ߘߋ߲ߡߌߛߍ߲ ߠߎ߬ ߞߊ߬ ߔߊߞߌߛߦߊ ߘߏ߫ ߟߋ߬ ߞߍ߫ ߛߌ߯ߙߌ߲߫ ߛߏ ߞߣߐ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߣߍߣߍߓߊ ߕߋ߬ߟߋ߫ ߂߈، ߞߵߊ߬ ߞߎ߲߭ ߞߍ߫ ߡߊ߬ߝߌ߲߬ߞߊ߲߬ߠߊ ߘߏ߫ ߘߌ߫ ߞߵߊ߬ ߟߐ߬ ߛߌ߯ߣߌ߲ߞߊ ߟߎ߬ ߟߊ߫ ߞߏߟߊߘߍ ߘߏ߫ ߡߊ߬߸ ߟߊ߬ߡߌߣߌ߲ ߘߐߖߊߛߌ߫ ߞߏ ߘߐ߫، ߏ߬ ߕߊ߬ߣߍ߲ ߞߵߊ߬ ߟߊ߫ ߖߌߥߎ߫ ߞߏߖߊ߫ ߓߊ߲ߓߊߟߌ ߣߌ߲߬ ߡߐߣߍߦߊ ߝߣߊ߫ ߞߊ߲߬.
ߓߌ߬ ߛߌ߬ߣߌ߲߬ߟߏ߲ ߣߌ߲߬ ߕߋ߬ߟߋ ߘߐ߫߸ ߣߍߣߍߓߊ ߕߋ߬ߟߋ߫ ߂߈ ߡߊ߬߸ ߔߊߞߌߛߦߊ ߟߋ߬ ߞߍߣߍ߲߫ ߛߌ߯ߙߌ߲߫ ߓߊ߬ߣߊ߲߬ߣߌ߲ߞߐ߬ߙߐ߫ ߞߌ߲߬ߘߊ ߟߊ߫، ߟߌ߬ߤߟߊ ߡߍ߲ ߠߎ߬ ߛߋ߫ ߘߊ߫ ߛߐ߬ߘߐ߲߬ ߠߴߊ߲ ߓߟߏ߫ ߞߏ ߘߊߞߎ߲ ߘߐ߫ ߦߋ߲߬ ߌߞߘߐ߫߸ ߊ߬ ߦߌ߬ߘߊ߬ߣߍ߲߬ ߞߏ߫ ߘߋ߲ߡߌߛߍ߲ ߘߏ߫ ߟߎ߫ ߟߋ߬ ߘߏ߲߬ߣߍ߲߫ ߣߌ ߘߐ߫߸ ߞߵߊ߬ߟߎ߬ ߞߍ߫ ߘߎ߰ߞߎߟߎ߲ ߘߏ߫ ߞߊ߲߬߸ ߏ߬ ߡߍ߲ ߦߋ߫ ߛߌ߯ߣߌ߲ߞߊ ߟߎ߬ ߟߊ߫ ߞߏߟߊߘߍ ߘߏ߫ ߕߊ߫ ߘߌ߫߸ ߞߊ߬ ߕߊ ߛߎ߫ ߊ߬ ߟߊ߫، ߛߌ߯ߣߌ߲ߞߊߗߍ ߘߏ߫ ߖߐߞߌ߫ ߘߴߊ߬ ߛߋ߲߬ߞߘߎ ߟߊ߫߸ ߞߏ߬ߣߵߊ߬ ߡߊ߫ ߖߎ߯ߦߊ߫، ߕߍ߮ ߞߍ߫ ߘߊ߫ ߡߐ߰ ߥߐߙߐ߲ߝߌ߬ߟߊ߫ ߟߋ߬ ߘߐ߫߸ ߞߊ߬ߙߊ߲߬ߘߋ߲߫ ߡߐ߰ ߛߓߊ߬ ߦߴߏ߬ ߘߐ߫.
ߘߋ߲ߡߌߛߍ߲߫ ߔߊߞߌߛߦߊߟߊ ߢߌ߲߬ ߠߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߛߌ߯ߣߌ߲ߞߊ ߢߌ߲߬ ߠߎ߬ ߦߋ߫ ߘߊ߬ߡߊ߲߬ ߓߊ߯ߙߊ ߥߓߊ߬ߞߏ߬ߞߍ ߞߍ߫ ߟߊ߫ ߘߊ߲߬ߠߊ߬ߕߊߡߌ߲ ߘߝߊߣߍ߲ ߠߋ߬ ߘߐ߫ ߕߙߏ߬ߞߏ߬ ߟߊ߫߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ “ߔߏߞߑߟߍ߲”، ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߏ߬ ߦߴߊ߬ߟߎ߬ ߟߊ߫ ߛߣߍ߬ߘߎ߮ ߟߎ߬ ߘߐߕߌߢߍ߫ ߝߋ߲ ߠߋ߬ ߘߌ߫߸ ߞߵߊ߬ߟߎ߬ ߟߊ߫ ߓߐ߰ߝߍ ߘߐߖߊߛߌ߫، ߛߏ߫ ߞߣߐ߫ ߡߐ߮ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ߟߋ߬ ߛߌ߯ߣߌ߲ߞߊ߫ ߞߋߟߋ߲ ߢߌ߲߬ ߠߎ߬ ߦߴߊ߬ߟߎ߬ ߟߊ߫ ߓߏ߬ߙߌ߬ߝߋ߲ ߠߎ߬ ߟߝߊ߫ ߟߊ߫ ߟߋ߬ ߖߌߥߎ ߟߊ߫ ߝߊ߲߬ߞߊ߬ ߓߟߏ ߡߊ߬߸ ߖߡߊ߬ߣߊ߬ߘߋ߲ ߠߎ߬ ߖߋ߬ߟߌ ߡߌ߲߭ ߞߊ߲߬.
ߛߊ߯ߦߏ߲߫ ߞߋߕߊ߬ ߡߍ߲ ߦߋ߫ ߓߊ߬ߣߊ߲߬ߣߌߞߐ߬ߙߐ߫ ߞߌ߲߬ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߒ ߛߌ߰ߣߍ߲ ߠߋ߬ ߕߏ߫ ߘߊ߫ ߒ ߠߊ߫ ߝߎ߲ߞߎ߲ ߘߊ ߟߊ߫߸ ߘߋ߲ߡߌߛߍ߲߫ ߞߙߎ ߘߏ߫ ߟߎ߫ ߣߊ߬ ߘߊ߫ ߕߊ߬ߡߌ߲߬ ߔߏߔߏ ߞߊ߲߬߸ ߊ߬ߟߎ߬ ߦߴߊ߬ ߝߐ ߞߊ߲߬ ߞߏ߫ ߊ߲ ߕߍ߫ ߔߏߞߑߟߍ߲߫ ߞߏ ߘߐ߫߸ ߊ߲ ߕߍ߫ ߛߣߌߥߊ ߟߎ߬ ߟߊ߫ ߞߏ߫ ߘߐ߫، ߡߌ߬ߛߍ߲߬ ߘߊ߲ߘߐ߫ ߏ߬ ߞߐ ߘߐ߫߸ ߊ߬ߟߎ߫ ߞߵߊ߬ ߝߐ߫ ߒ ߧߋ߫ ߞߏ߫ ߜߋ߬ߕߋߜߋ߭ ߘߏ߫ ߓߘߊ߫ ߖߋ߬ߣߌ߲߬، ߕߊ ߛߎ߫ ߘߊ߫ ߘߎ߰ߞߎߟߎ߲ ߏ߬ ߟߊ߫ ߟߋ߬߸ ߞߵߊ߬ ߛߐ߬ߘߐ߲߬ ߊ߬ ߟߐ߬ߣߍ߲߫ ߡߣߐ߬ߓߏ߲ ߘߏ߫ ߘߊ ߟߊ߫߸ ߊ߬ߟߎ߬ ߥߊ߫ ߘߴߊ߬ߟߎ߬ ߞߍ߫ ߊ߬ ߞߊ߲߬، ߡߍ߲ ߞߍ߫ ߘߊ߫ ߞߎ߲߬ߠߊ߬ߘߌߦߊ ߘߌ߫߸ ߕߐ߲ߕߌ߯ ߎߛߑߡߊߣ ߞߊ߬ߓߊ ߣߊ߬ ߘߊ߫ ߞߊߟߌߦߊ߫ ߘߐ߫ ߞߊ߬ ߛߌ߯ߣߌ߲ߞߊ ߟߎ߬ ߟߊߞߊ߲ߘߊ߫.>> ߊ߬ ߟߊ߫ ߞߎߡߊ ߟߵߏ߬ ߘߌ߫.
ߊ߬ߟߋ߬ ߡߊ߲߬ߞߊ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߞߊ߬ߙߊ߲߬ߕߊ߬ ߛߌߦߊߡߊ߲߫ ߘߊ ߕߎ߲߯ ߖߏߣߊ߫߸ ߊ߬ ߞߏ ߟߊ߬ߡߊ߰ߟߊߡߊ߮ ߘߏ߲߬ ߘߊ߫ ߛߏ ߝߊ߲߬ ߛߌߦߊߡߊ߲߫ ߘߐ߫، ߣߌ߲߬ ߞߏ ߞߏ߬ߣߌ߲ ߦߋ߫ ߢߊ߫ ߟߋ߬ ߡߊ߬ ߓߌ߬߸ ߡߍ߲ ߖߐ߬ߘߐ ߦߋ߫ ߡߐ߰ ߛߌߦߊߡߊ߲߫ ߠߊ߫߸ ߞߵߏ߬ ߞߎ߲߭ ߞߍ߫ ߟߊ߬ߡߌߣߌ߲ ߤߊߡߌ߲ ߛߌ߱ ߘߌ߫ ߛߌ߯ߙߌ߲ߞߊ ߟߎ߬ ߟߊ߫ ߓߌ߬ ߝߐߟߌ߫ ߘߐ߫.
ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߞߐߦߌߘߊ ߛߌ߯ߙߌ߲߫.
