ߞߎߟߎ߲߫ ߝߘߌ ߡߍ߲ ߞߍ߫ ߘߊ߫ ߜ߭ߊ߲ߓߌ߫ ߂߀߂߅ ߞߏߟߌ߲ߞߏߟߌ߲߫ ߕߟߋ߬ ߃߁ ߡߊ߬߸ ߏ߬ ߝߊ߰ߓߊ߰ߕߐ ߓߘߊ߫ ߘߝߊ߫ ߡߐ߰ ߃߁ ߠߊ߫߸ ߛߎ߭ ߁߅ ߟߋ߬ ߦߋ߫ ߘߊ߫ ߞߎߣߎ߲߬ ߞߐ߬ߓߊ߬ߟߏ߲ ߂߀߂߆ ߓߌ߲ߠߊߥߎߟߋ߲ ߕߟߋ߬ ߟߏ߯ߟߎ ߡߊ߬߸ ߡߐ߰ ߡߍ߲߬ ߠߎ߫ ߕߘߍ߬ ߦߴߊ߬ ߝߍ߬ ߞߊ߬ ߕߊ߯ ߍߛߑߔߊߢߌ߲߬ ߟߋ߬ ߞߎ߲߬ߝߍ߬ߕߊ߰ߟߌ ߓߟߏߡߊ߬.
ߞߎߟߎ߲߫ ߝߘߌ ߡߍ߲ ߞߍ߫ ߘߊ߫ ߕߋ߲߬߸ ߞߵߊ߬ ߘߊߡߌ߬ߣߊ߬ ߂߀߂߅ ߞߏߟߌ߲ߞߏߟߌ߲߫ ߕߟߋ߬ ߃߁ ߡߊ߬ ߞߣߵߊ߬ ߛߌ߰ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁ ߡߊ߬߸ ߡߐ߰ ߂߀߀ ߢߐ߲߰ ߠߋ߬ ߕߘߍ߬ ߦߋ߫ ߞߎߟߎ߲ ߣߌ߲߬ ߞߣߐ߫، ߟߌ߬ߤߟߊ߫ ߞߎ߲߬ߝߟߐ ߡߍ߲ ߠߎ߬ ߛߐ߬ߘߐ߲߬ߣߍ߲߫ ߕߘߍ߬߸ ߏ߬ ߟߎ߫ ߕߘߍ߬ ߦߋ߫ ߛߎ߬ ߥߐߙߐ߲ߝߌ߬ߟߊ߬ ߟߋ߬ ߦߌ߬ߘߊߞߊ߬ ߟߊ߫߸ ߞߎ߲߬ߠߊ߬ߛߌ߮ ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߛߎ߬ ߃߁ ߠߋ߬ ߞߙߐ߬ߛߌ߫.
ߡߐ߰ ߁߅ ߟߋ߬ ߛߎ߭ ߦߋ߫ ߘߊ߫ ߜ߭ߊ߲ߓߌ߫ ߞߐ߰ߖߌ ߞߊ߲߬߸ ߞߊ߬ ߡߐ߰ ߁߆ ߜߘߍ߫ ߦߋ߫ ߛߣߍ߬ߜ߭ߊ߬ߟߌ߫ ߞߐ߰ߖߌ ߞߊ߲߬، ߘߏ߫ ߜߘߍ߫ ߟߎ߫ ߝߣߊ߫ ߕߎߣߎ߲߫ ߘߊ߫ ߡߍ߲ ߠߎ߬ ߦߋߣߍ߲߫ ߕߍ߫ ߝߟߐ߫߸ ߊ߬ ߡߊ߫ ߟߐ߲߫ ߣߌ߫ ߏ߬ ߟߎ߫ ߛߊ߬ ߘߊ߫ ߟߋ߬ ߓߊ߬ ߥߟߊ߫ ߏ߬ ߛߌ߬ߣߊ߸ ߜ߭ߊ߲ߓߌ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬߸ ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߞߎߘߊ ߣߌ߲߬ ߘߐ߫.
ߊ߬ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߁߀߂ ߟߋ߬ ߛߋ߫ ߘߊ߫ ߞߊ߬ ߞߛߌ߫ ߛߊ߬ߦߊ ߡߊ߬߸ ߡߐ߰ ߂߃ ߦߋ߫ ߘߊ߲ߘߊߛߏ ߟߊ߫ ߟߊ߬ߞߛߌ߬ߣߍ߲ ߏ߬ ߟߎ߬ ߘߐ߫߸ ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫߸ ߗߋߢߘߊ ߡߍ߲ ߘߐ߱ߘߏ߲߬ߣߍ߲߫ ߞߎ߲߬ߝߍ߬ߕߊ߰ߟߊ ߟߎ߬ ߞߣߐ߬ߜߍ߲߬ߠߌ߲ ߠߊ߫߸ ߏ߬ ߟߎ߬ ߓߘߊ߫ ߢߊߢߌߣߌ߲ߠߌ߲ ߠߎ߬ ߛߌ߰ ߛߋ߲߬ߠߊ߫.
ߞߵߊ߬ ߟߐ߲߫ ߞߎ߲߭ ߢߌߡߊ߲߫ ߠߋ߬ ߞߊ߬ ߞߎߟߎ߲ ߣߌ߲߬ ߟߐ߬ ߥߟߏߟߌ ߟߊ߫߸ ߊ߬ ߣߌ߫ ߡߎ߲߬ ߠߋ߬ ߦߴߊ߬ ߞߐߝߍ߬߸ ߞߎߟߎ߲ ߣߌ߲߬ ߥߟߏ ߘߊ߫ ߂߀߂߅ ߞߏߟߌ߲ߞߏߟߌ߲߫ ߕߟߋ߬ ߃߁ ߠߋ߬ ߟߊ߫ ߞߵߊ߬ ߘߎ߰ߛߊ ߜߍ߫ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߭ ߡߊ߬، ߏ߬ ߞߍ߫ ߖ߭ߌߣߊߞ ߡߊ߬ߙߊ ߞߣߐ߫߸ ߕߎ߬ߡߊ߬ߣߊ ߡߍ߲ ߠߊ߫ ߞߎ߲߬ߠߊ߬ߛߌ߮ ߟߎ߬ ߦߴߊ߬ ߞߊ߲߬ ߞߊ߬ ߞߎߟߎ߲߫ ߝߘߌ ߕߊ߬ߡߌ߲߬ߣߍ߲ ߣߌ߲߬ ߛߎ߭ ߟߎ߬ ߖߊ߬ߕߋ߬ߡߌߘߊ ߞߍ߫.
ߗߋߢߘߊ ߡߍ߲ ߘߐ߱ߘߏ߲߬ߣߍ߲߫ ߞߎ߲߬ߝߍ߬ߕߊ߰ߟߊ ߟߎ߬ ߜߋ߬ߟߎ߲ߠߌ ߠߊ߫߸ ߏ߬ ߞߊ߬ ߟߊ߬ߥߊ߲߬ߞߊ߲߬ߠߌ߲ ߘߏ߫ ߞߎߣߎ߲߬ ߞߐ߬ߓߊ߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߞߏ߫ ߊ߬ߟߎ߫ ߞߵߊ߬ߟߎ߬ ߕߍ߯ ߞߍ߫ ߞߎ߲߬ߝߍ߬ߕߊ߰ߟߊ߫ ߁߀߇ ߟߋ߬ ߘߐ߫߸ ߡߍ߲ ߠߎ߬ ߕߘߍ߬ ߦߴߊ߬ ߝߍ߬ ߞߊ߬ ߕߊ߯ ߍߛߑߔߊߢߌ߲߬ ߞߊ߬ߣߌ߲߬.
