ߜ߭ߊߓߐ߲߫ ߞߊ߲ߕߌ߮ ߓߘߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߎߟߎ߲ߖߋ߫ ߊ߬ ߟߊ ߛߎߘߊ߲ ߞߏߛߐ߲߬

ߜ߭ߊߓߐ߲߫ ߞߊ߲ߓߍ߲ ߞߊ߲ߕߌ߮ ߓߘߊ߫ ߗߋߛߓߍ߫ ߞߙߍߞߙߍߣߍ߲ ߘߏ߫ ߛߓߍ߫߸ ߞߊ߬ ߡߊ߬ߡߌ߬ߘߊ߬ߟߌ߬ߟߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߎߟߎ߲ߖߋ߫߸ ߞߵߊ߬ ߓߍ߲߬ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߠߊߥߊ߲߬ߞߊ߲ ߡߊ߬߸ ߏ߬ ߡߍ߲ ߞߵߊ߬ ߟߊ߫ ߛߎߘߊ߲ ߦߌ߬ߘߊ߫ ߝߙߋߟߋ߲߫߸ ߞߊ߲ߧߊ߫ %߈߆،߇߂߸ ߞߊ߬ ߝߘߊ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߟߊ߫.

ߓߍ߯ ߞߏ߬ߣߌ߲ ߦߟߌ߫ ߕߍ߬ߘߍ߫ ߖߋ߬ߓߌ ߟߊߓߐ߫ ߢߊ߫ ߛߎ߮ ߢߌ߲߬ ߠߊ߫߸ ߖߡߊ߬ߣߊ ߞߣߐ߫߸ ߊ߬ ߣߴߊ߬ ߞߐߞߊ߲߬، ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߛߎߘߊ߲ ߦߋ߫ ߘߊ߫ ߟߋ߬ ߥߎߟߊ߫ ߟߊ߫ ߡߐ߰ ߛߌߦߊߡߊ߲߫ ߓߟߏ߫߸ ߞߵߊ߬ ߓߍ߲߬ ߢߣߊߕߊߟߌ ߖߎ߬ߛߌ߮ ߣߴߊ߬ ߞߏ ߟߎ߬ ߕߊ߬ߡߌ߲߬ ߢߊ ߡߊ߬.

ߒ߬ߓߊ߬߸ ߗߋߛߓߍ ߘߏ߫ ߟߋ߬ ߟߊߖߍ߲ߛߍ߲߫ ߘߊ߫ ߝߍߛߑߓߎߞ ߞߊ߲߬߸ ߜ߭ߊߓߐ߲߫ ߞߊ߲ߕߌ߮ ߞߵߊ߬ ߦߌ߬ߘߊ߬ ߡߍ߲ ߘߐ߫ ߞߏ߫ ߊ߬ ߦߴߊ߬ <<ߕߋߙߌ ߣߴߊ߬ ߓߊߘߋ߲>> ߡߊ߬ߡߊ߬ߘߌ߬ ߘߎ߲ߓߎߦߊ߫ ߝߏ߬ ߟߊ߫ <<ߓߊߘߋ߲ߧߊ ߣߌ߫ ߝߊ߲߬ߞߊ>> ߝߏ߬ߟߌ ߟߊ߫، ߞߊ߬ߕߎ߲߯߸ ߞߏ߫ ߞߐߝߟߌ ߣߌ߲߬ ߓߐߣߍ߲߫ <<ߘߐ߬ߕߊߡߌ߲ ߕߊ߬ߡߌ߲߬ ߞߏ߬ ߢߌߡߊ ߟߋ߬ ߘߐ߫߸ ߊ߬ ߣߌ߫ ߞߟߊߓߎ ߣߌ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߣߊ߬ߝߊ ߞߘߎ߬ߛߌ߰ߒߞߊ߲ߠߊ>>

ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ <<ߛߎߘߊ߲ ߣߌ߲߬ ߦߋ߫ ߡߐ߰ ߟߋ߬ ߕߊ߫ ߘߌ߫߸ ߡߍ߲ ߞߵߊ߬ ߞߍߕߊ ߟߐ߲߫، ߊ߬ ߦߋ߫ ߖߡߊ߬ߣߊ߫ ߟߋ߬ ߕߊ߫ ߘߌ߫߸ ߡߍ߲ ߦߋ߫ ߢߝߍߕߊ߮ ߝߍ߬، ߊ߬ ߦߋ߫ ߡߌ߬ߙߌ߲߬ߘߌ߫ ߟߋ߬ ߕߊ߫ ߘߌ߫߸ ߡߍ߲ ߣߐ߬ ߖߛߎ߬ߛߎߡߊ ߣߌ߫ ߟߊ߲߬ߓߋ ߣߌ߫ ߛߌߣߌ߲ߢߍߛߌ߮ ߛߎߥߊ߲ߘߌ߫ ߟߊ߫>> ߜ߭ߊߓߐ߲߫ ߞߊ߲ߕߌ߮ ߟߋ߬ ߞߵߏ߬ ߛߓߍ߫߸ ߞߵߊ߬ ߟߊ߫ ߖߡߊ߬ߣߊ ߣߌ߫ ߖߌ߬ߣߍ߫ ߖߡߊ߬ߣߊ ߟߊ߫ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߬ <<ߝߘߊ߬ߝߌ߲߬ߠߊ߬ ߟߊ߫ ߖߘߍ߬ߕߌ߰ߦߊ ߛߌߟߊ ߞߊ߲߬߸ ߞߏߟߊߕߍ߯ߦߊ ߣߌ߫ ߢߝߍߕߊ߮ ߛߌߟߊ ߕߊ߯ߡߊ ߞߊ߲߬.>>

ߛߊ߬ߙߌ߬ߦߊ߬ ߓߟߏ ߡߊ߬ ߕߋ߲߬߸ ߞߕߌߖߌ߲ ߛߊ߲ߘߐߕߊ ߓߘߊ߫ ߢߣߊߕߊߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߡߊߛߐ߬ߘߐ߲߬߸ ߏ߬ ߘߌߣߊ߬ ߖߋ߬ߓߌ ߓߊ߲ߝߟߍ߬ߟߍ ߟߊߓߐ߫ ߕߎ߬ߡߊ߬ߙߋ߲߬ ߇߂ ߞߘߐ߫߸ ߣߌ߫ ߡߞߊ߬ߛߟߌ߬ ߡߊ߫ ߞߍ߫߸ ߞߵߊ߬ ߓߍ߲߬ ߢߣߊߕߊߟߌ ߛߊ߬ߙߌ߬ߦߊ ߡߊ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫