ߞߊ߬ߝߏ߬ ߖߊߛߏ߲ ߘߎ߰ߛߊ߬ߜߍ ߣߌ߲߬ ߡߊ߬ ߌߞߘߐ߫߸ ߘߎ߰ߡߊ߬ ߣߊ߲ߕߌ߮ ߟߎ߫ ߞߎ߲߬ߕߌ߮ ߟߊߛߌ߰ ߘߊ߫ ߞߵߊ߬ ߞߍ߫ ߘߐ߬ߕߊߡߌ߲ ߞߊ߲ߕߌ߮߮ ߘߌ߫ ߝߛߊߦߌ߫، ߣߊ߬ߕߌ߮ ߟߎ߬ ߓߘߴߊ߬ߟߎ߬ ߟߊ߫ ߝߊ߲߬ߞߊ ߦߌ߬ߘߊ߬߸ ߞߵߊ߬ߟߎ߫ ߘߊ߬ߟߎ ߞߍ߫ ߓߌ߲߬ߘߌ߬ߓߊ߲߬ߘߊ߬ ߝߙߋ߬ߟߊ ߘߏ߫ ߟߎ߫ ߟߊ߫ ߞߏ ߘߌ߫.
ߓߌߟߏ߲ ߣߌ߲߬ ߡߊ߬߸ ߣߍߣߍߓߊ ߕߋ߬ߟߋ߫ ߂߇߸ ߖߌ߬ߣߍ߫ ߓߌ߬ߛߊ߬ߥߏ߫ ߦߟߍ߬ߡߊ߲߬ ߘߊ߫ ߘߐ߬ߕߊߡߌ߲ ߘߐ߫ ߥߟߊߞߌ߫، ߞߟߍ߬ߕߌ߰ ߤߐߙߑߕߊ ߒߕߊߡ߸ ߏ߬ ߡߍ߲ ߦߋ߫ ߘߎ߰ߡߊ߬ ߣߊ߲ߕߌ߮ ߟߎ߬ ߟߊ߫ ߘߊ߯ߘߐ ߞߎ߲߬ߕߌ߮ ߘߌ߫߸ ߏ߬ ߟߊߛߌ߰ ߘߊ߫ ߣߊ߲߬ߕߌ߮ ߟߎ߬ ߟߊ߫ ߡߊ߬ߡߙߊ߬ߟߌ߬ߘߊ߬ ߛߊ߲ߘߐߕߊ ߓߟߏ߫ ߞߏ߫ ߊ߬ ߦߋ߫ ߖߡߊ߬ߣߊ ߡߊ߬ߙߊ߫ ߛߊ߲߬ ߞߋߟߋ߲߫ ߞߣߐ߫، ߟߊ߬ߛߋ߬ߟߌ ߞߍ߫ ߘߊ߫ ߣߊ߲߬ߕߌ߮ ߟߎ߬ ߟߊ߫ ߘߊ߯ߘߐ ߟߋ߬ ߟߊ߫ ߓߌ߬ߛߊߥߏ߫ ߞߣߐ߫߸ ߞߵߊ߬ ߛߐ߬ߘߐ߲߬ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬ߣߍ߲߬ ߞߏߛߓߍ߫.
<<ߒ ߓߘߊ߫ ߟߊߛߌ߰ ߞߏ߫ ߒ ߧߋ߫ ߡߊ߬ߡߙߊ߬ߟߌ߬ߘߊ߬ ߛߊ߲ߘߐ ߞߎ߲߬ߕߋߟߋ߲ ߡߊߓߏ߲߬ߧߊ߬.>> ߞߟߍ߬ߕߌ߮ ߞߵߏ߬ ߟߋ ߝߐ߫ ߟߊ߬ߛߌ߰ߟߌ ߖߊ߲߬ߖߏ߲ ߘߐ߫߸ ߞߎ߲߬ߘߐ߲ߞߟߌ߫ ߡߊ߫ ߟߊ߫߸ ߣߊ߲߬ߕߌ߰ ߛߌߦߊߡߊ߲߫ ߞߏ߬ߣߌ߲ ߕߘߍ߬ ߞߣߍ ߞߊ߲߬، ߘߎ߰ߡߊ߬ ߣߊ߲ߕߌ߮ ߟߎ߫ ߓߊ߬߸ ߛߊ߲ߡߕߊ ߟߎ߬ ߣߌ߫ ߖߌߞߊ߲ߕߊ ߟߎ߬߸ ߏ߬ ߟߎ߬ ߓߍ߯ ߛߐ߬ߘߐ߲߬ ߘߊ߫ ߟߋ߬ <<ߟߊ߰ߛߌ߬ߟߌ>> ߣߌ߲߬ ߘߐ߫.
ߊ߬ ߟߊ߫ ߓߋߟߋ߲ߠߊ ߛߎ߬ߘߎ߲߬ߧߊ߬ ߘߊ߫ ߓߊߟߋ߬߸ ߞߟߍ߬ߕߌ߰ ߤߐߙߑߕߊ ߒߕߊߡ ߞߊ߬ߣߌ߲߬߸ ߊ߬ ߞߵߊ߬ߟߎ߬ ߟߊ߫ ߝߊ߲߬ߞߊ ߕߊ ߣߌ߲߬ ߘߊ߬ߟߎ ߞߍ߫ ߟߋ߬߸ ߞߏ߫ <<ߊ߬ߟߎ߬ ߟߊ߫ ߞߍߞߋߟߋ߲ߘߌ ߞߐߝߟߌ>> ߟߋ߬߸ ߞߊ߬ ߖߡߊ߬ߣߊ ߟߊ߫ ߓߊߛߌ߯ߓߊߟߌߦߊ ߡߊߕߊ߲߬ߞߊ߫ ߓߌ߲߬ߘߌ߬ߓߊ߲߬ߘߊ߬ ߝߙߋ߬ߟߊ ߟߎ߬ ߕߊ߫ ߓߟߏߟߊ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߓߘߊ߫ ߓߐߕߏ߲ ߠߎ߬ ߘߊ ߟߊߞߊ߬، ߓߌ߬ߛߊߥߏ߫ ߦߙߐ߫ ߛߌߦߊߡߊ߲߫ ߞߏ߬ߣߌ߲ ߡߌ߬ߣߊ߬ߣߍ߲߫ ߣߊ߲߬ߕߌ߮ ߟߎ߬ ߓߟߏ߫ ߡߎߣߎ߲߬.
ߒ߬ߓߊ߬߸ ߊ߬ߟߎ߬ ߟߊ߫ ߖߡߊ߬ߣߊ ߝߊ߲߬ߞߊߛߌ߬ߣߊ ߟߎ߬ ߘߐ߫ ߛߘߊߡߊ ߞߊ߲߫ ߞߏ߫ ߊ߬ߟߎ߫ ߡߊ߬ߞߏ ߦߋ߫ ߖߊ߬ߡߊ ߟߊ߫ ߓߐߟߌ ߟߊ߫ ߞߣߐߟߊ ߞߏߕߌ߯ߘߊ ߘߊߞߘߐߟߊ ߘߐ߫، ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߣߊ߲߬ߕߌ߮ ߟߎ߬ ߓߘߊ߫ ߞߎߡߊߛߏ ߟߎ߬ ߓߊ߬ߟߌ߬ ߡߙߌߦߊ߫ ߦߌߘߊ ߓߍ߯ ߡߊ߬߸ ߊ߬ ߣߌ߫ ߞߊ߬ ߞߎߡߊ߫ ߖߡߊ߬ߣߊ ߓߘߍ߬ߓߘߍ߬ߟߌ ߞߊ߲߬߸ ߏ߬ ߓߍ߯ ߓߘߊ߫ ߟߊߕߐ߲߫، ߊ߬ߟߎ߬ ߓߘߊ߫ ߢߊ߫ ߖߐ߲ߖߐ߲߫ ߢߌߣߌ߲߫ ߖߡߊ߬ߣߊ ߞߎߡߊ߫ ߞߍߢߊ ߟߎ߫ ߡߊ߬.
ߛߘߋߦߊߥߏ ߕߊ߬ߣߍ߲ ߞߵߊ߬ ߟߊ߫ ߊߝߙߌߞߌ߬ ߞߋ߬ߟߋ߲߬ߧߊ ߞߊ߲߬߸ ߏ߬ ߟߎ߬ ߓߘߊ߫ ߞߊ߬ߝߏ߬ ߖߊߛߏ߲ ߣߌ߲߬ ߞߐ߲߫߸ ߞߵߊ߬ ߦߌ߬ߘߊ߬ ߞߏ߫ <<ߛߌ߰ߞߊ߲ ߞߎ߲߬ߕߋߟߋ߲ ߛߐ߬ߛߐ߬ ߞߏ߬ߓߊ ߟߋ߬>> ߊ߬ ߣߌ߫ ߞߏ߫ ߝߊ߲߬ߞߊ ߕߊ߬ ߢߊ߬ ߛߎ߮ ߣߌ߲߬ ߦߋ߫ <<ߖߡߊ߬ߣߊ ߟߊ߫ ߓߊߛߌ߯ߟߌ ߡߊߝߘߐ߬ ߞߏ ߟߋ߬ ߘߌ߫ ߕߟߋ߬ߓߋ߬ ߊߝߙߌߞߌ߬ ߞߊ߲߬.>>
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
