ߛߌ߯ߣߌ߲߬ ߣߊ߲߬ߕߌ߮ ߟߎ߬ ߞߊ߬ ߖߘߍ߬ ߦߌ߬ߘߊ߬ ߕߊ߯ߡߊ ߘߏ߫ ߟߋ߬ ߞߍ߫ ߓߌ߬ ߞߎߣߎ߲ߟߏ߲ ߕߎߟߊߝߌ߲ ߕߋ߬ߟߋ߫ ߃ ߢߌ߲߬ ߡߊ߬ ߔߋߞߍ߲߫߸ ߖߡߊ߬ߣߊ ߞߎߓߋ ߟߊ߫، ߞߊ߬ ߖߊ߯ߓߊ߫ ߞߟߍ߬ ߝߌߟߊߣߊ߲ ߟߊߢߣߊߡߦߊ߫߸ ߏ߬ ߡߍ߲ ߞߍ ߛߊ߲߬ ߉߀ ߦߋ߫ ߕߋ߲߬߸ ߊ߬ ߣߴߊ߬ߟߎ߬ ߦߋ߫ ߛߋ߫ ߝߊ߲߬ߞߊ ߛߐ߬ߘߐ߲߬ ߠߊ߫ ߖ߭ߊߔߐ߲߫ ߞߊ߲ߡߊ߬߸ ߞߵߏ߬ ߛߋߓߊ߯ߦߊ ߛߐ߬ߘߐ߲߬، ߕߊ߯ߡߊ ߣߌ߲߬ ߞߍ߫ ߘߊ߫ ߙߎ߬ߛߌ߬ ߞߊ߲ߕߌ߯ ߝ߭ߌߟߊߘߡߌߙ ߔߎߕߍ߲߫ ߣߌ߫ ߥߙߏ߬ߘߎ߮ ߞߏߙߋ߫ ߢߍߡߌߘߊ ߞߌߡ ߖߐ߲ߜ߭ ߎ߲߳ߣ ߘߋ߫ ߟߋ߬ ߢߊߞߘߐ߫߸ ߏ߬ ߟߎ߬ ߡߍ߲ ߠߎ߬ ߟߊ߫ ߛߌ߯ߣߌ߲߬ ߕߊ߯ߡߊ ߡߊ߫ ߓߍ߲߬ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߡߊ߬.
ߛߌ߯ߣߌ߲߬ ߞߏ߬ߣߌ߲ ߓߐ߫ ߘߊ߫ ߟߋ߬ ߓߌ߬߸ ߞߵߊ߬ ߟߊ߫ ߣߊ߲߬ߕߌ߰ ߝߊ߲ߞߊ ߦߌ߬ߘߊ߬ ߘߎߢߊ߫ ߟߊ߫ ߏ߬ ߡߍ߲ ߢߐ߲߮ ߕߘߍ߬ ߡߊ߫ ߘߋ߬ߙߌ߬ ߞߍ߫ ߟߴߊ߬ߟߎ߬ ߓߟߏ߫߸ ߣߊ߲߬ߕߌ߰ ߞߙߎ ߟߋ߬ ߓߐ߫ ߘߊ߫ ߛߊ߲ߡߊ߫ ߡߎߙߊ߲ ߠߎ߬ ߣߌ߫ ߘߎ߰ߞߘߐ߬ ߡߎߙߊ߲ ߠߎ߬ ߣߌ߫ ߖߌ߫ ߞߘߐ߫ ߞߎߟߎ߲ߞߎߟߎ߲ ߠߎ߬ ߣߌ߫ ߖߌ߫ ߞߊ߲߫ ߡߎߙߊ߲ ߠߎ߬ ߘߌ߫߸ ߊ߬ ߘߏ߲߬߸ ߏ߬ ߟߎ߬ ߓߍ߯ ߦߋ߫ ߞߟߍ߬ ߡߎߙߊ߲ ߠߎ߬ ߘߌ߫߸ ߝߣߊ߫ ߦߋߟߋ߲ ߡߍ߲ ߦߋ߫ ߞߎߟߎ߲ߞߎߟߎ߲ ߠߊߖߌ߰ ߟߊ߫ ߞߵߊ߬ ߕߏ߫ ߛߊ߲ߡߊ߬߸ ߊ߬ߟߎ߫ ߞߊ߬ ߏ߬ ߟߎ߬ ߝߣߊ߫ ߦߌ߬ߘߊ߫ ߟߋ߬، ߛߌ߯ߣߌ߲߬ ߞߊ߬ ߞߟߍ߬ ߝߋ߲߬ ߛߌߦߊߡߊ߲߫ ߠߋ߬ ߟߊߓߐ߫ ߓߌ߬.
ߓߎ߰ߓߎ߰ߡߊ߬ߟߊ߲ ߡߍ߲ ߠߎ߬ ߦߋ߫ ߞߍ߫ ߟߊ߫ ߛߊߓߎ߫ ߘߌ߫߸ ߞߊ߬ ߓߊ߬ߕߏ߲ ߘߐߓߍߘߍ߲ߛߍ߫߸ ߏ߬ ߦߌ߬ߘߊ߬ ߘߊ߫ ߟߋ߬ ߊ߬ߟߎ߬ ߓߟߏ߫، ߊ߬ ߞߊ߬ ߓߎ߰ߓߎ߰ߡߊ߬ߟߊ߲ ߡߍ߲ ߠߊߘߊ߲߫ ߘ߭ߋ ߍߝ ߝ߭ߍ߲ߛߍ߲ߞ ߞߐ߫߸ ߣߴߏ߬ ߦߋ߫ ߘ߭ߋ ߍߝ ߝ߭ߍ߲ߛߍ߲ߞ ߛߋ ߘߌ߫، ߏ߬ ߝߣߊ߫ ߦߌ߬ߘߊ߬ ߘߊ߫ ߟߋ߬ ߊ߬ߟߎ߬ ߓߟߏ߫߸ ߏ߬ ߡߍ߲ ߘߌ߫ ߛߋ߫ ߞߊ߬ ߦߋߟߋ߲߫ ߡߎ߮ ߕߋ߬ ߕߊ߬ ߛߌߦߊߡߊ߲߫ ߕߊ߬ ߞߊ߬ ߥߴߊ߬ ߘߌ߫ ߘߎ߱ ߝߊ߲߭ ߓߍ߯ ߘߐ߫، ߣߌ߲߬ ߞߍ߫ ߘߊ߫ ߓߘߍ߬ߓߘߍ߬ߟߌ߬ ߝߊ߲ߞߊ ߦߌ߬ߘߊ߫ ߟߋ߬ ߘߌ߫ ߛߌ߯ߣߌ߲߬ ߓߟߏ߫߸ ߓߊߏ߬߸ ߙߎ߬ߛߌ߬ ߞߊ߲ߕߌ߯ ߝ߭ߌߟߊߘߡߌߙ ߔߎߕߍ߲߫ ߣߌ߫ ߥߙߏ߬ߘߎ߮ ߞߏߙߋ߫ ߢߍߡߌߘߊ ߞߌߡ ߖߐ߲ߜ߭ ߎ߲߳ߣ ߘߋ߫ ߣߌ߫.
ߛߌ߯ߣߌ߲߬ ߞߊ߲ߕߌ߮ ߖ߭ߌߖ߭ߌ߲ߔߌ߫ ߞߌߣ، ߞߎߡߊ߫ ߟߊߛߎߘߎ߲ߧߊ߫ ߘߐ߫߸ ߖߡߊ߬ߣߊ߬ ߞߊ߲ߕߌ߯ ߦߙߌߞߊ߫ ߟߋ߬ ߕߘߍ߬ ߦߋ߫ ߞߣߍ ߣߌ߲߬ ߞߊ߲߬߸ ߓߊ߬ߙߌ߫߸ ߡߊ߬ߞߟߌ߬ߟߌ߬ ߞߊ߲߬ߠߊ߬ ߡߊ߫ ߛߋ߫ ߝߘߊ߬ߜߍ߬ ߖߡߊߣߊ ߝߋ߲߫ ߡߊ߬߸ ߘߏߣߊߟ ߕߑߙߐ߲ߔ ߞߵߊ߬ ߦߌ߬ߘߴߊ߬ ߟߊ߫ ߓߟߐߟߐ߫ ߛߌߟߊ ߟߎ߬ ߞߊ߲߬߸ ߞߏ߫ ߞߵߊ߬ ߟߊ߫ ߝߏ߬ߟߌ߬ ߞߏ߬ߢߌߡߊ ߦߋ߫ ߛߋ߫ ߟߊ߫ ߞߌߡ ߖߐ߲ߜ߭ ߎ߲߳ߣ ߘߋ߫ ߣߌ߫ ߝ߭ߌߟߊߘߡߌߙ ߔߎߕߍ߲߫ ߡߊ߬߸ ߊ߬ߟߎ߬ ߞߍ ߘߐ߫ ߞߊ߬ ߓߍ߲߬ߓߍ߲߬ߓߍ߲ ߘߏ߲߬ ߊߡߙߌ߬ߞߌ ߡߊ߬، ߊ߬ ߝߟߐ߫ ߟߋ߬ ߞߏ߬ߣߌ߲߬ ߦߋ߫ ߕߋ߲߬߸ ߥߙߏ߬ߘߎ߮ ߞߏߙߋ߫ ߞߊ߲ߕߌ߮ ߦߋ߫ ߕߊ߯ ߟߊ߬ߘߍ߬ߓߊ߬ ߛߎ߮ ߣߌ߲߬ ߞߣߍ ߞߊ߲߬߸ ߞߊ߲ߕߌ߯ ߛߌߦߊߡߊ߲߫ ߞߊ߬ ߢߐ߲߮ ߠߊߘߍ߬ ߏ߬ ߡߍ߲ ߞߣߍ ߞߊ߲߬.
ߊ߬ ߣߌ߫ ߙߎ߬ߛߌ߬ ߖߡߊߣߊ ߞߊ߬ ߟߊ߬ߘߍ ߘߏ߫ ߞߍ߫߸ ߝ߭ߌߟߊߘߡߌߙ ߔߎߕߍ߲߫ ߞߊ߬ ߞߌߡ ߖߐ߲ߜ߭ ߎ߲߳ߣ ߘߋ߫ ߓߊߙߌߞߊߓߌߟߊ߫ ߏ߬ ߡߍ߲ ߛߋ߲߭ߝߍ߬߸ ߊ߬ ߟߊ߫ ߣߊ߲߬ߕߌ߮ ߟߎ߬ ߟߊ߫ ߘߍ߬ߡߍ߲߬ߠߌ߲ ߓߟߏߡߊ߬ ߌߞߍߙߍ߲ߣߌ߲߬߸ ߛߌ߯ߣߌ߲߬ ߞߊ߲ߕߌ߮ ߟߊ߫ ߞߎߡߊ ߘߐ߫߸ ߊ߬ ߞߏ߬ߣߌ߲ ߡߊ߫ ߝߏߛߌ߬ ߟߋ߬ ߝߐ߫ ߞߵߊ߬ ߢߍߛߌ߲߫ ߊߡߙߌߞߌ߬ ߡߊ߬߸ ߊ߬ ߘߏ߲߬ ߡߊ߫ ߞߎߡߊ߫ ߕߊߦߑߥߊ߲ߣ ߟߊ߫ ߡߌ߬ߣߊ߬ߟߌ ߞߊ߲߬߸ ߊ߬ ߞߵߊ߬ ߞߊ߲ߕߏ߫ ߞߏ߫ ߝߏߛߌ߬ ߟߋ߬ ߞߏ߬ߣߌ߲ ߕߍߣߊ߬ ߞߍ߫ ߟߊ߫ ߛߊߓߎ߫ ߘߌ߫߸ ߞߊ߬ ߛߌ߯ߣߌ߲߬ ߟߊ߫ ߝߊ߲߬ߞߊ߬ ߢߌߣߌ߲ ߟߊߞߎߘߦߊߟߌ ߓߟߏߕߍ߰.
