ߊߟߌߖ߭ߋߙߌ߫ ߣߊ߲߬ߕߌ߰ ߡߙߊߞߊ ߓߘߊ߫ ߟߊ߫ ߕߋ߬ߟߋ ߟߊ߫ ߘߎߢߊ߫ ߢߣߊ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߡߊߝߌ߲߭ ߘߌ߫ ߔߏߟߌߖ߭ߊߙߌߦߏ ߞߟߊߘߊ ߟߊ߫ ߞߏ ߘߐ߫، ߞߊ߬ߕߎ߲߯߸ ߊ߬ ߦߌ߬ߘߊ߬ߣߍ߲߬ ߞߏ߫ ߊ߬ߟߎ ߟߋ߬ ߦߋ߫ ߓߊ߰ߓߊ߰ߟߌ߬ ߞߙߎ ߏ߬ ߟߎ߬ ߟߊߖߌ߰ߦߊ߬ ߟߊ߫߸ ߞߵߊ߬ߟߎ߬ ߞߐߡߊߓߌ߲ߓߌ߲߫ ߝߣߊ߫، ߊ߬ߟߎ߬ ߦߴߊ߬ߟߎ߬ ߟߊߖߌ߰ߦߊ߬ ߟߊ߫ ߕߌ߲ߖߎߝ ߘߊ߮ ߟߋ߬ ߞߣߐ߫߸ ߏ߬ ߟߎ߬ ߡߍ߲ ߠߎ߬ ߣߐ߬ ߊ߬ ߦߌ߬ߘߊ߬ ߟߊ߫ ߞߏ߫ ߡߙߊ߬ߒ߬ߡߊ߬ߟߌ ߡߍ߲ ߞߍ߫ ߘߊ߫ ߡߊ߬ߙߐߞߎ߬ ߘߊ߮ ߘߏ߫ ߞߊ߲߬߸ ߊ߬ ߣߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߊ߫ ߘߊ߮ ߞߊ߲߬ ߍߛߊߡߙߊ߫߸ ߞߏ߫ ߊ߬ߟߎ ߟߋ߬ ߣߐ߬ ߦߴߏ߬ ߘߌ߫، ߛߤߊߙߊ ߔߙߍߛ ߛߍߙߑߝ߭ߌߛ ߡߍ߲ ߦߋ߫ ߊߟߌߖ߭ߋߙߌ߫߸ ߏ߬ ߟߎ߬ ߓߘߴߊ߬ ߟߊߛߋ߫ ߟߊ߬ߛߋ߬ߟߌ ߘߏ߫ ߘߐ߫ ߞߏ߫ ߓߌ߬ߢߍ߬ߞߎߟߎ߲ ߘߏ߫ ߟߎ߫ ߣߊ߬ߣߍ߲߫ ߞߊ߬ ߓߐ߫ ߌߙߊ߲߫߸ ߏ߬ ߟߎ߫ ߟߋ߬ ߣߌ߫ ߛ߭ߙߊ߬ߥߌ ߕߏ߰ߝߏ ߦߋ߫ ߓߊ߯ߙߊ߫ ߟߊ߫߸ ߞߵߏ߬ ߟߊ߫ ߞߐߞߊ߲߫ ߝߊ߲ߞߊ߫ ߓߟߋߓߟߋ ߘߏ߫ ߞߊ߲߬߸ ߡߍ߲ ߠߎ߬ ߞߊ߬ ߌߙߊ߲߫ ߓߌ߬ߢߍ߬ߞߎߟߎ߲ ߏ߬ ߡߊߛߐ߬ߘߐ߲߬.
ߡߙߊ߬ߒ߬ߡߊ߬ߟߌ ߣߌ߲߬ ߞߍ߫ ߕߎߡߊ ߢߌ߲߬ ߠߋ߬ ߡߊ߫ ߓߍ߲߬ ߓߏ߲߬، ߓߊߏ߬߸ ߊ߬ ߣߌ߫ ߊߡߙߌߞߌ߬ ߞߎ߲߬ߜߙߊ ߟߊ߫ ߘߊߘߐߖߊߥߏ ߟߋ߬ ߓߍ߲߬ߣߍ߲߬ ߢߐ߲߮ ߡߊ߬߸ ߏ߬ ߟߎ߬ ߡߍ߲ ߠߎ߬ ߞߊ߲߫ ߞߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߔߏߟߌߖ߭ߊߙߌߦߏ ߓߌ߬ߟߊ߫ ߞߐߞߊ߲߫ ߓߊ߯ߓߊ߯ߟߌ߫ ߛߌ߲ߝߏ߲ߘߊ ߟߎ߫ ߞߊ߲߬، ߊ߬ߟߎ߬ ߟߊ߫ ߛߓߍ ߏ߬ ߡߍ߲ ߞߍߣߍ߲߫ ߞߎ߲߬ߜߙߊ ߣߌ߫ ߞߊ߲ߓߍ߲ ߞߊ߲߬ߜߍ߬ߘߊ ߘߍ߬ߒ߬ߡߊ߬ ߛߓߍ߫ ߞߣߐ߫߸ ߖߏ߭ ߥߌߟߑߛߐ߲߫ ߣߌ߫ ߓߍ߯ߦߊߟߞߊ߫ ߖߌ߬ߡߌ ߔߊ߬ߣߋߕߊ߬، ߏ߬ ߟߎ߬ ߡߍ߲ ߠߎ߬ ߞߊ߲߫ ߞߏ߫ ߊ߬ߟߎ߬ ߓߘߊ߫ ߛߌߟߊ߲߫ ߠߋ߬ ߞߵߏ߬ ߞߎ߲߭ ߞߍ߫ ߛ߭ߙߊ߬ߥߌ ߕߏ߰ߝߏ ߣߌ߫ ߛߌ߬ߟߡߊ߬ ߞߙߎ ߏ߬ ߟߎ߬ ߟߊ߫ ߡߊ߬ߘߏ߲߫ ߢߐ߲߰ ߠߊ ߘߌ߫.
ߞߎߡߊߞߍߓߏ߲ ߠߊ߫ ߘߐ߬ߛߙߋ ߦߴߊ߬ ߦߌ߬ߘߊ߬ ߟߊ߫ ߞߏ߫ ߕߍߓߊ߯ߦߊ ߡߍ߲ ߦߋ߫ ߔߏߟߌߖ߭ߊߙߌߦߏ ߣߌ߫ ߟߌߓߊ߲߫ ߤߋߖ߭ߑߓߏߟߊ ߟߎ߬ ߕߍ߫߸ ߏ߬ ߦߋ߫ ߝߘߏ߬ߓߊ߬ ߓߍ߲ߞߊ߲߫ ߠߋ߬ ߘߌ߫߸ ߡߍ߲ ߘߊߓߐߣߍ߲߫ ߕߟߋ߬ߓߐ ߕߍߡߞߊߒߞߋ ߘߐߞߟߊߦߊ߫ ߞߊ߲ߡߊ߬߸ ߞߵߏ߬ ߟߊ߫ ߖߎ߯ߦߊ߫ ߝߙߍ ߟߎ߫ ߕߍ߱ ߞߊ߲߬ ߌߛߌ߬ߙߊ߬ߌߟߊ߫ ߞߊ߬ߝߏ ߞߊ߲ߡߊ߬.
ߞߏ ߟߎ߬ ߕߊ߲ߛߊ߲ ߏ߬ ߟߋ ߞߏߛߐ߲߬߸ ߟߊ߬ߞߊ߲߬ߘߊ߬ߟߌ ߟߊ߬ߛߏ߬ߓߟߌ߬ߘߊ ߘߏ߫ ߟߎ߫ ߓߘߴߊ߬ ߦߌ߬ߘߊ߬ ߞߏ߫ ߊߟߌߖ߭ߋߙߌ߫ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߟߍ߬ߕߌ߯ ߛߊ߬ߦߌߘ ߛ߭ߋ߲ߜ߭ߙߌߤߊ߫ ߟߋ߬ ߞߊ߬ ߖߊ߬ߡߊߙߌ ߘߌ߫ ߔߏߟߌߖ߭ߊߙߌߦߏ ߟߎ߬ ߟߊ߫ ߞߎ߲߬ߕߌ߯ ߓߙߊߤߌߡ ߜ߭ߊߟߌ߫ ߡߊ߬߸ ߞߏ߫ ߊ߬ ߦߋ߫ ߌߙߊ߲߫ ߠߊ߫ ߞߟߍ߬ߡߎߙߊ߲ ߏ߬ ߘߌ߫ ߊߟߌߖ߭ߋߙߌ߫ ߣߊ߲߬ߕߌ߮ ߟߎ߫ ߡߊ߬، ߡߙߌߘߐ ߏ߬ ߡߍ߲ ߖߊ߬ߕߋ߬ߣߍ߲߫ ߕߍߓߊ߯ߦߊ߫ ߞߐߥߟߏ ߘߌ߫.
ߕߍߜߟߍߦߊ߫ ߞߎߘߊ ߏ߬ ߟߋ ߣߊ߬ߣߍ߲߫ ߝߌߘߊ ߓߐ߫ ߟߊ߫ ߊߟߌߖ߭ߋߙߌ߫ ߞߊ߲ߕߌ߮ ߊߓߘߎߟߑߡߊߖߌߘ ߕߋߓߎߣ ߠߊ߫ ߥߏ߬ߙߏ ߢߍߡߊ߬߸ ߊ߬ ߣߴߊ߬ ߟߊ߫ ߞߏߟߊߕߍ߯ߓߊ߫ ߓߎߥߊߟߍߡ ߓߎߥߊߟߍߡ، ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߞߊ߲߬ ߞߊ߬ ߝߎ߯ߘߌ ߞߍ߫ ߕߎ߬ߢߊ ߘߏ߫ ߟߋ߬ ߢߍߡߊ߬߸ ߣߴߏ߬ ߦߋ߫ ߞߙߎ ߘߏ߫ ߟߊ߫ ߞߏ ߢߡߊߘߏ߲߱ ߘߌ߫߸ ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߊ߬ ߓߊ߰ߓߊ߰ߟߌ߬ ߞߏ ߘߐ߫، ߏ߬ ߟߋ ߞߏߛߐ߲߬߸ ߊ߬ߟߎ߬ ߡߊߝߌ߲߬ߣߍ߲߬ߓߊ ߟߋ߬ ߕߋ߲߬߸ ߞߏ߫ ߊ߬ߟߎ߬ ߣߌ߫ ߓߊ߰ߓߊ߰ߟߌ߬ߟߊ ߟߎ߬ ߘߊ ߦߋ߫ ߝߎ߫߬ߟߋ߬ ߞߋߟߋ߲߫ ߠߊ߫.
ߞߊ߬ ߓߐ߫ ߊߟߌߖ߭ߋߙߌ߫ ߣߌ߫ ߡߊ߬ߙߐߞߎ߬ ߞߐ߫߸ ߜߟߍ߬ߦߊ߬ ߛߎ߮ ߣߌ߲߬ ߦߋ߫ ߛߌ߰ߢߐ߲߰ߡߊ ߘߏ߫ ߟߎ߫ ߝߣߊ߫ ߣߌ߫ ߢߐ߲߯ ߕߍ߫߸ ߡߏߙߌߕߊߣߌ߫ ߦߴߏ߬ ߘߏ߫ ߟߋ߬ ߘߌ߫، ߏ߬ ߡߍ߲ ߝߣߊ߫ ߣߌ߫ ߢߊߝߐߟߌ߫ ߘߐߞߍߣߍ߲߫ ߦߊ߫ ߞߊ߲߫ ߕߎ߬ߡߊ߫ ߣߊ߬ߕߐ ߟߎ߬ ߘߐ߫، ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߊ߬ߟߎ߬ ߝߣߊ߫ ߟߊ߫ ߞߏ ߘߏ߫ ߟߎ߫ ߟߋ߬ ߘߐߝߌ߲߬ߣߍ߲߬߸ ߡߍ߲ ߓߘߊ߫ ߞߌ߬ߢߍ߬ߞߏ߲߬ߞߏ߬ ߖߡߊߣߊ ߘߏ߫ ߟߎ߫ ߛߌߞߴߊ߬ߟߎ߫ ߡߊ߬߸ ߞߏ߫߫ ߊ߬ߟߎ߬ ߝߣߊ߫ ߦߋ߫ ߓߊߛߌ߯ߓߊߟߌߦߊ ߕߎ߬ߙߎ ߘߏ߫ ߟߋ߬ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
