ߝߘߏ߬ߓߊ߬ ߞߍ߲ߘߍߦߊ ߞߏߕߌ߯ߘߊ ߞߵߊ߬ ߟߊߛߋ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߞߏ߫ ߕߏ߬ߒߞߊ߲߭ ߝߎ߬ߖߎ߯ߖߎ߮ ߓߘߊ߫ ߝߊ߲߬ߞߊ߫ ߛߐ߬ߘߐ߲߫ ߖߡߊ߬ߣߊ ߕߟߋ߬ߓߐ ߘߐ߫߸ ߎߥߊߘߊߦߌ߫ ߕߌ߲߬ߞߎߘߎ߲ ߘߐ߫.
ߝߎ߬ߖߎ߰ߖߎ߰ ߞߎߘߊ߫ ߓߘߊ߫ ߘߏ߲߬ ߗߊߘߌ߬ ߞߣߐ߫߸ ߣߊߟߌ߬ߡߎ߲߫ ߕߏ߬ߒߞߊ߲߭، ߞߍ߲ߘߍߦߊ ߞߣߐ߬ߜߍ߲ ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߆߀ ߟߋ߬ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߎߥߊߘߊߦߌ߫ ߕߌ߲߬ߞߎߘߎ߲ ߘߐ߫ ߞߊ߬ߙߌ߬ߝߐ ߘߊߡߌߣߊ ߣߌ߫ ߛߌߛߍ߲߬ ߕߍ߫، ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߢߊ ߡߊߖߌ߰ ߕߎߡߊ ߓߘߊ߫ ߛߴߊ߬ ߞߏ ߞߘߐ߫، ߊ߬ ߘߏ߲߬߸ ߊ߬ ߛߊ߬ߓߊ߰ߕߐ ߝߊ߲߬ߓߊ ߦߋ߫ ߓߐ߫ ߟߊ߫ ߘߌ߲߬ߞߌߙߊ ߡߍ߲ ߠߎ߬ ߘߐ߫߸ ߏ߬ ߟߎ߬ ߟߊ߫ ߘߊ߲ߘߊߛߏ߫ ߞߏ ߟߎ߬ ߜߍߣߍ߲ߓߊ߫ ߕߍ߫، ߡߍ߲ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߊ߬ߟߎ߬ ߟߊ߫ ߞߍ߲ߘߍߦߊ ߦߋ߫ ߖߐ߬ߘߐ ߘߐ߫߸ ߓߊ߰ߙߋ߲ ߘߌ߫ ߛߋ߫ ߖߍ߲ߛߍ߲߫ ߠߊ߫ ߦߋ߲߬ ߘߏ߲߰ ߘߐ߫.
ߛߌߞߊ߫ ߞߍߣߍ߲߫ ߡߐ߰ ߉߃߈ ߠߋ߬ ߡߊ߬ ߕߏ߬ߒ߬ߞߊ߲߬ ߞߏ ߘߐ߫ ߕߋ߲߬߸ ߡߐ߰ ߃߉ ߦߴߏ߬ ߟߎ߬ ߘߐ߫߸ ߊ߬ ߓߘߊ߫ ߟߊߕߍ߰ ߝߋߎ߫ ߞߏ߫ ߕߏ߬ߒߞߊ߲߭ ߦߴߏ߬ ߟߎ߫ ߞߊ߲߬، ߝߘߏ߬ߓߊ߬ ߜߋߙߋ߲ߜߋߙߋ߲ߧߊ ߣߌ߫ ߢߍߓߍ߲ߠߌ߲ ߞߏߕߌ߯ߘߊ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߦߋ߫ ߣߌ߲߬ ߞߏ ߞߍ߬ߟߍ ߟߋ߬ ߞߊ߲߬ ߕߋ߲߬ ߢߊ ߓߍ߯ ߡߊ߬߸ ߞߊ߬ ߡߐ߱ ߟߎ߬ ߡߞߊߘߊ߲߫.
ߕߏ߬ߒߞߊ߲߭ ߦߋ߫ ߖߊ߲߬ߞߊߙߏ߫ ߟߋ߬ ߘߌ߫߸ ߡߍ߲ ߡߊߛߐ߬ߘߐ߲߬ ߛߌߟߊ ߖߍ߬ߘߍߖߍ߬ߘߍ ߦߋ߫ ߖߌ߫ ߣߐ߯ߣߍ߲ ߠߋ߬ ߘߌ߫߸ ߊ߬ߟߋ ߓߊ߯ ߡߐ߱ ߡߌ߬ߘߊ߬߸ ߞߎ߲߬ ߘߌߡߌ߲ ߣߌ߫ ߞߣߐߓߏߙߌ߫ ߘߊ߲߬ߠߊߕߊ߬ߡߌ߲߬ߣߍ߲ ߓߍ߯ ߟߋ߬ ߦߴߊ߬ ߝߍ߬ ߞߋߟߋ߲ߘߌ߫، ߣߌ߫ ߢߊ߫ ߖߐ߲ߖߐ߲߫ ߡߊ߫ ߢߌߣߌ߲߫ ߊ߬ ߡߊ߬ ߞߊߟߌߦߊ߫ ߘߐ߫߸ ߊ߬ ߘߌ߫ ߛߋ߫ ߟߊߓߊ߲߫ ߠߊ߫ ߛߊ߬ߦߊ ߡߊ߬.
ߊ߬ߟߋ ߖߊߡߊ߲߫ ߕߎߡߊ ߦߋ߫ ߛߊ߬ߡߊ ߟߋ߬ ߘߌ߫ ߓߘߍߞߍ߭، ߏ߬ ߟߋ ߘߐ߫߸ ߞߊ߬ߙߌ߬ߝߐ ߟߊ ߟߊߓ߲ߊ ߠߊ߫߸ ߡߊ߲߬ߕߏ߲߬ ߠߊߘߍ߬ߣߍ߲ ߠߊ߫ ߞߏ߲߬ߘߏ ߘߋ߲ߣߍ߲ ߠߎ߬ ߦߋ߫ (l’UNICEF)߸ ߏ߬ ߞߊ߬ ߝߘߊ߬ߝߌ߲߬ ߖߡߊߣߊ߫ ߛߌߦߊߡߊ߲߫ ߞߏߝߐ߫ ߕߟߋ߬ߓߋ ߣߌ߫ ߕߊ߲ߓߊ߲ ߘߐ߫߸ ߕߏ߬ߒߞߊ߲߭ ߘߌ߫ ߝߊ߲߬ߞߊ߫ ߛߐ߬ߘߐ߲߬ ߦߙߐ ߡߍ߲ ߠߎ߬ ߘߐ߫، ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߥߛߊ߬ߓߊ߰ߦߊ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߓߛߌ߬ߞߟߌ߬ ߘߐ߫߸ ߕߏ߬ߒߞߊ߲߭ ߘߌ߫ ߛߋ߫ ߗߊߘߌ߬ ߘߋ߲ߣߍ߲߫ ߈߀ ߀߀߀ ߡߌ߬ߘߊ߬ ߟߊ߫ ߞߎ߲߬ߢߐ߲߯ ߣߊ߬ߕߐ ߟߎ߬ ߘߐ߫.
ߗߊߘߌ߬ ߞߍ߲ߘߍߦߊ ߞߣߐ߬ߜߍ߲߬ߠߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߖߊ߲߬ߕߏߒߖߘߍ߬ߘߐ ߟߋ߬ ߢߌߣߌ߲߫ ߠߊ߫ ߓߍ߯ ߝߍ߬߸ ߞߊ߬ ߛߊߣߌ߲ߧߊ ߝߊ߲߬ߞߊߘߏ߲߬، ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߓߍߣߊ߬ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲߫ ߛߌ߰ ߛߋ߲߬ߠߊ߫߸ ߡߍ߲ ߠߎ߬ ߘߌ߫ ߥߊ߫ ߞߏ߲ߞߏ߫ ߞߣߐߟߊ ߟߎ߬ ߘߐ߫߸ ߞߊ߬ ߡߐ߱ ߟߎ߫ ߟߐ߬ ߛߊߣߌ߲ߧߊ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
