ߕߊ߲߬ߘߏ ߊߟߊ߫ ߦߋ߫ ߖߊ߯ߓߊ ߟߎ߫ ߡߊ߰ߙߌ ߟߋ߬

ߕߌ߲ߞߌ ߣߌ߫ ߖߐ ߦߋ߫ ߊ߲ ߞߎ߲߬ߕߌ߯ ߡߊ߬ߡߊߘߌ߫ ߣߴߊ߬ ߘߏ߲߬ߞߏ ߟߎ߬ ߦߋ߫، ߏ߬ ߕߊ߬ߡߌ߲߬ߣߍ߲ ߞߐ߫: ߊ߲ ߞߎߡߊߕߐ߫ ߡߊ߰ߙߌ߫ ߓߊ߬ߕߏ߬ߕߊ߬ ߜߘߍ߫ ߕߍ߫ ߝߏ߫ ߊߟߊ߫ ߟߋ߬ ߞߘߐ ߞߊ߲߬ ߓߌ߬߸ ߊ߬ ߣߴߊ߬ ߟߊ߬ߢߌߣߌ߲.
ߛߙߋߕߋߕߋߦߊ ߞߏ߫ ߡߊ߰ߙߌ߬ ߜߘߍ߫ ߕߍ߫ ߕߴߊߟߊ߫ ߞߐ߫: ߕߎ߲ߞߎ߲߫ ߝߌ߬ߟߊ߫ ߟߋ߬ ߞߎߡߓߊ ߣߌ߲߬ ߠߊ߫:
ߊ߬ ߝߟߐ: ߡߊ߰ߙߌ߬ ߜߘߍ߫ ߕߍ߫: ߏ߬ ߦߋ߫ ߡߊ߰ߙߌ߬ߦߊ ߕߌ߯ߕߌ߮ ߟߋ߬ ߜߍ߲߫ ߠߊ߫ ߊߟߊ߫ ߕߊ߬ߣߊ ߡߊ߬.
ߊ߬ ߝߌߟߊߣߊ߲: ߝߏ߫ ߊߟߊ߫ ߞߋߟߋ߲߫ ߔߋ߫: ߏ߬ ߟߋ ߓߊ߬ߕߏ߬ߞߊ߬ߒߞߋ߬ߦߊ ߟߊߟߐ߬ ߊߟߊ߫ ߞߋߟߋ߲߫ ߔߋ߫ ߦߋ߫
ߞߟߊߒߞߋ ߞߊ߲߫ ߏ߬ ߟߋ ߘߐ߫ ߞߏ߫ ﴿ߕߎ߬߬ߡߊ ߡߍ߲ ߌߓߎ߬ߙߊ߬ߤߌߡߊ߫ ߞߵߊ߬ ߝߐ߫ ߊ߬ ߝߊ߬ ߣߴߊ߬ ߡߌ߬ߙߌ߲߬ߘߌ ߦߋ߫߸ ߞߏ߫ ߒߠߋ ߓߘߊ߫ ߒ ߣߍ߰ߓߐ߫ ߊߟߎ߫ ߟߊ߫ ߝߋ߲߫ ߓߊ߬ߕߏ߬ߕߊ ߟߎ߬߬ ߟߊ߫ ߞߏ ߘߐ߫ ߝߋߎ߫، ߝߏ߫ ߡߊ߰ߙߌ ߡߍ߲ ߞߊ߬ ߒ ߘߊ߲߫߸ ߏ߬ ߘߏ߲߬ ߘߌ߫ ߒ ߞߊ߲ߘߊ߫ ߟߋ߬ ߘߍ߯﴾ ߡߊ߬ߖߐ߯ߙߊ߲.
ߏ߬ ߘߐ߫ ߊߟߊ߫ ߓߊ߬ߕߏ ߘߐߙߐ߲߫ ߕߍ߫ ߥߛߊ߬ ߞߍ߫ ߘߍ߫߸ ߝߏ߫ ߊߟߊ߫ ߞߋߟߋ߲߫ ߔߋ߫ ߟߋ߬ ߓߊ߬ߕߏ߬ ߌ ߓߟߏ߫، ߞߊ߬ߕߎ߲߯߸ ߊߟߊ߫ ߞߋ߬ߟߋ߲߬ߧߊ ߕߍ߫ ߢߊ߬ ߝߏ߫ ߊ߬ ߣߌ߫ ߞߏ߫ ߝߌ߬ߟߊ߫ ߟߋ߬ ߟߊߘߍ߬ ߞߋߟߋ߲ߘߌ߫: ߊߟߊ߫ ߞߍ߫ ߞߋߟߋ߲߫ ߘߌ، ߊ߬ ߣߌ߫ ߛߋ߲߬ߓߐ ߡߊ߰ߙߌ߬ ߜߙߊ ߣߴߊ߬ ߘߏ߲߬ߞߏ ߟߎ߬ ߛߋ߲߬ߘߐ߫، ߊ߬ ߣߊ߬ ߘߊ߫ ߝߐߟߌ ߘߏ߫ ߘߐ߫߸ ߞߏ߫ ߊ߬ߙߌ߬ߖߣߍ߬ ߞߏ߲ߢߌ߲ ߠߋ߬ ߡߊ߰ߙߌ߬ ߜߘߍ߫ ߕߴߊߟߊ߫ ߞߐ߫ ߘߌ߫، ߓߊ߬ߕߏ߬ߕߊ߬ ߜߘߍ߫ ߕߍ߫ ߝߏ߫ ߊߟߊ߫ ߞߊ߬ߣߌ߲߫، ߒ߬ߓߊ߬ ߦߊ߯ߟߊ߫ ߡߐ߰ ߛߌ߫ ߞߊ߬ ߞߎߡߊ ߣߌ߲߬ ߝߐ߫߸ ߊ߬ߙߌ߬ߖߣߍ߫ ߘߊ ߘߌ߫ ߟߊߞߊ߬ ߏ߬ ߟߎ߬ ߓߍ߯ ߦߋ߫ ߥߊ߬؟
ߟߐ߲ߠߌ߲ߠߊ ߘߏ߫ ߢߌ߬ߣߌ߲߬ߞߊ߬ ߘߊ߫ ߞߏ߫ ߊ߬ߙߌ߬ߖߣߍ߬ ߞߏ߲ߢߌ߲ ߠߋ߬ ߕߍ߫ ߡߊ߰ߙߌ߬ ߜߘߍ߫ ߕߴߊߟߊ߫ ߘߌ߫ ߓߊ߬؟ ߏ߬ ߞߵߏ߬ ߖߋ߬ߓߌ߬ ߞߏ߫: ߞߏߛߓߍ߫، ߞߏ߬ߣߌ߲߬ ߞߏ߲ߢߌ߲߫ ߛߌ߫ ߕߍ߫ ߝߏ߫ ߢߌ߲߫ ߡߌߛߍ߲ߣߍ߲ ߠߎ߬ ߦߋ߫ ߞߴߊ߬ ߟߊ߫ ߟߋ߬ ߗߐ߫، ߣߴߌ ߣߊ߬ ߘߊ߫ ߞߏ߲ߢߌ߲߫ ߢߌ߲ߡߊ ߘߌ߫߸ ߘߊ ߘߌ߫ ߟߊߞߊ߬ ߌ ߦߋ߫، ߣߴߏ߬ ߕߍ߫ ߊ߬ ߕߴߛߋ߫ ߟߊߞߊ߬ ߟߊ߫ ߞߏ߲ߢߌ߲ ߟߊ߫ ߘߋ߬، ߛߙߊ߬ߣߎ߲߬ ߛߘߍߡߊ߲߫ ߠߋ߬ ߝߣߊ߫ ߡߌ߬ߘߊ߬ ߘߊ߫ ߟߊ߬ߝߐ߬ߓߊ߮ ߡߊ߬ (ߕ ߖ) ߡߍ߲ ߦߴߊ߬ߟߋ߬ ߞߏ߲ߢߌ߲ ߢߌ߲߫ ߡߌߛߍ߲ߣߍ߲ ߠߎ߬ ߦߌߘߊߞߊ߬ ߟߊ߫، ߦߏ߫ ߊ߬ ߞߵߊ߬ ߝߐ ߡߍ߲ ߞߍ߫ ߞߏ߫ (ߡߍ߲ ߓߊ߯ ߊ߬ ߝߐ߫ ߞߏ߫ ߡߊ߰ߙߌ߬ ߜߘߍ߫ ߕߍ߫ ߝߏ߫ ߊߟߊ߫ ߓߎ߰ߓߎ߰ߟߌ߬ ߓߟߏ ߡߊ߬ …) ߝߐߢߊ߫ ߜߘߍ߫ ߘߐ߫ ߞߏ߫ ߞߏ߫ ߞߵߊ߬ ߕߘߍ߬ ߊ߬ ߖߛߎ߬ߞߎ߲ ߘߍ߲߬ߞߣߍ߬ߦߊ߬ߣߴߊ߬ ߡߊ߬، ߊ߰ ߏ߬ ߝߐ߫ ߕߎ߬ߢߊ ߟߊ߫ ߞߊ߬ ߓߐ߫ ߖߛߎ߬ߞߎ߲ ߠߊ߫…. ߊ߬ ߣߴߏ߬ ߢߐ߲߰ ߜߘߍ߫ ߟߎ߫.
ߓߊߏ߬߸ ߛߙߊ߬ߣߎ߲ ߢߌ߲߬ ߠߎ߬ ߞߴߊ߬ߙߌ߬ߖߣߍ߬ ߘߏ߲ ߘߍ߲߫ ߞߎߡߦߊ ߣߌ߲߬ ߞߘߐ ߟߐ߲ ߠߋ߬ ߟߊ߫߸ ߊ߬ ߣߌ߫ ߞߊ߬ ߕߏ߫ ߊ߬ ߞߊ߲߬ ߝߏ߫ ߛߊ߬ߦߊ، ߊ߬ ߣߴߌ ߦߴߌ ߞߟߏ߫ ߊ߬ ߟߊ߬ߢߌߣߌ߲ ߠߎ߬ ߦߋ߫ ߟߎߓߍ߫، ߊ߬ ߣߴߏ߬ ߢߐ߲߰ߘߐ ߟߎ߬، ߞߊ߬ߙߊ߲߬ߡߐ߮ ߟߎ߫ ߞߏ߬ߣߌ߲ ߞߊ߬ ߛߙߊߕߌ߫ ߦߌ߬ߘߊ߬ߞߏ߬ߡߊ ߘߏ߫ ߟߎ߫ ߓߊߕߐ߬ߡߐ߲߬، ߛߋ߲ߛߋߘߋ߲ ߠߋ߬ ߏ߬ ߟߎ߬ ߘߝߊ ߘߌ߫߸ ߞߵߊ߬ ߟߴߊ߬ ߕߌߢߍ߫ ߞߏ ߟߎ߬ ߕߏ ߞߊ߲߬، ߏ߬ ߟߋ ߘߌ߫ ߡߊ߰ߙߌ߬ ߜߘߍ߫ ߕߍ߫ ߝߏ߫ ߊߟߊ߫ ߞߎߡߦߊ ߞߍ߫ ߊ߬ߙߌ߬ߖߣߍ߬ ߞߏ߲ߢߌ߲ ߘߌ߫، ߊ߬ ߘߴߊ߬ ߕߌ߱ ߝߣߊ߫ ߣߕߊ߬، ߛߙߊߕߌ ߏ߬ ߟߎ߬ ߝߟߍ߫ ߣߌ߲߬:
ߟߐ߲ߠߌ߲: ߌߞߏߡߌ߲߬ ߞߘߐ ߟߋ߬ ߞߎߡߊ ߓߍ߯ ߟߊ߫، ߏ߬ ߟߋ ߘߐ߫: ߛߋ߲ߛߋߘߋ߲ ߠߋ߬ ߡߊ߰ߙߌ߬ ߜߘߍ߫ ߕߍ߫ ߝߏ߫ ߊߟߊ߫ ߞߘߐ ߟߐ߲ ߘߌ߫ ߢߊ߫ ߡߊ߬߸ ߡߍ߲ ߘߌ߫ ߞߎ߲߬ߝߌ߲߬ߧߊ ߣߌ߫ ߡߊߓߐ߫ ߡߐ߰ ߟߊ߫ ߞߘߎߞߘߎ߫، ߓߊߏ߬߸ ߏ߬ ߟߋ ߦߴߊ߬ ߞߍ߫ ߟߊ߫ ߌ ߘߌ߫ ߡߊ߰ߙߌ߬ߦߊ ߜߍ߲߫ ߝߋ߲߫ ߜߘߍ ߕߐ߭ ߟߎ߬ ߓߍ߯ ߡߊ߬ ߡߍ߲ ߕߴߊߟߊ߫ ߘߌ߫. ߞߟߊߒߞߋ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫ ﴿ߝߏ߫ ߣߌ߫ ߡߍ߲ ߠߎ߬ ߛߙߋߦߊ߫ ߘߊ߫ ߕߎ߬ߢߊ ߟߊ߫߸ ߞߵߊ߬ ߕߘߍ߬ ߊ߬ߟߎ߫ ߞߵߊ߬ ߟߐ߲߫﴾ ߞߋߟߊ ߝߣߊ߫ ߞߵߊ߬ ߦߌ߬ߘߊ߬ (ߕ ߖ) ߞߏ߫ (ߡߍ߲ ߓߊ߯ ߛߊ߬ ߞߵߊ߬ ߕߘߍ߬ ߊ߬ ߞߵߊ߬ ߟߐ߲߫ ߞߏ߫ ߡߊ߰ߙߌ߫ ߓߊ߬ߕߏ߬ߕߊ߬ ߜߘߍ߫ ߕߴߊߟߊ߫ ߞߐ߫߸ ߏ߬ ߘߌ߫ ߘߏ߲߬ ߊ߬ߙߌ߬ߖߣߍ߫ ߘߐ߫).
ߘߍ߲߬ߞߣߍ߬ߦߊ: ߏ߬ ߟߋ ߟߊ ߘߌ߫ ߞߎߡߊ ߢߌ߲߬ ߠߊ߫߸ ߞߊ߬ ߛߙߋߕߋߕߋߦߊ߫ ߊ߬ ߟߊ߬ߢߌߣߌ߲ ߡߊ߬، ߓߊߏ߬߸ ߛߌߞߊ߫ ߛߌ߫ ߕߍ߫ ߓߍ߲߬ ߊ߬ ߘߐ߫߸ ߦߌߟߊ߲ߦߌߟߊ߲߫ ߕߍ߫ ߓߍ߲߬ ߊ߬ ߘߐ߫߸ ߜߘߌ߫ ߘߐ߫ ߕߊ߯ߟߌ߫ ߕߍ߫ ߓߍ߲߬ ߊ߬ ߘߐ߫، ߏ߬ ߓߟߏ ߡߊ߬ ߊߟߊ߫ ߖߍ߬ߘߍ ߞߵߊ߬ ߝߐ߫ ߘߍ߲߬ߞߣߍ߬ߦߊ߬ߓߊ߮ ߟߎ߫ ߡߊ߲߬ߞߕߎ ߘߐ߫ ߞߏ߫ : ﴿ߘߍ߲߬ߞߣߍ߬ߦߊ߬ߓߊ߮ ߟߎ߫ ߟߋ߬ ߘߍ߲߬ߞߣߍ߬ߦߊ߬ߣߍ߲߫ ߊߟߊ߫ ߣߴߊߟߊ߫ ߞߋߟߊ ߡߊ߬، ߊ߬ߟߎ߫ ߘߏ߲߬ ߡߊ߫ ߛߌߞߊ߫ ߡߎ߬ߕߎ߲߬߸ ߊ߬ߟߎ߬ ߣߴߊ߬ߟߎ߫ ߞߊ߬ ߖߘߍ߬ߘߌ ߞߍ߫ ߊ߬ߟߎ߬ ߟߊ߫ ߣߊ߲߬ߝߟߏ ߟߎ߬ ߣߴߊ߬ߟߎ߫ ߖߘߍ߬ߞߎ߲ ߠߎ߬ ߟߊ߫ ߊߟߊ߫ ߛߌߟߊ ߘߐ߫، ߒ߬ߓߊ߬ ߏ߬ ߟߎ߫ ߟߋ߬ ߕߎ߬ߢߊ߬ ߕߌ߮ ߟߎ߬ ߘߌ߫﴾ ߏ߬ ߘߐ߫߸ ߊ߬ ߘߐߟߊߝߐߟߌ߫ ߜߊ߲ߛߊ߲ ߕߍ߫ ߥߛߊ߬ ߞߍ߫ ߘߋ߬، ߝߏ߫ ߖߛߎ߬ߞߎ߲ ߖߍ߬ߘߍ ߟߋ߬ ߦߋ߫ ߘߍ߲߬ߞߣߍ߬ߦߊ ߛߐ߬ߘߐ߲߬ ߕߘߋ߫، ߣߴߏ߬ ߡߊ߫ ߞߍ߫߸ ߏ߬ ߟߋ ߝߌ߬ߟߊ߲߬ߞߊ߬ߝߏ߬ߦߊ ߜߍߞߟߐ ߘߌ߫، ߟߊ߬ߝߐ߬ߓߊ߮ ߞߵߊ߬ ߝߐ߫ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߞߏ߫، ( ߓߘߊ߫ ߛߙߋߕߋߕߋߦߊ߫ ߞߏ߫ ߡߊ߰ߙߌ߬ ߜߘߍ߫ ߕߴߊߟߊ߫ ߞߐ߫، ߊ߬ ߣߌ߫ ߞߏ߫ ߒߠߋ ߡߎ߬ߤߊ߬ߡߊߘߎ߫ ߦߴߊߟߊ߫ ߟߊ߫ ߞߋߟߊ ߟߋ߬ ߘߌ߫، ߖߐ߲߭ ߺ ߐ ߺ ߖߐ߲߬ ߞߵߊߟߊ߫ ߓߍ߲߬ߢߐ߲߰ߦߴߏ߬ ߝߌ߬ߟߊ ߘߌ߫، ߞߵߊ߬ ߕߘߍ߬ ߊ߬ ߛߌߞߊߣߍ߲߫ ߕߍ߫ ߏ߬ ߟߎ߬ ߘߐ߫߸ ߏ߬ ߘߌ߫ ߘߏ߲߬ ߊ߬ߙߌ߬ߖߣߍ߫ ߘߐ߫).
ߊ߬ ߟߊߓߌ: ߌ ߦߴߊ߬ ߟߐ߲߫ ߣߴߌ ߞߊ߬ ߞߎߡߊ ߣߌ߲߬ ߟߐ߲߫ ߞߊ߬ ߘߍ߲߬ߞߣߍ߬ߦߴߊ߬ ߡߊ߬߸ ߏ߬ ߟߎ߬ ߞߊ߫ ߞߊ߲߫ ߞߊ߬ ߟߐ߲߫ ߌ ߡߊ߬ ߞߏߘߌ߬؟ ߏ߬ ߦߋ߫ ߟߐ߲߫ ߠߊ߫ ߢߊ ߡߍ߲ ߡߊ߬߸ ߏ߬ ߟߋ ߦߋ߫ ߌ ߦߋ߫ ߛߐ߲߬ ߞߎߡߊ ߣߌ߫ ߞߏ߫ ߞߍߕߊ ߟߎ߫ ߡߊ߬߸ ߊ߬ ߣߴߌ ߦߴߊ߬ ߟߊ߫ ߝߊ߲ߕߊߕߟߌ ߟߎ߬ ߟߊߕߏ߫ ߞߵߌ ߡߊߓߐ߫ ߊ߬ ߟߊ߫ ߞߘߎߞߘߎ߫، ߡߍ߲ ߓߊ߯ ߊ߬ ߓߊ߲߬ ߞߋ߬ߟߋ߲߬ߓߊ߰ߦߊ ߥߟߋߟߌ ߘߐ߫߸ ߏ߬ ߟߋ ߓߊ߲߬ߓߊ߮ ߘߌ߫، ߊ߬ ߟߊ߫ ߓߊ߲߭ ߞߎ߲߭ ߞߍ߫ ߖߘߍ߬ߘߐ߬ߓߦߊ߬ ߘߌ߫ ߓߊ߬߸ ߞߝߊ߫ ߘߌ߫ ߓߊ߬߸ ߤߊߡߊ߲߫ ߓߍ߬ߛߍ߲߬ߞߐ߬ߣߌ߲߬ߧߊ߫، ߊߟߊ߫ ߞߊ߲߫ ߓߊ߲߬ߓߊ߮ ߟߎ߫ ߡߊ߬ ߏ߬ ߟߋ ߘߐ߫ ߖߘߍ߬ߘߐ߬ߓߊ߬ߦߊ ߞߏߛߐ߲߬ ߞߏ߫:
[ߊ߬ ߕߎ߲߬ ߓߊ߯ ߝߐ߫ ߏ߬ ߟߎ߬ ߦߋ߫ ߛߐ߲߬ ߞߏ߫ ߡߊ߰ߙߌ߬ ߜߘߍ߫ ߕߴߊߟߊ߫ ߞߐ߫߸ ߊ߬ߟߎ߬ ߘߴߊ߬ߟߎ߫ ߖߘߍ߬ߘߐߓߏ߲߬ߧߊ߬].
ߖߘߍ߬ߞߟߏ: ߒ߬ߓߊ߬߸ ߣߌ߲߬ ߠߋ߬ ߓߙߊߞߣߍ ߖߍ߬ߘߍ ߘߌ߫ ߞߊ߬ߣߌ߲߫߸ ߘߍ߲߬ߞߣߍ߬ߦߊ ߓߊ߯ߙߊ ߡߊߦߋߙߋ߲߫ ߦߙߐ ߟߋ߬ ߣߌ߲߬، ߏ߬ ߕߌ߯ߕߌ߯ߦߊ߫ ߢߊ ߟߋ߬ ߓߊ߯ߙߊ ߘߌ߫ ߊߟߓߊ ߟߊ߫ ߛߊ߬ߙߌ߬ߦߊ ߟߎ߬ ߟߊ߫، ߊ߬ ߣߌ߫ ߞߵߊ߬ ߟߊ߫ ߕߐ߲ ߠߎ߬ ߡߟߊ߫، ߦߏ߫ ߞߟߊߒߞߋ ߞߵߊ߬ ߦߌ߬ߘߊ߬ ߢߊ ߡߍ߲ ߡߊ߬ ߞߏ߫: (ߡߍ߲ ߓߊ߯ ߊ߬ ߢߊߘߐߟߊ ߞߟߏ߫ ߊߟߊ߫ ߦߋ߫߸ ߞߵߊ߬ ߕߘߍ߬ ߊ߬ ߦߋ߫ ߢߊ߬ߓߊ߯ ߘߌ߫߸ ߏ߬ ߓߘߴߊ߬ ߓߟߏߞߍ߫ ߟߊߒߠߦߊ ߜߊ߬ߟߌ ߟߊ߫، ߞߏ ߟߎ߬ ߟߊߓߊ߲ ߘߏ߲߬ ߦߋ߫ ߞߊߕߙߍ߬ ߊߟߊ߫ ߟߋ߬ ߡߊ߬). ߣߌ߲߬ ߠߋ߬ ߖߘߍ߬ߞߟߏ ߘߝߊߣߍ߲ ߘߌ߫.
ߕߎ߬ߢߊ: ߞߴߊ߬ ߝߐ߫ ߕߎ߬ߢߊ ߟߊ߫߸ ߥߎߦߊ߫ ߕߍ߫ ߡߍ߲ ߘߐ߫ ߝߋߎ߫، ߓߊߏ߬߸ ߡߍ߲ ߓߊ߯ ߊ߬ ߝߐ߫ ߊ߬ ߣߍ߲߭ ߘߐߙߐ߲߫ ߠߊ߫߸ ߞߵߊ߬ ߛߐ߬ߘߐ߲߬ ߊ߬ ߖߛߎ߬ߞߎ߲ ߡߊ߫ ߛߐ߲߬ ߊ߬ ߡߊ߬߸ ߏ߬ ߟߋ ߝߌ߬ߟߊ߲߬ߞߊߝߏ ߘߌ߫، ߏ߬ ߘߊ߬ߟߎ ߟߋ߬ ߞߟߊߒߞߋ ߞߎߡߊߞߊ߲ ߘߌ߫ ߞߏ߫ ﴿ߏ߬ ߟߎ߬ ߝߋ߲߫ ߠߋ߬ ߝߐ߫ ߟߴߊ߬ߟߎ߫ ߣߍ߲߭ ߠߎ߬ ߟߊ߫ ߡߍ߲ ߠߎ߬ ߕߴߊ߬ߟߎ߫ ߛߣߐ߬ߡߍ ߟߎ߬ ߘߐ߫﴾.
ߞߊ߬ߣߎ߲߬ߕߋ߬ߦߊ: ߘߍ߲߬ߞߣߍ߬ߦߊ߬ߓߊ߮ ߞߊ߫ ߞߊ߲߫ ߠߋ߬ ߞߊ߬ ߞߎߡߊ ߣߌ߲߬ ߞߊ߬ߣߎ߲߬߸ ߊ߬ ߓߊ߯ߙߊ ߝߣߊ߫ ߦߋ߫ ߘߌߦߴߊ߬ ߦߋ߫، ߡߍ߲ ߠߎ߬ ߝߣߊ߫ ߦߋ߫ ߓߊ߯ߙߊ ߟߴߊ߬ ߟߊ߫߸ ߏ߬ ߟߎ߬ ߝߣߊ߫ ߞߊ߬ߣߎ߲ ߦߋ߫ ߞߍ߫ ߘߍ߲߬ߞߣߍ߬ߦߊ߬ߓߊ߮ ߦߋ߫، ߕߐ߰ߡߊ߬ߛߙߋ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߐ߲߭ ߡߊ߰ߙߌ ߞߊ߫ ߘߴߊ߬ ߦߋ߫߸ ߏ߬ ߟߴߊ߬ ߞߍ ߘߌ߫ ߞߵߊ߬ ߡߊ߰ߙߌ ߘߌߦߊߣߊ߲ ߓߌ߬ߟߊ߬ ߢߍ߫، ߤߊߟߴߏ߬ ߝߐ߫ ߘߴߊ߬ߟߋ ߘߌߦߊߣߊ߲ ߞߐ߫، ߞߊ߬ ߡߐ߰ ߢߌ߲߬ߦߊ߫ ߝߣߊ߫ ߡߍ߲ ߓߊ߯ ߊߟߊ߫ ߣߴߊ߬ ߟߊ߫ ߞߋߟߊ ߢߌ߲߬ߦߊ߫، ߞߊ߬ ߡߐ߰ ߖߎ߯ߦߊ߫ ߡߍ߲ ߞߵߏ߬ ߟߎ߬ ߖߎ߯ߦߊ߫، ߊ߬ ߣߌ߫ ߞߵߊߟߊ߫ ߟߊ߫ ߞߋߟߊ ߟߊߓߊ߬ߕߏ߬، (ߞ ߣ) ߊ߬ ߣߌ߫ ߞߊ߬ ߕߎ߲߰ ߊ߬ ߞߐ߫ ߞߵߊ߬ ߟߊ߫ ߞߊ߲ߘߦߊ ߟߊߓߌ߫.
ߓߎ߰ߓߎ߰ߟߌ: ߞߎߡߊ ߣߌ߲߬ ߝߐ߫ ߞߎ߲ ߦߋ߫ ߞߍ߫ ߌ ߓߟߏ߫ ߊߟߊ߫ ߞߏߟߘߊ ߟߋ߬ ߘߐߙߐ߲߫ ߢߌߣߌ߲ ߡߊ߬، ߞߟߊߒߞߋ ߞߊ߲߫ ߏ߬ ߟߋ ߘߐ߫ ߞߏ߫ ﴿ߊ߬ߟߎ߫ ߘߏ߲߬ ߜߎ ߡߊ߫ ߟߐ߬ ߘߏ߫ ߜߘߍ߫ ߟߊ߫߸ ߝߏ߫ ߊ߬ߟߎ߬ ߦߴߊߟߊ߫ ߟߋ߬ ߓߊ߬ߕߏ߬߸ ߞߊ߬ ߘߌ߯ߣߊ ߓߎ߰ߓߎ߯ ߊ߬ ߦߋ߫ ߞߵߊ߬ߟߎ߬ ߞߍ߫ ߖߐ߲ߖߐ߲߫﴾.
ߟߊ߬ߝߐ߬ߓߊ߮ ߝߣߊ߫ ߞߵߊ߬ ߝߐ߫ ߕߌ߲ߞߌ ߣߌ߫ ߖߐ ߦߴߊ߬ ߣߴߊ߬ ߘߏ߲߬ߞߏ ߟߎ߬ ߦߋ߫، ߞߏ߫ (ߡߐ߱ ߺ ߐ ߺ ߡߐ߰ ߞߵߊ߬ ߝߐ߫ ߞߏ߫ ߡߊ߰ߙߌ߫ ߓߊ߬ߕߏ߬ߕߊ߬ ߕߴߊߟߊ߫ ߞߐ߫، ߞߵߏ߬ ߟߊߥߟߌ߬ ߊ߬ ߡߊ߰ߙߌ ߞߏߟߘߊ ߢߌߣߌ߲ ߡߊ߬߸ ߊߟߊ߫ ߘߴߏ߬ ߝߊ߬ߘߌ ߟߊߕߐ߲߫ ߕߊ ߡߊ߬).
ߛߙߊߕߌ ߢߌ߲߬ ߠߎ߬ ߓߍ߯ ߘߝߊ ߞߐ߫߸ ߊ߬ ߦߋ߫ ߘߌߦߊߜߏߦߊ ߟߋ߬ ߕߏ ߘߌ߫ ߞߎߡߊ ߢߌ߲߬ ߞߊ߲߬ ߤߊ߲߯ ߛߊ߬ߦߊ.
ߊ߬ߟߌ ߞߙߊ߬ߞߐ߬ߞߊ ߞߊ߬ߟߐ ߓߟߏ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.