ߓߌ߬ ߛߌ߬ߣߌ߲߬ߟߏ߲ ߣߌ߲߬߸ ߂߀߂߅ ߕߎߟߊߝߌ߲ ߕߋ߬ߟߋ߫ ߂߆ ߞߍߣߍ߲߫ ߖߌ߬ߣߍ߫ ߘߐ߬ߝߐ ߞߣߐ߫ ߞߏߓߊ߫ ߟߋ߬ ߘߌ߫، ߓߊߏ߬߸ ߊ߬ ߡߌ߬ߛߍ߲߬ ߘߊ߲ߘߐ ߟߋ߬ ߕߋ߲߬߸ ߞߕߌߖߌ߲ ߛߊ߲ߘߐߕߊ ߞߊ߬ ߞߊ߲ߘߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߠߊߘߌ߬ߢߍ߬߸ ߡߍ߲ ߞߍ߫ ߘߊ߫ ߂߀߂߅ ߕߎߎߟߊߝߌ߲ ߕߋ߬ߟߋ߫ ߂߁ ߡߊ߬߸ ߊ߬ߟߎ߬ ߟߊ߫ ߡߙߌߘߐ ߏ߬ ߡߍ߲ ߣߐ߭ߡߌ߬ߣߊ߬ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߟߊ߬ߕߍ߰ߦߊ ߟߋ߬ ߟߊ߫߸ ߡߍ߲ ߞߊ߬ ߛߌ߰ߞߊ߲߬ ߞߎߘߊ ߟߊߘߌ߬ߢߍ߬.
ߡߙߌߘߐߓߊ߫ ߓߘߊ߫ ߕߊ߬ ߖߌ߬ߣߍ߬ ߞߣߐ߫، ߞߕߌߖߌ߲ ߛߊ߲ߘߐߕߊ ߘߏ߲߬ߞߏ ߟߎ߫ ߞߵߊ߬ߟߎ߬ ߟߊߘߍ߬ ߞߐߣߊߞߙߌ߫ ߞߡߊ߬ߦߍߣ ߞߌ߲߬ߘߊ ߟߊ߫߸ ߘߌ߬ߞߑߛߌߣ ߞߊ߬ߝߏ߬ߙߋ߲ ߞߣߐ߫߸ ߊ߬ߟߎ߬ ߟߊ߫ ߝߊ߲ߓߊ ߦߋ߫ ߦߋ߲߬ ߡߍ߲ ߘߐ߫ ߞߊ߬ߣߌ߲߬، ߞߵߊ߬ߟߎ߬ ߟߊ߫ ߡߙߌߘߐ ߦߌ߬ߘߊ߬ ߕߎߟߊߝߌ߲ ߕߋ߬ߟߋ߫ ߂߁ ߞߊ߲ߘߟߌ߫ ߕߊ߬ߡߌ߲߬ߣߍ߲ ߞߊ߲߬، ߡߞߊ߬ߛߟߌ߬ ߞߍߣߍ߲ ߠߎ߬ ߣߴߊ߬ ߕߊ߫߸ ߓߘߍ߬ߓߘߍ߬ߟߌ߬ ߞߎ߲ߕߌ߮ ߘߏ߫ ߟߎ߫ ߓߟߏ߫߸ ߡߍ߲ ߠߎ߬ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߞߊ߲ߘߟߌ ߣߌ߲߬ ߘߐߛߊ߬ ߟߋ߬، ߓߊ߬ߙߌ߬߸ ߞߕߌߘߊ ߞߵߊ߬ ߦߌ߬ߘߊ߬ ߞߏ߫ ߞߎߡߊ ߏ߬ ߟߎ߬ ߦߋ߫ ߘߊ߬ߟߎ߬ߒߕߊ߲ ߠߎ߬ ߟߋ߬ ߘߌ߫߸ ߊ߬ߟߎ߫ ߛߐ߲߬ ߘߊ߫ ߖߋ߬ߓߌ߫ ߘߍ߲߬ߞߍ߬ߕߎ߬ߣߍ߲ ߡߊ߬߸ ߦߟߍ߬ߡߊ߲߬ ߛߌ߫ ߡߊ߫ ߘߏ߲߬ ߏ߬ ߘߐ߫ ߊ߬ߟߎ߬ ߓߟߏ߫߸ ߊ߬ߟߎ߫ ߞߊ߬ ߛߌߟߊ ߟߊߞߊ߬ ߛߌ߰ߞߊ߲ ߠߊߘߌ߬ߢߍ߬ ߞߏ ߢߍ߫ ߝߊ߲ߞߊߢߊ߲߫.
ߡߌ߬ߛߍ߲߬ ߘߊ߲ߘߐ߫ ߘߙߐ߲߫߸ ߂߂ߙߋ߲߅߆ ߡߊ߬߸ ߝߊ߬ߛߏ ߖߌ߬ߦߊ߬ߞߊ߲߬ߛߏ ߞߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߟߊ߬ߕߍ߰ߦߊ ߘߏ߫ ߟߊߓߐ߫ ߞߵߊ߬ ߓߍ߲߬ ߞߕߌߖߌ߲ ߠߊ߫ ߖߡߊ߬ߙߌ߬ߒ߬ߞߊ߲߬ߠߊ ߡߊ߬߸ ߞߊ߬ ߛߌ߰ߞߊ߲߬ ߞߎߘߊ ߟߊߘߏ߲߬ ߓߊ߯ߙߊ ߞߊߡߊ߲ ߞߣߐ߫ ߌߞߘߐ߫ߟ ߞߵߊ߬ ߞߍ߫ ߖߡߊ߬ߣߊ ߛߌ߰ߞߊ߲ ߓߊߖߎ ߘߌ߫، ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߦߌ߬ߘߊ߬ ߞߏ߫: <<ߕߐ߲ߛߋ߲ ߁߭: ߖߌ߬ߣߍ߬ ߞߊ߲ߓߍ߲ ߛߌ߰ߞߊ߲ ߓߘߊ߫ ߟߊߥߊ߲߬ߞߊ߲߬߸ ߓߍ߲߬ ߞߍ߫ ߘߊ߫ ߡߍ߲ ߡߊ߬ ߂߀߂߅ ߕߎߟߊߝߌ߲ ߕߋ߬ߟߋ߫ ߂߁ ߞߊ߲ߘߟߌ ߘߐ߫.>>
ߞߎߡߊ ߦߋ߫ ߦߙߐ ߡߍ߲ ߘߐ߫ ߛߊ߫߸ ߏ߬ ߟߋ ߖߡߊ߬ߣߊ߬ߘߋ߲ ߠߎ߬ ߛߌ߱ ߘߌ߫ ߡߊ߬ߞߐ߬ߣߐ߲߬ߠߌ߲ ߛߌ߱ ߘߐ߫߸ ߞߊ߲ ߡߍ߲ ߠߎ߬ ߝߐߣߍ߲߫ ߛߌ߰ߞߊ߲߬ ߞߎߘߊ ߣߌ߲߬ ߞߣߐ߫߸ ߦߏ߫ ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲߫ ߞߏ ߣߌ߫ ߞߊ߲ߠߊߓߌߟߊߟߌ ߣߌ߫ ߞߍ߲ߘߍߦߊ ߣߌ߫ ߟߊ߬ߞߟߏ߬ߞߟߏ߬ߟߌ ߣߌ߫ ߛߊ߬ߙߌ߬ߦߊ ߟߊߕߊ߯ߡߊ߫ ߞߏ ߘߵߴߊ߬ ߢߌ߬ߡߊ ߟߊ߫߸ ߓߍ߯ ߛߌ߰ߣߍ߲߫ ߏ߬ ߟߎ߫ ߟߋ߬ ߓߟߏߦߊ ߡߊߞߐ߬ߣߐ߲ ߛߌ߱ ߘߐ߫ ߡߎ߬ߕߎ߲߬߸ ߞߵߊ߬ ߟߐ߲߫ ߣߴߊ߬ߟߎ߬ ߘߌ߫ ߓߐ߫ ߊ߬ ߛߌߟߊ ߝߍ߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
