ߛߣߍ߬ߜ߭ߊߟߌ߫ ߞߏߕߌ߯ ߝߟߐ ߓߘߴߊ߬ ߝߐ߫ ߊߡߙߌߞߌ߬ ߞߊ߲ߕߌ߮ ߡߊ߬ ߞߏ߫ <<ߝߊ߬ ߓߟߊ߬ߥߎ߬>> ߡߍ߲ ߓߘߊ߫ ߣߊ߬ ߟߊ߬ߡߊ߮ ߟߊߘߏ߲߬ ߘߎߢߊ߫ ߞߣߐ߫ ߞߊ߬ ߘߎߢߊ߫ ߓߌ߬ߟߊ߫ ߞߣߐ߬ߘߐ߬ߝߟߌ ߣߌ߫ ߜߟߍ߬ߦߊ ߕߍߡߊ߬߸ ߤߊ߲߯ ߞߊ߬ ߣߊ߬ ߞߍ߬ߟߍ ߟߊߥߟߌ߬ ߕߟߋ߬ߓߐ ߕߍߡߟߊ ߘߐ߫.
ߘߍ߰ߡߎ߲߬ ߓߟߋߓߟߋ߫ ߟߋ߬ ߕߎ߲߬ ߦߴߌߘߐ߫ߛߣߍ߬ߜ߭ߊߟߌ߫ ߞߣߐ߫ ߓߌ߬߸ ߎߛߑߡߊߣߌ߲߫ ߛߐ߲ߞߏ߫ ߞߊ߬ ߓߎߞߊߙߌߟߊ߫ ߞߊ߲ߕߌ߮ ߞߏ߬ ߊ߬ ߟߊ߫ ߛߙߊ߬ߣߎ߲ ߕߎ߬ߡߊ ߟߊ߫ ߟߋ߬ ߞߵߊ߬ ߜߍ߫ ߛߏߘߊ߫، ߓߊߏ߬߸ ߖߘߍ߬ߕߌ߰ߦߊ ߟߊ߬ߘߍ ߟߋ߬ ߕߎ߲߬ ߦߋ߫߸ ߊ߬ ߘߏ߲߬ ߝߣߊ߫ ߞߊ߬ ߖߘߍ߬ߕߌ߰ߦߊ߬ ߞߊ߲ ߝߐ߫.
ߎߛߑߡߊߣߌ߲߫ ߛߐ߲ߞߏ߫ ߡߍ߲ ߦߋ߫ ߛߣߍ߬ߜ߭ߊߟߌ߫ ߞߏߕߌ߯ ߝߟߐ ߘߌ߫߸ ߊ߬ ߓߘߴߊߡߙߌߞߌ߬ ߞߊ߲ߕߌ߮ ߛߎ߮ ߝߐ߫ ߊ߬ ߦߋ߫߸ ߘߏߣߊߟ ߕߑߙߐ߲ߔ، ߊ߬ ߞߊ߲߫ ߞߏ߫ ߞߍ߬ߟߍ ߡߍ߲ ߞߍߣߍ߲߫ ߕߟߋ߬ߓߐ ߕߍߡߟߊ ߘߐ߫߸ ߕߑߙߐ߲ߔ ߟߊ߫ ߓߟߊ߬ߥߎ߬ߕߐ߬ߦߊ ߟߋ߬ ߣߐ߬، ߊ߬ ߞߊ߲߫ ߞߏ߫ ߕߑߙߐ߲ߔ ߕߍ߫ ߘߏ߫ ߜߘߍ߫ ߘߌ߫ “ߓߟߊ߬ߥߎ߬ ߡߐ߮” ߞߐ߫، ߏ߬ ߝߐ߫ ߘߴߊ߬ ߓߟߏ߫ ߜߙߊ߬ ߓߟߋߓߟߋ߫ ߟߋ߬ ߘߐ߫ ߘߊ߬ߞߊ߯ߙߎ߫ ߞߘߌߞߘߌ ߟߎ߬ ߟߊ߫ ߛߏߡߐ߯ߦߊ ߗߍߓߏ߲ ߠߊ߫߸ ߡߍ߲ ߕߎ߲߬ ߦߋ߫ ߖߘߍ߬ߕߌ߰ߦߊ ߟߊ߬ߘߍ ߘߌ߫.
ߟߊ߬ߘߍ߬ ߘߊߞߎ߲ ߣߌ߲߬ ߘߐ߫߸ ߘߎߢߊ߫ ߕߍߓߊ߯ߦߟߊ ߣߴߊ߬ ߞߟߊ߬ߡߊ߬ߓߊ߰ ߛߌߦߊߡߊ߲߫ ߕߘߍ߬ ߞߣߍ ߞߊ߲߬߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߟߊ߫ ߞߏ߫ ߟߊߞߙߐ߬ߛߌ߬ߣߍ߲ ߟߊ߲ߞߣߍߡߊ߫ ߏ߬ ߟߋ ߘߊߞߎ߲ ߘߐ߫ ߦߋ߲߬، ߞߊ߬ߕߎ߲߯߸ ߞߏ߫ ߊ߬ߟߋ ߟߊ߫ ߟߊ߬ߞߙߐ߬ߛߟߌ߬ ߘߐ߫߸ ߊߡߙߌߞߌ߬ ߡߊ߫ ߛߎߘߊ߲߫ ߘߎߢߊ߫ ߞߟߍ߬ ߛߌ߫ ߘߐ߫ ߞߐ ߢߌ߲߬ ߠߊ߫ ߡߎߣߎ߲߬، ߓߊߏ߬߸ ߞߍ߬ߟߍ ߦߋ߫ ߟߊߥߟߌ߬ ߟߊ߫ ߟߊ߬ߢߌߣߌ߲ ߡߍ߲ ߡߊ߬߸ ߏ߬ ߕߴߛߋ߫ ߟߊ߫ ߞߍ߫ ߟߊ߫.
<<ߞߏ߫ ߞߊ߬ ߘߏ߫ ߓߐ߫ ߌߙߊ߲߫ ߠߊ߫ ߜߟߍ߬ߞߌ߬ߛߍ߬ߕߌ߰ߦߊ ߝߊ߲߬ߞߊ ߟߊ߫߸ ߏ߬ ߡߊ߫ ߛߋ߫ ߞߍ߫ ߟߊ߫، ߞߵߊ߬ ߞߍ߫ ߛߋ߲ߛߋߘߋ߲ ߘߌ߫ ߌߙߊ߲߫ ߞߊ߲߬ߟ ߞߏ߫ ߊ߬ ߦߴߊ߬ ߓߟߏߓߐ߫ ߡߎ߯ߖߎ߯ ߞߏ ߢߍߥߟߊ ߘߐ߫߸ ߣߊ߲߬ߒ߬ߕߊ߲ ߠߎ߬ ߕߊ ߣߴߊ߬ ߣߊ߲߬ߕߌ߮ ߟߎ߬ ߕߊ߸ ߏ߬ ߡߊ߫ ߓߍ߲߬، ߡߙߌߦߊ߫ ߛߌ߫ ߦߴߊ߬ߟߎ߬ ߟߊ߫߸ ߏ߬ ߡߊ߫ ߛߋ߫ ߞߍ߫ ߟߊ߫، ߞߵߊ߬ ߛߐ߬ߘߐ߲߬ ߜߎ߸ ߊ߬ ߓߘߊ߫ ߘߎߢߊ߫ ߓߌ߬ߟߊ߫ ߜߟߍ߬ߦߊ ߕߍߡߊ߬߸ ߢߊߝߐ߫ ߢߊ߫ ߕߍ߫ ߡߍ߲ ߠߊ߫߸ ߓߟߏߡߌߘߊߞߎ߲ߧߊ߫ ߕߴߊ߬ ߟߊ߫، ߛߟߊߕߌ߯ ߕߑߙߐ߲ߔ ߕߴߊ߬ ߛߌ߰ ߟߴߊ߬ ߘߐߛߎߡߊߣߍ߲ ߞߎ߲߬ߠߊ߫߸ ߊ߬ ߦߋ߫ ߓߟߊ߬ߥߎ߬ߕߐ ߟߋ߬ ߘߌ߫ ߞߊ߬ ߘߎߢߊ߫ ߛߌ߰ ߕߊ ߞߊ߲߬.>> ߛߐ߲ߞߏ߫ ߟߋ߬ ߞߊ߲߫ ߕߋ߲߬.
ߞߎߡߊ ߛߋ ߝߊ߬ߙߊ߲߬ߛߌ߫ ߘߎ߰ߘߐ߬ߓߘߍ߬ߓߘߍ߬ߟߌ߬ߟߊ߫ ߔߊߛߑߞߊߟ ߓߏߣߌߝߊߛ ߓߟߏ߫ ߓߊ߲ߓߋ ߞߊ߲߬߸ ߏ߬ ߝߣߊ߫ ߦߟߍ߬ ߘߊ߫ ߛߐ߲ߞߏ߫ ߟߊ߫ ߞߎߡߊ ߏ߬ ߦߙߌ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߘߎߢߊ߫ ߓߘߊ߫ ߛߋ߫ ߝߊ߬ߘߌ ߡߍ߲ ߘߐ߫ ߕߋ߲߬߸ ߝߏ߫ ߞߊ߬ ߞߏ ߟߎ߬ ߝߘߌ߫ ߊ߬ ߢߊߖߎ߮ ߟߋ߬ ߞߊ߲߬ ߡߎ߬ߕߎ߲߬، ߓߊߏ߬߸ ߓߘߍ߬ߓߘߍ߬ߟߌ ߞߍߞߌߦߊ ߡߍ߲ ߦߋ߫ ߕߟߏߥߎߟߋ߲ ߠߎ߬ ߓߟߏ߫߸ ߏ߬ ߟߋ ߊ߬ߟߎ߫ ߥߊ߲߬ߥߊ߲ ߘߌ߫ ߘߎߢߊ߫ ߟߊ߫߸ ߞߵߊ߬ ߘߏ߲߬ ߊ߬ߟߎ߫ ߞߓߊ߬ ߞߘߐ߫، ߊ߬ߟߋ߫ ߞߵߊ߬ ߦߌ߬ߘߊ߬ ߞߏ߫ ߞߍߞߌߦߊ ߏ߬ ߡߊߝߊ߬ߟߋ߲߬ߕߊ ߡߎ߬ߕߎ߲߬߸ ߓߍ߯ ߦߴߊ߬ ߛߌ߰ ߜߍ߫ ߞߋߟߋ߲߫ ߘߐ߫߸ ߞߊ߬ ߘߎߢߊ߫ ߞߊ߲ ߝߐ߫߸ ߢߐ߲߯ ߛߊ߲ߓߊ߫ ߕߴߊ߬ ߘߐ߫.
<<ߕߟߋ߬ߖߌ߰ߞߊ ߟߎ߫ ߝߊ߲߬ߞߊ ߡߊ߫ ߟߊߕߍ߰ ߘߋ߬߸ ߊ߬ߟߎ߬ ߡߊ߫ ߓߟߏߞߏߟߏ߲ߧߊ߫ ߝߣߊ߫߸ ߊ߬ߟߎ߬ ߝߏߣߍ߲߫ ߊ߬ߟߎ߬ ߟߊ߫ ߕߎ߬ߙߎߗߍ߬ߡߍ ߟߋ߬ ߟߊ߫، ߓߊ߬ߙߌ߬ ߣߴߊ߬ ߡߊ߫ ߢߊ߬ ߞߏ߫ ߟߐ߬ ߦߙߐ ߦߋ߫ ߘߎߢߊ߫ ߓߍ߯ ߓߟߏ߫ ߞߵߊ߬ߟߎ߫ ߛߌ߰ ߛߌ߰ߥߟߊ ߟߊ߫߸ ߊ߬ ߕߍ߫ ߓߍ߲߬ ߏ߬ ߘߐ߫߸ ߘߏ߫ ߟߎ߫ ߦߴߊ߬ߟߎ߫ ߛߌ߰ ߞߵߊ߬ߟߎ߬ ߡߙߌߦߊ ߘߌ߫߸ ߕߐ߱ ߟߎ߬ ߡߊߕߊ߯ߣߍ߲ ߦߋ߫ ߞߍ߫ ߢߊ߫ ߟߋ߯ߟߋ߮ ߟߊ߫، ߞߵߊ߬ ߛߐ߬ߘߐ߲߬ ߜߎ߸ ߏ߬ ߟߎ߬ ߝߣߊ߫ ߞߊ߫ ߞߊ߲߫ ߞߊ߬ ߞߎߘߎ߲ ߘߏ߫ ߛߐ߬ߘߐ߲߬ ߞߵߊ߬ߟߎ߫ ߛߌ߰ ߥߟߊ߫ ߞߊ߬ ߞߏ ߘߏ߫ ߞߍ߫ ߊ߬ ߞߣߐ߫.>> ߔߊߛߑߞߊߟ ߞߵߏ߬ ߟߋ ߝߐ߫.
ߞߎߡߊ ߣߌ߲߬ ߝߐ߫ ߥߊ߯ߕߌ ߘߏ߲߬ ߣߐ߬ ߊ߬ ߛߐ߬ߘߐ߲߬ ߠߊ߫ ߟߋ߬ ߕߋ߲߬߸ ߘߎߢߊ߫ ߦߋ߫ ߜߟߍ߬ߦߊ ߕߍߡߊ߬߸ ߞߍ߬ߟߍ ߓߘߊ߫ ߣߊ߬ ߜߟߐߡߌ߲߫ ߞߏ߫ ߝߙߋߞߋ ߘߌ߫، ߊ߬ ߘߏ߲߬߸ ߊ߬ߟߎ߬ ߟߊ߫ ߜߊ߬ߙߊ ߣߌ߲߬ ߞߎ߲߬ߕߐ߮ ߟߋ߬ ߞߏ߫ <<ߖߘߍ߬ߕߌ߰ߦߊ ߣߌ߫ ߝߊ߬ߛߏ߬ ߞߊߣߌ߲ ߕߍ ߡߊ߲߫ ߞߊ߲߫ ߞߊ߬ ߖߊ߲߰ߧߊ߬>> ߏ߬ ߞߍ߫ ߘߊ߫ ߞߎߣߎ߲߬ ߓߌߟߏ߲ ߠߋ߬ ߡߊ߬ ߘߊ߬ߞߊ߯ߙߎ߫ ߛߏ ߞߣߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
