ߊ߬ ߟߊ߫ ߟߐ߬ߒ߬ߞߋ߬ߟߊ ߞߎ߲߭ߘߏ߲߬ ߕߎߡߊ ߢߌ߲߬ ߠߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ ߞߎ߲߬ߠߊ߫߸ ߖߋ߬ߟߌ߬ߓߊ߬ߟߊ߫ ߞߊ߲ߕߌ߮ ߊߤߑߡߍߘ ߓߏ߬ߟߊ ߕߌ߬ߣߎ߬ߓߎ߫ ߞߊ߬ ߗߋߛߓߍ߫ ߖߐ߲ߖߐ߲߫ ߠߊߛߋ߫ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߛߌ߲߬ߝߏ߲߬ ߖߡߊߣߊ ߟߎ߫ ߡߊ߬، ߛߌ߲߬ߝߏ߲߬ߘߊ ߟߊ߫ ߟߊ߬ߘߍ ߆߇߲ ߛߋ߲߭ߝߍ߬߸ ߡߍ߲ ߞߍ߫ ߘߊ߫ ߊߓߎߖߊ߫ ߞߎߣߎ߲߬ ߞߊ߯ߙߌ ߡߊ߬ ߂߀߂߅ ߥߊ߬ߛߌ߬ߥߙߊ ߕߋ߬ߟߋ߫ ߂߂߸ ߕߌ߬ߣߎ߬ߓߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߥߊ߬ߣߌ߲߬ߞߋ ߦߋ߫ ߡߍ߲ ߘߌ߫ߑ߸ ߏ߬ ߟߋ: ߓߙߎߞߌߣߊ߫߸ ߡߊ߬ߟߌ߸ ߊ߬ ߣߌ߫ ߖߋ߬ߟߌ߬ߓߊ߬ߘߎ߯߸ ߏ߬ ߟߎ߬ ߦߴߊ߬ߟߎ߬ ߞߐߛߊ߬ߦߌ߲߫ ߕߟߋ߬ߓߋ߬ ߊߝߙߌߞߌ߬ ߘߍ߬ߓߊ ߢߌ߲߬ ߘߐ߫.
ߓߏ߬ߟߊ߫ ߕߌ߬ߣߎ߬ߓߎ߫ ߕߋ߬ߟߋ ߟߋ߬ ߘߐ߫ ߛߘߋߦߊߥߏ ߞߎ߲߬ߠߊ߫ ߂߀߂߅ ߓߌ߲ߠߊߥߎߟߋ߲ ߠߊ߫߸ ߡߊ߬ߟߌ ߣߌ߫ ߓߙߎߞߌߣߊ߫ ߝߊ߬ߛߏ߬ ߣߌ߫ ߖߋ߬ߟߌ߬ߓߊ߬ߘߎ߯ ߞߵߊ߬ߟߎ߫ ߛߋ߲߬ߓߐ߬ ߛߘߋߦߊߥߏ ߘߐ߫ ߝߋߝߋ߫، ߊ߬ߟߎ߫ ߞߵߊ߬ߟߎ߬ ߟߊߘߍ߬ ߞߙߎ߫ ߞߋߟߋ߲߫ ߠߋ߬ ߘߐ߫߸ ߞߵߏ߬ ߞߟߌ߫ ߞߏ߫ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ (ߞߞߢ)߸ ߏ߬ ߡߍ߲ ߞߍߣߍ߲߫ ߘߍ߬ߞߙߎ߬ ߘߴߊ߬ߟߎ߬ ߓߟߏ߫߸ ߞߎ߲߬ߠߊ߬ߛߌ߮ ߟߎ߬ ߣߌ߫ ߢߐ߲߯ ߕߍ߫ ߖߘߍ߬ߕߌ߰ߦߊ ߡߙߌߦߊ ߘߌ߫، ߞߊߙߏ߫ ߘߊ߲ߘߐ߫ ߕߊ߬ߡߌ߲ ߞߐ߫߸ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߞߊ߬ ߘߊߘߐߖߊߥߏ ߘߏ߫ ߟߎ߫ ߛߌ߰ ߛߋ߲߬ߠߊ߫߸ ߖߐ߲߰ߛߊ߫ ߢߌ߲߬ߘߍ ߞߣߐ߫ ߡߐ߮ ߟߎ߬ ߘߴߊ߬ߟߎ߬ ߞߐߛߊ߬ߦߌ߲߬ ߢߊ ߡߍ߲ ߡߊ߬߸ ߥߟߴߊ߬ߟߎ߬ ߦߋ߫ ߛߋ߫ ߓߊ߯ߙߊ߫ ߟߊ߫ ߢߐ߲߯ ߝߍ߬ ߞߋߟߋ߲ߘߌ߫.
ߓߊ߬ߙߌ߬ ߥߊߦߌߞߊ߫߸ ߞߊ߲ߕߌ߯ ߓߐߕߊ߫ ߕߌ߬ߣߓߎ߬ ߡߊ߫ ߛߋ߫ ߛߎߘߊ߲߫ ߠߴߏ߬ ߞߏ ߘߐ߫ ߢߊ ߺ ߊ ߺ ߢߊ߫ ߟߋ߬ ߡߊ߬߸ ߤߊ߲߯ ߞߊ߬ ߣߵߊ߬ ߛߌ߰ ߊ߬ ߟߊ߫ ߞߊ߲ߕߌ߯ߦߊ߫ ߛߕߊ ߞߎ߲߭ߝߊ߰ ߕߎߡߊ ߢߌ߲߬ ߠߊ߫ ߕߋ߲߬، ߏ߬ ߟߋ ߘߐ߫߸ ߊ߬ ߞߊ߬ ߓߋߟߋ߲ߠߊ ߡߍ߲ ߞߍ߫ ߞߊ߲ߕߌ߯ߦߊ ߟߊߓߊ߲߫ ߝߊߘߌ ߢߌ߲߬ ߘߐ߫ ߕߋ߲߬߸ ߓߏ߬ߟߊ ߊߤߑߡߍߘ ߕߌ߬ߣߎ߬ߓߎ߫ ߞߊ߬ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߘߏ߲߬ߞߏ ߟߎ߬ ߞߟߌ߫ ߞߐߛߊߦߌ߲ߠߌ߲ ߠߋ߬ ߡߊ߬ ߛߘߋߦߊߥߏ ߘߐ߫، ߞߵߏ߬ ߞߍ߫ ߢߐ߲߯ ߘߍߡߍ߲ ߕߐ߰ߡߊ߬ߛߙߋ ߘߌ߫߸ ߝߘߊ߬ߝߌ߲߬ߠߊ߬ ߟߊ߫ ߕߐ߬ߣߐ ߞߏߛߐ߲߬߸ ߊ߬ ߣߌ߫ ߕߟߋ߬ߓߋ߬ ߊߝߙߌߞߌ߬ ߖߍ߬ߘߍ ߞߏߛߐ߲߬.
<<ߒ ߠߊ߫ ߞߊ߲ߕߌ߯ߦߊ ߞߎ߲߬ߕߊ߮ ߞߣߐ߫߸ ߒ ߞߊ߬ ߛߌߟߊ ߓߍ߯ ߘߏ߫ ߟߋ߬ ߓߐ߫߸ ߖߐ߲߰ߛߴߊ߲ ߣߴߊ߲ ߓߊߘߋ߲ߡߊ߫ ߡߊ߬ߟߌ߬ߞߊ ߟߎ߬ ߣߌ߫ ߓߙߎߞߌߣߞߊ ߟߎ߬ ߣߌ߫ ߖߋ߬ߟߌ߬ߓߊ߬ߘߎ߰ߞߊ ߟߎ߬ ߘߌ߫ ߛߋ߫ ߛߌ߬ߞߊ߬ߝߐ߫ ߞߍ߫ ߟߊ߫ ߕߍߓߊ߯ߦߊ ߞߣߐ߫، ߒ ߘߏ߲߬ ߟߊߣߴߊ߬ ߟߊ߫߸ ߊ߬ߟߎ߬ ߓߍߣߵߊ߬ߟߎ߬ ߞߐߛߊ߬ߦߌ߲߫ ߖߊ߬ߡߊ ߘߐ߫ ߖߐ߫، ߊ߲ ߠߊ߫ ߘߊ ߟߊߞߊ߬ߣߴߊ߬ߟߎ߬ ߦߋ߫ ߓߍ߲߭ ߛߌߟߊ ߞߊ߲߬߸ ߢߐ߲߯ߘߍߡߍ߲ ߛߌߟߊ ߞߊ߲߬߸ ߞߵߏ߬ ߟߊ߫ ߖߊ߬ߡߊ ߟߊ߫ ߣߊ߬ߝߊ ߡߞߊߘߊ߲ ߞߊ߲߬ ߟߏ߲߫ ߣߊ߬ߕߐ ߟߎ߬ ߘߐ߫.>> ߊ߬ ߞߊ߬ ߞߎߡߊ ߢߌ߲߬ ߠߋ߬ ߝߐ߫ ߞߎߣߎ߲߬ ߞߊ߯ߙߌ ߡߊ߬ ߂߀߂߅ ߥߊ߬ߛߌ߬ߥߙߊ ߕߋ߬ߟߋ߫ ߂߂.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
