ߟߐ߬ ߓߐ߫ ߟߊ߫߸ ߔߏߞߑߟߍ߲߫ ߞߏ ߞߍ߬ߟߍ ߘߐ߫߸ ߊ߬ ߣߌ߫ ߛߌ߯ߙߌ߲߫ ߘߎ߰ߞߟߏ ߘߐߖߊߛߌ ߞߏߛߐ߲߬߸ ߊ߬ ߞߊ߬ߣߌ߲߬ߓߊ߮ ߟߎ߬ ߘߊߘߐߞߊ߲ ߠߵߏ߬ ߘߌ߫.
ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߟߊߦߟߍ߬ߡߊ߲߬ ߘߊ߫ ߟߋ߬ ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߟߊ߫ ߛߌ߬ߣߌ߲߬ߟߏ߲ ߂߀߂߆ ߞߏ߲ߞߏߜߍ ߕߋ߬ߟߋ߫ ߂߇ ߡߊ߬߸ ߞߊ߬ ߡߐ߰ ߁߇ ߟߊ߫ ߞߕߌ ߞߍ߫߸ ߡߍ߲ ߠߎ߬ ߡߌ߬ߣߊ߬ ߘߊ߫ ߞߏ߲ߞߏߜߍ ߕߟߋ߬ ߁߇ ߔߊߞߌߛߦߊ ߝߍ߬߸ ߔߏߞߑߟߍ߲߫ ߞߏ ߞߍ߬ߟߍ ߘߊߞߎ߲ ߘߐ߫ ߛߌ߯ߙߌ߲߫ ߞߣߐ߫߸ ߏ߬ ߡߍ߲ ߦߋ߫ ߖߊ߬ߕߋ߬ ߟߴߊ߬ߟߎ߬ ߓߟߏ߫ ߝߊ߬ ߘߎ߯ߞߟߏ ߘߐߕߌߢߍ ߘߌ߫߸ ߞߊ߬ ߟߊ߬ߡߌߣߌ߲ ߖߊߛߌ߫.
ߒ߬ߓߊ߬߸ ߡߐ߰ ߁߇ ߏ߬ ߓߍ߯ ߟߊ߫ ߞߕߌ ߟߊ߫ ߘߊ߫߸ ߓߟߏߓߐ߫ ߘߊ߫ ߡߐ߰ ߁߅ ߘߐ߫ ߏ߬ ߟߏ߲ ߡߎ߰ߡߍ߸ ߞߊ߬ ߡߐ߰ ߂ ߟߋ߬ ߕߏ߫ ߥߛߎ ߟߊ߫߸ ߏ߬ ߟߎ߬ ߦߋ߫ ߡߊ߬ߡߊ߬ߘߌ߬ ߛߌ߬ߟߊ߬ ߕߐ߯ ߝߌ߬ߟߊ߫ ߟߋ߬ ߘߌ߫، ߕߐ߬ߔߑߛߌ߫ ߟߊ߫ ߞߊߙߏ߫ ߁ ߓߊ߲ߣߍ߲ ߞߐ ߣߌ߲߬ ߘߐ߫߸ ߏ߬ ߓߘߊ߫ ߓߌ߬ߟߊ߬.
ߞߎߣߎ߲߬ ߛߎ ߟߋ߬ ߘߐ߫߸ ߊ߬ ߟߊߓߍ߲߬ ߘߊ߫ ߛߌ߯ߙߌ߲ߞߊ ߟߎ߬ ߓߟߏ߫߸ ߛߍߥߊ ߘߐ߫߸ ߞߎ߲߬ߠߊ߬ߦߋߙߋ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߕߍ߬ߘߍ߫ ߖߊ߬ߡߊ ߟߊ߫ ߛߍ߬ߘߏ߲ ߠߋ߬ ߟߊ߫.
ߛߟߊߕߌ߯ ߞߡߊ߬ߙߊ ߣߐ߬ ߞߎߡߊ ߕߊ߬ ߟߊ߫߸ ߊ߬ߟߎ ߡߍ߲ ߣߊ߬ ߘߊ߫ ߡߊ߬ߡߊ߬ߘߌ߫ ߛߌ߬ߟߊ߬ ߟߊߓߍ߲߭ ߣߌ߲߬ ߘߐ߫߸ ߊ߬ ߞߊ߲߫ ߞߏ߫ ߊ߬ ߛߍߥߊߣߍ߲߫ ߠߋ߬ ߞߏߛߓߍ߫.
<<ߊ߲ ߢߊ߯ߟߋ߲ߣߍ߲ ߖߍ߬ߘߍߖߍ߬ߘߍ ߟߋ߬ ߓߌ߬߸ ߞߵߏ߬ ߞߎ߲߭ ߞߍ߫ ߡߊ߬ߡߊ߬ߘߌ߫ ߛߌ߬ߟߊ߫ ߓߌ߬ߟߊ߬ ߞߏ ߘߌ߫ (ߕߐ߬ߔߑߛߌ߫ ߞߊ߬ߣߌ߲߬)، ߊ߬ߟߋ ߡߍ߲ ߣߐ߬ ߊ߬ ߖߘߍ߬ ߞߍ߫ ߟߊ߫ ߛߘߊߞߊ ߘߌ߫ ߛߌ߯ߙߌ߲߫ ߡߞߊߘߊ߲ ߘߐ߫߸ ߊ߬ ߡߌ߬ߣߊ߬ ߘߊ߫ ߓߊ߰ߒ߬ߡߊ ߟߋ߬ ߟߊ߫ ߞߵߊ߬ ߘߏ߲߬ ߥߛߎ ߟߊ߫، ߓߊ߬ߙߌ߬߸ ߊߟߊ߫ ߟߋ߬ ߞߕߌߕߍ߯ߟߊ߫ ߞߎߛߊ߲ ߘߌ߫، ߡߍ߲ ߠߎ߬ ߞߵߊ߬ ߟߊ߫ ߥߛߎߟߊߘߏ߲ ߣߌ߲߬ ߝߍ߬ߙߍߕߍ߰߸ ߏ߬ ߟߎ߬ ߓߘߊ߫ ߡߊ߬ߟߏ߬ߦߊ߫ ߓߌ߬ ߢߐ߯ߛߐ߫، ߊ߬ߟߎ߫ ߘߏ߲߬ ߓߍߣߊ߬ ߟߊߡߊ߬ߟߏ߬ߦߊ߫ ߓߍ߯ ߢߣߊ߫ ߦߊ߲߬ ߟߏ߲ ߘߏ߫ ߘߐ߫ ߖߐ߫߸ ߣߴߊߟߊ߫ ߛߐ߲߬ ߘߊ߫، ߊ߲ߠߎ߬ ߞߏ߬ߣߌ߲߸ ߊ߲ ߕߍߣߊ߬ ߛߐ߲߬ ߠߊ߫ ߝߋߎ߫ ߞߵߊ߬ ߝߊ߬ ߓߘߊ ߘߐߕߌߢߍ߫߸ ߊ߲ ߓߌߣߍ߲߫ ߏ߬ ߞߍ߬ߟߍ ߟߊ߫߸ ߊ߬ ߘߍ߲߫ ߘߴߊ߬ ߛߎ߯ ߺ ߎ ߺ ߛߎ߯ ߟߊ߫.>> ߛߟߊߕߌ߯ ߞߊ߬ߡߊߙߊ߬ ߟߋ߬ ߞߊ߲߫ ߕߋ߲߬.
ߡߊ߬ߡߊ߬ߘߌ߫ ߛߌ߬ߟߊ߬ ߞߍ߫ ߘߊ߫ ߡߐ߰ߓߊ ߘߌ߫ ߛߌ߯ߙߌ߲߫ ߞߎߣߎ߲߬߸ ߘߋ߲ߡߌߛߍ߲߫ ߖߡߊ ߞߵߊ߬ ߓߌ߬ߟߴߊ߬ ߞߐ߫ ߞߊ߬ ߓߐ߫ ߓߊߝߌ߲ߘߊ ߟߋ߬ ߟߊ߫߸ ߞߵߊ߬ ߛߌ߰ ߛߋ߰ߘߎ߬ ߝߎ߬ߙߋ ߟߎ߬ ߟߊ߫ ߜߍߞߣߍ ߟߊ߫، ߡߊ߬ߡߊ߬ߘߌ߫ ߛߌ߬ߟߊ߬ ߛߌߥߊߣߍ߲ ߞߊ߬ ߛߙߊ߬ߣߎ߲ ߕߊ߬߸ ߞߊ߬ ߛߌ߯ߙߌ߲ߞߊ ߟߎ߫ ߝߏ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߍߣߊ߬߬ ߛߓߍ߬ߣߊ߲߬ ߞߏ ߟߎ߬ ߘߊߡߌ߬ߣߊ߬ ߛߊߟߌ ߓߊ߲ ߞߐ ߘߐ߫.
<<ߒ ߧߋ߫ ߛߌ߯ߙߌ߲ߞߊ ߟߎ߫ ߝߏ߬ ߟߊ߫߸ ߘߋ߲ߡߌߛߍ߲ ߠߎ߬߸ ߡߏ߬ߛߏ ߟߎ߬߸ ߡߐ߰ߓߊ ߟߎ߬߸ ߝߋ߲ ߺ ߋ ߺ ߝߋ߲߫ ߛߋ߫ ߘߊ߫ ߓߐ߫ ߟߊ߫߸ ߝߋ߲ ߺ ߋ ߺ ߝߋ߲߫ ߞߵߊ߬ ߛߋߞߏ ߞߍ߫ ߞߵߊ߬ ߕߊ߬ ߒ ߡߌ߬ߣߊ߬ ߟߏ߲ ߡߊ߬ ߞߵߊ߬ ߛߌ߰ ߓߌ߬ ߟߊ߫، ߒ ߞߵߊ߬ ߟߐ߲߫ ߝߛߊߦߌ߫߸ ߒ ߞߏ߫ ߊߟߎ߫ ߞߊ߬ ߡߍ߲ ߞߍ߫߸ ߊߟߎ߫ ߦߋ߫ ߡߍ߲ ߞߍ ߟߊ߫߸ ߏ߬ ߓߍ߯ ߞߍ ߦߴߌߘߐ߫ ߛߌ߯ߙߌ߲߫ ߠߋ߬ ߦߋ߫، ߒ ߓߘߴߊ߬ ߟߐ߲߫ ߞߏ߫ ߖߊ߰ ߊ߲ ߘߌ߫ ߛߴߊ߲ ߓߟߏ ߘߌ߫ ߟߊ߫ ߢߐ߲߮ ߡߊ߬ ߛߌ߯ߙߌ߲߫ ߞߏߛߐ߲߬߸ ߛߌ߯ߙߌ߲ߞߊ ߟߎ߬ ߦߋ߫ ߝߊ߬ ߓߘߊ߬ ߞߊ߬ߣߌ߲߬ߠߊ ߟߎ߫ ߟߋ߬ ߘߌ߫، ߒ߬ߓߊ߬߸ ߊߟߎ߫ ߓߘߊ߫ ߞߊ߲ߠߊߓߌ߬ߟߊ߫ ߡߎ߬ߕߎ߲߬، ߓߊ߬ߙߌ߬ ߤߎ߲߫߸ ߊ߲ ߕߴߊ߲ ߓߟߏ ߟߊ߫ ߟߴߊ߲ ߛߋ߲߭ ߞߊ߲߬ ߏ߬ ߞߐ߫ ߘߋ߬، ߣߌ߫ ߛߊߟߌ ߓߊ߲߫ ߘߊ߫߸ ߊ߲ ߓߍߣߊ߬ ߛߓߍ߬ߣߊ߲߬ߞߏ ߟߎ߫ ߛߌ߰ ߛߋ߲߬ߠߊ߫߸ ߞߊ߬ ߞߏ ߖߍ߬ߘߍߖߍ߬ߘߍ ߘߊߡߌ߬ߣߊ߬، ߊߟߎ߫߫ ߣߌ߫ ߗߋ߫، ߒ ߛߍߥߊߣߴߊߟߎ߫ ߟߊ߫߸ ߒ ߧߴߊߟߎ߫ ߝߏ߬ ߟߊ߫.>> ߡߊ߬ߡߊ߬ߘߌ߫ ߛߌ߬ߟߊ߫ ߟߋ߬ ߞߊ߲߫ ߕߋ߲߬.
ߌߓߙߊߤߌߡߊ߬ ߞߊߡߊ߲߫ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫ ߛߌ߯ߙߌ߲߫
