ߞߊ߲ߕߌ߯ ߙߋߛߍߔ ߕߊߦߌߔ ߍߙߑߘߏߜ߭ߊ߲߫ ߓߘߊ߫ ߕߙߎߞߌ߫ ߟߊ߫ ߞߊ߲ߓߍ߲ߦߊ ߛߊ߲߬ ߁߀߂߲ ߢߊ߰ߢߊ߮ ߛߌ߲߬ߝߏ߲߬ߧߊ߬߸ ߞߵߊ߬ ߞߊ߲ߠߊߘߌ߫ ߕߎ߲߯ ߞߏ߫ ߊ߬ ߘߌ߫ ߖߡߊ߬ߣߊ ߟߊ߫ ߞߋ߬ߟߋ߲߬ߧߊ ߟߊߕߊ߲߬ߞߊ߬߸ ߞߊ߬ ߖߘߍ߬ߕߌ߰ߦߊ ߓߊ߲ߓߊ߲߫߸ ߞߵߊ߬ ߞߍ߫ ߖߡߊ߬ߣߊ߫ ߝߊ߲߬ߞߊ߬ߡߊ ߘߌ߫.
ߊ߬ ߟߊ߫ ߛߙߊ߬ߣߎ߲ ߘߐ߫߸ ߏ߬ ߡߍ߲ ߠߊߖߍ߲ߛߍ߲߫ ߘߊ߫ ߕߙߎߞߌ߫ ߞߊ߲ߕߌ߯ߘߊ ߓߟߏ߫߸ ߙߋߛߍߔ ߕߊߦߌߔ ߍߙߑߘߏߜ߭ߊ߲߫ ߞߵߊ߬ ߦߌ߬ߘߊ߬ ߞߏ߫: <<ߊ߲ ߧߋ߫ ߓߊ߯ߙߊ߫ ߟߴߊ߲ ߝߊ߲߬ߞߊ ߓߍ߯ ߟߋ߬ ߟߊ߫߸ ߖߐ߲߰ߛߊ߫ ߕߙߎߞߌ߫ ߞߊ߲ߓߍ߲ ߘߌ߫ ߕߏ߫ ߓߊߟߏ߫ ߘߐ߫.>> ߞߊ߲ߕߌ߮ ߞߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߲ߓߍ߲߫ ߞߏ ߣߌ߲߬ ߦߋ߫ ߛߊ߲߬ ߦߙߌߞߊ߫ ߖߊ߲߫ ߛߍ߬ߘߏ߲ ߣߴߊ߬ ߛߘߊߞߊߓߐ ߟߎ߬ ߞߐߝߟߌ ߟߋ߬ ߘߌ߫، ߓߊߏ߬߸ ߊߟߎ߫ ߦߴߊ߬ ߟߐ߲߫ ߞߏ߫ ߕߙߎߞߌ߫ ߕߍ߬ߘߍ߫ ߝߊ߰ߡߊ߬ߟߊ ߟߋ߬ ߘߌ߫ ߞߊ߬ߦߌ߯ ߁߂߉߉ ߟߊ߫، ߊ߬ߟߎ߬ ߟߊ߫ ߝߊ߰ߡߊ߬ߟߊ ߏ߬ ߟߋ ߦߟߍ߬ߡߊ߲߬ ߘߊ߫ ߡߎߛߑߕߊ߬ߝߊ߫ ߞߍ߬ߡߊߟ ߊ߬ߕߊ߬ߕߎ߳ߙߞ ߓߟߏ߫ ߞߵߊ߬ ߞߍ߫ ߞߊ߲ߓߍ߲ ߘߌ߫ ߁߉߂߃ ߞߏ߲ߓߌߕߌ߮ ߕߋ߬ߟߋ߫ ߂߉ ߡߊ߬.
<<ߕߙߎߞߌ߫ ߞߊ߲ߓߍ߲ ߦߋ߫ ߘߎߢߊ߫ ߡߊ߲߬ߕߏ߲߬ ߞߟߊߓߎߡߊ ߟߎ߬ ߟߊ߫ ߞߎ߲߬ߛߘߌ ߟߋ߬ ߘߌ߫߸ ߡߍ߲ ߝߛߊ߬ߣߴߊ߬ ߟߊ߫ ߖߘߍ߬ߕߌ߰ߦߊ ߡߊ߬ ߝߘߌߝߘߌ߫߸ ߊ߬ ߟߊߞߋ߲߬ߛߎ߲ ߣߴߊ߬ ߕߊ߫߸ ߊ߬ ߣߌ߫ ߘߌߡߌ߲ ߘߏ߫ ߟߎ߫ ߣߴߊ߬ ߕߊ߫ ߘߐ߬ߝߐ ߞߣߐ߫.>> ߊ߬ ߞߵߏ߬ ߟߋ ߝߐ߫߸ ߊ߬ ߓߊ߲߫ ߘߊ߫ ߞߊ߬ ߝߏ߬ߟߌ ߣߌ߫ ߕߊ߰ߛߌ߬ߓߌߟߊ ߟߊߛߋ߫ <<ߡߊ߲߭ߕߎ߬ߙߋ ߘߏ߫ ߟߎ߫ ߡߊ߬߸ ߡߍ߲ ߠߎ߬ ߞߵߊ߬ߟߎ߫ ߖߋ߬ߟߌ ߣߴߊ߬ߟߎ߬ ߟߊ߫ ߢߣߊߡߦߊ ߘߌ߫ ߝߊ߬ߛߏ ߘߎ߰ߞߟߏ ߞߏߛߐ߲߬.>>
ߍߙߑߘߏߜ߭ߊ߲߫ ߞߊ߬ ߡߊ߬ߞߕߌ߬ߟߌ ߘߏ߫ ߟߎ߫ ߞߍ߫ ߝߣߊ߫ ߞߵߊ߬ ߓߍ߲߬ ߕߍߓߍ߲ ߞߏߢߊ ߟߎ߫ ߡߊ߬ ߖߡߊ߬ߣߊ ߞߣߐ߫ <<ߒ ߡߊ߫ ߢߌ߬ߣߊ߬ ߡߐ߰ ߟߎ߬ ߝߣߊ߫ ߞߐ߫߸ ߡߍ߲ ߠߎ߬ ߦߋ߫ ߜߟߍ߬ߦߊ ߣߌ߫ ߖߊ߭ ߢߌߣߌ߲ ߞߊ߲߬ ߖߡߊ߬ߣߊ ߣߌ߲߬ ߦߋ߫߸ ߞߊ߬ ߕߍߝߘߊߟߌ ߛߐ߫ ߖߌ߫ ߟߊ߫، ߊ߲ߠߎ߬ ߞߏ߬ߣߌ߲߸ ߊߟߊ߫ ߟߊ߫ ߘߌ߬ߢߍ ߟߊ߫߸ ߊ߲ ߘߌ߫ ߜߟߍ߬ߦߊ ߓߍ߯ ߞߐߛߊ߬ߥߏ߬߸ ߞߊ߬ ߓߍ߲߬ߓߍ߲߬ߓߍ߲߫ ߕߐ߲߬ߕߍ߬ߣߍ߲ ߓߍ߯ ߟߊߥߎ߬ߦߊ߬.>> ߊ߬ ߞߵߏ߬ ߝߣߊ߫ ߝߐ߫ ߞߵߊ߬ ߟߊߕߍ߰ ߝߋߎ߫.
ߊ߬ߟߎ߬ ߟߊ߫ ߢߍߥߟߊ ߦߋ߫ ߡߍ߲ ߘߌ߫ ߢߌ߬ߣߊ߲߬߸ ߏ߬ ߟߋ ߕߙߎߞߌ߫ ߟߊ߫ ߝߊ߯ߘߐߞߍ ߢߍߥߟߊ ߘߌ߫߸ ߞߊ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߛߋ߲߬ߕߊ߬ߓߊ߫ ߞߍ߫ ߥߙߎߞߌ ߘߐ߫߸ ߟߊ߬ߞߊ߲߬ߘߊ߬ߟߌ ߘߐ߫߸ ߊ߬ ߣߌ߫ ߕߍߓߊ߯ߦߊ ߘߐ߫، <<ߊ߲ ߧߋ߫ ߥߊ ߞߊ߲߬ ߢߍߝߍ߬ ߘߊߞߎ߲ ߓߍ߯ ߟߋ߬ ߘߐ߫߸ ߞߊ߬ ߕߙߎߞߌ߫ ߕߊ߲߬ߞߊ߫ ߓߊ߰ߓߊ߰ߟߌ ߡߊ߬߸ ߛߴߊ߲ ߠߊ߫ ߡߌ߬ߙߌ߲߬ߘߌ ߞߋ߲߬ߥߟߎ߬ ߈߆ ߘߌ߫ ߓߊߟߏ߫ ߖߛߎ߬ߛߎߡߊ ߘߐ߫.>> ߊ߬ ߞߵߏ߬ߟߋ ߝߐ߫߸ ߞߣߊ߬ߕߏ߫ ߊ߬ ߝߐ߫ ߟߊ߫ ߝߣߊ߫ ߞߏ߫ ߊ߬ߟߎ߬ ߓߘߊ߫ ߕߙߎߞߌ߫ ߦߌ߬ߘߊ߬ ߘߎߢߊ߫ ߟߊ߫ <<ߕߙߎߞߌ߫ ߦߋ߫ ߕߋߟߋ߲ ߠߋ߬ ߝߊ߲߬ߝߍ߬ߟߊ ߟߋ߬ ߘߐ߫ ߘߎߢߊ߫ ߜߟߍ߬ߦߊ߬ ߕߎߡߊ ߟߎ߬ ߟߊ߫ ߞߘߊߎ߫.>>
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
