ߖ߭ߌߟߌߦߎߛ ߡߊߘߊ߫ ߓߌߦߏ߫ ߟߋ߬ ߛߎߥߊ߲ߘߌ߫ ߘߊ߫ ߞߊ߬ ߞߍ߫ ߛߘߋߦߊߥߏ ߞߙߎ߫ ߢߍߡߐ߮ ߘߌ߫، ߝߘߊ߬ߝߌ߲߬ߠߊ߫ ߕߟߋ߬ߓߋ ߞߙߎߓߊ ߣߌ߲߬ ߕߘߍ߬ ߦߋ߫ ߟߊ߬ߘߍ ߟߋ߬ ߟߊ߫ ߞߎߣߎ߲߬ ߞߊ߯ߙߌ ߡߊ߬ ߖߋ߬ߟߌ߬ߓߊ߬ߟߊ߫߸ ߊߓߎߖߊ߫، ߛߘߋߦߊߥߏ ߟߊ߫ ߟߊ߬ߘߍ ߣߌ߲߬ ߞߎ߲߭ ߠߋ߬ ߞߊ߬ ߞߎߡߊ߫ ߞߙߎ ߣߌ߲߬ ߛߊ߬ߙߌ߬ߦߊ߬ ߞߎߘߊ ߟߎ߬ ߞߊ߲߬، ߊ߬ ߣߌ߫ ߊߋߛߌ߫ ߖߡߊߣߊ ߟߎ߬ ߟߊ߫ ߟߌ߬ߤߟߊ߬ߦߊ ߣߌ߫ ߞߙߎ ߣߌ߲߬ ߢߍߡߐ߯ ߞߎߘߊ ߟߊ߫ ߛߌ߰ߟߌ߸ ߏ߬ ߟߊ߬ߘߍ ߡߍ߲ ߛߋ߲߭ ߝߍ߬ ߖߘߊ߬ߞߙߎ߬ ߞߊ߲ߕߌ߮ ߛߎߥߊ߲ߘߌ߫ ߘߊ߫ ߕߐ߲ ߣߌ߲߬ ߢߍߡߐ߯ߦߊ ߟߊ߫߸ ߞߵߊ߬ ߞߍ߫ ߖߋ߬ߟߌ߬ߓߊ߬ߟߊ߫ ߞߊ߲ߕߌ߮ ߓߏߟߊ߫ ߊߤߑߡߍߘ ߕߌߣߎߓߎ߫ ߣߘߐ߬ߓߌߟߊ ߘߌ߫.
ߖ߭ߌߟߌߦߎߛ ߡߊߘߊ߫ ߓߌߦߏ߫ ߟߋ߬ ߛߎߥߊ߲ߘߌ߫ ߘߊ߫ ߕߐ߲ ߣߌ߫ ߢߍߡߐ߯ߦߊ ߟߊ߫߸ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߖߡߊߣߊ ߣߌ߲߬ ߦߋ߫ ߜߟߍ߬ߦߊ߬ ߛߌߦߊߡߊ߲߫ ߠߎ߬ ߟߋ߬ ߞߣߐ߫ ߕߋ߲߬߸ ߦߏ߫ ߢߣߊߕߊߟߌߞߏ ߟߎ߬߸ ߟߊ߬ߞߊ߲߬ߘߊ߬ߟߌ ߟߎ߬߸ ߊ߬ ߣߌ߫ ߓߘߍ߬ߓߘߍ߬ߟߌ ߡߊ߬ߘߎ߮ ߟߎ߬ ߘߐ߫، ߖ߭ߌߟߌߦߎߛ ߡߊߘߊ߫ ߓߌߦߏ߫ ߞߏ߬ߣߌ߲ ߛߐ߲߬ ߘߊ߫ ߞߙߎ ߣߌ߲߬ ߢߍߡߐ߯ߦߊ ߡߊ߬߸ ߓߊߏ߬߸ ߊ߬ ߟߊ߫ ߞߎߡߊ߫ ߘߐ߫߸ ߞߏ߫ ߊ߬ ߓߍߣߊ߬ ߖߊ߬ߡߊ ߟߊ߫ ߝߊ߲߬ߞߊ ߟߋ߬ ߟߊߓߊ߯ߙߊ߫ ߞߙߎ ߣߌ߲߬ ߞߣߐ߫، ߖ߭ߌߟߌߦߎߛ ߡߊߘߊ߫ ߓߌߦߏ߫ ߓߊ߲߫ ߘߊ߫ ߞߵߊ߬ ߝߐ߫ ߞߏ߫ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߖߡߊߣߊ ߟߎ߬ ߦߋ߫ ߜߟߍ߬ߦߊ ߘߐ߫ ߞߊ߬ߦߌ߯ ߕߎ߬ߡߊ߬ߖߊ߲߫.
ߊ߬ ߣߌ߫ ߡߍ߲ ߠߎ߬ ߦߋ߫ ߛߋ߲߬ߠߊ߫ ߥߊ߯ߕߌ߫ ߣߌ߲߬ ߠߊ߫߸ ߊ߬ ߟߊ߫ ߞߎߡߊ߫ ߘߐ߫߸ ߏ߬ ߜߟߍ߬ߦߊ ߘߏ߫ ߟߎ߫ ߦߋ߫ ߟߊ߬ߞߊ߲߬ߘߊ߬ߟߌ ߡߊ߲߬ߕߙߐ ߟߎ߬ ߘߌ߫، ߛߊߤߍߟ ߖߡߊ߬ߣߊ ߟߎ߬ ߣߌ߫ ߞߐ߰ߖߌ߬ߘߊ߬ ߖߡߊߣߊ ߘߏ߫ ߟߎ߫ ߟߊ߫، ߓߊ߰ߓߊ߰ߟߌ ߟߎ߬߸ ߝߏ߫ ߞߊ߬ ߥߴߊ߬ ߛߌ߰ ߓߘߍ߬ߓߘߍ߬ߟߌ߬ߞߏ ߡߊ߲߬ߕߙߐ ߟߎ߬ ߟߊ߫، ߛߘߋߦߊߥߏ ߢߍߡߐ߯ ߞߘߐ ߓߏߟߊ߫ ߊߤߑߡߍߘ ߕߌߣߎߓߎ߫ ߖߍ߬ߘߍ ߝߣߊ߫ ߦߋ߫ ߜߟߍ߬ߦߊ߬ ߝߐߣߍ߲߫ ߡߍ߲߬ ߠߎ߫ ߞߊ߬ߟߊߡߊ߬ ߞߘߐ߬ߡߊ߲߫߸ ߊ߬ߟߋ ߝߣߊ߫ ߟߊ߫ ߞߎߡߊ߫ ߘߐ߫߸ ߞߏ߫ ߜߟߍ߬ߦߊ ߡߍ߲߬ ߠߎ߫ ߓߍ߯ ߟߋ߬ ߓߘߊ߫ ߞߍ߫ ߛߊߓߎ߫ ߘߌ߫߸ ߞߊ߬ ߞߙߎ ߣߌ߲߬ ߓߊ߬ߟߌ߬ ߊ߬ ߟߊ߫ ߞߍߕߊ ߟߎ߬ ߞߍ߫ ߟߊ߫، ߛߘߋߦߊߥߏ ߟߊ߫ ߟߊ߬ߘߍ ߣߌ߲߬ ߡߊ߫ ߘߊ߲߬ ߖ߭ߌߟߌߦߎߛ ߡߊߘߊ߫ ߓߌߦߏ߫ ߟߊߛߌ߰ ߘߐߙߐ߲߫ ߡߊ߫ ߘߋ߬.
ߊ߬ߟߎ߬ ߞߎߡߊ߫ ߘߊ߫ ߡߊ߬ߟߌ ߣߌ߫ ߖߋ߬ߟߌ߬ߓߊ߬ߘߎ߯ ߣߌ߫ ߓߙߎߞߌߣߊ߫ ߝߊ߬ߛߏ߬ ߟߎ߬ ߟߊ߫ ߓߐߟߌߞߏ ߞߊ߲߬ ߛߘߋߦߊߥߏ ߞߣߐ߫߸ ߛߘߋߦߊߥߏ ߞߊ߲ߕߌ߮ ߓߘߴߊ߬ ߦߌ߬ߘߊߞߊ߬ ߞߏ߫ ߕߍߓߊ߯ߦߟߊ ߘߏ߫ ߓߍߣߊ߬ ߛߎߥߊ߲ߘߌ߫ ߡߍ߲ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߕߌ߬ߢߍ߬ߞߏ߲ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߛߌ߲߬ߝߏ߲߬ ߖߡߊߣߊ ߟߎ߬ ߟߊ߫ ߓߐߟߌ ߣߐ߰ߦߊ߫ ߛߘߋߦߊߥߏ ߞߣߐ߫، ߊ߬ ߘߏ߲߬ ߏ߬ ߕߍߓߊ߯ߦߟߊ ߓߍߣߊ߬ ߞߐߡߊߓߌ߲ߓߌ߲߫ ߖߡߊ߬ߣߊ߫ ߛߊ߬ߓߊ߫ ߞߏߕߌ߮ ߟߋ߬ ߓߟߏ߫߸ ߖߐ߲߬ߛߊ߫ ߞߏ ߟߎ߬ ߘߌ߫ ߣߐ߰ߦߊ߫، ߝߣߊ߫ ߞߏ߫ ߦߊ߬ߣߌ߫ ߞߊ߬ߙߌ߬ߝߐ ߊߋߛߌ߬ ߓߍߣߊ߬ ߓߐ߫ ߛߘߋߦߊߥߏ ߞߣߐ߫.
