ߓߌ߬ ߞߍ߲ߘߍߟߏ߲ ߂߀߂߆ ߞߏ߲ߞߏߜߍ ߕߟߋ߬ ߁߄ ߢߌ߲߬ ߠߋ߬ ߦߋ߫ ߛߍ߲ߝ߭ߊߟߊ߲ߕߍ߲ ߟߏ߲ ߘߌ߫߸ ߏ߬ ߡߍ߲ ߦߋ߫ ߘߌߦߊߒߢߍߢߐ߲߯ߡߊ ߟߎ߬ ߟߊ߫ ߟߏ߲ ߘߌ߫߸ ߛߍ߲ߝ߭ߊߟߊ߲ߕߍ߲ ߦߋ߫ ߞߍ߫ ߟߊ߫ ߛߊ߲߬-ߊ߲-ߛߊ߲߬ ߠߋ߬ ߞߏ߲ߞߏߜߍ ߕߟߋ߬ ߁߄ ߡߊ߬߸ ߡߍ߲ ߦߋ߫ ߞߊ߬ߣߎ߲ ߣߌ߫ ߞߊ߬ߣߎ߲ ߟߊ߬ߛߋ߬ߟߌ ߘߐ߫ ߞߊ߬ߣߎ߲߬ߢߐ߲߰ߡߊ ߟߎ߬ ߣߌ߫ ߢߐ߲߯ ߕߍ߫߸ ߘߌߦߊߒߢߍߢߐ߲߯ߡߊ ߟߎ߬ ߦߋ߫ ߢߐ߲߮ ߣߌ ߟߊߛߍߥߊ߫ ߝߋ߲ ߠߎ߬ ߘߌ߫ ߟߊ߫ ߢߐ߲߯ ߡߊ߬ ߡߍ߲ ߘߐ߫߸ ߊ߬ ߣߌ߫ ߞߊ߬ ߞߎߡߊߞߊ߲߫ ߘߌߡߊ߲ ߠߎ߬ ߘߏ߲߬ ߢߐ߲߮ ߕߟߏ ߘߐ߫߸ ߊ߬ ߣߌ߫ ߞߊ߬ ߕߏߟߏ߲ ߘߏ߫ ߟߎ߫ ߛߌ߲߬ߝߏ߲߬ߧߊ ߛߌ߰ ߛߋ߲߬ߠߊ߫߸ ߒ߬ߓߊ߬߸ ߞߵߊ߬ ߓߍ߲߬ ߞߐߣߊߞߙߌ߫ ߛߍ߲ߝ߭ߊߟߊ߲ߕߍ߲ ߥߊߗߏ߮ ߡߊ߬<<ߘߋ߲ߡߛߏ ߖߋ߬ߓߌ߬ߦߊ߬ߟߊ ߘߏ߫߸ ߡߍ߲ ߞߊ߬ ߝߙߊߓߊ߲ ߣߌ߫ ߞߘߐߘߏ߲ ߣߌ߫ ߝߋ߲߫ ߜߘߍ߫ ߟߎ߫ ߛߊ߲߬ ߊ߬ ߟߊ߫ ߗߍ߭ ߦߋ߫߸ ߊ߬ ߟߊ߫ ߞߎߡߊ߫ ߘߐ߫߸ ߊ߬ߟߎ߬ ߦߋ߫ ߥߎ߬ߘߊ߲ ߠߋ߬ ߞߊ߲߬ ߞߐߣߊߞߙߌ߫ ߞߣߐ߫ ߕߋ߲߬߸ ߛߌ߰ߟߌ߬ ߕߍ߫ ߡߍ߲ ߘߐ߫ ߊ߬ߟߎ߬ ߓߟߏ߫߸ ߊ߬ߟߋ ߘߏ߲߬ ߦߴߊ߬ ߞߍ߫ ߟߊ߫ ߟߋ߬ ߛߊ߲߬-ߊ߲-ߛߊ߲߬>>
ߓߊ߬ߙߌ߫߸ ߓߍ߯ ߕߍ߫ ߛߍ߲ߝ߭ߊߟߊ߲ߕߍ߲ ߣߌ߲߬ ߕߊ߬ ߟߊ߫ ߓߊ߫ ߘߐ߫ ߓߏ߲߬߸ ߏ߬ ߡߍ߲ ߦߋ߫ ߘߌߦߊߒߢߍ ߟߏ߲ߓߊ ߘߌ߫ ߞߊ߬ߣߎ߲߬ߢߐ߲߰ߡߊ ߟߎ߬ ߓߟߏ߫ ߞߏߓߊ߫ ߘߌ߫߸ ߞߊ߬ߕߎ߲߯߸ ߊ߲ ߠߊ߫ ߖߋ߬ߓߌ߬ߦߊ߬ߟߊ ߘߏ߫ ߟߊ߫ ߞߎߡߊ߫ ߘߐ߫߸ <<ߛߍ߲ߝ߭ߊߟߊ߲ߕߍ߲ ߕߏߟߏ߲ ߞߍ߸ ߏ߬ ߘߌߡߊ߲߫ ߊ߬ߟߋ ߦߋ߫ ߝߊ߯ߛߌ߫߸ ߓߊ߬ߙߌ߫߸ ߊ߬ ߦߋ߫ ߗߍ߭ ߡߍ߲ ߞߎ߲߬߸ ߏ߬ ߕߴߊ߬ ߘߐߘߌߦߊ߫ ߟߴߊ߬ ߓߟߏ߫߸ ߣߴߏ߬ ߕߍ߫߸ ߊ߬ ߘߌߡߊ߲߫ ߠߋ߬ ߡߏ߬ߛߏ ߓߍ߯ ߦߋ߫ ߌ ߣߴߌ ߗߍ߬ ߦߋ߫ ߕߏ߫ ߢߊ߰ߢߊ߮ ߞߍ߫ ߟߊ߫ ߛߐ߲߬߸ ߤߊߟߌ߬ ߡߍ߲ ߡߊ߫ ߘߍ߲߫ ߛߍ߲ߝ߭ߊߟߊ߲ߕߍ߲ ߟߏ߲ ߠߊ߫>> ߒ߬ߓߊ߬߸ ߏ߬ ߟߋ߬ ߞߏߛߐ߲߬ ߛߍ߲ߝ߭ߊߟߊ߲ߕߍ߲ ߕߎ߬ߡߊ ߓߊ߯ ߛߋ߫߸ ߊ߬ߟߋ ߕߍ߫ ߝߌߛߙߌ߫ ߢߌߣߌ߲߫ ߠߴߊ߬ ߗߍ߬ ߦߋ߫߸ ߊ߬ ߞߎ߲߭ ߠߴߏ߬ ߘߌ߫߸ ߞߊ߬ߕߎ߲߯߸ ߊ߬ ߕߍߣߵߊ߬ ߟߊ߫ ߡߊ߬ߟߏ߬ߦߊ߫߸ ߊ߬ ߘߏ߲߬ ߗߍ߭ ߣߌ߫ ߡߏ߬ߛߏ ߟߊ߫ ߕߏߟߏ߲ ߣߴߊ߬ߟߎ߬ ߟߊ߫ ߢߊ߰ߢߊ߮ ߕߐ߭ ߟߎ߬ ߦߋ߫ ߘߌߦߊߒߢߍ ߝߊ߲߬ߞߊߘߏ߲߬ ߠߊ߫߸ ߛߍ߲ߝ߭ߊߟߊ߲ߕߍ߲ ߕߎ߲߬ ߕߍ߫ ߡߐ߱ ߟߎ߬ ߓߟߏ߫ ߞߏߓߊ߫ ߘߌ߫ ߖߌ߬ߣߍ߬ ߞߣߐ߫߸ ߓߊ߬ߙߌ߫߸ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬ ߦߏ߫ ߓߌ߬ ߢߐ߲߰ ߟߏ߲߫߸ ߊ߬ ߓߘߊ߫ ߣߊ߬ ߝߊ߲߬ߞߊ ߛߐ߬ߘߐ߲߬ ߖߌ߬ߣߍ߬ ߞߣߐߟߊ ߘߐ߫ ߞߐ߫ ߢߌ߲߬ ߠߊ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
