ߞߎ߲߬ߢߐ߲߰ ߞߋߟߋ߲߫ ߞߎ߲߬ߕߊ߰ ߞߣߐ߫߸ ߟߎߓߋߙߏ߫ ߘߎ߰ߣߍ߲ ߘߏ߫ ߟߎ߫ ߟߋ߬ ߟߊ߲ߝߊ߲ߣߍ߲߫ ߦߋ߲߬ ߜߊ߰ߢߊ߬ߜߊ߯ߢߊ ߘߝߊߣߍ߲ ߘߐ߫߸ ߣߴߊ߬ ߞߏ ߦߋ߫ ߘߍ߬ߡߍ߲߬ߘߌ߬ ߟߊ߫ ߓߍ߯ߦߊ ߝߊ߲߬ߞߊ߬ ߟߊߘߍ߬ߣߍ߲ ߠߎ߬ ߟߊ߫ (ߊ.ߘߋ.ߍߝ)߸ ߏ߬ ߓߘߊ߫ ߕߊ߬ߡߌ߲߫ ߡߐ߰ߦߊ ߞߊ߬ߛߙߊ߬ ߟߊ߫ ߞߏߞߎߘߊ߫ ߞߏ߲߬ߞߏ߬ ߞߣߐ߫߸ ߢߊߖߌߓߐ߫ ߣߌ߫ ߞߌ߬ߣߌ߲߬ߞߌ߬ߣߌ߲߬ߞߏ߫߸ ߡߍ߲ ߦߋ߲߬ ߕߋ߲߬.
ߣߍߣߍߓߊ ߕߟߋ߬ ߁߃ ߣߴߊ߬ ߁߉ ߕߍߟߊ ߘߐ߫߸ ߡߙߊ߬ߒ߬ߡߊ߬ߟߌ ߥߓߊ߬ߞߏ߬ ߞߍ ߟߋ߬ ߞߍߣߍ߲߫ ߟߎߓߋߙߏ߫ ߘߎ߰ߞߣߍ ߞߊ߲߬ ߥߊ߬ߥߟߏ߬ߦߊ ߘߝߊߣߍ߲ ߘߐ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߖߡߊ߬ߣߊ ߞߣߐ߫، ߞߵߊ߬ ߓߍ߲߬ ߘߌ߲߬ߞߌߙߊ ߏ߬ ߝߊ߰ߡߊ ߟߎ߬ ߟߊ߫ ߝߐߟߌ߫ ߡߊ߬߸ ߊ߬ ߣߌ߫ ߡߐ߰ߦߊ ߡߞߊߘߊ߲߫ ߖߋߕߌ߯ߘߊ ߡߍ߲ ߦߋ߫ ߦߋ߲߬߸ ߞߏ߫ ߣߊ߲߬ߒ߬ߕߊ߲߬ ߈߉ ߟߋ߬ ߝߊ߰ߣߍ߲߫߸ ߡߏ߬ߛߏ߫ ߡߐ߰ ߂߀ ߦߴߏ߬ ߘߐ߫߸ ߊ߬ ߣߌ߫ ߘߋ߲ߣߍ߲߫ ߛߌߦߊߡߊ߲߫، ߘߊ߲߬ߠߕߊ߬ߡߌ߲߬ ߥߊߟߋ ߣߌ߲߬ ߘߍ߬ߡߍ߲߬ߘߌ߬ߣߍ߲߫ ߊ.ߘߋ.ߍߝ ߟߋ߬ ߟߊ߫߸ ߏ߬ ߡߍ߲ ߞߘߐ ߦߋ߫ ߓߍ߯ߦߊ ߝߊ߲߬ߞߊ߬ ߟߊߘߍ߬ߣߍ߲ ߘߌ߫ ߞߊ߬ߣߌ߲߬߸ ߏ߬ ߟߎ߬ ߦߋ߫ ߡߙߊ߬ߒ߬ߡߊ߬ߝߋ߲߬ߕߌ߯ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߦߋ߫ ߘߍ߬ߡߍ߲߬ߘߌ߬ ߟߊ߫ ߞߏ߫ ߊ߬ߟߎ߬ ߓߐߖߎ ߦߋ߫ ߙߎߥߊ߲ߘߊ߫ ߟߋ߬ ߘߌ߫߸ ߊ߬ ߣߌ߫ ߞߏ߫ ߊ߬ߟߎ߬ ߣߌ߫ ߛߌ߬ߟߡߊ߬ߦߊ ߞߊߝߏ ߟߎ߬ ߓߟߏ߫ ߦߋ߫ ߢߐ߲߯ ߓߟߏ߫.
ߓߌߦߊߓߎߥߋ߫ ߘߎ߰ߣߍ߲ ߞߣߐ߫߸ ߏ߬ ߡߍ߲ ߦߋ߫ ߞߎߘߍ߫ ߆߀ ߢߐ߲߰ ߠߊ߫ ߟߎߓߋߙߏ߫ ߕߟߋ߬ߓߋ ߘߐ߫߸ ߡߐ߰ ߁߇ ߟߋ߬ ߝߊ߰ ߘߊ߫ ߦߋ߲߬ ߞߵߊ߬ߟߎ߬ ߟߊ߲ߝߊ߲߫߸ ߖߌ߬ߓߊ߬ߓߊ߬ߕߐ ߘߏ߫ ߟߎ߫ ߕߍ߬ߘߍ߫ ߏ߬ ߟߎ߬ ߘߐ߫߸ ߡߍ߲ ߠߎ߬ ߓߐ߫ ߛߊ߲ ߖߍ߬ߘߍ ߦߋ߫ ߘߊ߲ߘߊߛߏ ߟߊ߫ ߡߏߦߌ߫ ߦߙߐ ߝߋߎ߫، ߊ߬ߟߎ߫ ߞߊ߬ ߜߋߙߋ߲ߜߋߙߋ߲ߧߊ ߕߊ߲ߓߊ߲ߘߊ߫ ߣߊ߯ߣߌ߲߫ ߠߋ߬ ߘߐߕߌߢߍ߫߸ ߞߊ߬ ߕߊ ߛߎ߫ ߟߎ ߘߏ߫ ߟߎ߫ ߟߊ߫߸ ߝߏ߫ ߜߟߍ߬ߦߊ ߣߌ߫ ߕߊ߬ߘߌ߬ߓߊ߬ߕߊߘߌߓߊ ߞߊ߬ ߟߎ߫ ߞߣߐ߫ ߡߐ߯ ߛߌߦߊߡߊ߲߫ ߟߐ߬ ߝߎ߲ߘߌ߫ ߟߊ߫ ߞߊ߬ ߛߏ ߓߌ߬ߟߊ߬ ߢߊߣߌ߲ ߡߊ߬.
ߊ߬ ߞߊߙߏ߫ ߘߊ߲ߘߐ ߟߋ߬ ߕߋ߲߬߸ ߊ.ߘߋ.ߍߝ ߞߊ߬ ߡߐ߰ ߝߊ߰ߓߊ ߘߏ߫ ߡߙߌߦߊ ߕߊ߬߸ ߞߏ߫ ߊ߬ ߘߌ߫ ߜߊ߬ߟߏ ߟߴߊ߬ ߘߐ߫ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߊ߬ ߞߍߣߍ߲߫ ߦߏ߫ ߊ߬ߟߎ߬ ߦߴߏ߬ ߞߏ ߟߋ߬ ߓߐ ߞߊ߲߬ ߜߍߟߊ߫ ߖߐ߫، ߊ߬ ߞߏ߬ߣߌ߲߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߫ ߛߌ߲߬ߝߏ߲߬ߧߊ߬ߟߌ ߟߊ߫ ߗߋߦߊߟߌ ߡߍ߲ ߦߋ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߣߐ߫߸ ߣߴߊ߬ ߘߌ߫ ߝߐ߫ ߊ߬ߟߎ߫ ߡߊ߬ ߞߏ߫ ߡߏߣߎ߳ߛߑߞߏ߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߘߊ߬ߜߟߍ߬ߦߊ ߖߍ߬ߘߍߖߍ߬ߘߍ ߟߋ߬ ߦߴߌߘߐ߫ ߕߋ߲߬ ߞߵߊ߬ ߟߊ߫ ߡߐ߱ ߟߎ߫ ߞߊ߲߬، ߏ߬ ߟߋ ߞߐ߫߸ ߞߏ߫ ߖߘߍ߬ߦߋ߬ ߘߐ߬ߛߏ߰ߙߋ߬ߟߌ ߘߏ߫ ߞߊ߫ ߞߊ߲߫ ߞߊ߬ ߛߌ߰ ߛߋ߲߬ߠߊ߫߸ ߞߵߊ߬ ߞߍߓߊ߮ ߟߎ߬ ߞߕߌ߫ ߛߊ߬ߙߌ߬ߦߊ߬ ߢߊߞߘߐ߫، ߓߊ߬ߙߌ߬ ߞߣߍ ߞߊ߲߬߸ ߛߋߓߊ߫ ߕߴߦߋ߲߬߸ ߞߏ߲ߞߏ߫ ߞߣߐ߫ ߡߐ߮ ߟߎ߬ ߦߋ߫ ߖߐ߬ߘߐ ߖߍ߬ߘߍߖߍ߬ߘߍ ߟߋ߬ ߕߍߡߊ߬ ߝߊߦߌߘߊ߫.
ߊ߬ ߞߏ ߞߏ߬ߣߌ߲ ߦߋ߫ ߕߊ߬ߡߌ߲߬ ߠߊ߫ ߖߎ߯ߦߊ߫ ߟߊ߫ ߟߋ߬߸ ߊ߬ ߘߏ߲߬ ߦߋ߫ ߝߐ߫ ߟߊ߫ ߞߏ߫ ߕ߂߃ ߛߋ߲߬ ߦߴߊ߬ ߞߏ ߘߐ߫߸ ߏ߬ ߡߍ߲ ߝߣߊ߫ ߦߋ߫ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ ߘߏ߫ ߟߎ߫ ߘߌ߫ ߣߐߙߑߞߌߝ߭ߎ߫ ߞߐ߬ߘߎ߮ ߘߐ߫ ߞߊ߬ߣߌ߲߬߸ ߊ߬ ߦߌ߬ߘߊ߬ߣߍ߲߬ ߞߏ߫ ߙߎߥߊ߲ߘߊ߫ ߖߡߊ߬ߣߊ ߟߋ߬ ߟߐ߬ߣߴߏ߬ ߟߎ߬ ߞߐߞߘߐ߫߸ ߏ߬ ߟߋ ߘߏ߲߬ ߦߋ߫ ߛߥߊ߬ߓߊ ߘߌ߫ ߡߊ߬ߕߏ߲߬ ߠߊߘߍ߬ߣߍ߲ ߠߊ߫، ߝߘߌߢߐ߲߯ߘߐ ߓߘߊ߫ ߞߍ߫ ߘߊߞߎ߲߫ ߛߌߦߊߡߊ߲߫ ߠߋ߬ ߘߐ߫߸ ߊ߬ߟߎ߬ ߣߌ߫ ߞߏ߲ߞߏ߫ ߣߊ߲߬ߕߌ߰ ߝߊ߲ߞߊ ߕߍ߫߸ ߏ߬ ߟߎ߬ ߣߌ߫ ߡߏߣߎ߳ߛߑߞߏ، ߓߊ߬ߙߌ߬ ߊߜߊ߫߸ ߢߊ߫ ߞߋߟߋ߲߫ ߛߐ߬ߘߐ߲߬ߣߍ߲߬ ߕߴߊ߬ ߡߊ߬ ߏ߬ ߟߎ߬ ߓߟߏ߫ ߡߎߣߎ߲߬ ߞߟߋ߫.
ߣߐߙߑߞߌߝ߭ߎ߫ ߣߌ߲߬ ߦߋ߫ ߦߙߐ߫ ߟߋ߬ ߘߌ߫߸ ߘߊ߬ߡߊ߲߬ߘߊ ߟߋ߬߸ ߡߍ߲ ߣߊ߲߬ߝߟߏ ߞߊ߫ ߛߌߦߊ߫ ߞߏߛߓߍ߫، ߒ߬ߓߊ߬߸ ߊ߬ ߦߟߍ߬ߘߐ߬ߞߍ߬ ߦߙߌߞߊ ߟߋ߬ ߥߐ߬ߦߐ ߣߌ߲߬ ߕߍߡߊ߬ ߕߋ߲߬߸ ߣߊ߲߬ߒ߬ߕߊ߲߬ ߠߎ߬ ߟߊߞߊ߲ߘߊ߫ ߞߏ ߦߋ߫ ߓߊ߲߬ߓߊ߬ ߓߏ߬ ߟߊ߬ߦߟߍ ߟߋ߬ ߘߌ߫ ߦߋ߲߬، ߡߐ߰ ߝߊ߮ ߡߍ߲ ߞߍ߫ ߛߊ߲ ߦߋ߲߬ ߕߋ߲߬߸ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߢߊ ߟߐ߬ ߕߎ߬ߡߊ߬ ߘߌ߬ߡߊ߲߬ߣߍ߲ ߠߵߊ߬ߟߎ߬ ߘߐ߫ ߣߌ߲߬߸ ߛߊ߫ ߖߐ ߣߌ߫ ߖߛߎ߬ߛߎߡߊ ߘߌ߫ ߛߋ߫ ߟߊߘߏ߲߬ ߠߊ߫ ߢߊ ߡߍ߲ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
