ߞߊ߬ߦߌ߯ ߞߎߣߎ߲߬ ߓߌߟߏ߲ ߕߊ߬ߡߌ߲߬ߣߍ߲ ߛߎ ߟߋ߬ ߘߐ߫߸ ߞߊߘߌߢߐ߲߯ߘߐ ߦߋ߫ ߔߊߞߌߛߑߕߊ߲߫ ߣߌ߫ ߊߝ߭ߎߜ߭ߊߣߌߛߑߕߊ߲߫ ߕߍ߫߸ ߛߌ߰ߢߐ߲߰ ߖߡߊߣߊ߫ ߝߌ߬ߟߊ߫ ߡߍ߲߬ ߠߎ߫ ߞߊ߬ ߡߎ߯ ߟߊߥߟߌ ߞߍ߫ ߟߋ߬ ߊ߬ߟߎ߬ ߟߊ߫ ߣߊ߲߬ߕߌ߰ ߘߊ߯ ߞߙߍߞߙߍߣߍ߲ ߠߎ߫ ߞߊ߲߬߸ ߓߊ߬ߙߌ߫߸ ߊߝ߭ߎߜ߭ߊߣߌߛߑߕߊ߲߫ ߠߋ߬ ߝߟߐ߫ ߞߐ߲߰ ߘߊ߫ ߡߎ߯ ߟߊߥߟߌ ߢߍ߫߸ ߦߊ߬ߣߌ߫ ߔߊߞߌߛߑߕߊ߲߫ ߦߋ߫ ߣߊ߬ ߕߊߖߟߎߛߙߊ ߞߍ߫߸ ߊ߬ ߘߏ߲߬ ߊߝ߭ߎߜ߭ߊߣߌߛߑߕߊ߲߫ ߦߋ߫ ߡߊߝߌ߲߬ߠߊ߫ ߊ߬ߟߎ߬ ߓߟߏ߫ ߓߊ߰ߓߊ߰ߟߌ߬ߟߊ ߟߎ߬ ߞߐߡߊߓߌ߲ߓߌ߲ ߠߋ߬ ߞߏߛߐ߲߬߸ ߖߡߊ߬ߣߊ߫ ߝߌ߬ߟߊ߫ ߡߍ߲߬ ߠߎ߫ ߘߏ߲߬ ߠߊ߫ ߘߊ߲߬ߕߍ߰ߟߌ ߟߎ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߕߌߢߍߟߌ߫ ߛߌߦߊߡߊ߲߫ ߠߋ߬ ߓߘߊ߫ ߞߍ߫ ߞߍ߬ߟߍ ߘߊߡߌ߬ߣߊ ߣߌ߫ ߛߌߛߍ߲߬ ߕߍ ߘߐ߫.
ߔߊߞߌߛߑߕߊ߲߫ ߞߵߊ߬ ߦߌ߬ߘߊ߬ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߛߐ߰ߡߊ߬ߘߊ ߟߊ߫ ߞߏ߫ ߊ߬ߟߎ߬ ߓߘߊ߫ ߜߊ߬ߟߏ ߟߊ߫ ߊߝ߭ߎߜ߭ߊߣߌߛߑߕߊ߲߫ ߣߊ߲߬ߕߌ߯ ߁߃߃ ߞߊ߲߬߸ ߞߊ߬ ߂߀߀ ߢߐ߲߰ ߖߐߞߌ߫߸ ߊ߬ ߣߌ߫ ߞߵߊ߬ߟߎ߬ ߟߊ߫ ߣߊ߲߬ߕߌ߰ ߘߊ߮ ߂߇ ߕߌߢߍ߫߸ ߕߊߟߑߓߊ߲߫ ߠߎ߬ ߝߣߊ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߫ ߓߘߊ߫ ߓߐ߬ߣߐ ߟߊߛߋ߫ ߔߊߞߌߛߑߕߊ߲߫ ߡߊ߬߸ ߞߊ߬ߕߎ߲߯߸ ߞߏ߫ ߊ߬ߟߎ߬ ߓߘߊ߫ ߣߊ߲߬ߕߌ߰ ߅߅ ߟߋ߬ ߓߐ߬ߣߐ߫ ߊ߬ ߣߌ ߘߐ߫߸ ߊ߬ ߣߌ߫ ߞߵߊ߬ߟߎ߬ ߕߍ߮ ߟߊ߫ ߣߊ߲߬ߕߌ߰ ߘߊ߮ ߁߀ ߢߐ߲߰ ߞߊ߲߬߸ ߣߌ߲߬ ߘߏ߲߬ ߘߊߡߌ߬ߣߊ߬ ߘߊ߫ ߊߝ߭ߎߜ߭ߊߣߌߛߑߕߊ߲߫ ߣߊ߲߬ߕߌ߮ ߟߎ߬ ߟߊ߫ ߞߎߣߎ߲߬ ߓߌߟߏ߲ ߕߊ߬ߡߌ߲߬ߣߍ߲ ߡߎ߮ ߟߊߥߟߌ ߟߋ߬ ߛߋ߲߭ߝߍ߬ ߔߊߞߌߛߑߕߊ߲߫ ߓߐߕߏ߲ ߠߊ߫.
ߓߊߏ߬߸ ߏ߬ ߝߣߊ߫ ߕߍ߬ߘߍ߫ ߞߊ߬ ߟߊ߬ߞߊ߲߬ߘߊ߬ߟߌ ߓߊ߯ߙߊ ߘߏ߫ ߟߎ߫ ߛߌ߰ ߛߋ߲߬ߠߊ߫ ߞߏ߲ߞߏߜߍ ߕߋ߬ߟߋ߫ ߂߂ ߡߊ߬߸ ߊߝ߭ߎߜ߭ߊߣߌߛߑߕߊ߲߫ ߖߡߊ߬ߣߊ ߞߣߐ߫߸ ߏ߬ ߡߍ߲ ߛߋ߲߭ߝߍ߬ ߊ߬ߟߎ߫ ߞߊ߬ ߡߐ߰ ߈߀ ߓߐ߬ߣߐ߫ ߊ߬ ߣߌ ߘߐ߫߸ ߊ߬ߟߎ߫ ߕߘߍ߬ ߏ߬ ߟߎ߬ ߡߍ߲ ߠߎ߬ ߖߊ߬ߕߋ߬ ߟߊ߫ ߓߊ߰ߓߊ߰ߟߌ߬ߟߊ ߟߎ߬ ߘߌ߫ ߞߊ߬ߣߌ߲߫߸ ߒ߬ߓߊ߬߸ ߏ߬ ߟߋ߬ ߡߊ߫ ߓߍ߲߬ ߕߊߟߑߓߊ߲߫ ߠߎ߬ ߡߊ߬߸ ߏ߬ ߟߋ߬ ߞߍߣߍ߲߫ ߏ߬ ߟߎ߬ ߝߣߊ߫ ߘߏ߲߬ ߢߊ ߘߌ߫ ߞߍ߬ߟߍ ߘߐ߫߸ ߝߏ߫ ߊ߬ߟߎ߫ ߣߊ߬ ߘߊ߫ ߘߏ߲߬ ߞߍ߬ߟߍ ߘߐ߫ ߞߎߣߎ߲߬ ߡߎ߰ߡߍ ߡߊ߬߸ ߊ߬ ߘߏ߲߬ ߊ߬ ߓߘߊ߫ ߕߎ߬ߡߊ߬ ߖߊ߲߫ ߓߐ߫߸ ߔߊߞߌߛߑߕߊ߲߫ ߞߏߕߌ߮ ߟߎ߬ ߦߋ߫ ߊߝ߭ߎߜ߭ߊߣߌߛߑߕߊ߲߫ ߡߊߝߌ߲߬ ߠߊ߫ ߞߏ߫ ߊ߬ ߦߋ߫ ߓߊ߰ߓߊ߰ߟߌ߬ߟߊ ߟߎ߬ ߞߐߡߊߓߌ߲ߓߌ߲߫ ߠߊ߫ ߟߋ߬߸ ߞߵߊ߬ ߟߐ߬ ߔߊߞߌߛߑߕߊ߲߫ ߝߊ߲߭ ߘߏ߫ ߟ߫ߎ ߡߊ߬.
ߓߊ߬ߙߌ߫߸ ߊߝ߭ߎߜ߭ߊߣߌߛߑߕߊ߲߫ ߞߏߕߌ߮ ߟߎ߫ ߞߏ߬ߣߌ߲ ߡߊ߫ ߓߍ߲߬ ߡߊ߬ߝߌ߲߬ߞߊ߲߬ߠߊ ߏ߬ ߟߎ߫ ߡߊ߬߸ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߖߡߊ߬ߣߊ߫ ߝߌ߬ߟߊ߫ ߡߍ߲߬ ߠߎ߫ ߛߌ߬ߛߌ߬ߣߍ߲ ߕߘߍ߬ ߦߋ߫ ߢߐ߲߮ ߞߊ߲ߡߊ߬ ߞߘߐ߬ߡߊ߲߫߸ ߊ߬ ߞߏ߬ߣߌ߲ ߓߘߊ߫ ߣߊ߬ ߟߊߓߊ߲߫ ߝߘߌߢߐ߲߯ߘߐ ߡߊ߬.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
