ߞߵߊ߬ ߓߍ߲߬ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߛߊ߬ߦߊ ߛߊ߲߬ ߃߈߲ ߛߌ߲߬ߓߏ߲߬ߛߌ ߡߊ߬߸ ߊ߬ߟߋ ߡߍ߲ ߦߋ߫ ߒߞߏ ߛߓߍߛߎ߲ ߛߌ߲ߘߌߓߊ߮ ߘߌ߫߸ ߛߌ߯ߙߌ߲߫ ߟ.ߞ.ߝ ߞߊ߬ ߞߊ߬ߙߊ߲߬ߘߋ߲߫ ߡߐ߰ ߅߁ ߠߋ߬ ߟߊ߫ ߖߐ߲ߓߐ߲ ߘߴߊ߬ߟߎ߫ ߡߊ߬߸ ߞߎ߲߬ߝߌ߲߬ߧߊ ߞߍ߬ߟߍ ߕߐ߰ߡߊ߬ߛߙߋ߬ߓߊ߫ ߘߌ߫ ߝߘߊ߬ߝߌ߲߬ߠߊ߬ ߞߣߐ߫.
߂߀߂߅ ߣߍߣߍߓߊ ߕߋ߬ߟߋ߫ ߂߃ ߟߋ߬ ߡߊ߬߸ ߏ߬ ߡߍ߲ ߓߍ߲߬ ߘߊ߫ ߞߊ߯ߙߌ ߡߊ߬، ߛߌ߯ߙߌ߲߫ ߘߋ߲ߡߌߛߍ߲ ߠߎ߬ ߟߊ߫ ߓߏ߲ߓߊ ߞߊ߬ ߖߊ߬ߡߊ߫ ߘߍ߬ߜߍ ߟߋ߬ ߟߊߞߢߐ߬ߡߊ߬߸ ߒߞߏ ߖߐ߲ߓߐ߲ ߘߏ߫ ߟߎ߫ ߟߊߕߊ߬ߡߌ߲߬ ߞߊ߲ߡߊ߬߸ ߞߵߏ߬ ߝߣߊ߫ ߓߍ߲߬ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߛߊ߬ߦߊ ߛߊ߲߬ ߃߈߲ ߛߌ߲߬ߓߏ߲߬ߛߌ ߡߊ߬، ߡߐ߰ߘߐ߬ߜߍ߬ ߛߌߦߊߡߊ߲߫ ߕߘߍ߬ ߞߣߍ ߞߊ߲߬߸ ߞߊ߬ ߝߘߊ߫ ߖߌ߬ߣߍ߬ ߜߍߞߊ߲ߠߊ ߛߏ߫ ߛߌߦߊߡߊ߲߫ ߠߊ߫.
ߛߏ߬ߙߌ߫ ߡߊ߲߬ߘߋ߲߬ߞߊ߫ ߞߓߊ߬ ߡߍ߲ ߦߋ߫ ߟ.ߞ.ߝ ߞߊ߬ߙߊ߲߬ ߠߊ߬ߖߍ߲ߛߍ߲ ߣߌ߫ ߞߊ߲ߜߍ߫ ߕߌߙߌ߲ߠߌ߲ ߞߟߊ߬ߕߌ߮ ߘߌ߫߸ ߏ߬ ߞߊ߬ ߖߊ߲߬ߖߏ߲ ߣߌ߲߬ ߞߎ߲߭ ߢߊߝߐ߫ ߖߊ߬ߡߊ ߦߋ߫: <<ߖߊ߬ߡߊ ߡߊߞߟߌ߫ ߞߎ߲ ߞߍߣߴߊ߲ ߓߟߏ߫ ߞߎ߲߬ ߓߟߋߓߟߋ߫ ߝߌ߬ߟߊ߫ ߟߋ߬ ߘߌ߫߸ ߊ߬ ߞߎ߲߭ ߝߟߐ߸ ߏ߬ ߟߋ ߞߍߣߍ߲߫ ߞߊ߬ߙߊ߲߬ߘߋ߲ ߠߎ߬ ߟߊ߫ ߖߐ߲ߓߐ߲߫ ߘߌ ߘߌ߫، ߊ߲ ߓߘߊ߫ ߛߊ߲߬ ߛߌߦߊߡߊ߲߫ ߞߍ߫ ߊ߲ ߧߋ߫ ߟߞߊ߬ߙߊ߲߬ߠߌ߲ ߠߊ߫߸ ߞߵߊ߬ ߘߊߡߌ߬ߣߊ߬ ߛߓߍߛߎ߲ ߡߊ߬߸ ߤߊ߲߯ ߞߊ߬ ߥߴߊ߬ ߓߌ߬ߟߊ߬ ߞߊ߲ߜߍ ߟߊ߫ ߒߞߏ ߘߐ߫، ߞߵߏ߬ ߝߣߊ߫ ߞߍ߫ ߓߍ߲߬ߛߋ߲߬ߡߊ߫ ߘߌ߫ ߞߵߊ߬ ߓߍ߲߬ ߣߍߣߍߓߊ ߕߋ߬ߟߋ߫ ߂߃ ߡߊ߬߸ ߊ߲ ߠߊ߫ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ (ߡ.ߘ)߸ ߊ߬ߟߋ ߕߊ߯ߣߍ߲߫ ߛߎ߲ߞߎ߲ߞߐ߫ ߓߌ߬ ߢߐ߲߰ ߟߏ߲߫ ߠߋ߬.>>
ߛߌ߯ߙߌ߲߫ ߟ.ߞ.ߝ ߞߊ߬ ߦߋ߲߬ ߡߐ߮ ߟߎ߫ ߞߊ߬ߙߊ߲ ߘߊߡߌ߬ߣߊ߫ ߞߊ߬ߦߌ߯ ߂߀߁߄ ߠߋ߬ ߟߊ߫، ߛߊ߲߬ ߁߁ ߏ߬ ߞߣߐ߫߸ ߡߐ߰ ߘߴߊ߬ ߝߐ߫ ߖߊ߬ߕߋ߬ߛߌ߰ ߓߟߏ ߡߊ߬߸ ߞߏ߫ ߊ߬ߟߎ߬ ߓߘߊ߫ ߡߐ߰ ߅ ߀߀߀ ߟߋ߬ ߟߊߛߓߍߛߎ߲ߧߊ߫߸ ߡߍ߲ ߠߎ߬ ߓߘߊ߫ ߛߋ߫ ߞߊ߬ ߒߞߏ ߛߓߍߛߎ߲ ߟߐ߲߫ ߞߊ߬ߣߌ߲߬، ߊ߬ߟߎ߬ ߟߊ߫ ߖߐ߲ߓߐ߲߫ ߘߌ ߣߌ߲߬ ߘߐ߫߸ ߖߐ߲ߓߐ߲ ߛߎ߯ߦߊ߫ ߛߊ߬ߓߊ߫ ߟߋ߬ ߘߌ߫ ߘߴߊ߬ߟߎ߬ ߓߟߏ߫: ߜߍߢߟߋ (ߏ߬ ߦߋ߫ ߛߓߍߛߎ߲ߧߊߟߌ ߖߐ߲ߓߐ߲ ߘߌ߫). ߛߐ߬ߟߐ (ߏ߬ ߦߋ߫ ߞߊ߲ߡߊߛߙߋ߫ ߟߐ߲ ߖߐ߲ߓߐ߲ ߘߌ߫، ߓߊߘߎ߲ (ߏ߬ ߦߋ߫ ߞߊ߲ߜߍ߫ ߟߐ߲ ߖߐ߲ߓߐ߲ ߘߌ߫).
ߟߊ߲߱ߛߊ߬ߣߊ߫ ߖߊ߬ߟߏ߲߬ߞߊ ߞߡߊ߬ߙߊ߬߸ ߊ߬ߟߋ ߡߍ߲ ߦߋ߫߫ ߟ.ߞ.ߝ ߛߌ߲߬ߝߏ߲߬ߧߊ߬ߟߌ ߞߟߊ߬ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ ߞߏ߫: <<ߊ߬ ߛߊ߲߬ ߣߊ߯ߣߌ߲ ߠߋ߬ ߕߋ߲߬߸ ߟ.ߞ.ߝ ߦߋ߫ ߞߊ߬ߙߊ߲߬ߘߋ߲ ߠߎ߬ ߞߊ߬ߙߊ߲߬ ߠߊ߫، ߌߞߏߡߌ߲߬ ߖߐ߲ߓߐ߲ ߠߋ߬ ߟߐ߲ߠߌ߲ ߣߌ߫ ߞߊ߬ߙߊ߲ ߏ߬ ߟߊߛߙߋߦߊ߫ ߟߊ߫߸ ߊ߲ ߞߵߊ߬ ߣߊ߬ߕߊ߫ ߏ߬ ߟߋ ߘߐ߫߸ ߞߏ߫ ߞߵߊ߬ߟߎ߬ ߟߊ߫ ߖߐ߲ߓߐ߲ ߘߴߊ߬ߟߎ߫ ߡߊ߬ ߓߌ߬߸ ߞߵߏ߬ ߓߍ߲ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߛߌ߲߬ߓߏ߲߬ߛߌ ߡߊ߬.>>
ߡߊ߲߬ߛߊ߫ ߛߟߏ߬ߡߣߊ߫ ߡߊ߰ߛߎ߬ߓߊ߬ ߡߍ߲ ߦߋ߫ ߛߌ߯ߙߌ߲߫ ߟ.ߞ.ߝ ߞߊ߲ߕߌ߮ ߘߌ߫߸ ߏ߬ ߞߊ߬ ߞߟߌߟߌ ߟߋ߬ ߞߍ߫: <<ߊ߬ ߓߘߊ߫ ߛߊ߲߬ ߦߙߌߞߊ߫ ߓߐ߫߸ ߟ.ߞ.ߝ ߦߴߊ߬ ߞߊ߲ߠߊߘߌ߫ ߟߴߊ߬ ߟߊ߫ ߞߊ߬ߙߊ߲߬ߘߋ߲ ߠߎ߬ ߡߊ߬߸ ߞߵߊ߬ߟߎ߬ ߟߊ߫ ߖߐ߲ߓߐ߲ ߘߴߊ߬ߟߎ߫ ߡߊ߬، ߞߊ߬ߙߊ߲߬ߡߐ߯ ߛߟߏ߬ߡߣߊ߫ ߟߋ߬ ߞߊ߲߫߸ ߞߏ߫ ߓߍ߯ ߦߋ߫ ߒߞߏ ߘߍ߬ߡߍ߲ ߞߍ߫ ߊ߬ ߞߊ߬ߙߊ߲ ߣߴߊ߬ ߛߓߍ ߟߋ߬ ߘߌ߫، ߊ߲ߠߎ߬ ߟߋ߬ ߞߵߊ߲ ߕߊ߯ߡߊ߫ ߞߊ߬ ߛߋ߫ ߞߊ߬ߝߏ߬ߙߋ߲߬ߕߌ߮ ߡߊ߬߸ ߛߴߊ߬ ߘߌ߫ ߘߏ߫ ߞߍ߫ ߛߟߏ߬ߡߣߊ߬ ߞߊ߲ߕߍ߫ ߦߋ߫߸ ߏ߬ ߟߋ ߞߍ߫ ߘߴߊ߬ ߖߌ߬ߦߊ ߟߊ ߘߌ߫ ߞߊ߬ߝߏ߬ߙߋ߲ ߞߏߞߏ ߞߊ߲߬߸ ߏ߬ ߡߍ߲ ߛߋ߲߬ߢߊ߬ ߝߟߐߝߟߐ ߦߋ߫ ߕߋ߲߬ ߖߌ߬ߣߍ߬ ߞߣߐ߫߸ ߞߊ߬ߝߏ߬ߙߋ߲ ߘߏ߫ ߦߋ߫ ߛߟߏ߬ߡߣߊ߬ ߞߊ߲ߕߍ߫ ߖߌ߬ߦߊ ߟߴߊ߬ ߟߊ߫ ߞߏߞߏ ߞߊ߲߬ ߞߊ߬ߣߌ߲߬߸ ߒ߬ߓߊ߬߸ ߏ߬ ߟߋ ߞߍߣߍ߲߫ ߛߌ߯ߙߌ߲߫ ߞߊ߬ߝߏ߬ߙߋ߲߬ߕߌ߮ ߓߟߏ߫.>>
ߛߌ߯ߙߌ߲߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߟߊ߫ ߞߊ߲ߕߌ߯ ߛߙߍߞߍ߸ ߊߓߘߎߟߊߦߌ߬ ߡߜ߭ߊ߬ߛߎߓߊ߫ ߞߵߊ߬ ߦߌ߬ߘߊ߬ ߞߏ߫: <<ߊ߲ ߞߊ߫ ߞߊ߲߫ ߞߵߊ߲ ߓߟߏ ߛߌ߰ ߒߞߏ ߞߘߐ߫߸ ߞߊ߬ ߒߞߏ ߟߊߛߓߊ߬ߕߌ߫߸ ߞߵߊ߬ ߟߊߥߙߎߞߌ߫، ߝߋ߲ ߺ ߋ ߺ ߝߋ߲߫ ߣߴߊ߬߬ ߣߐ߬ ߖߐ߲ߓߐ߲ ߛߐ߬ߘߐ߲߬ ߠߊ߫ ߓߌ߬߸ ߊ߬ ߓߘߊ߫ ߝߐ߫ ߞߘߐ߬ߡߊ߲߬، ߖߐ߲ߓߐ߲ ߕߍ߫ ߞߊ߲߬ߞߌ߬ߙߊ߬ ߞߣߐ߫ ߝߋ߲߫ ߘߌ߫߸ ߝߏ߫ ߌ ߣߐ߬ ߟߐ߲ߠߌ߲ ߡߍ߲ ߛߐ߬ߘߐ߲߬ ߠߊ߫߸ ߌ ߦߋ߫ ߞߍ߫ ߛߓߊߓߎ߫ ߘߌ߫ ߞߊ߬ ߟߐ߲ߠߌ߲ ߏ߬ ߟߊߖߘߌߥߊ߫߸ ߡߐ߰ ߜߘߍ߫ ߟߎ߫ ߦߋ߫ ߒߞߏ ߝߊ߰ߡߎ߲߫ ߞߵߊ߬ ߛߓߊߓߎ ߞߍ߫ ߌߟߋ ߘߌ߫.>>
ߒߞߏ ߦߋ߫ ߛߓߍߛߎ߲߫ ߠߋ߬ ߘߌ߫߸ ߡߍ߲ ߛߌ߲ߘߌ߫ ߘߊ߫ ߁߉߄߉ ߞߏ߲ߞߏߘߓߌ ߕߟߋ߬ ߁߄ ߡߊ߬߸ ߓߍ߲ߖ߭ߍߘߎ߯ (ߜߋ߲ߞߐ߰ߖߌ߬ߘߊ ߟߊ߫)߸ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߓߟߏ߫، ߊ߬ ߟߊߘߊ߲ߣߍ߲߫ ߝߘߊ߬ߝߌ߲߬ ߞߊ߲߫ ߞߊ߲ߡߊߛߙߋߡߊ ߟߎ߫ ߟߋ߬ ߛߓߍ߫ ߞߊ߲ߡߊ߬߸ ߊ߬ ߕߌ߯ߕߌ߯ ߡߊ߲߬ߘߋ߲߬ ߞߊ߲ ߠߎ߬، ߖߌ߬ߣߍ߬ ߞߣߐ߫߸ ߛߌ߰ߞߊ߲߬ ߞߎߘߊ ߓߘߊ߫ ߝߊ߬ߛߏ߬ ߞߊ߲ ߠߎ߬ ߘߊ߲ߞߎ߲߫ ߞߎ߲߬ߠߊ߬ߛߌ߰ ߞߊ߲ ߘߌ߫ ߦߏ߫ ߝߊ߬ߙߊ߲߬ߛߌ߬ ߞߊ߲ ߦߋ߫ ߢߊ ߡߍ߲ ߡߊ߬߸ ߏ߬ ߡߍ߲ ߕߊ߬ߡߌ߲߬ߕߐ߫ ߝߊ߲߬ߞߊ߬ ߘߌ߫ ߟߊ߫ ߝߊ߬ߛߏ߬ ߞߊ߲ ߠߎ߬ ߡߊ߬ ߖߡߊ߬ߣߊ ߞߣߐ߫߸ ߊ߬ ߣߌ߫ ߝߘߏ߬ߓߊ߬ ߘߌ߲ߞߌߙߊ ߟߎ߬ ߘߐ߫.
ߞߊ߬ߙߊ߲߬ߘߋ߲ ߡߍ߲ ߠߎ߬ ߣߐ߬ ߖߐ߲ߓߐ߲ ߠߕߊߡߌ߲ ߣߌ߲߬ ߖߐ߲ߓߐ߲ ߛߐ߬ߘߐ߲߬ ߠߊ߫߸ ߏ߬ ߟߎ߬ ߛߍߥߊߣߍ߲߫ ߞߏߛߓߍ߫، ߊߡߙߊ߫ ߞߐ߲ߘߍ߫ ߦߴߏ߬ ߘߏ߫ ߟߋ߬ ߘߌ߫߸ ߏ߬ ߞߊ߬ ߖߊ߬ߡߊ ߞߟߌ߫ ߒߞߏ ߞߊߙߊ߲ ߠߋ߬ ߡߊ߬: <<ߡߍ߲ ߠߎ߬ ߦߋ߫ ߞߐ ߘߐ߫ ߒߞߏ ߞߊߙߊ߲߫ ߞߏ ߘߐ߫߸ ߊߟߎ߫ ߦߋ߫ ߣߊ߬߸ ߊ߲ ߧߴߊ߬ ߞߊ߬ߙߊ߲߬ ߢߐ߲߮ ߝߍ߬، ߒߠߋ ߖߍ߬ߘߍ ߟߋ߬ ߞߵߊ߬ ߓߐ߫ ߒ ߖߘߍ߬ ߘߐ߫ ߞߊ߬ ߒߞߏ ߞߊ߬ߙߊ߲߬߸ ߝߊ߬ߛߏ߬ ߞߊ߲ ߠߊߘߌߦߊߢߍ ߞߏߛߐ߲߬.>>
ߣߴߌ ߘߏ߲߬ ߞߊ߬ ߊߓߎߓߞߊߙ ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߕߊ߬߸ ߏ߬ ߛߍߥߊߣߍ߲ ߞߵߊ߬ ߡߙߌߦߊ߫ ߛߊߣߌ߲ ߘߌ߫: <<<ߓߌ߬ ߢߐ߲߰ ߟߏ߲߫߸ ߒ ߛߍߥߊߣߍ߲ ߠߋ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߣߴߌ ߘߏ߲߬ ߞߊ߬ ߛߍߥߊߓߊ߯ߕߐ ߟߐ߬ ߕߊ ߟߊߝߍ߫ ߟߊ߫߸ ߊ߬ ߘߊߖߌ ߘߴߊ߬ ߟߊߛߊ߬ ߛߍߥߊ ߡߊ߬، ߖߐ߲ߓߐ߲߫ ߝߌ߬ߟߊ߫ ߟߋ߬ ߛߐ߬ߘߐ߲߬ ߘߊ߫ ߒߠߋ ߓߟߏ߫: ߜߍߢߟߋ ߣߌ߫ ߛߐ߬ߟߐ.>>
ߞߊ߲߬ߞߎߡߊ ߣߌ߲߬ ߘߊߘߐߓߍ߲߬ ߘߊ߫ ߛߌߟߊߓߐߛߐ߯ߣߊ߫ ߗߋߘߋ߲ ߠߎ߬ ߟߋ߬ ߓߟߏ߫ ߛߌ߯ߙߌ߲߫: ߟߏ߲ߞߊߛߌߦߊ߫ ߞߡߊ߬ߙߊ߬߸ ߛߌߕߊ߲߬ ߞߊ߬ߓߊ߸ ߞߙߊ߬ߞߐ߬ߞߊ ߞߊ߬ߟߐ߸ ߊ߬ ߣߌ߫ ߖߐ߲߬ߡߊߛߌߣߌ߲ߟߐ߲߫ ߞߊ߬ߟߐ.
