ߊ߬ ߕߋ߬ߟߋ߫ ߛߊ߬ߓߊ ߟߋ߬ ߕߋ߲߬߸ ߞߊ߲ߞߊ߲߫ ߛߏߞߣߐߟߊ ߖߌߥߎߘߊ ߟߎ߬߸ ߘߎ߰ߞߎ߬ߟߎ߲߬ ߛߌߦߊߡߊ߲߫ ߟߐ߬ߣߍ߲ ߦߋ߫ ߞߍ߫ ߟߊ߫ ߖߌߥߎߘߊ ߟߎ߬ ߟߊ߫ ߢߊ߫ ߡߊ߬߸ ߡߍ߲ ߢߐ߲߰ ߡߊ߫ ߘߋ߬ߙߌ߬ ߞߍ߫ ߟߊ߫، ߝߏ߫ ߛߌߞߊ ߓߘߊ߫ ߘߏ߲߬ ߡߐ߱ ߟߎ߬ ߘߐ߫ ߞߵߊ߬ ߓߍ߲߬ ߞߓߊߕߟߎ߫ ߞߏ ߜߟߍ߬ߦߊ ߡߊ߬، ߖߌߥߎߘߊ߫ ߛߌߦߊߡߊ߲߫ ߞߙߐ߬ߛߌ ߞߐ ߘߐ߫ ߊ߲ ߓߟߏ߫߸ ߊ߲ ߞߵߊ߬ ߦߋ߫ ߞߏ߫ ߞߓߊߕߟߎ߫ ߕߎ߲߬ ߕߍ߫ ߦߙߐ ߘߏ߫ ߟߎ߫ ߘߐ߫߸ ߘߎ߰ߞߎ߬ߟߎ߲߬ ߛߌߦߊߡߊ߲߫ ߝߣߊ߫ ߟߐ߬ߣߍ߲߫ ߕߘߍ߬ ߦߙߐ ߘߏ߫ ߟߎ߫ ߘߐ߫߸ ߕߊ߫ ߕߴߊ߬ߟߎ߬ ߘߐ߫߸ ߊ߬ߟߎ߫ ߟߐ߬ߣߍ߲߬ ߞߓߊߕߟߎ߫ ߞߏ ߛߐ߬ߘߐ߲ ߕߡߊ߬ߖߌ ߘߌ߫، ߟߊ߬ߓߏ߬ߙߟߌ߬ߟߊ ߘߏ߫ ߟߎ߫ ߞߊ߲߫ ߞߏ߫ ߊ߬ߟߎ߫ ߟߐ߬ߣߍ߲߫ ߕߡߊ߬ߖߌ ߟߐ߬ߟߌ ߘߐ߫߸ ߣߴߊ߬ߟߎ߫ ߞߊ߬ ߞߓߊߕߟߎ ߛߐ߬ߘߐ߲߬߸ ߛߴߊ߬ߟߎ߬ ߘߌ߫ ߥߴߊ߬ߟߎ߬ ߗߋ ߟߊ߫.
ߦߙߐ ߏ߬ ߘߐ߫ ߦߋ߲߬ ߌߞߘߐ߫߸ ߊ߲ ߞߊ߬ ߡߐ߰ ߛߌߦߊߡߊ߲߫ ߟߐ߬ߣߍ߲ ߦߋ߫߸ ߛߌߞߊ ߦߴߊ߬ߟߎ߬ ߘߐ߫: ߘߏ߫ ߟߎ߫ ߞߵߊ߬ ߦߌ߬ߘߊ߬ ߞߏ߫ <<ߊ߲ ߕߋ߬ߟߋ߫ ߛߊ߬ߓߊ ߟߋ߬ ߕߋ߲߬߸ ߊ߲ ߧߋ߫ ߞߓߊߕߟߎ߫ ߢߌߣߌ߲ ߞߊ߲߬߸ ߊ߲ ߟߐ߬ߣߍ߲߫ ߊ߲ ߡߊ߫ ߝߋ߲߫ ߛߐ߬ߘߐ߲߬، ߊ߲ ߧߴߊ߬ ߢߌߣߌ߲߫ ߠߴߊ߲ ߠߊ߫ ߝߊ߰ߡߊ ߟߎ߫ ߝߍ߬߸ ߊ߬ߟߎ߬ ߦߴߊ߲ ߘߍ߬ߡߍ߲߬، ߓߊߏ߬߸ ߊ߲ ߧߴߊ߲ ߠߊ߫ ߘߋ߲ߓߦߊ ߓߊߟߏ߫ ߟߊ߫ ߓߊ߯ߙߊ ߢߌ߲߬ ߠߋ߬ ߘߐ߫.>> ߛߟߊߕߌ߯ ߞߋߕߊ߬ ߟߋ߬ ߞߵߏ߬ ߝߐ߫߸ ߊ߬ߟߋ ߦߋ߫ ߞߊ߲ߓߋ߲߫ ߠߊߓߏߙߌߟߊ ߟߋ߬ ߘߌ߫.
ߟߊ߬ߓߏ߬ߙߟߌ߬ߟߊ ߟߎ߬ ߞߊ߲߫ ߞߏ߫ ߣߌ߲߬ ߦߋ߫ ߞߏ߫ ߞߎߘߊ ߟߋ߬ ߘߌ߫ ߕߋ߬ߟߋߝߌ߬ߟߊ ߣߌ߲߬ ߘߐ߫ ߞߊ߲ߞߊ߲߫ ߞߣߐ߫، ߖߊ߬ߡߊ ߦߋ߫ ߟߐ߬ ߟߐ߬ߖߟߎߡߊ߬ ߞߓߊߕߟߎ߫ ߞߏ ߘߐ߫ ߕߋ߲߬߸ ߊ߬ ߘߏ߲߬ ߕߍ߫ ߛߐ߬ߘߐ߲߬ ߠߊ߫ ߛߏ ߖߌߥߎߘߊ ߓߍ߯ ߟߊ߫.
ߞߋߕߊߗߍ ߞߵߊ߬ ߦߌ߬ߘߊ߬߸ ߞߏ߫ <<ߒ ߓߘߊ߫ ߓߐ߫ ߖߌߥߎߘߊ߫ ߝߌ߬ߟߊ߫ ߟߋ߬ ߟߊ߫ ߕߋ߲߬، ߒ ߛߋ߫ ߘߊ߫ ߦߊ߲߬ ߞߊ߬ߦߌ߯ ߥߐ߯ߙߐߙߋ߲ ߠߋ߬ ߡߊ߬߸ ߒ ߡߊ߫ ߝߋ߲߫ ߛߐ߬ߘߐ߲߬ ߡߎߣߎ߲߬، ߦߙߐ ߕߐ߭ ߟߎ߬ ߘߐ߫߸ ߖߊ߬ߡߊ ߞߊ߫ ߛߌߦߊ߫ ߦߋ߲߬ ߠߎ߬ ߘߐ߫߸ ߤߊߟߌ߬ ߟߐ߬ ߦߙߐ ߞߏ ߓߍ߯ ߜߍ߬ߟߍ߲߬ߡߊ߲߬.>> ߊ߬ ߞߵߏ߬ ߟߋ ߝߊ߬ߙߴߊ߬ ߟߊ߫ ߞߎߡߊ ߞߊ߲߬.
ߟߊ߬ߓߏ߬ߙߟߌ߬ߟߊ߬ ߜߘߍ߫ ߞߊ߬ ߞߏߟߊߒߞߏߡߊ ߞߍ߫ ߓߌ߬ ߣߌ߫ ߟߏ߲߫ ߕߊ߬ߡߌ߲߬ߣߍ߲ ߠߎ߬ ߕߍ߫:
<<ߞߌߣߌ߲߬߸ ߊ߲ߠߎ߬ ߓߐ߫ ߘߊ߫ ߥߊ߭ ߟߋ߬ ߘߐ߫ ߞߊ߬ ߣߊ߬، ߊ߲ ߠߊ߫ ߘߏ߬ߣߌ߲ ߠߎ߬ ߟߊߖߌ߱ ߞߐ ߘߐ߫߸ ߊ߲ ߧߴߊ߲ ߞߐߛߊ߬ߦߌ߲߬ ߓߟߏ ߟߋ߬ ߡߊ߬ ߕߋ߲߬، ߓߊ߬ߙߌ߬߸ ߊ߬ ߞߍߣߍ߲߫ ߦߏ߫ ߞߓߊߕߟߎ߫ ߞߏߖߊ ߟߋ߬ ߦߋ߲߬ ߥߊ߯ߕߌ ߢߌ߲߬ ߠߊ߫ ߕߋ߲߬، ߓߊߏ߬ ߞߘߐ߬ߡߊ߲߬߸ ߖߡߊ߬ ߛߎ߮ ߣߌ߲߬ ߕߎ߲߬ ߕߍ߫ ߞߍ߫ ߟߊ߫ ߖߌߥߎߘߊ ߟߎ߬ ߟߊ߫߸ ߒ߬ߞߊ߬ ߓߌ߬ ߕߊ ߡߍ߲ ߦߋ߫ ߣߌ߲߬߸ ߖߊ߬ߡߊ ߞߊ߫ ߛߌߦߊ߫.>> ߊ߬ ߞߵߏ߬ ߟߋ ߝߊ߬ߙߴߊ߬ ߞߊ߲߬.
ߎߡߊߙߎ߫ ߞߐ߲ߘߍ߫ ߟߊ߫ ߝߐߟߌ߫ ߘߐ߫߸ ߜߟߍ߬ߦߊ ߣߌ߲߬ ߕߍ߫ ߞߊ߲ߞߊ߲߫ ߞߋߟߋ߲߫ ߞߣߐ߫߸ ߊ߬ ߓߘߊ߫ ߛߋ߫ ߡߊ߲߬ߖߊ߲߬ߠߊ߬ ߓߍ߯ ߡߊ߬߸ ߊ߬ ߣߴߊ߬ ߟߊߡߌߣߌ߲߫ ߦߙߐ ߘߏ߫ ߟߎ߫، <<ߊ߬ ߕߋ߬ߟߋ߫ ߛߊ߬ߓߊ ߟߋ߬ ߕߋ߲߬߸ ߊ߲ ߧߋ߫ ߢߊ ߣߌ߲߬ ߡߊ߬، ߞߊ߬ߦߌ߯ ߇ߙߋ߲߸ ߒߠߋ ߟߐ߬ߣߍ߲߫ ߦߊ߲߬߸ ߒ ߡߊ߫ ߞߓߊߕߟߎ߫ ߛߐ߬ߘߐ߲߬، ߝߊߦߌߘߊ߫߸ ߞߓߊߕߟߎ ߕߍ߫ ߛߐ߬ߘߐ߲߬ ߠߊ߫ ߖߌߥߎߘߊ ߝߋ߲߫ ߠߊ߫ ߕߋ߲߬ ߝߊߦߌߘߊ߫߸ ߝߏ߫ ߦߊ߲߬ ߞߋߟߋ߲߫، ߊ߬ߟߋ߬ ߜߟߍ߬ߦߊ߬ ߞߋߟߋ߲ ߣߌ߲߬ ߢߐ߲߰ ߠߋ߬ ߡߊ߲߬ߖߊ߲߬ߠߊ߬ ߝߣߊ߫ ߘߐ߫.>> ߊ߬ ߞߵߏ߬ ߟߋ ߝߐ߫.
ߊ߲ ߞߊ߬ ߖߌߥߎ߫ ߡߊߛߐߟߊ ߘߏ߫ ߢߌ߬ߣߌ߲߬ߞߊ߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߓߊߕߟߎ߫ ߞߏ ߣߐ߰ߡߊ߲߬ ߕߍ߫ ߝߋߝߋ߫، ߊ߬ ߞߏ߬ߣߌ߲ ߡߴߊ߬ ߝߐ߫ ߞߎ߲߬ ߞߋߟߋ߲߲ ߡߍ߲ ߦߴߊ߬ ߟߊ߫.
ߊ߲ ߞߏ߬ߣߌ߲ ߘߌ߫ ߡߍ߲ ߝߐ߫߸ ߝߊ߰ߡߊ ߟߎ߬ ߡߊ߫ ߝߋ߲߫ ߝߐ߫߸ ߞߵߊ߬ ߦߌ߬ߘߊ߬ ߞߏ߫ ߞߓߊߕߟߎ߫ ߞߏ߫ ߜߟߍߦߊ ߟߋ߬ ߘߏ߲߬ߣߍ߲߬، ߒ߬ߞߊ߬߸ ߖߊ߬ߡߊ ߟߊ߫ ߛߌߦߊߦߊ ߞߓߊߕߟߎ߫ ߞߏ ߘߐ߫ ߖߌߥߎߘߊ ߟߎ߬ ߟߊ߫߸ ߏ߬ ߟߋ ߘߌ߫ ߡߐ߰ ߟߐ߬ ߢߌ߬ߣߌ߲߬ߞߊ߬ߟߌ ߞߍ߫ ߟߴߌ ߖߍ߬ߘߍ߫ ߞߎ߲߬، ߓߊߏ߬߸ ߦߙߐ߫ ߛߌߦߊߡߊ߲߫ ߓߍ߫߸ ߞߓߊߕߟߎ ߕߍ߫ ߛߐ߬ߘߐ߲߬ ߠߊ߫ ߦߋ߲߬ ߠߎ߬ ߘߐ߫ ߕߋ߲߬، ߊ߬ ߦߋ߫ ߦߙߐ ߡߍ߲ ߠߎ߬ ߘߐ߫߸ ߖߊ߬ߡߊ ߞߊ߫ ߛߌߦߊ߫ ߏ߬ ߟߎ߫ ߣߐ߬ߝߍ߬ ߞߏߛߓߍ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
