ߥߙߏ߬ߘߎ߮ ߞߏߙߋ߫ ߞߣߐ߫߸ ߛߊ߲ߖߌߓߊ߫ ߣߊ߫ ߘߊ߲߬ߠߊߕߊ߬ߡߌ߲߬ߣߍ߲ ߓߘߊ߫ ߞߍ߫ ߕߙߎ߬ ߘߌ߫ ߦߋ߲߬ ߞߊ߬ ߡߐ߰ ߁߄ ߓߐ߬ߣߐ߫ ߊ߬ ߣߌ ߘߐ߫ ߕߟߋ߬ ߟߏ߯ߟߎ߫ ߞߣߐ߫، ߥߙߏ߬ߘߎ߮ ߞߏߙߋ߫ ߞߣߐߟߊ ߞߏߕߌ߯ߘߊ ߟߋ߬ ߞߊ߬ ߣߌ߲߬ ߝߐ߫، ߣߴߌ ߞߊ߬ ߛߊ߲ߛ߭ߋߦߐ߲ߜ߭ ߘߌ߲߬ߞߌߙߊ ߡߊߝߟߍ߫߸ ߏ߬ ߡߍ߲ ߦߋ߫ ߖ߭ߌߦߋߥߐ߲ߜ߭ߑߛߊ߲߫ ߡߊ߬ߙߊ ߘߐ߫ ߥߙߏ߬ߘߎ߰ ߝߊ߲ ߝߍ߬߸ ߛߊ߲ߖߌ ߥߙߊ߬ ߘߊ߫ ߦߋ߲߬ ߠߎ߫ ߟߋ߬ ߘߐ߫ ߓߊߞߍ߭߸ ߓߊߏ߬ ߡߐ߰ ߛߋߦߌ߲߫ ߢߐ߲߰ ߠߋ߬ ߛߊ߬ ߘߊ߫ ߦߋ߲߬߸ ߝߏ߫ ߞߎ߲߬ߠߊ߬ߛߌ߮ ߟߎ߬ ߓߘߊ߫ ߡߐ߱ ߟߎ߬ ߟߐ߬ ߦߋ߲߬ ߓߌ߬ߟߊ߬ ߟߊ߫ ߡߎߣߎ߲߬، ߏ߬ ߝߐ߫ ߘߊ߫ ߞߎߣߎ߲߬ ߞߍ߲ߘߍߟߏ߲ ߠߋ߬ ߡߊ߬߸ ߞߊ߬ߙߌ߬ߝߐ ߕߟߋ߬ ߁߉، ߏ߬ ߘߏ߲߬ ߛߋ߲߬ߢߊ߬ ߝߟߐ ߟߋ߬ ߖߡߊ߬ߣߊ ߏ߬ ߞߣߐ߫ ߕߋ߲߬߸ ߞߵߏ߬ ߞߎ߲߭ ߞߍ߫ ߛߊ߲ߖߌ ߥߙߊ߬ ߞߏ߬ߖߎ߮ ߘߌ߫.
ߦߋ߲߬ ߝߐ߰ߓߍ߬ߘߊ ߘߏ߫ ߟߊ߫ ߝߐߟߌ߫ ߘߐ߫߸ ߞߏ߫ ߛߊ߲ߖߌ ߜߟߊ߬ߥߊ߰ߘߋ߲߫ ߁߀߀ ߟߋ߬ ߖߌ߰ ߘߊ߫ ߕߎ߬ߡߊ߬ߙߋ߲߬ ߞߋߟߋ߲ ߞߣߐ߫ ߕߌ߲߬ߞߎߘߎ߲ ߏ߬ ߟߎ߬ ߞߣߐ߫ ߦߋ߲߬߸ ߝߏ߫ ߦߙߐ ߘߏ߫ ߟߎ߫ ߥߊ߬ߟߊ߲߬ߞߌ߬ ߘߊ߫߸ ߞߊ߬ ߖߌߓߐ߫ ߘߊ߲߬ߠߊߕߊ߬ߡߌ߲߬ߣߍ߲ ߞߍ߫، ߡߐ߰ ߁߂ ߓߍ߫߸ ߏ߬ ߟߎ߬ ߦߋߣߍ߲߫ ߕߍ߫ ߤߊ߲߯ ߕߋ߲߬ ߡߎߣߎ߲߬، ߕߎߣߎ߲ߓߊ߫ߕߐ ߏ߬ ߟߎ߬ ߝߣߊ߫ ߘߐ߫߸ ߡߐ߰ ߥߐ߯ߙߐ ߦߋ߫ ߛߊ߲ߛ߭ߋߦߐ߲ߜ߭ ߟߋ߬.
ߝߣߊ߫߸ ߖߡߊ߬ߣߊ ߞߐ߰ߘߎ߰ ߟߊ߬ ߝߊ߲ ߘߐ߫ ߜ߭ߊߔߌߦߋߦߐ߲߫߸ ߞߎߘߍ߫ ߇߀ ߦߋ߫ ߦߋ߲߬ ߡߍ߲ ߣߌ߫ ߛߋߎߟ ߕߍ߫߸ ߡߐ߰ ߝߌ߬ߟߊ߫ ߟߋ߬ ߝߊ߰ ߘߊ߫ ߦߋ߲߬ ߓߌ߬ߞߊ߯ߙߌ ߣߌ߲߬ ߛߐ߱ ߡߊ߬، ߞߋߟߋ߲ ߕߊ߬ ߘߊ߫ ߖߌ ߟߋ߬ ߓߟߏ߫ ߞߊ߬ ߥߴߊ߬ ߘߌ߫߸ ߛߊ߲ߖߌ ߟߋ߬ ߞߊ߬ ߝߋ߲ ߠߎ߬ ߟߊߥߎ߬ߦߊ߫ ߕߐ߬ ߞߋߟߋ߲ ߞߊ߬، ߦߋ߲߬ ߝߣߊ߫ ߘߐ߫߸ ߛߊ߲ߖߌ ߜߟߊ߬ߥߊ߰ߘߋ߲߫ ߁߇߀ ߖߌ߰ ߘߊ߫ ߦߋ߲߬ ߕߎ߬ߡߊ߬ߙߋ߲߬ ߘߊ߲ߘߐ߫ ߘߐߙߐ߲߫ ߞߣߐ߫ ߕߋ߲߬.
ߡߐ߱ ߟߎ߫ߓߐ߬ߣߐ ߊ߬ߟߎ߬ ߣߌ ߘߐ߫߸ ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߓߟߏߝߋ߲߫ ߛߌߦߊߡߊ߲߫ ߠߋ߬ ߝߣߊ߫ ߘߐߕߌߢߍߣߍ߲߫ ߣߌ߲߬ ߞߏ ߘߐ߫، ߛߌߟߊ߫ ߛߌߦߊߡߊ߲߫ ߠߋ߬ ߓߘߊ߫ ߓߟߏߕߍ߰ ߞߵߊ߬ ߛߌߦߊߡߊ߲߫ ߘߐߕߌߢߍ߫߸ ߞߊ߬ ߓߏ߲߫ ߛߌߦߊߡߊ߲߫ ߠߊߓߋ߬߸ ߞߊ߬ ߛߍ߬ߣߍ ߛߌߦߊߡߊ߲߫ ߞߣߐ߫ ߝߋ߲ ߠߎ߬ ߞߊ߬ߛߙߊ߬، ߖߌ߬ߦߊ߬ߓߍ ߡߍ߲ ߠߎ߬ ߟߊߖߍ߲ߛߍ߲߫ ߘߊ߫ ߊߡߙߌߞߌ߬ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߘߍ߭ ߓߟߏ߫ (Associated Press)߸ ߏ߬ ߝߣߊ߫ ߕߊ߬ߡߌ߲߬ ߘߊ߫ ߖߌߓߐ ߟߊ߫ ߥߊ߬ߙߊ ߦߌ߬ߘߊ߬ ߟߊ߫ ߟߋ߬ ߝߛߊߦߌ߫.
ߡߐ߲ߕߐ߲ߟߐ߲ߘߐߦߟߊ ߟߎ߬ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߓߌ߬ ߞߊ߯ߙߌ ߢߌ߲߬ ߓߍߣߊ߬ ߝߌ߬ߛߊ߬ߦߊ߫ ߦߋ߲߬ ߞߏߛߓߍ߫߸ ߞߵߏ߬ ߞߎ߲߭ ߞߍ߫ ߛߊ߲ߖߌߓߊ߫ ߝߊ ߡߊߛߍ߬ߟߍ߲߬ߓߍ ߘߌ߫، ߏ߬ ߓߍ߯ ߣߴߊ߬ ߕߊ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߊ߲ߖߌߓߊ߫ ߣߊ ߡߍ߲ ߞߍߣߍ߲߫ ߛߋ߲߬ߢߊ ߣߌ߲߬ ߝߍ߬ ߕߋ߲߬߸ <<ߏ߬ ߢߐ߲߰ ߕߎ߲߬ ߡߊ߫ ߞߍ߫ ߡߎߣߎ߲߬ ߞߵߊ߬ ߕߊ߬ ߁߉߀߄ ߡߊ߬ ߤߊ߲߯ ߕߋ߲߬.>> ߏ߬ ߘߐ߫߸ ߢߌ߬ߣߊ߲߫ ߠߋ߬ ߞߍߣߍ߲߫ ߛߊ߲ߖߌ ߟߊ߫ ߕߌߢߌߍߟߌߓߊ ߛߊ߲߭ ߘߌ߫ ߊ߬ߟߎ ߝߍ߬ ߦߋ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
