ߕߎߟߊߝߌ߲ ߛߊ߲ߖߌߓߊ߫ ߣߊ ߓߘߊ߫ ߡߌߛߌ߬ߙߊ߲߬ ߞߌ߲߬ߘߊ ߛߐ߫ ߖߌ ߟߊ߫ ߞߏߛߓߍ߫، ߛߌߟߊ ߘߏ߫ ߟߎ߫ ߓߘߊ߫ ߕߍ߰߸ ߖߌ ߦߋ߫ ߟߎ ߘߏ߫ ߟߎ߫ ߞߣߐ߫߸ ߓߌߦߊ߲߫ ߡߌߛߍ߲ߣߍ߲ ߘߏ߫ ߟߎ߫ ߓߘߊ߫ ߥߊ߫ ߖߌ ߟߊ߫، ߡߌߛߌ߬ߙߊ߲߫ ߛߌ߰ߓߊ߮ ߟߎ߬ ߕߙߐߣߍ߲߫ ߞߏߛߓߍ߫߸ ߊ߬ߟߎ߫ ߡߊ߬ߞߏ ߦߋ߫ ߘߍ߬ߡߍ߲ ߠߊ߫.
ߛߊ߬ߡߊ ߓߊ߯ ߘߏ߲߬ ߞߏߕߊ߲߫߸ ߡߌߛߌ߬ߙߊ߲߫ ߞߌ߬ߘߊ ߟߎ߬ ߦߋ߫ ߛߍ߱ ߟߋ߬ ߘߐ߫߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߓߟߏߝߊ߫ ߞߋߟߋ߲߫ ߦߋ߫ ߢߌ߬ߣߊ߲߬ ߖߌߓߐ ߣߌ߲߬ ߞߊ߲߬ ߞߊ߲ߞߊ߲߫ ߞߣߐ߫، ߓߊߏ߬߸ ߞߊ߲ߞߊ߲߫ ߝߊ߲߭ ߓߍ߯ ߟߋ߬ ߖߌߓߐ ߣߌ߲߬ ߘߌ߫ ߕߋ߲߬ ߝߊߦߌߘߊ߫، ߒ߬ߓߊ߬߸ ߓߏ߲߫ ߛߌߦߊߡߊ߲߫ ߠߋ߬ ߖߌ ߘߐ߫ ߡߌߛߌ߬ߙߊ߲߬ ߞߣߐ߫ ߕߋ߲߬߸ ߛߋ߲߭ ߠߎ߬ ߦߋ߫ ߖߌ ߘߐ߫ ߝߊ߲߬ ߓߍ߯، ߦߙߐ ߘߏ߫ ߟߎ߫ ߟߊߛߐ߬ߘߐ߲ ߓߘߊ߫ ߜߟߍ߬ߦߊ߬ ߞߊߕߌ߫.
ߖߍ߬ߣߍ ߞߐ߲ߘߍ߫ ߦߋ߫ ߞߌ߲߬ߘߊ ߣߌ߲߬ ߛߌ߰ߓߊ߮ ߘߏ߫ ߟߋ߬߸ ߒ߬ ߣߊߡߛߏ ߣߌ߲߬ ߞߵߊ߬ ߡߙߌߦߊ ߦߌ߬ߘߊ߫ ߕߊ߲߬: <<ߖߌ ߓߘߊ߫ ߒ߬ ߠߊ߫ ߛߌߟߊ ߟߎ߫ ߕߍ߰߸ ߤߊߟߌ߬ ߣߴߌ ߦߴߊ߬ ߝߍ߬ ߞߊ߬ ߘߏ߲߬ ߌ ߟߊ߫ ߓߏ߲ ߞߣߐ߫߸ ߝߏ߫ ߌ ߦߴߌ ߕߊ߯ߡߊ߫ ߖߌ ߟߋ߬ ߘߐ߫، ߕߟߋ߬ߡߊ ߘߐ߫߸ ߊ߲ߠߎ߬ ߟߋ߬ ߖߌ ߢߌߣߌ߲߫ ߠߊ߫، ߛߊ߬ߡߊ ߓߊ߯ ߘߏ߲߬߸ ߖߌ ߟߋ߬ ߒ߬ߠߎ߬ ߜߍ߲߫ ߠߊ߫، ߓߌ߬߸ ߡߍ߲ ߦߴߊ߲ ߕߙߐ߫ ߟߊ߫ ߓߊߞߍ߭߸ ߏ߬ ߟߋ ߖߌ߫ ߞߏ ߣߌ߲߬ ߘߌ߫، ߊ߲ ߧߴߊ߬ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߝߍ߬߸ ߊ߬ߟߎ߬ ߦߴߊ߲ ߘߍ߬ߡߍ߲߬߸ ߞߵߊ߲ ߠߊ߫ ߝߏߟߏ߲ ߠߎ߬ ߘߓߐ߫߸ ߛߊ߫ ߖߌ ߘߴߊ߬ ߕߊ߬ߡߌ߲߬ ߛߌߟߊ ߛߐ߬ߘߐ߲߬.>> ߊ߬ ߞߵߏ߬ ߟߋ ߝߐ߫.
ߡߌߛߌ߬ߙߊ߲߫ ߝߊ߬ߙߊ ߺ ߞߣߐ߫߸ ߊ߬ߟߋ߬ ߞߏ߫ ߞߋߟߋ߲ ߠߋ߬ ߦߋ߲߬ ߝߣߊ߫ ߘߐ߫، ߊߡߌߣߊߕߊ߬ ߕߙߊߥߟߋ߫ ߞߵߊ߬ߟߎ߬ ߟߊ߫ ߡߊ߲߬ߕߙߐ ߦߌ߬ߘߊ߫ ߕߊ߲߬: <<ߣߴߊ߲ ߞߵߊ߬ ߝߐ߫ ߓߌ߬ ߞߏ߫ ߊ߲ ߕߙߐߣߍ߲߫ ߕߍ߫߸ ߊ߲ ߓߘߊ߫ ߥߎߦߊ ߝߐ߫، ߖߌ ߓߘߴߊ߲ ߠߊ߫ ߛߌ߬ߛߍ ߟߎ߬ ߕߊ߬߸ ߓߊ߭ ߟߎ߬߸ ߛߊ߱ ߟߎ߬߸ ߕߐ߲ߞߣߐ ߟߎ߬، ߤߊߟߌ߬ ߛߎ߬ߡߊ߲ ߡߍ߲ ߠߎ߬ ߟߊߡߙߊ߬ߣߴߊ߲ ߓߟߏ߫ ߓߏ߲ ߠߎ߬ ߞߣߐ߫߸ ߖߌ ߓߘߊ߫ ߘߏ߲߬ ߏ߬ ߓߍ߯ ߞߘߐ߫، ߊ߲ ߧߴߊ߬ ߢߌߣߌ߲߫ ߠߊ߫ ߝߊ߰ߡߊ ߟߎ߫ ߝߍ߬߸ ߊ߬ߟߎ߬ ߦߴߊ߲ ߘߍ߬ߡߍ߲߬߸ ߞߵߊ߲ ߠߊ߫ ߝߏߟߏ߲ ߠߎ߬ ߘߓߐ߫ ߛߊ߫ ߖߌ ߘߌ߫ ߕߊ߬ߡߌ߲߬ ߛߌߟߊ ߛߐ߬ߘߐ߲߬߸ ߛߊ߫ ߣߌ߲߬ ߢߐ߲߰ ߞߊߣߵߊ߲ ߛߐ߬ߘߐ߲߫ ߛߊ߲߭ ߣߊ߬ߕߐ ߌߞߐ߫، ߝߣߊ߫߸ ߊ߬ߟߎ߬ ߦߋ߫ ߞߊߘߊ߲߫ ߞߊ߬ ߖߌߞߏ߫ ߜߟߍߦߊ ߝߣߊ߫ ߘߊ߲ߘߊ߫ ߕߟߋ߬ߡߊ ߘߐ߫ ߛߐ߲߬.>> ߊߡߌߣߊߕߊ߬ ߕߙߊߥߟߋ߫ ߟߋ߬ ߞߊ߲߫ ߕߋ߲߬.
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߞߏ߬ߣߌ߲ ߦߋ߫ ߛߙߋ߫ ߘߌ߫߸ ߞߵߊ߬ ߓߍ߲߬ ߡߌߛߌ߬ߙߊ߲߫ ߓߍ߲߬ߡߊ߬ߞߏ ߟߊ߫ ߓߊ߯ߙߊ߫ ߞߍߣߍ߲ ߘߏ߫ ߟߎ߫ ߡߊ߬ ߡߌߛߌ߬ߙߊ߲߬ ߞߣߐ߫، ߊ߬ߟߎ߬ ߦߋ߫ ߝߏߟߏ߲߫ ߘߓߐ ߟߎ߬ ߞߍ߫ ߟߊ߫ ߛߐ߲߬، ߛߊ߲߭ ߺ ߊ ߺ ߛߊ߲߬߸ ߊ߬ߟߎ߬ ߦߋ߫ ߓߊ߯ߙߊ߫ ߟߊ߫ ߟߋ߬߸ ߊ߬ߟߎ ߕߊ߬ߣߍ߲ ߞߵߊ߬ ߟߊ߫ ߡߌߛߌ߬ߙߊ߲߫ ߞߌ߲߬ߘߊ߬ ߥߐ߯ߙߐ ߘߋ߲ߡߌߛߍ߲߫ ߛߓߍߘߊ ߞߊ߲߬߸ ߏ߬ ߡߍ߲ ߠߎ߬ ߦߋ߫ ߞߟߌ߫ ߟߊ߫ ߞߏ߫ ߡߌߛߌ߬ߙߊ߲߫ ߓߏ߲߬ߓߊ، ߓߊ߬ߙߌ߬ ߤߊ߲߯ ߕߋ߲߬߸ ߡߛߌߙߊ߲ߞߊ ߟߎ߬ ߦߋ߫ ߞߊ߬ߛߌ ߟߊ߫ ߖߌ߫ ߞߏ ߣߌ߲߬ ߓߟߏ߫.
ߡߌߛߌ߬ߙߊ߲߫ ߞߌ߲߬ߘߊ ߦߋ߫ ߕߊ߲߬ ߠߋ߬ ߛߊ߲߭ ߓߍ߯ ߟߊ߫߸ ߖߌ ߦߴߊ߬ߟߎ߫ ߛߍ߰ ߟߊ߫ ߓߊߟߋ߬، ߖߌ߫ ߞߏ߫ ߜߟߍߦߊ ߘߏ߲߬ ߝߣߊ߫ ߦߴߊ߬ߟߎ߫ ߛߍ߰ ߟߊ߫ ߣߌ߲߬ ߢߊ߫ ߞߋߟߋ߲ ߠߋ߬ ߡߊ߬ ߕߟߋ߬ߡߊ ߘߐ߫ ߛߐ߲߬، ߏ߬ ߟߋ ߘߐ߫߸ ߊ߬ߟߎ߫ ߡߊ߬ߞߏ ߦߋ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߘߍ߬ߡߍ߲ ߠߋ߬ ߟߊ߫ ߞߊߟߌߦߊ߫ ߘߐ߫ ߕߋ߲߬.
ߛߌߕߊ߲߬ ߞߊ߬ߓߊ ߣߌ߫ ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫
