ߎߜ߭ߊ߲ߘߊ߫ ߣߊ߲߬ߕߌ߮ ߟߎ߬ ߟߊ߫ ߣߊ߯ߣߊ߮ ߘߏ߫ ߟߋ߬ ߥߎ߬ߛߊ߲߬ߞߌ߬ ߘߊ߫ ߞߎߣߎ߲ߟߏ߲߫ ߕߊ߬ߡߌ߲߬ߣߍ߲ ߛߐ߱ߡߊ߬߸ ߊߘߍ߲߫ ߊߘߋ߫ ߛߊ߲ߡߊߘߊ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߟߊ߫ ߡߎߜ߭ߊߘߛߌߦߏ߫߸ ߛߏߏߡߊߟߌ߫ ߞߎߓߋߘߊ ߟߊ߫، ߏ߬ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߐ߰ ߟߏ߯ߟߎ߫ ߓߐ߬ߣߐ߫ ߊ߬ ߣߌ ߘߐ߫، ߣߊ߲߬ߕߌ߯ ߡߐ߰ ߛߋߦߌ߲߫ ߠߋ߬ ߕߘߍ߬ ߞߍߟߊ߲ ߣߌ߲߬ ߞߣߐ߫ ߡߊ߬ߛߎ߬ߓߊ߬ߞߏ ߣߌ߲߬ ߞߍ߫ ߕߎߡߊ ߟߊ߫.
ߎߜ߭ߊ߲ߘߊ߫ ߣߊ߲߬ߕߌ߮ ߟߎ߬ ߟߊ߫ ߓߋߟߋ߲ߕߌ߮ ߟߊ߫ ߝߐߟߌ߫ ߘߐ߫߸ ߞߟߍ߬ߕߌ߯ ߝߋ߬ߟߌߞߛ ߞߎߟߊߦߖߌߦߋ߫߸ ߊ߬ߟߋ ߡߍ߲ ߡߊߛߐ߬ߘߐ߲߬ ߘߊ߫ ߜߋߟߋ߲ߜߋߟߋ߲ ߠߊ߫ ߛߌ߯ߣߌ߲߬ ߞߌ߬ߓߊ߬ߙߏ߬ߘߊ߫ ߖ߭ߌ߲ߤߎߥߊ߫ ߓߟߏ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߡߐ߰ ߛߊ߬ߓߊ߫ ߟߋ߬ ߛߋ߫ ߘߊ߫ ߓߐ߫ ߟߴߊ߬ ߘߐ߫߸ ߓߊ߬ߙߵߊ߬ߟߎ߬ ߡߊߖߋ߬ߣߌ߲߬ߣߍ߲߫ ߠߋ߬ ߝߋߝߋ߫. <<ߡߐ߰ ߛߋߦߌ߲ ߡߍ߲ ߕߘߍ߬ ߛߊ߲ߡߊߞߎߟߎ߲ ߞߣߐ߫߸ ߡߐ߰ ߛߊ߬ߓߊ߫ ߟߋ߬ ߓߐ߫ ߘߴߊ߬ ߘߐ߫߸ ߓߊ߬ߙߵߊ߬ߟߎ߬ ߡߊߖߋ߬ߣߌ߲߬ߣߍ߲߫ ߘߍ߬ߜߍ ߟߋ߬.>> ߊ߬ ߞߵߏ߬ ߟߋ ߝߐ߫ ߞߵߊ߬ ߟߊߕߍ߰. ߞߊ߬ ߓߊ߲߫ ߞߵߊ߬ ߟߴߊ߬ ߞߊ߲߬ ߞߏ߫ ߊ߬ߟߎ߬ ߦߋ߫ ߢߊߢߌߣߌ߲ߠߌ߲ ߣߌ߫ ߡߞߊ߬ߘߊ߲߬ߠߌ߲ ߠߎ߬ ߞߊ߲߬߸ ߞߊ߬ ߕߐ߭ ߟߎ߬ ߝߣߊ߫ ߟߊ߫ ߞߏ ߛߥߊ߬ߓߊ߫ ߛߐ߬ߘߐ߲߬، ߓߊߏ߬߸ ߕߊ ߖߍ߬ߘߍߖߍ߬ߘߍ ߟߋ߬ ߕߘߍ߬ ߛߊ߲ߡߊߞߎߟߎ߲ ߠߊ߫߸ ߏ߬ ߟߋ ߝߟߐ߫ ߟߊߛߊ߬ ߞߏ ߢߊߢߌߣߌ߲߫ ߘߊ߫ ߡߎߣߎ߲߬.
ߎߜ߭ߊ߲ߘߊ߫ ߣߊ߲߬ߕߌ߮ ߟߎ߬ ߓߘߊ߫ ߘߐ߬ߛߏ߰ߙߋ߬ߟߌ߫߫ ߛߌ߰ ߛߋ߲߬ߠߊ߫ ߥߎ߬ߛߊ߲߬ߞߌ߬ߟߌ ߣߌ߲߬ ߞߎ߲߬ ߖߐ߲ߖߐ߲ ߟߐ߲߫ ߞߊ߲ߡߊ߬، ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߬ߟߎ߬ ߡߊ߫ ߟߊ߬ߛߋ߬ߟߌ߫ ߞߟߊ߬ߟߡߊ߬ ߛߌ߫ ߞߍ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍߢߊ߫ ߖߐ߲ߖߐ߲ ߞߊ߲߬ ߡߎߣߎ߲߬߸ ߊ߬ ߣߴߊ߬ ߛߓߊߓߎ، ߎߜ߭ߊ߲ߘߊ߫ ߦߋ߫ ߖߡߊ߬ߣߊ߫ ߟߋ߬ ߘߌ߫߸ ߡߍ߲ ߛߋ߲߬ߓߊ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫ ߘߐ߬ߕߊߡߌ߲ ߗߋߦߊߟߌ ߘߐ߫ ߛߏߡߊߟߌ߫߸ ߊ߬ߟߎ ߡߍ߲ ߠߎ߬ ߟߊߕߊ߯ ߘߊ߫ ߦߋ߲߬ ߛߏߡߊߟߌ߫ ߣߊ߲߬ߕߌ߮ ߟߎ߬ ߡߊߘߍ߬ߡߍ߲߬ ߞߊ߲ߡߊ߬߸ ߊ߬ߟߎ߬ ߣߌ߫ ߛ߭ߋߓߊߓ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߟߊ߫ ߕߍߜߟߍߦߊ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
