ߞߎ߲߬ߠߊ߬ߛߌ߮ ߓߍ߯
ߞߍߞߎߘߊSߡߊ߲߬ߕߡߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߊ߫ ߝߘߏ߬ߓߊ߬ ߜߙߊ ߈߁߲ ߟߊ߬ߘߍ ߛߋ߲߭ߝߍ߬߸ ߞߊ߲ߕߌ߯ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߖߌ߬ߣߍ߫ ߖߡߊ߬ߣߊ ߟߊ߫ ߖߘߍ߬ߕߌ߰ߦߊ ߟߋ߬ ߡߊߞߊ߲ߞߊ߲߫߸ ߞߵߊ߬ ߦߌ߬ߘߊ߬ ߞߏ߫ ߖߡߊ߬ߣߊ ߦߋ߫ ߓߍ߯߸ ߛߊ߬ߥߏ ߟߋ߬ ߘߐ߫߸ ߌ ߞߍ߫ ߘߊ߫ ߤߊߟߌ߬ ߞߐߞߊ߲߫ ߡߐ߯ ߘߌ߫، ߞߏ߬ߣߌ߲߬߸ ߞߏ߫ ߥߙߎߞߌ ߣߌ߫ ߡߊ߬ߙߊ ߡߍ߲ ߺ ߍ ߺ ߡߍ߲߫ ߓߊ߯ ߞߍ߫ ߞߍ߫ ߟߊ߫߸ ߊ߬ ߓߍ߯ ߞߍߕߐ߫ ߞߵߊ߬ ߓߍ߲߬ ߖߌ߬ߣߍ߫ ߖߍ߬ߘߍ ߥߊ߫ ߢߊ ߣߴߊ߬ ߘߌߦߊߣߊ߲ ߠߋ߬ ߡߊ߬.
ߝߊ߬ߘߌ߬ߡߊ߬ߞߟߏߊ߬ ߕߍ߫ ߡߍ߲߫ ߡߎ߬ߕߎ߲߬߸ ߛߟߌ߫ ߝߊ߬ߛߏ߬ߟߊ߬ߞߊ ߓߍߣߊ߬ ߘߏ߲߬ ߓߙߊ ߘߐ߫؛ ߣߊߟߌ߬ߡߎ߲߫ ߂߀߂߇ ߝߘߊ߬ߝߌ߲߬ߠߊ߫ ߡߊ߲߬ߕߏ߲߬ ߖߌߟߊߝߍ (ߝߡߖ) ߢߐ߲߯ߘߊ߲ ߕߊ߲ߠߌ߲ ߘߌ߫ ߖ߭ߏߥߊߣߍߛߑߓߎߙ.
ߕߋߟߋ߲ߓߊ߯ߦߊߞߕߌ ߘߏ߫ ߟߋ߬ ߘߊߡߌ߬ߣߊ߬ ߘߊ߫ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫ ߞߐ߬ߓߊ߬ߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇ ߡߊ߬߸ ߊ߬ߟߋ ߞߕߌ ߦߴߌߘߐ߫ ߞߊ߬ ߓߍ߲߬ ߊ߬ ߗߍ߬ ߝߊ߰ ߞߏ ߟߋ߬ ߡߵߊ߬ ߓߟߏ߫، ߊ߬ ߝߘߎ߫ ߘߴߊ߬ ߛߊ߲߬ ߁߃ ߟߋ߬ ߡߊ߬߸ ߘߋ߲ߡߛߏ ߞߊ߲߫ ߞߏ߫ ߊ߬ ߞߵߏ߬ ߟߊߥߌ߬ߟߌ߫ ߟߋ߬ ߛߴߊ߬ ߘߌ߫ ߓߐ߫ ߕߙߐߦߊ ߞߘߐ߫ ߢߊ ߡߍ߲ ߡߊ߬߸ ߓߊ߬ߙߵߊ߬ ߡߴߊ߬ ߟߊߥߌ߬ߟߌ߫ ߝߊ߰ߟߌ߫ ߡߊ߬.
ߓߘߍ߬ߓߘߍ߬ߟߌߊ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫ ߛߐ߬ߘߐ߲߬ ߛߘߋߦߊߥߏ (ߝߕߞߡߘ) ߡߙߊ߬ߓߊ߮ ߟߎ߬ ߟߊ߫ ߜߊ߬ߙߊ ߘߐ߫، ߒ߬ߓߊ߬߸ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߞߊ߬ ߛߘߋߦߊߥߏ ߛߎ߮ ߝߐ߫ ߊ߬ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊߘߊ߲ߣߍ߲߫ ߛߐ߬ߘߐ߲ ߠߋ߬ ߓߊߛߌ߰ ߞߊ߲ߡߊ߬߸ ߞߊ߬ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߬߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߍߒߘߌߦߊ ߓߌ߬ߟߊ߬ ߢߍߝߍ߬، ߊ߬ ߞߊ߬ ߓߌ߲߬ߓߊ߬ߥߏ߬ ߞߏ ߘߐߜߏߦߊ߫ ߟߋ߬ ߔߐ߫߸ ߞߊ߬ߕߎ߲߯߸ ߞߏ߫ ߓߌ߲߬ߓߊߥߏ ߡߊ߲߬ߕߙߐ ߡߍ߲ ߦߋ߫ ߖߡߊ߬ߣߊ߬ߘߋ߲ ߠߎ߬ ߞߊ߲߬߸ ߏ߬ ߕߍ߫ ߞߊ߲ߕߌ߮ ߟߎ߫ ߞߊ߲߬߸ ߓߌ߲߬ߓߊߥߏ ߦߋ߫ ߓߋ߬ ߟߴߏ߬ ߟߎ߬ ߡߍ߲ ߠߎ߬ ߞߊ߲߬.
ߓߘߍ߬ߓߘߍ߬ߟߌߊ߬ ߞߋߟߋ߲߫ ߔߋ߫ ߟߋ߬ ߓߐ߫ ߘߊ߫ ߞߎߡߊߞߍߓߏ߲ ߞߊ߲ߕߌ߯ߦߊ߫ ߢߌߣߌ߲ ߞߐ߫، ߒ߬ߓߊ߬߸ ߖߌ߬ߣߍ߫ ߘߐ߬ߕߊߡߌ߲ ߞߏߟߊߕߍ߯ߘߊ ߞߊ߲ߕߌ߯ ߞߘߐ ߓߘߊ߫ ߛߎߥߊ߲ߘߌ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߁߇߸ ߞߵߊ߬ ߟߊߦߍ߬ߟߍ߫ ߝߊ߬ߛߏ߬ ߜߙߊ߬ ߞߎߘߊ ߞߎ߲߬ߠߊ߫، ߊ߬ߟߋ ߟߋ߬ ߞߍߣߍ߲߫ ߖߌ߬ߣߍ߬ ߞߊ߲ߓߍ߲ ߝߊ߬ߛߏ߬ ߜߙߊ ߞߊ߲ߕߌ߯ ߝߟߐߝߟߐ ߘߌ߫ ߞߊ߲ߓߍ߲߫ ߟߏ߯ߟߎߣߊ߲ ߞߎߡߊߞߍߓߏ߲ ߞߣߐ߫.
ߛߊ߲߬ߞߟߊ߬ߕߋߖߌ߬ߣߍ߬ ߞߊ߲ߓߍ߲ ߜߊ߬ߕߌ߰ ߝߟߐߝߟߐ ߣߌ߫ ߞߊ߲ߕߌ߯ ߊߤߑߡߍߘ ߛߋߞߎ߫ ߕߎ߬ߙߋ߫ ߡߛߏ߬ ߜߐ߮߸ ߤߊߖߊ߬ ߊ߲ߘߙߋ߫ ߕߎ߬ߙߋ߬ ߓߘߊ߫ ߡߊ߰ߙߌ ߟߊ߫ ߞߟߌߟߌ ߟߊߡߌ߬ߣߊ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߈߸ ߡߊ߬ߙߐߞߎ߬، ߡߐ߰ ߛߌߦߊߡߊ߲߫ ߓߘߊ߫ ߞߎߡߊ߫߸ ߞߊ߬ ߓߍ߲߬ ߊ߬ ߟߊ߫ ߛߊ߬ߦߊ ߣߌ߲߬ ߡߊ߬߸ ߞߵߏ߬ ߞߎ߲߭ ߞߍ߫߸ ߊ߬ ߦߋ߫ ߖߌ߬ߣߍ߫ ߘߐ߬ߝߐ ߞߣߐ߫ ߕߐ߯ߕߌ߮ ߘߏ߫ ߟߋ߬ ߘߌ߫ ߊ߬ ߗߍ߬ ߡߊ߬ߣߊߡߊ߬.
ߓߐ߰ߝߍߖߌ߬ߣߍ߫ ߞߎ߲߬ߠߊ߬ߛߌ߮ ߓߘߊ߫ ߦߙߌ߫ ߕߍ߮ ߟߊߕߐ߲߫ ߞߵߊ߬ ߘߊߡߌ߬ߣߊ߫ ߞߊ߬ߙߌ߬ߝߐ ߕߟߋ߬ ߈ ߢߌ߲߬ ߡߊ߬ ߤߊ߲߯ ߕߎߟߊߝߌ߲ ߕߟߋ߬ ߃߀، ߞߎ߲߬ߕߊ߮ ߏ߬ ߞߣߐ߫߸ ߦߙߌ ߕߍ߫ ߕߍ߰߸ ߊ߬ ߕߍ߫ ߟߊߓߐ߫ ߊ߬ ߘߏ߲߬ ߕߍ߫ ߡߊߘߏ߬ߣߌ߲߫ ߖߡߊ߬ߣߊ ߘߎ߰ߞߟߏ ߡߎ߰ߡߍ ߞߊ߲߬، ߣߌ߲߬ ߞߎ߲߭ ߠߋ߬߸ ߛߊ߫ ߕߎ ߝߣߊ߫ ߘߴߊ߬ ߢߐߢߐ߲߫ ߣߍ߲ߞߍ߫߸ ߞߵߊ߬ ߘߐߝߎߟߋ߲߫ ߞߊ߬ ߦߙߌ߫ ߛߌߦߊߡߊ߲߫ ߠߊߥߟߏ߫ ߞߏߞߎߘߊ߫.
ߕߋߟߋ߲ߓߊ߯ߦߊߘߊ߯ߟߋ߲ ߞߟߍ߬ߕߌ߮ ߛ߭ߍߞ ߛߎߟߋߡߊߣ ߡߛߊߞߎߥߊ߫ ߦߋ߫ ߞߐߣߊߞߙߌ߫ ߕߋ߲߬߸ ߊ߬ ߣߌ߫ ߜߋ߬ߟߎ߲߬ߠߌ߲߬ ߗߋߦߊߟߌ ߟߋ߬ ߣߊ߬ߣߍ߲߫߸ ߞߊ߬ ߖߌ߬ߣߍ߫ ߞߟߍ߬ߞߙߎ ߟߊ߫ ߓߟߏߘߐߓߍ߲ ߞߛߊߞߊ ߡߊߝߟߍ߫߸ ߞߵߊ߬ߟߎ߬ ߛߋߞߏߦߊ ߝߣߊ߫ ߡߊߝߟߍ߫߸ ߣߴߊ߬ߟߎ߬ ߘߌ߫ ߛߋ߫ ߛߐ߬ߘߐ߲߬ ߠߊ߫ ߛߘߋߦߊߥߏ ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߘߐ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊ߲ߓߍ߲ ߞߊ߲ߕߌ߮ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߢߐ߲߯ߦߋ߫ ߘߏ߫ ߟߋ߬ ߞߎ߲߬ߠߊߛߌ߰ ߛߌ߬ߣߌ߲߬ߟߏ߲ ߥߊ߬ߛߌ߬ߥߙߊ ߕߟߋ߬ ߁߉ ߢߌ߲߬ ߡߊ߬߸ ߊ߬ߟߎ߬ ߣߌ߫ ߛߊߣߌ߲߫ ߓߊ߯ߙߟߊ ߟߎ߫ ߞߊ߬ ߢߐ߲߯ߦߋ߫ ߡߍ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߛߊߣߌ߲߫ ߢߊߘߊ߲ ߕߍ߫ ߟߊߓߐ߫ ߟߊ߫ ߡߎ߬ߕߎ߲߬߸ ߊ߬ ߓߍ߯ ߘߐߖߏ߲ߕߐ߫ ߖߡߊ߬ߣߊ ߞߣߐ߫ ߟߋ߬ ߛߍߣߍ߲߬، ߏ߬ ߓߊ߯ߙߊ ߘߏ߲߬ߣߍ߲߫ ߣߌ߲߬ߓߊ߬ ߛߊߣߌ߲߫ ߘߐߖߏ߲ߘߊ ߟߋ߬ ߓߟߏ߫، ߊ߬ߟߎ߬ ߞߊ߲߫ ߞߏ߫ ߣߌ߲߬ ߦߋ߫ ߖߡߊ߬ߣߊ ߟߊ߫ ߛߐ߬ߘߐ߲ ߠߊ߫ ߖߘߍ߬ߕߌ߰ߦߊ ߡߎ߬ߙߊ߲߬ ߞߟߏߡߊ ߘߏ߫ ߟߋ߬ ߘߌ߫.
ߘߌ߯ߣߊߞߎ߲߬ߢߐ߲߰ ߘߊ߲ߘߐ߫ ߟߋ߬ ߞߊ߲ߞߊ߲߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߟߊ߫ ߕߊ߯ߟߌ ߟߊ߫ ߡߎ߬ߕߎ߲߬߸ ߊ߬ߟߎ߬ ߓߘߊ߫ ߓߐߒߝߘߎߘߐߓߊ߫ ߞߍ߫ ߛߏ ߢߍ߫߸ ߞߊ߬ ߕߙߏ߬ߞߏ߬ߘߓߊ߬ ߞߋߟߋ߲߫ ߣߌ߫ ߘߊ߲߬ߞߊ߬ߞߎ߬ߟߎ߲߬ ߞߎߘߊ߫ ߝߌ߬ߟߊ߫ ߓߌ߬ߟߊ߫ ߞߊ߬ߝߏ߬ߙߋ߲ ߛߊ߬ߥߏ߬ ߘߐ߫߸ ߞߵߏ߬ ߞߍ߫ ߊ߬ߟߎ߬ ߓߟߏߣߐ߫ ߟߊߓߊ߲ ߘߌ߫، ߞߊ߬ߕߎ߲߯߸ ߊ߬ ߕߍ߬ߘߍ߫ ߡߐ߰ ߛߌߦߊߡߊ߲߫ ߢߣߊ߫߸ ߞߏ߫ ߊ߬ߟߎ߬ ߡߊ߫ ߞߏߓߊ߫ ߞߍ߫ ߊ߬ߟߎ߬ ߟߊ߫ ߟߐ߬ߒ߬ߞߋ߬ߟߊ ߞߘߐ߫.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߛߊ߲ߖߌ߫ ߕߐ߲ߞߐߟߐ߲ߡߊ ߟߋ߬ ߖߌ߰ ߘߊ߫ ߞߎߣߎ߲߬ ߛߌ߬ߣߌ߲߬ߟߏ߲ ߛߎ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬ ߞߵߊ߬ ߘߎ߰ߛߊ ߜߍ߫ ߕߋ߬ߟߋ߫ ߂߀ ߢߌ߲߬ ߠߊ߫߸ ߡߍ߲ ߝߢߐߞߏߙߏ߲ ߞߊ߬ ߕߌߢߍߟߌ߫ ߛߌߦߊߡߊ߲߫ ߞߍ߫߸ ߞߊ߬ ߘߋ߲ߣߍ߲߫ ߛߊ߲߬ ߁߀ ߘߏ߫ ߓߐ߬ߣߐ߫ ߊ߬ ߣߌ ߘߐ߫، ߏ߬ ߞߍ߫ ߘߊ߫ ߝߙߊ߬ߣߍ߲ ߺ ߞߐ߫ ߟߋ߬߸ ߞߎ߲ߖߊ߲߫ ߛߏ ߞߣߐ߫߸ ߞߎߘߍ߫ ߅߀ ߖߊ߬ߕߋ߬ ߟߊ߫ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߊ߬ ߛߌ߰ߓߊ߮ ߟߎ߬ ߢߌߣߌ߲ߣߍ߲߫ ߝߊ߰ߡߊ ߟߎ߬ ߣߌ߫ ߓߟߏߘߐߢߌ߲ ߠߎ߬ ߟߊ߫ ߘߍ߬ߡߍ߲ ߡߊ߬ ߕߋ߲߬ ߞߏߛߓߍ߫.
ߘߍ߭ߓߌߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߈ ߡߊ߬߸ ߞߊ߲ߞߊ߲ߞߊ߲߫ ߞߊ߬ ߗߋߦߊߟߌ߫ ߓߟߋߓߟߋ߫ ߟߋ߬ ߟߊߛߣߍ߫߸ ߡߍ߲ ߠߎ߬ ߣߊ߬ ߘߊ߫ ߡߊ߬ߞߍ߬ ߦߙߐ߬ ߁ ߀߀߀ ߟߐ߬ ߞߏ߬ ߞߎߡߊ ߝߐ߫߸ ߞߵߏ߬ ߞߍ߫ ߖߡߊ߬ߣߊ߬ߘߋ߲ ߠߎ߬ ߖߌ߰ߡߝߊ߬ ߦߙߐ ߘߏ߫ ߘߌ߫ ߓߏ߲߫ ߞߏ ߘߐ߫߸ ߡߍ߲ ߛߐ߬ߘߐ߲ ߞߊ߫ ߞߊ߲߫ ߞߊ߬ ߟߊߣߐ߰ߦߊ߬ ߓߍ߯ ߡߊ߬، ߓߊ߬ߙߌ߬߸ ߗߋߘߊߕߌ߮ ߟߎ߫ ߟߋ߬ ߢߍ ߘߐ߫ ߖߡߊ߬ߣߊ߬ߘߋ߲ ߕߐ߭ ߟߎ߬ ߢߍ߫.
ߓߘߍ߬ߓߘߍ߬ߟߌSߖߌ߬ߣߍ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߐ߬ ߖߋ߬ߟߌ߬ߓߊ߬ߟߊ߫ ߥߟߎ߬ߡߊ߬ߕߌ߮ ߊߟߌߞߏ߫ ߘߊ߲ߜ߭ߏߕߋ߫ ߟߋ߬ ߟߊߞߢߐ߬ߡߊ߬ ߟߊ߫ ߞߎߓߋ߫ ߡߊ߬ߤߊ߬ߡߍ߬ߘ ߅߲ ߠߊ߫߸ ߞߵߊ߬ߟߎ߬ ߟߊ߫ ߘߊߘߐߖߊߥߏ ߕߐ߭ ߘߊߓߊ߲߫ ߖߌߛߎ߲ߞߋߡߎ߲ ߣߌ߫ ߛߍ߬ߣߍ ߣߌ߫ ߜߟߐߡߌ߲ ߣߌ߫ ߘߍ߲߰ߦߊ߬ߟߌ ߡߊ߬ߘߎ߮ ߘߐ߫. ߛߊ߫ ߖߌ߬ߣߍ߫ ߘߎ߰ߘߐ߬ߝߋ߲ ߠߎ߬ ߘߌ߫ ߛߋ߫ ߓߊ߯ߙߊ߫ ߟߊ߫ ߖߌ߬ߣߍ߬ ߞߣߐ߫߸ ߞߵߊ߬ ߛߐ߬ߘߐ߲߬ ߊ߬ ߡߊ߫ ߓߐ߫ ߞߊ߬ ߥߴߊ߬ ߘߌ߫ ߝߊ߲߬ ߜߘߍ߫.
ߒߞߏߞߍ߲ߘߍߟߏ߲ ߂߀߂߆ ߘߓߊ߬ߕߊ ߕߋ߬ߟߋ߫ ߂߉ ߡߊ߬߸ ߖߌ߬ߓߙߌ߬ߟߊ߲߬ ߞߐ߲ߘߍ߫ ߡߊ߲߬ߘߋ߲߫ ߡߟߍ߬ߞߊ ߞߊ߬ ߓߐߒߝߘߎߘߐ߫ ߓߟߋߓߟߋ߫ ߞߍ߫ ߊ߬ߟߎ߬ ߟߊ߫ ߛߏ ߦߋ߫߸ ߓߊ߯ߙߏ߫، ߓߊ߯ߙߏ߫ ߣߌ߲߬ ߦߋ߫ ߡߙߊ߬ߘߊ߬ߙߋ߲ ߠߋ߬ ߘߌ߫ ߞߙߎ߬ߛߊ߫ ߡߙߊ߬ߘߊ߬ߓߊ ߘߐ߫، ߊ߬ ߣߐ߬ ߝߟߊ ߟߋ߬ ߕߘߎ߫ ߟߊ߫ ߛߏ ߘߏ߲߬ߘߊ ߟߊ߫߸ ߡߍ߲ ߡߎ߰ߡߍ ߞߍߣߍ߲߫ ߒߞߏ ߛߓߍߟߌ ߘߍ߫߸ ߞߊ߬ ߡߊ߲߬ߘߋ߲߫ ߡߐ߬ߟߐ߲ ߟߊ߫ ߞߣߍ ߞߊ߲߬߸ ߊ߬ ߣߌ߫ ߒߞߏ ߛߊ߲ߞߘߐߕߊ߬.
ߟߊ߬ߞߟߏ߬ߞߟߏ߬ߟߌߢߍߡߍ߲߫ ߣߌ߲߬ ߦߋ߫ ߞߙߎ߬ߛߊ߫ ߡߙߊ߬ߘߊ߬ߓߊ ߟߋ߬ ߞߣߐ߫߸ ߊ߬ ߞߊ߬ߙߊ߲߬ߕߊ߬ ߓߊߖߎߟߞߊ ߦߋ߫ ߜߟߍ߬ߦߊ߬ߓߊ߫ ߟߋ߬ ߕߍߡߊ߬ ߕߋ߲߬߸ ߣߌ߫ ߞߌ߬ߦߊ߬ ߡߊ߫ ߞߍ߫߸ ߊ߬ ߘߌ߫ ߞߍ߫ ߦߏ߫ ߊ߬ ߞߊ߬ߙߊ߲߬ߕߊ ߘߊ ߦߋ߫ ߕߎ߲߯ ߘߟߊߞߊ߫ ߣߊ߬ߕߐ ߣߌ߲߬ ߡߊ߬.
ߓߘߍ߬ߓߘߍ߬ߟߌߞߊ߬ߝߏ߬ߙߋ߲߬ ߢߣߊߕߊߟߌ ߞߍ ߌߞߘߐ߫߸ ߡߐ߰ ߛߌߦߊߡߊ߲߫ ߠߋ߬ ߕߍ߬ߘߍ߫ ߊ߬ ߖߘߍ߬ ߡߊߢߌ߬ߣߌ߲߬ߞߊ߬ ߟߊ߫߸ ߞߏ߫ ߊ߬ߝߐ߫ ߛߙߍߘߍ߫ ߢߍߟߐ ߟߎ߫ ߟߋ߬ ߞߍߕߐ߫ ߞߊ߬ߝߏ߬ߙߋ߲߬ߕߌ߮ ߟߎ߫ ߘߌ߬ ߓߊ߬، ߒ߬ߓߊ߬߸ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߓߐ߬ߟߐ߲߬ߞߊ߫ ߖ߭ߋߣߊߓߎ߬ ߕߎ߬ߙߋ ߞߊ߬ ߢߌ߬ߣߌ߲߬ߞߊ߬ߟߌ ߏ߬ ߖߋ߬ߓߌ߫ ߟߋ߬ ߖߏߣߊ߫߸ ߞߵߊ߬ ߦߌ߬ߘߊ߬ ߞߏ߫ ߞߐߝߟߌ ߢߌ߲߬ ߠߎ߬ ߟߊߓߐ ߞߘߐ߫ ߕߍ߫ ߞߊ߬ߝߏ߬ߙߋ߲߬ߕߌ߮ ߟߐ߲ ߘߌ߫ ߘߋ߬. ߊ߬ ߟߊ߫ ߝߐߟߌ߫ ߘߐ߫߸ ߞߊ߬ߝߏ߬ߙߋ߲ ߞߣߐ߫ ߡߐ߮ ߟߎ߫ ߟߋ߬ ߛߎߥߊ߲ߘߌ߫ ߟߊ߫ ߖߊ߬ߡߊ ߓߟߏ߫߸ ߏ߬ ߟߎ߫ ߜߊ߲߰ߛߊ߲ ߝߣߊ߫ ߘߌ߫ ߢߣߊߕߊߟߌ߫ ߜߘߍ߫ ߞߍ߫ ߊ߬ߟߎ߬ ߣߌ߫ ߢߐ߲߯ ߕߍ߫߸ ߞߵߊ߬ߟߎ߬ ߟߊ߫ ߞߊ߬ߝߏ߬ߙߋ߲߬ߕߌ߮ ߟߊߛߌ߰.
ߜߘߍ ߟߎ߬ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߞߊ߯ߙߌ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߘߊ߬ߡߊ߲߬ ߓߊ߰ߙߊ߬ ߦߌߟߊ ߘߏߘߐ߫ ߞߌ߲߬ߞߌ߬ߢߊ߲߫߸ ߞߏ߫ ߝߌߘߌ߬ ߺ ߘߐ߫، ߊ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߐ߰ ߣߊ߯ߣߌ߲߫ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߘߊ߬ߡߊ߲߬ߛߋ߲߬ߠߊ ߟߎ߬ ߘߐ߫.
ߓߘߍ߬ߓߘߍ߬ߟߌߥߊ߬ߛߌ߬ߥߙߊ ߕߟߋ߬ ߅ ߡߊ߬߸ ߥߛߊ߬ߘߋ߲߬ ߛߎߥߊ߲ߘߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߟߊ߲ߞߣߍߡߊ߫ ߘߊ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߓߟߏ߫߸ ߊ߬ ߦߋ߫ ߘߊ߫ ߞߏ߫ ߖ߭ߋߍߡߑߘߋ ߟߋ߬ ߦߟߍ߬ߣߍ߲߫ ߛߊ߲ߝߍ߬ ߦߙߐ ߝߊ߲߬ߓߊ ߘߐ߫. ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߕߏ߰ߝߏ ߡߍ߲ ߦߋ߫ ߣߌ߲߬߸ ߖ߭ߋߍߡߑߘߋ߸ ߊ߬ߟߋ ߟߋ߬ ߣߐ߬ ߦߙߐ ߓߍ߯ ߕߊ߬ ߟߊ߫ ߝߊߦߌߘߊ߫߸ ߝߏ߫ ߞߎ߲ߘߊߙߊ߬ ߣߌ߫ ߜߋ߬ߛߌ߬ߦߊ߬ ߘߐߙߐ߲߫߸ ߏ߬ ߟߎ߫ ߟߋ߬ ߕߟߊߣߴߊ߬ ߓߟߏߥߏ ߟߊ߫.
ߓߘߍ߬ߓߘߍ߬ߟߌ߂߀߂߆ ߘߓߊ߬ߕߊ ߃߁ ߥߛߊ߬ߘߋ߲߬ ߢߣߊߕߊߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߓߘߊ߫ ߥߛߊ߬ߘߋ߲߬ ߄߉ ߛߙߍߘߍ ߟߊߓߐ߫ ߝߊ߬ߛߏ߬ ߛߙߍߘߍ ߞߊ߲߬߸ ߡߍ߲ ߕߘߍ߬ߒ߬ߘߐ߬ߟߋ ߗߡߍ߬ߘߐ߬ߦߊ ߦߋ߫ ߅߂،߈߇ ߘߐ߫، ߎ߳ߍߡߑߔߋ ߞߙߎߞߊ ߟߋ߬ ߦߋ߫ ߢߍ ߘߐ߫߸ ߞߊ߬ ߍߣ.ߘߋ ߕߎ߲߰ ߏ߬ ߟߊ߫߸ ߊ߬ ߣߌ߫ ߍߙߑߖ߭ߋߑߕߋ.
ߜߘߍ ߟߎ߬ߣߌ߲߬ ߞߍߣߍ߲߫ ߞߐߣߊߞߙߌ߫ ߟߊ߫߸ ߊ߲ߕߊ ߍߛ.ߏ.ߍߛ ߞߌ߲߬ߘߊ ߟߊ߫، ߕߍ߬ߣߍ߲߫ ߞߡߊ߬ߙߊ߫ ߟߋ߬ ߝߊ߰ߣߍ߲߫ ߞߌ߬ߛߍ ߟߊ߫߸ ߞߵߊ߬ ߞߣߐ ߕߏ߫ ߞߊߙߏ߫ ߛߋߦߌ߲߫ ߘߐ߫ (ߞߣߐߡߦߊ)، ߡߋߘߌߦߊߖߌߣߋ ߟߊ߫ ߝߐߟߌ߫ ߘߐ߫߸ ߝߊ߰ߓߊ߰ߕߐ ߣߌ߲߬ ߓߏ߲߫ ߘߊ߫ ߞߌ߬ߛߍ ߟߋ߬ ߟߊ߫߸ ߊ߬ ߟߊ߫ ߓߏ߲ ߞߣߐ߫߸ ߡߊ߬ߙߌ߬ߝߊ߬ ߡߊ߲ߞߊ߲ ߡߍ߲ ߞߐ ߘߐ߫ ߊ߬ ߟߊ߫ ߟߎ ߘߊߝߍ߬.
ߓߘߍ߬ߓߘߍ߬ߟߌߖߌ߬ߣߍ߬ߞߊ ߟߎ߬ ߦߋ߫ ߞߊ߬ߝߏ߬ߙߋ߲߬ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߞߐߖߋߓߌ ߡߊߞߐ߬ߣߐ߲ ߛߌ߱ ߟߋ߬ ߘߐ߫ ߡߎ߬ߕߎ߲߬߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߞߊ߯ߙߌ ߣߌ߲߬ ߡߊ߬ ߖߡߊ߬ߣߊ ߝߊ߲߭ ߓߍ߯ ߘߐ߫.
ߓߘߍ߬ߓߘߍ߬ߟߌߛߌ߯ߙߌ߲߫ ߞߣߐ߫߸ ߛߊ߬ߙߌ߬ߦߊ߬ߦߊ߬ ߛߎߥߊ߲ߘߟߌ ߣߌ߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ ߟߏ߲ ߕߎ߲߬ ߦߋ߫ ߂߀߂߆ ߘߓߊ߬ߕߊ ߃߁ ߡߍ߲ ߘߌ߫߸ ߊ߬ ߢߣߊߕߊߟߌߟߊ ߟߎ߬ ߟߊ߫ ߓߐߟߌ ߕߜߋߦߊ߫ ߘߊ߫ ߟߋ߬ ߝߛߊߦߌ߫، ߞߵߏ߬ ߕߊ߬ ߞߵߏ߬ ߟߊ߫ ߢߣߊߕߊߟߌ߫ ߖߐ߯ߙߊ߲ ߠߎ߬ ߟߊ߫ ߘߛߍ ߞߊ߲߬ ߢߣߊߕߊߟߌ߫ ߛߓߍߘߊ߫ ߛߌߦߊߡߊ߲߫ ߞߣߐ߫ ߛߌ߯ߙߌ߲߫ ߛߏ ߖߍ߬ߘߍ ߞߣߐ߫.
ߓߘߍ߬ߓߘߍ߬ߟߌߥߛߊ߬ߘߋ߲߬ߧߊ߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲ ߢߣߊߕߊߟߌ ߟߎ߬ ߘߊߡߌ߬ߣߊ߬ ߘߊ߫ ߞߊ߲ߞߊ߲߫ ߞߣߐ߫ ߡߊ߬ߝߊ ߟߋ߬ ߘߐ߫ ߞߊ߯ߙߌ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߟߋ߬ ߃߁ ߡߊ߬، ߓߊ߬ߙߌ߬߸ ߢߣߊߕߊߟߌ߫ ߕߊ߲ߓߊ߲ ߡߍ߲ ߠߎ߬ ߞߎ߲ߝߊ߲ߓߐ߫ ߘߊ߫߸ ߢߣߊߕߊߟߌߟߊ ߟߎ߬ ߣߌ߫ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟ߫ߌ ߛߓߍߘߊ ߘߊ ߡߊ߫ ߟߊߞߊ߬ ߖߏߣߊ߫߸ ߜߟߍ߬ߦߊ ߕߘߍ߬ ߢߣߊߕߊߟߌ ߞߎ߲߬ߠߊ߬ߛߌ߰ߓߊ߮ ߟߎ߫ ߖߍ߬ߘߍ ߥߊ߫ ߦߙߐ ߞߏ ߘߐ߫߸ ߖߡߊ߬ ߛߎ߮ ߏ߬ ߘߏ߲߬ ߝߣߊ߫ ߡߊ߫ ߓߐ߫.
ߘߌ߯ߣߊߢߌ߬ߣߊ߲߬ ߂߀߂߆ ߤߖߌ ߘߐ߫ ߡߞߊ߫ ߞߣߐ߫߸ ߛߌ߬ߟߊ߬ߡߊ ߞߋ߲߬ߥߟߎ߬ ߁،߇ ߢߐ߲߰ ߠߋ߬ ߕߊ߯ ߘߊ߫ ߡߊ߬ߓߊߕߏ ߟߊ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߛߊ߲߭ ߺ ߊ ߺ ߛߊ߲߬، ߢߌ߬ߣߊ߲߬ ߕߊ ߣߌ߲߬ ߦߟߍ߬ߣߍ߲߫ ߛߊߙߏ߲߬ ߕߊ ߛߊߝߍ߬ ߘߏߣߍ߲߫ ߠߋ߬ ߟߊ߫߸ ߂߀߂߅ ߞߊ߬ߣߌ߲߬، ߞߊ߬ ߓߍ߲߬ ߛߎ߰ߘߎ߬ߟߊ߫ ߝߊ߰ߡߊ ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߡߊ߬. ߊ߬ ߝߐ ߞߏ߫ ߘߌ߯ߣߊ ߓߊ߬ߙߏ߲߬ߡߊ ߘߏ߫ ߟߋ߬ ߤߖߌ ߘߌ߫߸ ߏ߬ ߞߎߡߊ ߓߊ߯ ߕߍ߰ ߞߊ߬ ߓߐ߫ ߊ߬ ߟߊ߫߸ ߤߖߌ ߦߋ߫ ߘߎߢߊ߫ ߖߡߊ߬ ߟߊ߬ߘߍ߬ߓߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߘߌ߫߸ ߡߍ߲ ߡߊ߬ߞߏ ߦߋ߫ ߞߏ߫ ߛߌߦߊߡߊ߲߫ ߣߌ߫ ߝߋ߲߫ ߛߌߦߊߡߊ߲߫ ߠߊ߫، ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫߸ ߡߐ߰ ߞߋߟߋ߲ ߠߊ߫ ߤߖߌ߫ ߟߊߕߊ߯ ߛߙߊ ߦߋ߫ ߥߙߊ߬ ߟߊ߫ ߟߋ߬ ߟߎ߫ ߞߋߟߋ߲߫ ߡߎ߰ߡߍ ߡߊߣߊ߲ߞߎ߲ ߘߌ߫.
ߘߌ߯ߣߊߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߆߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߛߊߟߌߝߎߥߊ ߞߍ߫ ߞߊ߲ߞߊ߲߫ ߕߌ߲ߓߌߘߌ߲ߘߓߊ ߟߋ߬ ߟߊ߫، ߊ߬ ߣߴߊ߬ ߝߊ߬ߛߏ ߡߐ߱ ߟߎ߫ ߟߋ߬ ߞߊ߬ ߛߊߟߌߝߎߥߊ ߢߊ߰ߢߊ߮ ߏ߬ ߞߍ߫ ߢߐ߲߯ ߝߍ߬ ߓߌ߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߌ߯ߙߌ߲߫ ߞߣߐ߫ ߕߋ߲߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߆ ߣߌ߲߬ ߡߊ߬߸ ߛߌ߬ߟߊ߬ߡߊ ߟߎ߬ ߟߐ߬ߣߍ߲߫ ߕߍ߬ߘߍ߫ ߖߎ߬ߟߎߡߊ߬ ߝߊ߲߬ ߛߌߦߊߡߊ߲߫ ߠߋ߬ ߘߐ߫߸ ߊ߬ߟߎ߬ ߟߊ߫ ߘߐ߲߬ߞߌ߲ ߟߌ߬ߦߊ߲߬ ߛߊ߲߬ ߞߏ ߘߐ߫، ߓߌߦߊ߲ ߠߋ߬ ߛߐ߲߬ߞߐ ߜߍ߬ߟߍ߲߬ߡߊ߲߫ ߓߊ߬߸ ߓߌߦߊ߲ ߠߋ߬ ߖߍ߬ߘߍ ߛߐ߬ߘߐ߲ ߜߍ߬ߟߍ߲߬ߡߊ߲߫ ߓߊ߬߸ ߣߌ߲߬ ߓߍ߯ ߟߋ߬ ߕߘߍ߬ ߢߐ߲߮ ߘߐ߫، ߛߊ߱ ߕߊ߬ߣߍ߲ ߞߵߊ߬ ߟߊ߫ ߣߌ߬ߛߌ ߞߊ߲߬߸ ߏ߬ ߟߎ߫ ߛߐ߬ߘߐ߲ ߓߘߊ߫ ߞߍ߫ ߡߐ߱ ߟߎ߬ ߓߟߏ߫ ߓߊ߯ߙߊ ߘߌ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߊߟߌ ߜߍ߬ߙߍ߲߬ߘߍ߬ ߕߎ߬ߡߊ߬ߣߍ߲ ߢߌ߲߬ ߠߊ߫߸ ߞߌ߲ߘߦߊ߫ ߖߎ߬ߟߊ ߛߌߦߊߡߊ߲߫ ߠߋ߬ ߞߵߊ߬ߟߎ߬ ߟߊ߫ ߝߋ߲ ߠߎ߬ ߘߊ ߟߊߖߌ߰ ߓߌ߬߸ ߖߐ߲߰ߛߊ߫ ߛߊ߲߬ߠߌ߲ ߘߌ߫ ߞߍ߫، ߓߊߏ߬߸ ߛߊ߲߬ߠߌ߲ ߕߎ߲߬ ߓߘߊ߫ ߛߎߡߦߊ߫، ߡߐ߰ ߕߴߊ߬ ߝߐ߫ ߟߊ߫ ߞߏ߫ ߓߊ߲߬ߖߏ߬ߟߌ߬ ߦߋ߫ ߛߊ߫߸ ߓߊ߬ߙߌ߬߸ ߓߛߌ߬ߞߟߌ߬ ߓߟߏ ߡߊ߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߓߌ߬ ߞߐ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߂߆ ߣߌ߲߬ ߡߊ߬߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߣߐ߬ ߛߋ߲߬ߠߊ߬ߓߐ߬ߟߌ ߘߏ߫ ߟߋ߬ ߞߍ߫ ߟߊ߫ ߞߊ߬ ߥߊ߫ ߛߋ߫ ߞߌ߲ߘߌߦߊ߫ ߟߐ߯ߝߍߓߊ ߘߐ߫ ߞߵߊ߬ ߓߍ߲߬ ߟߐ߯ߝߍ ߖߍ߬ߘߍ ߛߌ߬ߝߊߘߌ ߟߐ߲߫ ߡߊ߬ ߘߐ߲߬ߞߌ߲߬ ߛߊߟߌ ߢߊߞߘߐߟߊ ߣߌ߲߬ ߘߐ߫
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߓߌ߬ ߞߐ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߂߀߂߆ ߣߌ߲߬ ߡߊ߬߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߣߐ߬ ߛߋ߲߬ߠߊ߬ߓߐ߬ߟߌ ߘߏ߫ ߟߋ߬ ߞߍ߫ ߟߊ߫ ߞߊ߬ ߥߊ߫ ߛߋ߫ ߞߌ߲ߘߌߦߊ߫ ߟߐ߯ߝߍߓߊ ߘߐ߫ ߞߵߊ߬ ߓߍ߲߬ ߟߐ߯ߝߍ ߖߍ߬ߘߍ ߛߌ߬ߝߊߘߌ ߟߐ߲߫ ߡߊ߬ ߘߐ߲߬ߞߌ߲߬ ߛߊߟߌ ߢߊߞߘߐߟߊ ߣߌ߲߬ ߘߐ߫
ߞߍߞߎߘߊߞߊ߲ߡߋߙߋ߲߫ ߛߊ߲߭ ߂߂߸ ߞߊ߬ߙߌߝߊ߬ ߞߐ߲ߘߍ߫ ߟߋ߬ ߝߊ߰ߣߍ߲߫ ߕߐ߲ߓߟߏߡߊ ߟߎ߬ ߟߊ߫ ߞߐߜߍ߲ߠߌ߲ ߕߎ߬ߡߊ ߟߊ߫ ߘߓߊ߬ߕߊ ߕߋ߬ߟߋ߫ ߂߂ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߘߋ߲ߡߌߛߍ߲ ߠߎ߬ ߟߊߘߌߡߌ߲߫ ߞߵߊ߬ߟߎ߬ ߟߊߖߌ߰ ߛߌߟߊ ߞߊ߲߬ ߛߏ ߞߣߐ߫، ߘߐ߬ߛߏ߰ߙߋ߬ߟߌ߫ ߞߏ߬ߣߌ߲߬ ߓߘߊ߫ ߛߌ߰ ߛߋ߲߬ߠߊ߫߸ ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ ߘߏ߫ ߘߐ߫߸ ߏ߬ ߦߋ߫ ߢߟߊߥߛߎ ߟߊ߫.
ߘߍ߭ߞߊ߬ ߓߍ߲߬ ߞߊ߲߬ߞߊߟߌ ߟߏ߲ߓߊ߫ ߡߊ߲߬ߕߏ߲߬ߟߊ߬ߞߊ ߓߍ߲߬ߒ߬ߛߋ߲߬ߡߊ ߡߊ߬߸ ߞߊ߲ߞߊ߲߫߸ ߛߌ߯ߙߌ߲߫߸ ߞߌ߲ߘߌߦߊ߫߸ ߏ߬߬ ߟߎ߫ ߛߌ߰ߓߊ߮ ߟߎ߫ ߞߊ߬ ߟߊ߬ߛߙߋ߬ߦߊ߬ߟߌ ߘߏ߫ ߟߎ߫ ߞߍ߫ ߞߊ߲߬ߞߊߟߌ ߟߊ߫ ߞߏ ߘߐ߫߸ ߥߟߊ߫ ߓߌ߲ߢߎ߮، ߡߌ߲߬ߕߊ߬ ߛߘߊߡߊ ߢߌ߲߬ ߠߊ߫ ߞߏ ߞߐߝߍ߬߸ ߞߎߡߊ߫ ߛߌߦߊߡߊ߲߫ ߠߋ߬ ߦߴߊ߬ ߞߐ߫߸ ߊߘߡߊߦߊ ߘߐߞߙߊ ߦߴߊ߬ ߣߐ߬ߟߊ߫߸ ߣߋ߬ߦߌ ߦߴߊ߬ ߣߐ߬ߟߊ߫߸ ߡߊ߲߬ߕߙߐ ߘߏ߫ ߟߎ߫ ߝߣߊ߫ ߦߴߊ߬ ߣߐ߬ߟߊ߫ ߘߊ߲߬ߠߊ߬ߕߊߡߌ߲ ߛߌߟߊ ߝߍ߬߸ ߞߍ߲ߘߍߦߊ ߖߐ߬ߘߐ ߟߎ߬ ߝߣߊ߫ ߦߴߊ߬ ߣߐ߬ߟߊ߫.
ߕߋߟߋ߲ߓߊ߯ߦߊߓߏ߬ߙߌ߬ߝߋ߲߬ߕߌ߰ ߛߌߦߊߡߊ߲߫ ߠߋ߬ ߕߎ߬ߡߊ߬ߙߋ߲߬ ߦߙߌߞߊ߫ ߞߍ߫ ߟߊ߫ ߕߋ߬ߟߋ ߞߘߐ߫ ߕߋ߲߬߸ ߛߴߊ߬ߟߎ߬ ߘߌ߫ ߖߌߥߎ ߛߐ߬ߘߐ߲߬߸ ߓߊ߬ߙߵߊ߬ ߕߍ߫ ߓߍ߲߬ ߠߊ߫، ߢߣߊߕߐߡߐ߲ߠߌ߲ ߣߌ߫ ߘߏߣߍ߲߫ ߓߐ ߓߘߊ߫ ߓߌ߬ߟߴߊ߬ ߘߐ߫ ߖߌߥߎߘߊ߫ ߛߌߦߊߡߊ߲߫ ߠߊ߫، ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߢߊ߫ ߛߐ߬ߘߐ߲߬ߣߍ߲߬ ߕߍ߫ ߖߌߥߎ߫ ߞߏ߫ ߜߟߍߦߊ ߣߌ߲߬ ߡߊ߬ ߝߊ߰ߡߊ ߟߎ߬ ߓߟߏ߫.
ߜߘߍ ߟߎ߬ߣߌ߲߬ ߞߍߣߍ߲߫ ߓߎ߬ߙߋ߬ ߓߎߞߊߙߌߦߊ߫ ߟߋ߬߸ߛߌ߯ߙߌ߲߫ ߡߙߊ߬ߘߊ߬ߓߊ ߘߐ߫، ߘߋ߲ߣߍ߲߫ ߛߊ߲߬ ߇ ߘߏ߫ ߟߋ߬ ߛߎ߭ ߦߋߣߍ߲߫ ߞߐ߲߬ߛߏ߬ ߞߏߙߏ߲ ߘߏ߫ ߞߣߐ߫߸ ߊ߬ߟߎ߬ ߟߊ߫ ߞߊ߬ߙߊ߲߬ߕߊ ߞߐߝߟߌ ߟߊߓߐ ߘߎ߰ߛߊ߬ߜߍ ߡߊ߬. ߛߌߞߊ߫ ߞߍߣߍ߲߫ ߞߏ߫ ߊ߬ ߡߊ߫ ߛߎߘߊ߲߫ ߡߍ߲ߞߍ߬߸ ߏ߬ ߟߋ ߞߵߊ߬ ߟߐ߬ ߊ߬ ߓߊ߲߬ ߠߊ߫ ߘߏ߲߬ ߠߊ߫ ߟߎ ߞߣߐ߫، ߢߊߢߌߣߌ߲߫ߠߌ߲߫ ߝߏߦߌ߬ ߞߏ߬ߣߌ߲߬ ߡߊ߫ ߞߍ߫ ߊ߬ ߟߊ߫ ߡߎߣߎ߲߬.
ߘߍ߭ߞߛߌ߬ߘߎ߯ ߞߣߐ߫߸ ߘߏ߲߬ߛߏ ߟߎ߫ ߣߐ߬ ߛߘߊߞߊߓߐߓߊ߫ ߟߋ߬ ߞߍ߫ ߟߊ߫߸ ߞߊ߬ ߘߎ߬ߥߊ߬ߥߎ ߞߍ߫ ߖߡߊ߬ߣߊ ߦߋ߫߸ ߊ߬ߟߎ߬ ߟߊ߫ ߞߎ߲߬ߕߌ߰ ߞߎߘߊ ߟߎ߬ ߦߋ߫، ߝߏ߫ ߞߛߌ߬ߘߎ߯ ߞߊ߬ߝߏ߬ߙߋ߲߬ߕߌ߮ ߞߊ߬ ߓߋ߬ߝߘߍ߫ ߝߌ߬ߟߊ߬ ߘߌ߫ ߘߏ߲߬ߛߏ ߟߎ߫ ߡߊ߬߸ ߊ߬ߟߎ߬ ߟߊ߫ ߖߊ߲߬ߖߏ߲ ߠߎ߬ ߞߍ߫ ߞߊ߲ߡߊ߬.
ߓߟߏߟߊߓߊ߯ߙߊߞߊ߲ߞߊ߲߫ ߞߣߐ߫߸ ߞߙߊߟߌߟߊ ߟߎ߬ ߦߋ߫ ߓߊ߯ߙߊ߫ ߟߊ߫ ߟߋ߬ ߘߐ߲߬ߞߌ߲ ߢߊߞߘߐߟߊ ߣߌ߲߬ ߘߐ߫ ߛߎ ߣߌ߫ ߕߋ߬ߟߋ، ߘߏ߫ ߟߎ߫ ߦߋ߫ ߞߎߡߊ ߞߊ߲߬߸ ߊ߬ߟߎ߬ ߟߊ߫ ߝߊ߰ߣߌ߲ ߠߞߊߟߌߦߊ߫ ߞߏ ߘߐ߫߸ ߘߏ߫ ߟߎ߫ ߦߋ߫ ߞߎߡߊ ߟߊ߫ ߝߊ߰ߣߌ߲ ߛߐ߬ߘߐ߲߬ߓߊߟߌߦߊ ߞߊ߲߬ ߟߐ߯ߝߍ ߘߐ߫߸ ߞߙߊߟߌߟߊ ߟߎ߫ ߖߍ߬ߘߍ ߝߣߊ߫ ߘߌ߫ ߝߊ߰ߣߌ߲ ߘߏ߫ ߟߎ߫ ߟߊߡߌ߬ߣߊ߬ ߤߌߣߊ ߡߊ߬߸ ߏ߬ ߘߌ߫ ߟߊߓߊ߲߫ ߊ߬ߟߎ߬ ߕߐ߮ ߕߌߢߍ ߡߊ߬.
ߘߍ߭ߊ߬ ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߛߌ߯ߙߌ߲߫ ߛߏߞߣߐߟߊ ߦߋ߫ ߖߌߥߎ߫ ߞߏߖߊ߫ ߓߊ߲ߓߊߟߌ ߕߍߡߊ߬߸ ߡߍ߲ ߓߘߊ߫ ߟߊߓߊ߲߫ ߖߌߥߎ ߕߎߣߎ߲ ߡߊ߬ ߖߋߎ߲߫، ߛߊߟߌ ߟߋ߬ ߘߏ߲߬ ߓߘߊ߫ ߛߎ߬ߘߎ߲߬ߧߊ߫ ߕߋ߲߬߸ ߖߌߥߎ ߛߐ߲߬ߞߐ ߓߘߊ߫ ߦߟߍ߬߸ ߊ߬ ߓߘߊ߫ ߘߌ߯ ߘߊߞߎ߲ ߓߍ߯ ߘߏ߫ ߟߊ߫ ߕߋ߲߬.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߓߊ߲߬ߞߐ߬ ߡߍ߲ ߦߋ߫ ߡߏ߬ߙߌ߬ߓߊ߬ߦߊ߫ ߡߊ߬ߙߊ ߘߐ߫ ߞߊ߲ߞߊ߲߫ ߡߙߊ߬ߘߊ߬ߡߊ ߘߐ߫߸ ߝߢߐ ߣߐ߬ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫ ߟߊ߫߸ ߛߌ߬ߓߏ߲ ߣߌ߫ ߞߊ߬ߙߊ߲߬ߕߊ ߣߌ߫ ߦߙߌߝߍ ߟߎ߬ ߘߐ߫، ߛߏ ߣߌ߲߬ ߞߣߐ߫ ߡߐ߮ ߟߎ߬ ߦߋ߫ ߞߊ߬ߛߌ߬ ߟߊ߫ ߕߋ߲߬߸ ߊ߬ߟߎ߬ ߓߘߴߊ߬ߟߎ߬ ߛߋߞߏ ߞߍ߫ ߊ߬ߟߎ߫ ߖߘߍ߬ ߦߋ߫߸ ߒ߬ߞߊ߬ ߞߎ߲߬ߠߊ߬ߛߌ߮ ߢߊ߫ ߕߴߊ߬ߟߎ߬ ߘߐ߫.
ߞߍߞߎߘߊߗߍ߭ ߘߏ߫ ߟߋ߬ ߛߎ߭ ߦߋߣߍ߲߫ ߛߏߜߍ ߞߌ߲߬ߘߊ ߟߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߕߎ߬ߡߊ߬ߙߋ߲߬ ߦߙߌߞߊ߫ ߞߍ ߞߐߝߍ߬ ߊ߬ ߓߟߏ߫ ߖߊ߲߬ߞߊߙߏ ߘߐ߫ ߟߊ߬ߓߌߟߊ ߕߍߡߊ߬ ߛߎ߬ߣߎ߲߬ߞߎ߬ ߓߛߌߞߌ߫ ߞߊ߲߬، ߞߌ߲߬ߘߊ ߞߏߟߊߕߍ߮ ߟߎ߬ ߞߊ߬ ߘߊ߲ߘߊߛߏ ߟߊߟߐ߲ߠߌ߲߫ ߓߌߟߏ߲߸ ߏ߬ ߟߎ߬ ߥߊ߫ ߘߊ߫ ߛߋ߲߬ߘߐ߬ߞߎߟߎ߲ ߘߌ߫ ߝߛߊߦߌ߫߸ ߓߊ߬ߙߵߊ߬ߟߎ߬ ߡߊ߫ ߛߊ߫ ߥߊ߫ ߟߊ߫ ߖߊ߲߬ߞߊ߬ߙߏ߬ߕߐ ߣߌ߲߬ ߘߌ߫ ߘߊ߲ߘߊߛߏ ߟߊ߫߸ ߖߋ߬ߟߌ߬ߛߎ߲ ߘߏ߲߬ ߘߴߊ߬ ߟߊ߫ ߞߵߊ߬ ߟߊߣߍ߲ ߕߏ߫ ߛߎ߬ߣߎ߲߬ߞߎ߲ ߞߊ߲߬ ߠߋ߬ ߞߵߊ߬ߟߎ߬ ߞߐߘߏ߲߬ ߊ߬ ߟߊ߫߸ ߏ߬ ߟߋ ߞߐ ߞߍߣߍ߲߫ ߊ߬ ߟߊ߫ ߛߊ߬ߦߊ ߘߌ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬.
ߞߍߞߎߘߊߞߎ߲߬ߠߊ߬ߛߌ߮ ߓߘߊ߫ ߔߏߞߑߟߍ߲߫ ߓߊ߯ߙߊ ߟߊߕߐ߲߫ ߛߌ߯ߙߌ߲߫ ߞߣߐ߫ ߝߛߊߦߌ߫߸ ߓߊ߬ߙߵߊ߬ߟߋ߬ ߘߊ߬ߡߊ߲߬ߛߋ߲߬ ߕߙߏߞߏ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߞߐ߭ ߡߍ߲ ߕߌߢߍ߫ ߛߌ߯ߙߌ߲߫ ߞߣߐ߫߸ ߏ߬ ߘߌ߫ ߗߍ߬ߡߍ߫ ߝߌ߬ߟߊ߫ ߖߊ߬ߕߋ߬ ߓߐ߫߸ ߞߊ߬ ߓߍ߲߬ ߘߌ߲߬ߞߌߙߊ ߞߏߟߊߕߍ߮ ߟߎ߬ ߟߊ߫ ߝߐߟߌ ߡߊ߬.
ߓߘߍ߬ߓߘߍ߬ߟߌߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߓߘߴߊ߬ ߛߌ߲ߘߌ ߛߊ߲߬ ߞߋߟߋ߲ ߛߊ߲߬ߞߎ߲߬ߓߍ߲ ߞߍ߫ ߟߊ߬ߛߋ߬ߟߌ߬ ߞߟߊߒߞߋ߫ ߘߌ߫ ߂߀߂߆ ߘߓߊ߬ߕߊ ߕߟߋ߬ ߁߁ ߣߌ߲߬ ߡߊ߬، ߊ߬ ߞߊ߲ߕߌ߯ ߛߙߍߞߍ߫ ߝߌߟߊߣߊ߲ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߞߊ߬ ߕߏ߰ߝߏ ߟߊ߫ ߛߊ߲߬ ߞߋߟߋ߲ ߓߊ߯ߙߊ߫ ߞߍߣߍ߲ ߠߎ߬ ߞߐߣߐ߲ߞߎ߲ߓߊߘߏ߲߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲߫ ߠߊ߫ ߤߊߟߌ߬ߛߊ߫߸ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߞߏߛߐ߲߬.
ߟߊ߬ߞߟߏ߬ߞߟߏ߬ߟߌߞߊ߲ߞߊ߲߫ ߖߊ߯ߓߘߊ߫ ߖߊ߯ߓߘߊ߫ ߗ߭ߎ߳ߟߌߛ ߒߢߙߋߙߋ߫ ߓߘߊ߫ ߛߋ߲߬ߕߊ߬ ߓߟߋߓߟߋ߫ ߞߍ߫ ߝߊ߬ߛߏ߬ ߞߊ߲ ߠߎ߬ ߛߊ߲ߞߘߐߕߊ߭ ߘߐ߫ ߖߌ߬ߣߍ߬ ߞߣߐ߫߸ ߞߊ߬ ߒߞߏ ߞߊ߬ߙߊ߲ ߣߴߊ߬ ߢߊߢߌߣߌ߲ ߕߌߙߌ߲ߘߊ߫ ߓߟߏߡߊߞߊ߬ߣߍ߲ ߘߏ߫ ߘߊߦߟߍ߬، ߏ߬ ߦߋ߫ ߡߙߌߦߊ߫ ߓߘߍߓߊ߫ ߟߋ߬ ߘߌ߫߸ ߡߍ߲ ߓߍ߯ ߦߋ߫ ߕߊ߬ߡߌ߲߬ ߠߊ߫ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߕߐ߬ߣߐ ߟߊ߲ߞߣߍߡߊ߫ ߟߊ߫.
ߕߋߟߋ߲ߓߊ߯ߦߊߘߍ߬ߒ߬ߡߊ߬ ߟߊߛߋߟߌ߫ ߟߋ߬ ߞߍߣߍ߲߫ ߂߀߂߆ ߘߓߊ߬ߕߋ ߕߟߋ߬ ߇ ߡߊ߬߸ ߖߌ߬ߣߍ߬ ߞߕߌߓߋߟߋ߲߫ ߝߌ߬ߟߊ ߓߟߏ߫߸ ߞߊ߲ߞߊ߲߫ ߕߊ ߣߌ߫ ߞߐߣߊߞߙߌ߫ ߕߊ߸ ߞߵߊߟߎ߫ ߕߣߊ߬ ߜߍߟߍ߲ ߟߊ߫ ߘߊ߱ ߘߐ߫ ߞߊ߬ ߓߍ߲߬ ߘߋ߲ߣߍ߲ ߠߎ߬ ߞߍ ߡߊ߬ ߛߌߟߊ߫ ߞߊ߲ߠߊ ߟߎ߬ ߣߌ߫ ߟߐ߯ߝߍ߫ ߞߣߐߟߊ ߟߎ߬ ߣߌ߫ ߡߍ߲߬ߛߍ߲߬ߧߊ߬ߘߊ ߟߎ߬ ߣߌ߫ ߓߊ߯ߙߊ߫ ߦߙߐ ߟߎ߬ ߘߐ߫، ߞߕߌ ߝߊ߰ߡߊ ߢߌ߲߬ ߠߎ߬ ߞߊ߲߫ ߞߏ߫ ߊ߬ߟߎ߬ ߓߍߣߊ߬ ߥߊߟߋ߫ ߖߎ߯ ߛߎ߮ ߏ߬ ߞߍߓߊ߮ ߟߎ߫ ߣߐ߭ߡߌ߬ߣߊ߬߸ ߘߋ߲ߣߍ߲ ߠߎ߬ ߤߊߞߍ ߟߊߕߊ߲߬ߞߊ߬ߓߊߟߌߦߊ ߞߏߛߐ߲߬.
ߜߘߍ ߟߎ߬ߕߊ ߥߟߌ߬ߣߍ߲߫ ߕߦߏߕߊ߫ ߞߐ߲ߛߏ ߘߏ߫ ߟߋ߬ ߟߊ߫ ߓߌ߬ ߓߌߟߏ߲ ߣߌ߲߬ ߡߊ߬ ߋߣߍߙߑߖ߭ߌ߫ ߞߌ߲߬ߘߊ ߟߊ߫ ߛߌ߯ߙߌ߲߫߸ ߊ߰ ߝߐ߫ ߟߊ߫ ߞߐ߲߬ߛߏ ߛߎ߯ߦߊ ߢߌ߲߬ ߠߋ߬ ߡߊ߬ ߡߐ߰ ߛߌߦߊߡߊ߲߫ ߓߟߏ߫ ߞߏ߫ >، ߡߐ߰ ߞߏ߬ߣߌ߲߬ ߡߊ߫ ߓߐ߬ߣߐ߫ ߊ߬ ߣߌ ߘߐ߫ ߓߌ߬ߟߊ߬ߒ߬ߘߐ ߣߌ߲߬ ߘߐ߫߸ ߞߐ߲߬ߛߏ ߞߏ߬ߣߌ߲ ߘߐߕߌߢߍߣߍ߲߫ ߠߋ߬ ߝߋߝߋ߫.
ߓߘߍ߬ߓߘߍ߬ߟߌߢߊߞߎߘߦߊߟߌ ߣߌ߫ ߢߍߕߊ߮ ߢߌ߲߬ߧߊ ߞߙߎߞߊ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߟߌ߬ߟߊ߸ ߡߊ߬ߡߊ߬ߘߌ߬ ߞߋߕߊ߬ ߡߍ߲ ߦߋ߫ ߞߙߎߞߊ߫ ߞߋߟߋ߲ ߣߌ߲߬ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫ ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߣߌ߲߬ ߛߙߍߘߍ߫ ߝߊ߬ߛߏ߬ߟߊ߬ߞߊ ߞߊ߲߬߸ ߏ߬ ߞߊ߬ ߘߏ߫ ߢߊߝߐ߫ ߊ߬ߟߎ߬ ߟߊ߫ ߞߙߎߞߊ ߢߌߣߌ߲ߞߏ ߟߎ߬ ߣߴߊ߬ ߟߊ߬ߢߌߣߌ߲ ߠߎ߬ ߘߐ߫ ߓߌߟߏ߲ ߣߌ߲߬ ߡߊ߬߸ ߏ߬ ߡߍ߲ ߢߍߡߌ߬ߣߊ߬ߣߍ߲߫ ߡߏ߬ߤߊ߬ߡߍߘ ߣߊ߬ߓߋ ߓߟߏ߫، ߊ߬ ߟߊ߫ ߢߊߝߐߟߌ ߟߎ߬ ߘߐ߫߸ ߟߊ߬ߞߟߏ߬ߞߟߏ߬ߟߌ߸ ߛߍ߬ߣߍ߸ ߦߙߎ߬ߞߎ߬ߦߙߎߞߎ ߞߍ߬ߟߍ߸ ߊ߬ ߣߌ߫ ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲߸ ߏ߬ ߟߎ߫ ߟߋ߬ ߝߟߐߦߊ ߟߴߊ߬ߟߎ߬ ߓߟߏ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊ߬ ߓߍ߲߬ ߝߋ߲ ߠߎ߬ ߛߐ߲߬ߞߐ ߦߍ߬ߟߍ ߡߊ߬ ߘߐ߲߬ߞߌ߲ ߢߊߞߘߐߟߊ ߣߌ߲߬ ߘߐ߫߸ ߞߊ߲ߞߊ߲߫ ߡߙߊ߬ߓߊ߮ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߙߌߘߐ߫ ߜߍߟߍ߲߫ ߛߌߦߊߡߊ߲߫ ߠߋ߬ ߕߊ߬߸ ߞߊ߬ ߓߍ߲߬ ߛߏ߬ߓߏ ߛߐ߲߬ߞߐ ߟߊ߫ ߦߍ߬ߟߍ ߡߊ߬.
ߒߞߏߒߞߏ ߛߌ߲ߘߌ ߛߊ߲߬ ߇߈߲ ߓߟߏߘߐߓߍ߲ ߡߍ߲ ߠߎ߬ ߦߴߌߘߐ߫ ߡߊ߲߬ߖߊ߲߬ߠߊ߫ ߒߟߕ ߘߍ߬ߞߙߎ ߓߟߏ߫߸ ߏ߬ ߟߋ ߛߐ߰ߒ߬ߡߊ ߞߍߣߍ߲߫ ߦߌ߬ߘߊ߬ߥߟߊ߬ ߕߘߎ ߘߌ߫߸ ߡߍ߲ ߘߊߡߌ߬ߣߊ߬ߣߍ߲߫ ߂߀߂߆ ߘߓߊ߬ߕߊ ߕߟߋ߬ ߅ ߣߌ߲߬ ߡߊ߬، ߒߞߏ ߟߕ ߣߐ߬ ߢߌ߲߬ ߠߊߥߟߌ߬ ߟߊ߫ ߝߊ߬ߛߏ߬ ߞߊ߲ ߠߎ߬ ߛߊ߲ߞߘߐߕߊ߭ ߟߋ߬ ߡߊ߬ ߝߘߏ߬ߓߊ߬ ߘߌ߲ߞߌߙߊ ߟߎ߬ ߘߐ߫.
ߟߐ߲ߠߌ߲ߦߊߞߡߊ߬ߙߊ ߟߎ߬ ߦߋ߫ ߖߊ߲߬ߖߏ߲߬ߓߊ߫ ߟߋ߬ ߞߊ߲߬ ߛߞߍ߬ ߥߘߎߟߊ߫ ߕߟߋ߬ ߘߊ߲ߘߐ ߣߌ߲߬ ߞߣߐ߫߸ ߡߍ߲ ߖߊ߬ߡߊ ߓߐߣߍ߲߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߝߊ߲߬ ߛߌߦߊߡߊ߲߫ ߝߍ߬ ߞߡߊ߬ ߓߏ߲ߞߣߐ ߟߎ߬ ߘߐ߫߸ ߛߘߊߞߊߓߐ ߘߌ߫ ߝߊ߬ߛߏ ߢߍ߫߸ ߊ߬ ߣߌ߫ ߓߏ߬ߟߏ߲߬ ߘߟߊ߬ߞߊ.
ߜߘߍ ߟߎ߬ߛߊߣߌ߲߫ ߢߌߣߌ߲߫ ߘߋ߲ߞߊ߫ ߞߎߘߎ߲ ߘߏ߫ ߟߋ߬ ߖߎߙߊ߲ߣߍ߲߫ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂ ߡߊ߬ ߞߌߢߍ߲ߞߎߘߊ߫߸ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߝߊ߰ߓߊ߰ߕߐ ߦߙߌߞߊ ߦߋ߫ ߝߌߙߌ߲ߝߌߙߌ߲߫ ߛߏ߫ ߞߣߐ߫ ߡߐ߮ ߟߎ߬ ߣߌ߫ ߛߏ ߝߊ߰ߡߊ ߟߎ߬ ߕߍ߫. ߊ߬ ߞߏ߬ߣߌ߲߸ ߡߐ߰ ߞߐ߬ߣߐ߲߬ߘߐ߫ ߢߐ߲߰ ߠߋ߬ ߕߏߣߴߊ߬ ߘߐ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫ ߞߊ߬ߣߌ߲߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߣߍ߬ߞߍ ߞߏߕߌ߮߸ ߊߡߌߣߊߕߊ߬ ߞߊ߬ߓߊ ߞߊ߬ ߂߀߂߆ ߣߌ߫ ߂߀߂߇ ߛߣߍ߬ߞߍ ߓߙߊߡߊߖߊ߲ߓߊ߲ ߛߌ߰ ߟߋ߬ ߛߋ߲߬ߠߊ߫ ߓߊ߲ߞߊߟߊ߲߫ ߞߣߐ߫ ߘߓߊ߬ߕߊ ߕߋ߬ߟߋ߫ ߂ ߣߌ߲߬ ߡߊ߬، ߖߌ߬ߣߍ߫ ߞߎ߲߬ߠߊ߬ߛߌ߮ ߓߘߴߊ߬ ߦߌ߬ߘߊ߬ ߞߏ߫ ߞߐߙߐ߲ߘߌ߫ ߛߣߍ ߦߋ߫ ߢߌ߬ߣߊ߲߬ ߕߊ ߘߟߊ߫߸ ߏ߬ ߡߍ߲ ߦߋ߫ ߛߐ߬ߘߐ߲ ߠߊߥߙߎߞߌ ߛߡߊ߬ߛߋ߲ ߘߏ߫ ߘߌ߫ ߞߊ߬ߣߌ߲߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊߦߌߙߊߥߊ߯ߣߍ߲߫ ߞߣߐ߫߸ ߓߊߥߎ ߥߌ߯ߣߌ߲ ߞߐ߲ߛߐߙߑߛߌߦߐߡ ߛߌ߬ߡߊ߲߬ߘߎ߯ ߓߊ߯ߙߊߘߋ߲ ߠߎ߫ ߣߐ߬ ߝߎ߬ߙߎ߲߬ߞߎ߬ߟߌ ߟߋ߬ ߛߌ߰ ߟߊ߫ ߛߋ߲߬ߠߊ߫߸ ߖߊ߬ߡߊ ߟߊ߫ ߓߍ߲߬ߞߊ߲߬ߡߊ ߓߐߓߊߟߌߦߊ ߞߏߛߐ߲߬ ߊ߬ ߛߌߟߊ ߝߍ߬ ߞߊ߬ ߓߍ߲߬ ߘߊ߬ߡߊ߲߬ ߓߊ߯ߙߊ ߛߙߊߕߌ ߟߎ߫ ߡߊ߬، ߝߣߊ߫߸ ߊ߬ߟߎ߬ ߦߴߊ߬ߟߎ߬ ߡߊߞߊ߬ߛߌ߬ ߟߊ߫ ߡߌ߬ߣߊ߬ ߞߏ߬ ߢߌߡߊ ߣߌ߫ ߛߙߊ߬ ߞߏ߬ ߢߌߡߊ ߟߊ߫.
ߟߊ߬ߞߊ߲߬ߘߊ߬ߟߌߛߌ߬ߣߌ߲߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߁߭߸ ߣߊ߲߬ߕߌ߰ ߖߐ߯ߙߊ߲ ߘߏ߫ ߟߎ߫ ߟߋ߬ ߟߊߕߊ߬ߡߌ߲߬ ߘߊ߫ ߖߌ߬ߣߍ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߡߊ߬߸ ߏ߬ ߡߍ߲ ߖߊ߲߬ߖߏ߲ ߞߎ߲߬ߠߊߛߌ߰ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫ ߞߐߣߊߞߙߌ߫، ߏ߬ ߟߎ߬ ߦߋ߫ ߞߟߍ߬ߡߎߙߊ߲ ߘߏ߫ ߟߎ߫ ߟߋ߬ ߘߌ߫߸ ߡߍ߲ ߛߐ߬ߘߐ߲߬ߣߍ߲߫ ߖߌ߬ߣߍ߬ ߣߋ߫ ߙߎ߬ߛߌ߬ ߟߊ߫ ߓߊ߯ߙߊߢߐ߲߯ߦߊ ߞߣߐߡߊ߬߸ ߞߵߊ߬ ߟߊߥߌ߬ߟߌ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߛߋߞߏߦߊ ߡߊߞߊ߬ߝߏ ߡߊ߬.
ߓߘߍ߬ߓߘߍ߬ߟߌߞߊ߲ߞߊ߲߫ ߞߣߐ߫߸ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐߕߊ ߖߋ߬ߕߌ߰ߘߊ ߡߍ߲ ߦߋ߫ ߞߊ߲ߞߊ߲߫߸ ߏ߬ ߓߘߴߊ߬ ߞߊ߲ߠߊߘߌ߫ ߝߐ߰ߓߍ߬ߦߊ߬ߟߊ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߓߘߊߟߊߝߛߊ ߡߊߕߊ߲߬ߞߊ߬ ߢߣߊߕߊߟߌ ߥߎ߬ߛߎ ߣߌ߲߬ ߞߣߐ߫߸ ߞߵߊ߬ߟߎ߫ ߓߊ߲߬ ߖߎ߯ߦߊ߫ ߞߎߡߊ ߓߍ߯ ߟߊߖߍ߲ߛߍ߲ ߡߊ߬ ߟߋ߬ߟߋ ߓߍ߯ ߘߏ߫ ߘߐ߫.
ߒߞߏߒߞߏ ߛߌ߲ߘߌ ߛߊ߲߬ߞߎ߲߬ߓߍ߲ ߇߇߲ ߢߊ߰ߢߊ߮ ߛߌ߲߬ߝߏ߲߬ߧߊ߬ ߘߊ߫ ߞߊ߲ߞߊ߲߫ ߟߍߙߊߓߏ߲߫ ߟߊ߲߱ߛߌ߬ߣߍ߬ ߥߟߌߦߊߡߛ ߟߋ߬ ߞߣߐ߫߸ ߒߞߏ ߛߍ߬ߘߏ߲߬ߠߊ ߟߎ߬ ߣߴߊ߬ ߕߐ߲߫ ߛߌߦߊߡߊ߲߫ ߞߵߊ߬ߟߎ߬ ߞߙߎߝߊ߫ ߡߍ߲ ߞߣߍ ߞߊ߲߬، ߖߊ߲߬ߖߏ߲ ߞߊ߬ ߝߊ߬ߛߏ߬ ߞߊ߲ ߠߎ߬ ߟߐ߬ߘߎ߮ ߟߋ߬ ߓߌ߬ߟߊ߬ ߜߍ ߘߐ߫ ߜߙߋ ߟߊߥߙߎߞߌ ߘߐ߫.
ߞߍߞߎߘߊߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߓߌߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬ ߓߡߊ߬ߞߐ߬ ߞߣߐ߫߸ ߞߊ߬ ߛߐ߬ߘߐ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߊߘߍ߫ ߓߟߋߓߟߋ ߘߐ߫. ߊ߬ߟߋ ߦߋ߫ ߡߊ߬ߟߌ ߘߐ߬ߕߊߡߌ߲ ߣߌߞߎ߲ ߘߏ߫ ߟߋ߬ ߘߌ߫߸ ߊ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫߸ ߞߐ߲߬ߛߏ߬ ߜߛߏߡߊ ߟߊ߫ ߡߙߊ߬ߒ߬ߡߊ߬ߟߌ ߘߐ߫ ߞߊ߬ߕߌ߬߸ ߊ߬ߟߋ ߣߴߊ߬ ߡߏ߬ߛߏ ߣߴߊ߬ ߘߋ߲ߣߍ߲߫ ߡߐ߰ ߝߌ߬ߟߊ߬߸ ߏ߬ ߟߎ߬ ߓߍ߯ ߣߌ ߕߏ߫ ߘߴߊ߬ ߘߐ߫.
ߓߊ߲ߓߋߓߊ߲ߓߋ ߣߌ߲߬ ߦߋ߫ ߝߘߊ߬ߝߌ߲߬ߠߊ߬ߟߊ߲߬ߘߌ߫ ߡߌ߬ߞ߭ߌ߲ߘߋ߬ ߘߊ߯ߟߌ߲߬ߘߋ߬ ߞߎߡߊ߫ ߞߊ߲ ߠߋ߬ ߘߌ߫߸ ߞߵߊ߬ ߦߌ߬ߘߊ߬ ߞߏ߫ ߣߌ߫ ߖߌ߬ߣߍ߫ ߞߎ߲߬ߠߊ߬ߛߌ߰ ߞߊ߲ ߡߊ߫ ߢߊ߬ ߛߎߥߊ߲ߘߌ ߞߐ߫߸ ߊ߬ ߦߋ߫ ߞߍ߫ ߞߊ߲߫ ߠߋ߬ ߘߌ߫߸ ߡߍ߲ ߦߋ߫ ߖߡߊ߬ߣߊ ߓߐߕߏ߲ ߞߐߛߊ߬ߥߏ߬ ߟߊ߫، ߡߊ߬ߣߌ߲߬ߞߊ߬ߞߊ߲ ߠߋ߬ ߘߏ߲߬ ߓߍ߲߬ߣߍ߲߫ ߏ߬ ߘߐ߫ ߥߟߊ߫ ߝߎߟߊߞߊ߲، ߛߏ߬ߛߏ߬ ߞߊ߲ ߛߎߥߊ߲ߘߌ ߞߍߕߐ߫ ߖߌ߬ߣߍ߬ ߟߊߞߋ߲߬ߛߎ߲߬ ߠߊ߫ ߟߋ߬ ߝߘߊ߬ߝߌ߲߬ߠߊ߫ ߞߙߎߝߊ߫ ߞߊߝߏ߫ ߣߊ߬ߕߐ ߞߣߐ߫.
ߞߍߞߎߘߊߒߞߏ ߓߊߛߌߦߊ ߕߌߙߌ߲ߠߌ߲ ߘߍ߭ ߛߌ߲߬ߝߏ߲ ߠߎ߬ ߞߵߊ߬ߟߎ߬ ߟߊߘߍ߬ ߊ߬ߟߎ߬ ߟߊ߫ ߝߊ߲ߓߊ ߟߋ߬ ߟߊ߫ ߞߊ߬ߙߊ߲߬ߕߊ߫ ߛߌ߬ߘߊ߬ߝߊ߫ ߛߊ߬ߣߐ߬߸ ߞߵߊ߬ ߦߌ߬ߘߊ߬ ߞߎߣߎ߲ߟߏ߲ ߣߌ߲߬ ߡߊ߬߸ ߞߏ߫ ߊ߬ߟߎ߬ ߕߍ߫ ߞߙߎߝߓߊ߫ ߝߏߦߌ߬ ߛߌ߲߬ߝߏ߲߬ ߘߌ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ > ߕߍ߫ ߛߌ߲߬ߝߏ߲߬ߘߊ ߏ߬ ߟߊ߫ ߖߍ߬ߘߍ.
ߓߘߍ߬ߓߘߍ߬ߟߌߛߓߊ߬ߘߎ߰ ߓߙߊߣߊ߬ߡߊ߫ ߛߌ߰ߓߊ߮ ߟߎ߬ ߓߘߴߊ߬ߟߎ߬ ߡߊߝߐߦߌ߲ߝߐߦߌ߲߫߸ ߊ߬ߟߎ߬ ߟߊ߫ ߛߙߍߘߍ ߡߊߦߟߍ߬ߡߊ߲ ߞߏߛߐ߲߬ ߊ߬ߟߎ߫ ߢߌ߬ߣߊߡߊ߬، ߊ߬ߟߎ߫ ߞߊ߬ ߡߍ߲ ߕߐ߮ ߟߊߕߊ߯߸ ߞߵߏ߬ ߓߐ߫ ߦߋ߲߬ ߞߊ߬ ߡߐ߰ ߜߘߍ߫ ߕߐ߮ ߓߌ߬ߟߊ߬߸ ߊ߬ߟߎ߫ ߕߍ߫ ߡߍ߲ ߞߊ߬ߟߊߡߊ߬، ߊ߬ߟߎ߬ ߝߣߊ߫ ߞߊ߲߫ ߞߏ߫ ߣߌ߫ ߥߞߓ ߞߏߟߊߕߍ߮ ߟߎ߬ ߡߊ߫ ߢߊ߫ ߢߌߣߌ߲߫ ߊ߬ ߡߊ߬߸ ߢߣߊߕߊߟߌ߫ ߕߍߣߊ߬ ߞߍ߫ ߟߊ߫ ߛߓߊ߬ߘߎ߰ ߓߙߊߣߡߊ߬.
ߟߊ߬ߞߟߏ߬ߞߟߏ߬ߟߌߊ߬ ߡߊ߫ ߕߟߋ߬ ߞߋߟߋ߲ ߓߐ߫߸ ߞߊ߲ߞߊ߲߫ ߖߊ߯ߓߘߊ߫ ߗ߭ߎ߳ߟߌߛ ߒߢߙߋߙߋ߫ ߓߘߊ߫ ߝߐ߫ ߊ߬ ߟߊ߫ ߞߊ߬ߙߊ߲߬ߠߊ߬ߘߋ߲߫ ߝߌ߬ߟߊ߬ ߟߊ߫ ߝߏߘߋߦߊ ߂߲ ߠߊ߫߸ ߊ߬ ߓߍ߯ ߛߊ߬ߣߍ߲߫ ߞߵߊ߬ ߕߎ߬ߙߎ ߞߍ߫ ߖߊ߲߬ߞߊߙߏ߫ ߞߎ߲߬ߘߐ߬ߛߎߘߎ߲ ߠߋ߬ ߘߌ߫، ߛߊ߬ߦߊ߫ ߝߌ߬ߟߊ߬ߣߍ߲ ߏ߬ ߓߘߊ߫ ߞߍ߫ ߛߎ߬ߣߎ߲߬ ߞߏ߬ߓߊ߫ ߘߌ߫ ߖߊ߯ߓߘߊ ߡߊ߬ ߕߋ߲߬.
ߞߍߙߍ߲ ߠߊ߫ߡߎ߲߬ ߞߏߛߐ߲߬ ߒ ߧߋ߫ ߛߓߍߟߌ߫ ߟߊߛߌߦߊߦߊ ߞߊ߲߬߸ ߞߵߊ߬ ߛߐ߬ߘߐ߲߬ ߞߋߟߋ߲߫ ߔߋ߫ ߘߌ߫ ߛߴߊ߲ ߥߛߊ߬ ߟߊ߫؟ ߒ߬ߓߊ߬߸ ߏ߬ ߟߋ ߞߎߡߊ ߕߍ߬ߘߍ߫ ߓߊ߬ߘߏ߬ߓߊ ߘߐ߫ ߓߌ߬߸ ߜߞߋ߬ߘߊ ߕߟߋ߬ߜߊ߲߬ ߘߐ߬ ߓߊߘߏ ߘߌ߫: ߛߊ߫ ߝߘߊ߬ߝߌ߲߬ߠߊ߬ ߘߌ߫ ߛߋ߫ ߘߍ߬ ߟߊ߫ ߛߓߍߛߎ߲߫ ߞߋߟߋ߲߫ ߠߊ߫.
ߞߌ߬ߓߊ߬ߙߏߗߍ߬ ߛߣߍ߬ߞߍ߬ߟߊ߫ ߞߊ߲߬ߜߍ߫ ߛߊ߲߬ ߓߌߣߊ߯ߣߌ߲߫ ߢߐ߲߰ ߘߏ߫ ߓߘߴߊ߬ ߖߘߍ߬ ߓߏ߲߫ ߡߊ߬ߙߌ߬ߝߊ ߟߊ߫ ߞߵߏ߬ ߞߍ߫ ߊ߬ ߛߕߊ ߘߌ߫ ߖߙߊ߬ߜߍ߬ߟߊ߫߸ ߞߙߎ߬ߛߊ߬ ߛߏ ߞߣߐ߫. ߛߙߋ߫ ߛߐ߬ߘߐ߲߬ߣߍ߲߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߌ߰ߕߍ߮ ߟߋ߬ ߞߍߣߍ߲߫ ߊ߬ ߛߓߊߓߎ ߘߌ߫ ߊ߬ ߟߊ߫ ߓߐ߬ߟߐ߲߬ߞߊ ߟߊ߫ ߛߊ߬ߦߊ ߞߐ ߣߌ߲߬ ߘߐ߫.
ߓߘߍ߬ߓߘߍ߬ߟߌߡߎ߲߬ ߠߊ߫ ߖߌ߬ߣߍ߫ ߞߎ߲߬ߠߊ߬ߛߌ߮ ߕߎ߲߬ ߡߊ߫ ߒߞߏ ߛߓߍߟߌ ߣߌ߫ ߊߘߑߟߊߡ ߘߟߊߡߌ߬ߣߊ߬ ߤߊ߲߯ ߕߋ߲߬؟ ߖ߭ߋߣߊߓ ߓߊ߲߬ߜ߭ߎߙߊ߬ ߟߊ߫ ߖߊ߬ߕߋ߬ ߘߐ߫߸ ߏ߬ ߦߋ߫ ߕߋߟߋ߲ߓߊߟߌߦߊ߫ ߞߘߐߞߘߐ ߟߋ߬ ߘߌ߫߸ ߞߎ߲߬ߠߊ߬ߛߌ߮ ߣߐ߬ ߡߍ߲ ߣߐ߭ ߘߐߓߍ߲߬ ߠߊ߫ ߟߊ߬ߕߍ߰ߦߊ߬ ߘߐ߫߸ ߡߍ߲ ߠߊߓߐ߫ ߘߊ߫ ߂߀߂߆ ߞߏ߲ߞߏߘߓߌ ߕߟߋ߬ ߁߇ ߕߊ߬ߡߌ߲߬ߣߍ߲ ߣߌ߲߬ ߡߊ߬.
ߟߐ߲ߠߌ߲ߦߊߖߌ߬ߣߍ߬ ߓߘߊ߫ ߒߞߏ ߛߓߍߟߌ ߣߌ߫ ߊߘߑߟߊߡ ߘߊ߲ߞߎ߲߫ ߞߎ߲߬ߠߊ߬ߛߌ߰ ߞߎ߲ߘߊ߫ ߡߎ߬ߕߎ߲߬ ߛߍߣߍ߲߬ ߝߋߎ߫، ߏ߬ ߡߍ߲ ߞߍ߫ ߘߊ߫ ߞߊ߲ߕߌ߮ ߟߊ߫ ߟߊ߬ߕߍ߰ߦߊ ߘߏ߫ ߛߋ߲߭ߝߍ߬ ߂߀߂߆ ߞߏ߲ߞߏߘߓߌ ߕߟߋ߬ ߁߇ ߡߊ߬، ߏ߬ ߓߘߊ߫ ߞߍ߫ ߛߋ߲߬ߕߊ߬ߓߊ߫ ߘߌ߫ ߝߊ߬ߛߏ߬ ߞߊ߲ ߠߎ߬ ߟߊ߫ ߞߏ ߘߐ߫، ߡߙߌߘߐ ߣߌ߲߬ ߓߘߊ߫ ߣߊ߬ ߛߌߟߊ ߟߊߞߊ߬ ߝߊ߬ߛߏ ߞߊ߲ ߠߎ߬ ߣߴߊ߬ ߛߓߍߟߌ ߟߎ߬ ߦߋ߫ ߞߎ߲߬ߠߊ߬ߛߌ߮ ߟߊ߫ ߟߊ߬ߛߋ߬ߟߌ߬ ߘߊߞߎ߲ ߠߎ߬ ߘߐ߫ ߡߎ߬ߕߎ߲߬.
ߓߘߍ߬ߓߘߍ߬ߟߌߛߛߞ ߓߘߊ߫ ߞߊ߲ߕߌ߮ ߝߏ߬ ߞߵߊ߬ ߞߎߟߎ߲ߖߋ߫ ߝߊ߬ߛߏ߬ ߞߊ߲ ߠߎ߬ ߟߊߘߏ߲߭ ߘߐ߫ ߞߊ߲ߕߌ߯ߘߊ ߓߌ߬ߟߊ߬ߢߐ߲߰ߡߊ ߘߐ߫. ߊ߬ߟߎ߬ ߞߊ߲߫ ߞߏ߫ ߣߌ߲߬ ߞߍߣߍ߲߫ ߞߏߓߊ߫ ߘߝߐ߬ߡߊ ߟߋ߬ ߘߌ߫߸ ߝߊ߬ߛߏ ߟߐ߲ߠߌ߲ߦߊ ߡߐ߬ߟߐ߲߬ߡߊ߬ߦߊ ߘߐ߫߸ ߞߎ߲߬ߠߊ߬ߛߌ߰ߟߌ߬ ߞߏ߬ߢߌ߲ ߘߐ߫߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߝߣߊ߫ ߕߊߕߘߍ߬ ߞߏ߫ ߘߐ߫.
ߕߋߟߋ߲ߓߊ߯ߦߊߡߊ߬ߝߊ߲߬ߞߏ߬ ߞߕߌߘߊ ߓߘߊ߫ ߛߊ߲߭ ߝߌ߬ߟߊ߬ ߥߛߎ߫ ߘߐ߲ߘߐ߫ ߦߡߊ߫ ߛߋߜ߭ߊ߬ ߣߌ߫ ߡߊ߭ߦߊ߬ ߡߊ߬، ߞߊ߬ߙߊ߲߬ߡߐ߰ ߔߏߟ ߦߏ߲߬ߓߊ߫ ߞߙߎ߬ߡߊ߫ ߞߊ߬ ߞߕߌߘߊ ߟߊ߫ ߡߙߌߘߐ߫ ߕߊ߬ߣߍ߲ ߕߊ߲߬ߘߏ߬߸ ߞߵߊ߬ ߦߌ߬ߘߊ߬ ߞߏ߫ ߞߕߌ ߣߌ߲߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߡߐ߰ ߝߌ߬ߟߊ ߢߌ߲߬ ߠߎ߬ ߟߊߘߏ߲߬ ߥߏ߬ ߞߋߟߋ߲߫ ߠߊ߫ ߓߍ߲߭ ߞߣߐ߫.
ߕߋߟߋ߲ߓߊ߯ߦߊߞߊ߲ߞߊ߲߫ ߞߣߐ߫߸ ߛߌ߬ߛߍ ߣߌ߫ ߖߍ߮ ߘߏ߫ ߟߎ߫ ߟߋ߬ ߕߌߢߍߣߍ߲߫ ߕߊߓߐ ߘߏ߫ ߘߐ߫ ߛߏ߬ߣߌ ߔߍߛ߭ ߟߊ߫ ߛߌ߲߬ߓߌ߬ߓߏ߲ ߠߊ߫߸ ߡߏ߬ߛߏ ߘߏ߫ ߟߎ߫ ߓߘߴߊ߬ߟߎ߬ ߗߋ ߓߊ߲߫ ߞߵߊ߬ ߘߍ߲߫ ߏ߬ ߟߎ߫ ߟߋ߬ ߕߊ߭ ߟߊ߫ ߞߵߊ߬ߟߎ߫ ߝߙߋ߬ ߟߐ߮ ߘߐ߫ ߞߏߞߎߘߊ߫، ߏ߬ ߟߋ ߞߏߢߊ ߓߘߊ߫ ߜߊ߬ ߝߊ߰ߡߊ ߟߎ߬ ߟߊ߫߸ ߊ߬ߟߎ߬ ߓߘߊ߫ ߓߟߏߘߐߓߍ߲ ߠߎ߬ ߞߍ߫، ߕߍ߮ ߞߏ߬ߣߌ߲߬ ߓߘߊ߫ ߞߍ߫ ߡߏ߬ߛߏ ߘߏ߫ ߟߎ߫ ߘߐ߫.
ߕߋߟߋ߲ߓߊ߯ߦߊߢߐ߲߯ ߞߘߐߡߊߕߍ߮ ߝߍߛߑߓߎߞ ߞߊ߲߬߸ ߢߐ߲߯ ߖߓߍ߸ ߏ߬ ߟߊߓߊ߲߫ ߘߊ߫ ߡߌ߬ߣߊ߬ߟߌ ߟߋ߬ ߡߊ߬߸ ߞߊ߬ ߞߕߌ߫ ߟߞߊߟߌߡߊ߲ ߛߌ߰ ߛߋ߲߬ߠߊ߫ ߞߵߊ߬ߟߎ߫ ߖߊ߲߬ߞߌ߲߬: ߦߡߊ߫ ߛߋߜ߭ߊ߬ ߣߌ߫ ߡߊ߭ߦߊ߬ ߓߘߊ߫ ߓߌ߬ߟߊ߫ ߛߊ߲߭ ߝߌ߬ߟߊ߬ ߥߛߎ߫ ߟߊ߫ ߘߐ߲ߘߐߟߌ߫ ߓߟߏ ߡߊ߬߸ ߞߊ߬ ߞߋ߲߬ߥߟߎ߬ ߄߀ ߟߴߊ߬ߟߎ߫ ߞߎ߲߬ ߓߌ߲߬ߓߊߥߏ ߘߌ߫߸ ߊ߬ ߣߌ߫ ߛߊ߲߭ ߂߸ ߊ߬ߟߎ߬ ߕߍ߫ ߘߍ߬ߞߙߏߝߏ ߟߊߓߊ߯ߙߊ߫ ߟߊ߫ ߝߏ߫ ߓߊ߯ߙߊ߫ ߘߊߞߎ߲ ߠߎ߬.
ߞߍߞߎߘߊߘߟߊ߬ ߞߏ߬ ߡߊ߲ߞߊ߲ ߠߋ߬ ߘߏ߲߬ߣߍ߲߫ ߜߋ߲ߞߐ߰ߖߌ߬ߘߊ ߘߎ߱ ߘߏ߫ ߣߌ߫ ߖߌ߬ߣߍ߫ ߘߎ߱ ߘߏ߫ ߕߍ߫ ߘߊ߯ߙߌ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߁߉ ߣߌ߲߬ ߡߊ߬߸ ߞߊ߬ ߡߐ߰ ߁߅ ߖߐߞߌ߫ ߝߊ߲߭ ߝߌ߬ߟߊ ߓߍ߯ ߟߊߞߊ߬ߝߏ߬ߣߍ߲ ߘߐ߫، ߊ߬ߟߋ߬ ߘߊ߬ߟߊ ߕߐ߯ ߟߋ߬ ߞߏ߫ ߘߟߊ߬ߜߍ߬ߓߊ߫.
ߞߍߞߎߘߊߞߎ߲߬ߕߌ߰ ߞߎ߬ߘߊ߬ ߟߊ߬ߛߌ߮ ߡߍ߲ ߞߍߣߍ߲߫ ߘߏ߲߬ߛߏ ߟߎ߬ ߟߊ߫ ߕߙߊߓߊ ߂߆ ߟߊ߬ߘߍ ߘߐ߫ ߞߊ߲ߞߊ߲߫ ߞߣߐ߫߸ ߏ߬ ߟߋ ߞߎߡߊ ߓߘߴߊ߬ ߞߐߕߊ߲߫، ߓߊߏ߬߸ ߞߘߐ߬ߡߊ߲ ߡߍ߲ ߠߥߟߌ߬ߣߍ߲߫ ߣߴߊ߬ߟߋ߫ ߖߍ߬ߘߍ ߢߊ ߕߘߍ߬ ߜߍ ߘߐ߫߸ ߣߊߟߌ߬ߡߎ߲߬ ߞߎߟߎ߲ߝߊ߲߫ ߘߋ߲ߓߊ߫ ߘߌ߫، ߏ߬ ߟߋ ߞߊ߲߫ ߞߏ߫ ߊ߬ ߡߊ߫ ߛߐ߲߬ ߊ߬ ߟߊߥߟߌ߬ ߞߏ ߡߊ߬. ߒ߬ߓߊ߬߸ ߛߌ߲߬ߓߏ߲߫ ߡߊ߬ߡߊ߬ߘߌ߬ ߞߊ߲߫ ߞߏ߫ ߌߞߏߡߌ߲߬ ߊ߬ ߓߘߴߊ߬ ߞߐߡߊߓߌ߲ߓߌ߲ߠߊ߫ ߛߐ߬ߘߐ߲߬ ߞߏߕߌ߯ߘߊ ߟߊ߫߸ ߊ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߓߍ߲߬ ߊ߬ ߟߊߥߟߌ߬ ߞߏ ߡߊ߬.
ߓߘߍ߬ߓߘߍ߬ߟߌߖߌ߬ߣߍ߬ ߦߴߊ߬ ߝߍ߬ ߞߵߊ߬ ߣߌ߫ ߛߌ߯ߣߌ߲ ߠߊ߫ ߞߊ߬ߣߌ߲ ߞߘߐߛߊ߫ ߓߘߍߞߍ߭߸ ߞߊ߲߫ ߞߏ ߡߊ߬ߘߎ߮ ߘߐ߫، ߏ߬ ߟߋ ߘߐ߫߸ ߡߊ߲ߘߊߙߍ߲ ߕߌߙߌ߲ߘߊ ߘߏ߫ ߓߘߊ߫ ߟߊߞߊ߬ ߞߐߣߊߞߙߌ߫߸ ߡߍ߲ ߠߎ߬ ߣߐ߬ ߟߊ߬ߞߐ߰ߟߌ ߛߌ߰ ߟߊ߫ ߛߋ߲߬ߠߊ߫ ߣߊ߲߬ߕߌ߮ ߟߎ߫ ߞߎ߲߬.
ߕߋߟߋ߲ߓߊ߯ߦߊߝߘߏ߬ߓߊ߬ ߞߕߌߓߋߟߋ߲ ߓߘߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߊ߭ߦߊ߬ ߞߊ߬ߓߊ ߣߌ߫ ߦߡߊ߫ ߛߋߜ߭ߊ߬ ߡߌ߬ߣߊ߫ ߞߵߊ߬ߟߎ߬ ߟߊߞߘߎ߬ ߢߟߊߥߛߎ ߟߊ߫، ߊ߬ߟߎ߬ ߓߍߣߊ߬ ߦߌ߬ߘߊ߬ ߞߕߌߞߊ߲ߘߊ ߟߊ߫ ߞߐ߬ߓߊ߬ߟߏ߲߫ ߣߊ߬ߕߐ߸ ߞߏ߲ߞߏߘߓߌ ߕߋ߬ߟߋ߫ ߂߀ ߡߊ߬، ߊ߬ߟߎ߫ ߡߌ߬ߣߊ߬ߣߍ߲߫ ߞߵߏ߬ ߞߎ߲߭ ߞߍ߫ ߜߍ߫ ߘߐ߫ ߖߓߍߟߌ ߣߌ߫ ߜߍߟߊߜߍ߫ ߞߏ߫ ߞߎߡߊ ߟߋ߬ ߘߌ߫.
ߘߍ߭ߕߟߋ߬ ߘߊ߲ߘߐ߫ ߓߟߐߟߐ߫ ߝߛߏߝߛߊ ߞߐߝߍ߬ ߖߌ߬ߣߍ߬ ߞߣߐ߫߸ ߘߍ߬ߞߙߏߝߏ ߟߎ߬ ߓߘߊ߫ ߛߊ߬ߦߌ߲߫ ߊ߬ߟߎ߬ ߡߊ ߡߊ߬ ߣߍ߲ߞߍ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬، ߞߊ߬ߕߎ߲߯߸ ߝߍߛߑߓߎߞ ߕߎ߲߬ ߓߘߊ߫ ߓߟߏߕߍ߰߸ ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߌ߮ ߡߊ߫ ߢߊߝߐߟߌ߫ ߞߟߊ߬ߟߡߊ߬ ߛߌ߫ ߞߍ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫.
ߜߘߍ ߟߎ߬ߓߐ߬ߙߑߘߏ߫ ߍߛ.ߏ.ߍߛ ߞߌ߲߬ߘߊ ߣߐ߬ ߕߌߢߍߟߌ߫ ߜߘߍ߫ ߟߋ߬ ߟߊߛߐ߬ߘߐ߲߬ ߠߊ߫ ߌߞߐ߫߸ ߕߊ ߟߋ߬ ߓߐߣߍ߲߫ ߟߎ ߘߏ߫ ߞߣߐ߫ ߞߊ߬ ߓߟߏߝߋ߲߫ ߛߌߦߊߡߊ߲߫ ߞߊ߬ߛߙߊ߬، ߡߐ߰ ߡߊ߫ ߕߏ߫ ߊ߬ ߘߐ߫ ߛߊ߫߸ ߓߊ߬ߙߌ߬ ߞߐߙߍ ߓߘߊ߫ ߓߌ߬ߟߊ߬ ߥߏߦߌߞߏ߲߬ߓߊ ߘߐ߫.
ߛߊ߲߬ߞߟߊ߬ߕߋߖߌ߬ߣߍ߫ ߓߘߍ߬ߓߘߍ߬ߟߌ ߡߐ߰ ߕߐ߯ߟߡߊ ߣߴߊ߬ ߥߊߟߌߘߊ ߟߎ߬ ߗߋߝߊ߫ ߞߎ߲ߕߌ߯ ߞߘߐ߸ ߡߊ߬ߡߊߘߎ߬ ߛߌ߬ߟߊ ߛߊ߬ ߘߊ߫ ߂߀߂߆ ߞߏ߲ߞߏߘߓߌ ߕߟߋ߬ ߁߆ ߣߌ߲߬ ߡߊ߬ ߞߐߣߊߞߙߌ߫߸ ߞߵߊ߬ ߛߐ߬ߘߐ߲߬ ߊ߬ ߓߘߴߊ߬ ߕߐ߮ ߕߏ߫ ߖߡߊ߬ߣߊ ߞߏߓߊ߫ ߛߌߦߊߡߊ߲߫ ߘߐ߫.
ߜߋߙߋ߲ߜߋߙߋ߲ߧߊߒߞߏ ߓߊߛߌߦߊ ߞߙߎߝߓߊ ߘߏ߲߬ߞߏ ߟߎ߬ ߓߘߊ߫ ߟߊߘߍ߬ ߞߊ߲ߞߊ߲߫ ߞߣߐ߫ ߕߟߋ߬ ߣߊ߯ߣߌ߲߫ ߟߊ߬ߞߐ߰ߟߌ ߞߊ߲ߡߊ߬߸ ߡߍ߲ ߓߍߣߊ߬ ߞߍ߫ ߓߏߟߏ߲ߓߊ߫ ߛߊ߬ߓߊ߫ ߞߊ߲߬: ߓߊߛߌߦߊ ߣߌ߫ ߟߊ߬ߕߙߎ ߣߌ߫ ߥߊߟߌߝߦߊ.
ߟߐ߲ߠߌ߲ߦߊߞߐߣߊߞߙߌ߫ ߞߣߐ߫߸ ߞߏߕߌ߯ ߝߟߐ ߊߡߊߘߎ߫ ߎ߯ߙߌ߬ ߓߊ ߛߐ߬ߘߐ߲߬ ߘߊ߫ ߟߋ߬ ߒߞߏ ߛߌ߲ߘߌ ߛߊ߲߬ ߇߇߲ ߢߊ߰ߢߊ߮ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߒߞߏߡߐ߮ ߟߎ߬ ߦߋ߫ ߓߊ߯ߙߊߞߍߟߊ ߟߎ߫ ߟߋ߬ ߘߌ߫.
ߞߍߞߎߘߊߞߊ߲ߞߊ߲߫ ߞߣߐ߫߸ ߛߊ߬ߙߌ߬ߦߊ߬ ߓߊ߰ߙߊ߬ߟߊ ߟߎ߬ ߓߟߏߘߏ߲߭ ߦߴߌߘߐ߫ ߞߊ߬ ߞߐ߲߰ ߢߣߊߕߊߟߌ ߛߋ ߢߍ߫، ߖߐ߲߰ߛߊ߫ ߝߐߢߐ߲߯ߞߐ ߟߎ߬ ߘߌ߫ ߛߋ߫ ߡߊߕߊ߲߬ߞߊ߬ ߟߊ߫ ߢߊ ߡߍ߲ ߡߊ߬.
ߘߍ߭ߛߊ߲ߝߌߣߊ߫ ߡߏ߬ߛߏ ߟߎ߬ ߡߐߣߍߣߍ߲ ߠߋ߬ ߓߐ߫ ߘߊ߫ ߝߏ߲߬ߘߏ ߞߊ߲߬ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߞߐ߭ ߓߘߊ߫ ߡߊߛߌߟߊ߲߫ ߖߌߕߍߙ ߟߊ߫ ߣߊ߯ߓߊ߫ ߟߊߛߌ߰ߣߍ߲ ߓߟߏ߫، ߏ߬ ߘߐ߫߸ ߟߊ߬ߤߘߌ߬ ߕߌ߬ߢߍ߬ ߛߌߦߊߡߊ߲ ߠߎ߬ ߞߐߝߍ߬ ߞߊ߬ ߝߘߊ߫ ߞߏߟߊߘߍ ߟߊ߫߸ ߊ߬ ߓߘߊ߫ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߕߙߏ߬ߞߏ ߟߎ߬ ߟߊߥߟߌ߬ ߒߞߘߐ߫ ߞߊ߬ ߥߊ߫ ߣߊ߯ߓߊ ߟߎ߬ ߟߊߥߟߌ߬.
ߓߌ߬ߟߊ߬ߒ߬ߘߐ߬ߖߎ߮ߞߊ߲ߡߋߙߋ߲߫ ߡߐ߰ ߝߌ߬ߟߊ߬ ߓߘߊ߫ ߕߏ߫ ߓߌ߬ߟߊ߬ߒ߬ߘߐ߬ߖߎ߮ ߘߐ߫ ߓߊ߰ߢߊ߫، ߊ߬ߟߎ ߕߘߍ߬ ߔߏߔߏ ߟߋ߬ ߞߊ߲߬߸ ߊ߬ߟߎ߬ ߣߌ߫ ߝߊ߯ߞߊ߲ߓߋ߲ ߘߏ߫ ߟߋ߬ ߞߵߊ߬ ߛߌ߰ ߢߐ߲߮ ߞߎ߲߬ ߏ߬ ߘߐ߫߸ ߞߵߊ߬ߟߎ߫ ߓߐ߬ߣߐ߫ ߊ߬ߟߎ߬ ߣߌ ߘߐ߫.
ߟߊ߬ߞߊ߲߬ߘߊ߬ߟߌߛߍ߬ߞߍ߫ ߞߐ߬ߟߋ߲߬ߘߊ ߡߏ߬ߛߏ ߟߎ߬ ߓߘߊ߫ ߓߐ߫ ߡߐߣߍ ߘߌ߫߸ ߞߊ߬ ߓߍ߲߬ ߊ߬ߟߎ߬ ߟߊ߫ ߝߊ߲߬ߞߣߐ ߏ߬ ߟߊ߬ߞߊ߲߬ߘߊ߬ߟߌ ߡߊ߬، ߓߊߏ߬߸ ߊ߬ߟߎ߬ ߟߊ߫ ߡߐ߰ ߞߋߟߋ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߞߏ߲ߞߏߘߓߌ ߕߟߋ߬ ߈ ߡߊ߬߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߞߵߏ߬ ߞߎ߲߭ ߞߍ߫ ߏ߬ ߝߊ߰ ߢߊ ߖߎ߯ߦߊ ߘߌ߫.
ߜߘߍ ߟߎ߬ߞߊ߲ߡߋߙߋ߲߫ ߛߊ߲߭ ߂߅ ߘߏ߫ ߜߊ߬ߛߌ߬ ߞߏ߬ߖߎ߰ߦߊ ߓߘߊ߫ ߞߍ߫ ߊ߬ ߞߎ߲߭ ߘߐ߫ ߖߟߊߥߛߊ߫ ߝߊߕߏߓߏ߲ ߘߏ߫ ߞߣߐ߫ ߛߌ߯ߙߌ߲߫߸ ߞߵߊ߬ ߓߐ߬ߣߐ߫ ߊ߬ ߣߌ ߘߐ߫.
ߓߘߍ߬ߓߘߍ߬ߟߌߞߐ߲߬ߛߏ ߘߌߣߍ߲߫ ߘߐߜߐ߬ ߡߊ߬ ߞߏ ߘߏ߫ ߟߋ߬ ߞߍ߫ ߞߊ߲ߡߊ߬߸ ߞߊ߬ ߓߊ߲߫ ߞߵߊ߬ ߟߊߛߊ߬ߦߌ߲߬، ߓߊ߬ߙߌ߬ ߘߐߜߐ߬ ߞߊ߲߫ ߞߏ߫ ߞߎߡߊ߫ ߛߎ߮ ߏ߬ ߡߊ߫ ߝߐ߫ ߊ߬ ߦߋ߫، ߊ߬ ߓߘߊ߫ ߞߐ߲߬ߛߏ ߕߊ߬ߓߊ߮ ߟߎ߬ ߞߍ߫ ߢߊߣߊ߲ ߘߌ߫߸ ߏ߬ ߟߎ߬ ߝߣߊ߫ ߞߊ߲߫ ߞߏ߫ ߊ߬ ߡߙߌߦߊ ߟߋ߬ ߣߐ߬ ߊ߬ ߖߍ߬ߘߍ߫ ߖߊ߲߬ߝߊ߬ ߟߊ߫.
ߞߍߞߎߘߊߖߌ߬ߣߍ߫ ߣߊ߲߬ߕߌ߮ ߟߎ߬ ߣߌ߫ ߛߣߍ߬ߜ߭ߊߟߌ߫ ߣߊ߲߬ߕߌ߮ ߟߎ߬ ߣߐ߬ ߟߊ߬ߘߍ߬ߓߊ߫ ߟߋ߬ ߛߌ߰ ߟߊ߫ ߛߋ߲߬ߠߊ߫ ߟߊߓߋ߬ ߞߣߐ߫߸ ߛߴߊ߬ߟߎ߬ ߘߴߊ߬ߟߎ߫ ߝߊ߲߬ߞߊ ߝߙߊ߬ ߢߐ߲߮ ߞߊ߲߬ ߞߵߊ߬ ߓߍ߲߬ ߖߡߊ߬ߣߊ߫ ߝߌ߬ߟߊ ߓߐߕߏ߲ ߟߊ߬ߞߊ߲߬ߘߊ߬ߟߌ ߓߊ߲ߓߊ߲ ߡߊ߬.
ߘߍ߭ߝߎ߯ߘߌ߫ ߞߘߎ ߟߋ߬ ߥߎ߬ߦߊ߬ߣߍ߲߫ ߢߡߊ߬ ߛߎ߬ߛߎ߬ ߘߊߡߊ߲ ߘߏ߫ ߞߣߐ߫ ߞߎߣߎ߲ߟߏ߲ ߂߀߂߆ ߞߏ߲ߞߏߜߍ ߕߟߋ߬ ߁߁ ߡߊ߬ ߞߏ߲߬ߖߊ߲߬ߠߊ߬ߞߎߘߊ߫߸ ߞߊ߬ ߡߛߏ߬ ߁߀ ߓߐ߬ߣߐ߫ ߊ߬ ߣߌ ߘߐ߫، ߊ߬ߟߎ ߦߋ߫ ߓߊ߯ߙߊ߫ ߟߊ߫ ߘߊ߬ߡߊ߲߬ ߞߘߐ ߟߋ߬ ߞߣߐ߫߸ ߞߊ߬ ߢߍ ߕߍ߬ ߞߊ߬ ߥߴߊ߬ ߞߏ߬ ߘߊ߬ߡߊ߲߬ ߞߘߐ ߞߣߐ߫، ߖߊ߰ ߕߌ߲ߘߌ ߡߍ߲ ߦߴߊ߬ߟߎ߫ ߞߎ߲߬ߘߐ߫߸ ߏ߬ ߓߘߊ߫ ߛߍ߲ߞߍ߫߸ ߏ߬ ߟߋ ߝߎ߯ߘߌ߫ ߞߘߎ ߥߟߌ߬ߣߍ߲߫ ߡߎ߬ߕߎ߲߬ ߞߊ߬ ߣߊ߬ ߖߎߙߊ߲߫ ߊ߬ߟߎ߫ ߞߊ߲߬߸ ߞߊ߬ ߡߐ߰ ߕߊ߲߫ ߓߐ߬ߣߐ߫ ߊ߬ ߣߌ ߘߐ߫.
ߞߍߞߎߘߊߕߋ߬ߟߋ߫ ߝߌ߬ߟߊ߫ ߖߊ߬ߣߍ߲ ߠߋ߬ ߞߍߣߍ߲߫ ߟߊ߬ߞߐ߰ߟߌ߬ߓߊ߫ ߞߊ߲߬ ߛߎߘߊ߲ ߠߊߛߐ߬ߘߐ߲ ߣߌ߫ ߗߌߙߏ߲ ߡߊߕߊ߲߬ߞߊ ߥߟߊ߬ߘߊ ߢߊߝߐ ߘߐ߫ ߟߏ߲ߛߋߓߊߟߌߕߍ߫ ߞߏ߬ߣߊ߬ߕߍ߬ ߓߟߏ߫، ߏ߬ ߡߍ߲ ߞߊ߬ߝߊ ߛߓߍߣߴߊ߬ ߓߟߏ߫ ߞߊ߬ߣߌ߲߬، ߟߊ߬ߞߐ߬ߟߌ ߣߌ߲߬ ߞߍ߫ ߘߊ߫ ߥߊ߬ߛߊ ߟߋ߬ ߘߌ߫ ߒߛߙߍߜߘߍߞߊ ߟߎ߬ ߓߟߏ߫، ߟߊ߬ߞߐ߰ߟߌ߬ ߛߙߋߓߍ ߟߊߕߊ߬ߡߌ߲߬ ߘߊ߫߸ ߞߵߏ߬ ߟߊ߫ ߞߊ߬ߝߊ ߞߎ߲߬ߠߊ߬ߓߐ ߞߊ߲߬، ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬ ߖߏߣߊ߫.
ߞߍߞߎߘߊߞߊ߲ߞߊ߲߫ ߞߣߐ߫߸ ߞߕߌ ߓߘߊ߫ ߟߊߥߌ߬ߟߌ߫ ߞߎ߲߬ߞߏ߬ߓߊ߬ߕߐ ߟߎ߬ ߞߊ߲ߡߊ߬߸ ߡߍ߲ ߠߎ߬ ߟߊ߫ ߕߌߢߍߟߌ ߝߊ߲߬ߞߊ ߓߏ߲߬ߓߊ߫ ߞߊ߬ߣߌ߲߬، ߦߏ߫ ߛߏ߲߬ߧߊ߬ߟߌ߬ ߞߏ ߟߎ߬ ߣߌ߫ ߣߴߊ߬ ߢߐ߲߱ ߠߎ߬، ߓߍ߯ ߛߌ߰ߣߍ߲߫ ߕߎ߬ߢߊ ߡߊߞߐ߬ߣߐ߲ ߛߌ߱ ߟߋ߬ ߘߐ߫ ߕߋ߲߬، ߖߡߊ߬ߣߊ߬ߘߋ߲߬ ߛߌߦߊߡߊ߲߫ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߞߕߌ ߘߊߡߌ߬ߣߊ߬ ߢߊ ߓߘߴߊ߬ߟߎ߫ ߖߌ߰ߡߝߊ߬ ߣߍ߲ߞߍ߫.
ߞߍߞߎߘߊߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߣߐ߬ ߝߐ߰ߓߍ߬ ߜߙߊ߬ ߡߊ߲ߞߊ߲ ߘߏ߫ ߟߋ߬ ߞߍ߫ ߟߊ߫ ߞߊ߲ߞߊ߲߫߸ ߞߵߊ߬ ߓߍ߲߬ ߘߎ߰ ߞߏ߬ ߡߊ߲ߞߊ߲ ߘߏ߫ ߡߊ߬ ߊ߬ߟߎ߬ ߕߋߙߌ߫ ߛߏ߬ߙߌ߫ ߥߎ߬ߦߊ߲߬ߞߌ߬ߣߍ߲߫ ߞߓߊ߬ ߣߌ߫ ߡߐ߱ ߘߏ߫ ߟߎ߫ ߕߍ߫، ߊ߬ߟߎ߫ ߞߊ߬ ߘߡߊߞߊߛߟߌ߫ ߛߓߍ ߘߏ߫ ߟߎ߫ ߟߊߕߊ߯ ߟߋ߬ ߡߙߊ߬ߓߊ߮ ߡߊ߬߸ ߞߊ߬ߝߏ߬ߙߋ߲߬ߕߌ߮ ߡߊ߬߸ ߊ߬ ߣߌ߫ ߞߊ߲ߓߍ߲ ߞߕߌߞߊ߲ߘߊ߸ ߛߴߊ߬ߟߎ߬ ߘߌ߫ ߘߏ߫ ߝߐ߫ ߣߌ߲߬ ߞߏ ߘߐ߫ ߞߊߟߌߦߊ߫ ߓߟߏ ߡߊ߬.
ߞߍߞߎߘߊߞߊ߲ߞߊ߲߫ ߞߣߐ߫߸ ߝߘߏ߬ߓߊ߬ ߞߕߌߞߊ߲ߘߊ ߡߊߙߑߥߊߣ ߓߊߟߑߘߋ߬ ߣߌ߫ ߛߏߕߌ߯ ߓߏߟߏ߲ ߓߘߊ߫ ߞߎߡߊ߫߸ ߞߊ߬ ߡߐ߰ ߞߏߝߐ߫ ߡߍ߲ ߠߎ߬ ߦߋ߫ ߜߊ߲߬ߞߎ߲߬ߢߐ߲߰ߠߊ߬ ߢߎߡߍ ߓߊ߯ߙߊ߫ ߡߎߙߊ߲ ߠߎ߬ ߛߏ߲߬ߧߊ߬ ߟߊ߫، ߏ߬ ߦߋ߫ ߜߍߞߊ߲ߠߊ ߟߊߡߍߣߍ߲ ߖߊ߬ߕߋ߬ߘߐ߬ߛߌ߮ ߘߏ߫ ߟߋ߬ ߘߌ߫، ߊ߬ߟߎ߫ ߣߐ߬ ߏ߬ ߡߍ߲ ߓߊ߯ߙߊ ߛߋ߲߬ߠߊ߬ߛߎߡߦߊ ߟߊ߫ ߟߊ߫ ߛߏ߲߬ߧߊ߬ߟߌ߬ ߞߏ ߣߌ߲߬ ߞߎ߲߬ ߞߊ߬ߣߌ߲߬.
ߞߍߞߎߘߊ߁߉߇߀ ߣߍߣߍߓߊ ߕߋ߬ߟߋ߫ ߂߂ ߟߋ߬ ߡߊ߬߸ ߔߕߏ߬ߞߌ߬ߟߊ߫ ߞߎ߲߬ߞߊ߬ߓߊ߮ ߟߎ߫ ߣߊ߬ ߘߴߊ߬ߟߎ߬ ߞߍ߫ ߖߌ߬ߣߍ߫ ߞߊ߲߬߸ ߞߏߛߴߊ߬ߟߎ߬ ߘߌ߫ ߛߋߞߎ߫ ߕߎ߬ߙߋ߬ ߟߊߥߟߏ߫، ߦߙߍߞߍߟߌ ߡߊ߫ ߛߎߘߊ߲߫߸ ߡߌ߬ߘߊ߬ߟߌ߬ ߛߌߦߊߡߊ߲߫ ߞߍ߫ ߘߴߊ߬ ߞߐߝߍ߬߸ ߊ߬ ߣߌ߫ ߛߊ߲ߞߎ߲ߠߌ߲.
ߞߍߞߎߘߊߟߊ߬ߕߍ߰ߦߊ ߘߏ߫ ߓߘߊ߫ ߟߊߓߐ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߢߣߊߕߊߟߌ ߘߏ߲߬ߞߏ ߟߎ߬ ߛߎߥߊ߲ߘߟߌ ߡߊ߬ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߡߊ߬߸ ߞߊ߬ ߓߊ߲߫ ߞߊ߬ ߢߣߊߕߊߟߌ ߕߎ߬ߡߊ ߟߎ߬ ߟߊߕߍ߰: ߇ߙߋ߲-߁߈ߙߋ߲.
ߞߍߞߎߘߊߞߏߕߌ߯ߘߊ ߓߘߊ߫ ߒߞߏ ߝߘߏ߬ߓߊ߬ ߞߙߏߝߏ ߡߊߞߟߌ߫ ߢߍߥߟߊ ߘߏ߫ ߟߊߘߌ߬ߢߍ߬ ߞߊ߲ߡߊ߬߸ ߡߍ߲ ߦߋ߫ ߛߋ߲߬ߕߊ߬ߓߊ߫ ߘߌ߫ ߛߓߍߛߎ߲ߧߊߟߌ ߘߊߞߎ߲ ߘߐ߫߸ ߣߴߊ߬ ߢߍߛߌ߲ߣߍ߲߫ ߖߌ߬ߣߍ߬ߞߊ߫ ߞߋ߲߬ߥߟߎ߫ ߝߌ߬ߟߊ߬ ߟߊߛߓߍߛߎ߲ߧߊ ߡߊ߬.
ߞߍߞߎߘߊߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߝߟߍ߬ߟߌ ߞߐ ߘߐ߫ ߘߊ߲ߘߊߛߏ ߟߊ߫߸ ߊ߬ ߣߴߊ߬ ߟߊ߫ ߓߙߊߡߊߖߊ߲ߓߊ߲ ߗߋߕߌ߮ ߟߎ߬ ߕߐ߯ߦߊߣߍ߲ ߞߐ ߘߐ߫߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߛߌߞߊ ߓߘߊ߫ ߓߐ߫ ߓߍ߯ ߟߊߘߍ߬ߣߍ߲ ߘߐ߫ ߡߎ߬ߕߎ߲߬ ߞߵߊ߬ ߓߍ߲߬ ߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߡߊ߬.
ߞߍߞߎߘߊߓߌ߬ ߓߌߟߏ߲ ߣߌ߲߬ ߡߊ߬ ߂߀߂߅ ߣߍߣߍߓߊ ߕߟߋ߬ ߆߸ ߞߊ߲ߞߊ߲߫ ߞߊ߬ ߖߊ߬ߡߊ߫ ߞߐ߲߬ߜߍ ߟߋ߬ ߟߊߓߐ߫߸ ߟߊ߬ߞߊ߲߬ߘߊ߬ߟߌ߬ߟߊ ߟߎ߬ ߣߌ߫ ߘߋ߲ߡߌߛߍ߲ ߠߎ߬ ߊ߬ ߣߌ߫ ߡߏ߬ߛߏ ߟߎ߬߸ ߞߊ߬ ߓߐ߫ ߞߊ߬ ߘߎ߲߬ߓߎߦߊ߬ ߞߎߟߎ߲ߖߋ߫ ߊ߬ߟߎ߬ ߟߊ߫ ߞߟߌߟߌߞߊ߲ߠߊ ߟߊߡߌ߬ߘߊ ߘߐ߫߸ ߞߏ߲ߓߌߕߌ߮ ߕߋ߬ߟߋ߫ ߂߆ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߞߊ߲ߞߊ߲߫ ߘߋ߲ߡߌߛߍ߲ ߠߎ߬ ߓߐ߫ ߘߊ߫ ߟߋ߬ ߞߊ߬ ߘߎ߲߬ߓߎߦߊ߬ ߡߊߞߟߌ߫ ߡߊ߬ߡߌ߬ߘߊ߬ߟߌ߬ ߞߏ ߡߊ߬߸ ߊ߬ ߣߌ߫ ߖߌ߬ߣߍ߬ ߕߊߡߊ߲߫ […]
ߞߍߞߎߘߊߞߊ߲ߞߊ߲߫ ߘߊ߲ߘߊߛߏߓߊ ߞߏߟߊߕߍ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߓߍߣߵߊ߬ߟߎ߫ ߝߎ߬ߙߎ߲߬ߞߎ߬߸ ߣߌ߫ ߘߎ߲߬ߓߎߦߊ߬ ߡߊ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫ ߢߣߊߕߊߟߌ߫ ߣߊ߬ߕߐ ߘߐ߫، ߏ߬ ߘߏ߲߬ ߜߎ ߕߍ߫ ߓߍ߲߬ ߠߴߊ߬ߟߎ߬ ߟߊ߫ ߓߊ߯ߙߊ ߛߊ߬ߙߌ߬ߦߊ ߡߊ߬ ߝߛߊߦߌ߫. ߊߟߎ߫ ߦߋ߫ ߖߌ߬ߦߊ߬ߓߍ ߣߌ߲߬ ߛߐ߲߬ߞߌ߲߫ ߞߵߊ߲ ߡߙߌߦߊ ߞߊ߬ߙߊ߲߬
ߞߍߞߎߘߊߓߊ ߎ߯ߙߌ߬ ߕߘߍ߬ ߞߊ߲ߞߊ߲߫ ߝߐ߰ߓߍ߬ߦߊ߬ߟߊ ߟߎ߬ ߢߊߞߘߐ߫ ߝߏ߬ߟߌ ߣߌ߫ ߞߎߟߎ߲ߖߋߟߌ ߟߊ߫ ߓߌ߬߸ ߞߵߏ߬ ߞߎ߲߭ ߞߍ߫ ߖߌ߬ߣߍ߫ ߡߌ߬ߙߌ߲߬ߘߌ ߓߍ߯ ߟߊ߫ ߘߐ߬ߖߊ߬ ߞߍߣߍ߲ ߘߌ߫ ߞߊ߲ߘߟߌ ߛߎߥߊ߲ߘߟߌ ߕߊ߬ߡߌ߲߬ ߞߏ߬ ߢߌߡߊ ߘߐ߫، ߊߟߎ߫ ߦߋ߫ ߖߌ߬ߦߊ ߣߌ߲߬ ߛߐ߲߬ߞߌ߫ ߞߵߊ߬ ߕߐ߭ ߞߊ߬ߙߊ߲߬
ߞߍߞߎߘߊߗߊߦߌߣߊ߫ ߡߐߟ ߓߘߊ߫ ߛߋ߫ ߞߐߣߊߞߙߌ߫߸ ߊ߬ ߕߍ߫ ߡߍ߲߫߸ ߊ߬ ߘߊ ߓߍߣߊ߬ ߟߊߞߊ߬ ߞߵߊ߬ ߓߌ߬ߟߊ߫ ߡߐ߱ ߟߎ߬ ߛߊ߬ߥߏ߬ ߘߐ߫ ߞߘߊߎ߫، ߛߌ߯ߣߌ߲ߞߊ ߟߎ߬ ߟߊ߫ ߖߊ߬ߥߏ߬ߘߊ ߟߋ߬ ߦߴߊ߬ ߘߌ߫߸ ߡߍ߲ ߦߋ߫ ߝߘߊ߬ߝߌ߲߬ߠߊ߫ ߝߊ߲߬ ߛߌߦߊߡߊ߲߫ ߘߐ߫، ߓߊ߬ߙߌ߬ ߛߌߞߊ ߦߋ߫ ߡߐ߱ ߟߎ߬ ߘߐ߫ ߡߎߣߎ߲߬߸ ߊ߬ ߣߌ߫ ߖߡߊ߬ߣߊ ߖߎ߬ߟߊ ߟߎ߬ ߝߣߊ߫ ߓߘߊ߫ ߓߌ߬ߟߊ߫ ߞߣߐ߬ߘߐ߬ߝߟߌ ߘߐ߫ ߡߎߣߎ߲߬. ߒ߬ߓߊ߬߸ ߖߌ߬ߦߊ߬ߓߍ ߣߌ߲߬ ߛߐ߲߬ߞߌ߲߫ ߞߵߌ ߓߐ߫ ߞߣߐ߬ߘߐ߬ߝߟߌ ߘߐ߫.
ߞߍߞߎߘߊ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߓߍ߲߬ߣߍ߲߫ ߓߌߟߏ߲ ߠߋ߬ ߡߊ߬߸ ߦߏ߫ ߁߉߅߈ ߕߊ ߓߍ߲߬ ߘߴߊ߬ ߡߊ߬ ߢߊ ߡߍ߲ ߡߊ߬، ߒߞߏ ߘߏ߲߬ ߝߣߊ߫ ߛߌ߲ߘߌ߫ ߘߊ߫ ߓߌߟߏ߲ ߠߋ߬ ߡߊ߬، ߒ߬ߓߊ߬ ߟߏ߲ ߠߎ߬ ߟߊ߫ ߓߍ߲߬ߢߐ߲߰ߡߊ߬ߦߊ ߦߋ߫ ߡߙߌ ߟߎ߬ ߟߊߖߊ߲߬ߝߊ߲߬ ߟߏ߲ ߠߋ߬ ߘߌ߫ ߞߘߐ߬ߡߊ߲ ߠ߬ߎ ߣߌ߫ ߞߎߘߊ ߟߎ߬ ߡߊߝߟߍ ߘߐ߫߸ ߞߊ߬ ߢߝߍߟߊ ߡߊߜߍ߲߫.
ߞߍߞߎߘߊߊߟߎ߫ ߦߋ߫ ߖߌ߬ߣߍ߬ ߟߊ߫ ߒ ߕߍ߫ ߜߊߘߌߜߊߘߌ ߘߝߐ߬ߣߍ߲߬ ߠߊߡߍ߲߫ ߦߊ߲߬ ߓߊ߫
ߞߍߞߎߘߊߖߌ߬ߣߍ߬ ߟߊ߫ > ߝߐ ߓߘߊ߫ ߛߊ߲߬ ߆߇ ߓߐ߫ ߕߎߟߊߝߌ߲ ߕߋ߬ߟߋ߫ ߂߈ ߣߌ߲߬ ߡߊ߬، ߞߊ߲ߕߌ߯ ߛߋߞߎ߫ ߕߎ߬ߙߋ߬ ߟߊ߫ ߢߍߡߌߘߊߟߌ ߞߣߐߡߊ߬ ߝߊ߬ߙߊ߲߬ߛߌ߬ ߟߊ߫ ߥߙߎߣߍߦߊߟߌ ߖߎ߬ߟߎ ߘߐߓߎ߲ߘߊ߲ ߘߐ߫
ߞߍߞߎߘߊߖߌ߬ߣߍ߬ ߞߊ߲ߕߌ߯ ߢߣߊߕߊߟߌ ߘߌ߫ ߞߍ߫ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߡߊ߬، ߓߊ߬ߙߌ߬ ߛߌߟߊ ߓߘߊ߫ ߟߊߞߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫߸ ߏ߬ ߓߘߊ߫ ߣߊ߬ ߛߌߞߊ ߘߌ߫ ߡߐ߱ ߟߎ߬ ߘߐ߫߸ ߞߏ߫ ߣߊ߲߬ߕߌ߮ ߢߌ߲߬ ߠߎ߬ ߕߴߊ߬ ߝߍ߬ ߞߵߊ߬ߟߎ߫ ߥߟߌ߬ ߞߊ߲ߕߌ߯ߦߊ ߟߊ߫ ߝߋߎ߫.
ߞߍߞߎߘߊߓߙߎ߫ ߡߊ߫ ߜߊ߬ߛߌ߬ ߞߊ߲ߞߊ߲߫ ߦߙߐ߫ ߛߌߦߊߡߊ߲߫ ߘߐ߫ ߓߌ߬߸ ߝߎ߬ߙߎ߲߬ߞߎ߬ߟߌ ߞߏ ߝߌߙߌ߲ߝߌߙߌ߲߫ ߠߴߊ߬ߟߎ߬ ߓߟߏ߫، ߊ߬ߟߎ ߘߏ߲߬ ߠߊ߫ ߝߎ߬ߙߎ߲߬ߞߎ߬ߟߌ ߕߍ߫ ߛߌߟߊ߫ ߞߊ߲߫ ߓߐߟߌ߫ ߘߌ߫߸ ߊ߬ߟߎ߬ ߦߴߊ߬ߟߎ߫ ߓߊ߲߬ ߠߊ߫ ߓߙߎ߫ ߜߊߛߌ ߟߋ߬ ߡߊ߬، ߝߣߊ߫߸ ߘߏ߫ ߓߘߊ߫ ߓߐ߫ ߢߊ߯ߡߊߡߎ߮ ߛߐ߲߬ߞߐ ߟߊ߫߸ ߓߊ߬ߙߌ߬ ߓߙߎ߫ ߞߟߊ߫ ߞߋߟߋ߲ ߦߋ߫ ߖߕ ߅߀߀߀ ߘߐ߫ ߡߎߣߎ߲߬.
ߞߍߞߎߘߊߓߊߘߋ߲߫ ߓߘߍ ߟߎ߬߸ ߊ߲ ߞߊ߬ ߖߌ߬ߦߊ ߘߏ߫ ߟߋ߬ ߦߋ߫ ߝߌߙߌ߲ߝߌߙߌ߲ߠߊ߫ ߓߟߐߟߐ߫ ߞߊ߲߬ ߞߊ߯ߙߌ߫ ߕߊ߬ߡߌ߲߬ߣߍ߲ ߥߎ߬ߙߊ ߝߍ߬ ߘߓߊ߬ߓߌߟߊ ߕߋ߬ߟߋ߫ ߂߈ /߂߀߂߅ ߁߇ߠߋ߲ ߕߎ߬ߡߊ ߟߊ߫ ،ߣߴߊ߬ ߦߋ߫ ߡߏ߬ߤߊ߲߬ߡߍߘ ߕߙߊߏߙߋ߫ ߟߊ߫ ߛߦߊ߬ߞߏ ߘߌ߫ ߸ߏ߬ ߡߍ߲ ߛߌ߰ ߞߛߊߓߌ ߦߋ߫ ߛߊ߲߬ ߓߌߥߐ߯ߙߐ߫ ߣߌ߫ ߝߌ߬ߟߊ߬ ߘߐ߫ ߞߐ߰ߦߊ߫ ߕߏߜ߭ߎߙߏ߲߫ ߝߏ߲߬ߘߏ߬ߓߊ ߞߊ߲߬ ،ߒ߬ߓߊ߬ ߸ߖߌ߬ߣߍ߫ ߘߐ߲߬ߞߟߌ߬ ߟߊ߬ ߟߊ߫ ߘߏ߫ ߟߋ߬ ߡߊߝߌ߲߬ߣߍ߲߫ ߗߍ߭ ߏ߬ ߟߊߜߊ߬ߛߌ߬ […]
ߞߍߞߎߘߊߛߍ߲ߜ߭ߑߟߋߕߐߣ ߓߘߊ߫ ߓߌ߬ߟߊ߬ ߞߕߌ߫ ߡߊߞߐߣߐ߲߫ ߥߛߎ ߟߊ߫߸ ߞߵߏ߬ ߞߎ߲߭ ߞߍ߫ ߊ߬ ߟߊ߫ ߓߌ߬ߟߊ߬ߒ߬ߘߐ߬ߖߎ߰ ߞߍߣߍ߲ ߘߌ߫ ߞߐ߰ߦߊ߬߸ ߣߴߊ߬ ߞߊ߬ ߗߍ߭ ߘߏ߫ ߓߐ߬ߣߐ߫ ߊ߬ ߣߌ ߘߐ߫ ߦߋ߲߬، ߊ߬ ߟߊ߫ ߞߕߌ ߓߘߊ߫ ߟߐ߯ߟߊ߫ ߞߵߊ߬ ߕߏ߫ ߕߎߟߊߝߌ߲ ߕߋ߬ߟߋ߫ ߃ ߣߊ߬ߕߐ ߟߊ߫.
ߞߍߞߎߘߊߖߌ߬ߣߍ߫ ߘߎ߰ ߜߊߟߊ߲ߞߌ: ߡߐ߰ ߁߅ ߓߘߊ߫ ߓߣߐ߬ ߊ߬ ߣߌ ߘߐ߫ ߞߐ߰ߦߊ߬ ߣߌ߫ ߘߎ߬ߓߙߋߞߊ߬ ߟߎ߬ ߘߐ߫ ߛߊ߲ߖߌߓߊ߫ ߣߊ ߞߐߝߍ߬
ߞߍߞߎߘߊߘߎ߱ ߓߋ߬ߝߘߍ߬ ߟߏ߯ߟߎ߫ ߦߋ߫ ߒߞߏ ߝߘߏ߬ߓߊ߬ ߞߙߏߝߏ ߓߟߏ߫߸ ߏ߬ ߡߍ߲ ߞߎߡߊ ߟߊߛߙߋߦߊ߫ ߘߊ߫ ߓߊߛߓߊ߬ߕߌ߫ ߛߘߌ߬ߓߋ߬ ߓߟߏ߫߸ ߡߍ߲ ߛߐ߬ߘߐ߲߬ ߘߊ߫ ߂߀߁߈ ߣߌ߫ ߂߀߁߉ ߖߊ߲߬ߖߏ߲ ߞߐ ߘߐ߫.
ߞߍߞߎߘߊߊ߬ߟߌ ߓߊߘߊ߬ߙߊ ߓߘߊ߫ ߣߊ߬ ߘߋ߲ߡߌߛߍ߲ ߠߎ߬ ߡߊߘߍ߬ߡߍ߲߬ ߢߊ߫ ߜߘߍ߫ ߘߌ߫ ߖߌ߬ߣߍ߬ ߞߣߐ߫: ߛߊ߫ ߓߍ߯ ߘߌ߫ ߕߏ߫ ߦߊ߲߬߸ ߞߊ߬ ߘߏߣߍ߲߫ ߞߍ߫߸ ߞߊ߬ ߛߌߦߊߡߊ߲߫ ߛߐ߬ߘߐ߲߬.
ߞߍߞߎߘߊߖߌ߬ߣߍ߬ ߞߎߓߋߛߏ ߣߐ߬ ߖߌ߫ ߥߎ߬ߣߊ߲߬ߞߏߙߏ߲ ߡߊ߲߬ߕߙߐ ߡߍ߲ ߡߊߛߐ߬ߘߐ߲߬ ߠߊ߫ ߞߎߣߎ߲ߟߏ߲ ߞߵߊ߬ ߘߎ߬ߛߊ ߜߍ߫ ߓߌߟߏ߲ ߠߊ߫ ߂߀߂߅ ߞߊ߬ߙߌ߬ߝߐ ߃߀ ߣߌ߫ ߃߁ ߢߌ߲߬ ߠߊ߫ ߸ ߣߴߊ߬ ߟߊ߫ ߞߊ߬ߛߙߊ߫ ߓߘߊ߫ ߛߌߦߊߦߊ߫ ߘߊߞߎ߲߫ ߓߍ߯ ߘߐ߫ ( ߘߏ߫ ߟߎ߫ ߣߌ ߓߘߊ߫ ߕߏ߫ ߊ߬ ߘߐ߫ ߸ߞߊ߬ ߘߏ߫ ߟߎ߫ ߓߟߏߝߋ߲߫ ߞߟߏߡߊ߫ ߛߘߍߡߊ߲߫ ߘߐߕߌߢߍ߫…ߏ߬ ߟߋ߬ ߡߐߣߍ߫ ߣߐ߬ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ ߞߘߐ ، ߞߊ߬ߙߊ߲߬ߝߊ […]
ߞߍߞߎߘߊߡߊ߲߬ߞߊ߲ ߘߏ߫ ߓߘߊ߫ ߞߍ߫ ߕߙߎ߬ ߘߌ߫ ߓߎ߯ߟߊ߫ ߡߙߊ ߘߐ߫ ߞߊ߬ ߡߐ߰ ߅߀߀ ߣߌ߫ ߞߐ߫ ߟߐ߬ ߛߏ ߓߌ߬ߟߊ߬ ߟߊ߫ ߞߵߊ߬ߟߎ߫ ߞߎ߲߬ߛߌ߲߫ ߜߋ߲ߞߐ߰ߖߌ߬ߘߊ ߟߊ߫ ߞߎ߲߬ߞߊ߬ߙߌ߬ߝߊ߬ߟߌ߬ ߓߟߏ ߡߊ߬، ߘߋ߲ߣߍ߲߫ ߡߐ߰ ߃߀߀ ߢߐ߲߰ ߠߋ߬ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߢߌ߲߬ ߠߎ߬ ߘߐ߫، ߊ߬ߟߎ߬ ߟߊߖߌ߰ߦߊ߬ ߘߊ߫ ߟߏߛߜ߭ߏ߫ ߟߋ߬߸ ߝߊ߰ߡߊ ߟߎ߬ ߓߘߴߊ߬ߟߎ߬ ߛߋߞߏ ߞߍ߫ ߊ߬ߟߎ߬ ߦߋ߫ ߡߊ߬ߟߏ߬ ߓߘߐ ߣߌ߫ ߕߟߎ ߟߎ߬ ߘߐ߫.
ߞߍߞߎߘߊߞߊ߬ߟߌ߲߬ߞߐ߫ ߟߊߡߊ߰ ߘߊ߫ ߟߋ߬ ߥߊ߬ߛߌ߬ߥߙߊ ߕߟߋ߬ ߀߈ ߣߌ߲߬ ߡߊ߬، ߖߘߍ߬ߞߏ߬ߟߊ߲߬ߘߌ߫ ߕߎ߲߬ߞߙߊ߬ ߟߊ߫ ߞߝߊ߬ ߓߟߋߓߟߋ ߡߍ߲ ߛߓߍߣߍ߲߫ ߛߏ ߘߐ߬ߝߐ ߞߊ߲߬߸ ߣߴߊ߬ ߕߐ߯ ߞߏ߫ ߞߊ߬ߟߌ߲߬ߞߐ߫ ߘߐ߬ߝߐ ߓߊߕߐߡߐ߲߸ ߏ߬ ߟߋ ߞߎ߲߬ߠߊ߬ߓߐ ߞߍ߫ ߘߊ߫ ߛߏ ߡߐ߰ߓߊ ߟߎ߬ ߣߴߊ߬߬ ߞߏߟߊߕߍ߮ ߟߎ߬ ߢߊߞߘߐ߫، ߊ߬ ߞߍ߫ ߘߊ߫ ߥߊ߬ߛߊ ߘߝߊߣߍ߲ ߠߋ߬ ߘߌ߫.
