ߓߋߣߍ߲߫ ߞߣߐ߫߸ ߛߌ߰ߞߊ߲ ߞߕߌߖߌ߲ ߓߘߊ߫ ߂߀߂߆ ߞߏ߲ߞߏߘߓߌ ߕߟߋ߬ ߁߂ ߞߊ߲ߕߌ߯ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ ߟߊߥߊ߲߬ߞߊ߲߫ ߓߌߟߏ߲ ߣߌ߲߬ ߞߏ߲ߞߏߘߓߌ ߕߟߋ߬ ߁߆، ߊ߬ ߡߊ߫ ߞߍ߫ ߓߙߊ߬ߒ߬ߘߐ߬ߞߏ߫ ߘߌ߫߸ ߙߏߡߎߥߊߟߘ ߥߘߊߢߌ߫ ߟߋ߬ ߣߐ߬ ߢߍߓߊ߯ߦߊ ߘߊ߬ߘߌ߬ ߟߊ߫ %߉߄،߂߇ ߢߐ߲߰ ߠߊ߫.
ߙߏߡߎߥߊߟߘ ߥߘߊߢߌ߫ ߓߘߊ߫ ߞߍ߫ ߓߋߣߍ߲߫ ߞߊ߲ߕߌ߯ ߞߎߘߊ ߘߌ߫ ߡߎ߬ߕߎ߲߬ ߝߛߊߦߌ߫، ߞߊ߬ ߓߍ߲߬ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ߬ ߟߊߥߊ߲߬ߞߊ߲߬ߣߍ߲ ߡߊ߬߸ ߡߍ߲ ߘߐߞߊ߬ߙߊ߲߬ ߘߊ߫ ߘߏߙߏߕߋ ߛߏߛߊ߫ ߓߟߏ߫߸ ߊ߬ ߦߌ߬ߘߊ߬ߣߍ߲߬ ߞߏ߫ ߥߘߊߢߌ߫ ߛߎߘߊ߲߫ ߘߊ߫ %߉߄،߂߇ ߟߋ߬ ߟߊ߫، ߢߣߊߕߊߟߌ ߥߛߊ߬ߓߊ߰ߦߊ߬ ߘߍߒߖߘߍߟߊ ߞߊ߬ ߞߐߝߟߌ ߡߍ߲ ߠߊߓߐ߫߸ ߘߏߣߍ߲߫ ߠߋ߬ ߘߏߣߍ߲߫ ߊ߬ ߣߴߏ߬ ߕߍ߫، ߒ߬ߓߊ߬߸ ߙߏߡߎߥߊߟߘ ߥߘߊߢߌ߫ ߓߘߊ߫ ߛߎߥߊ߲ߘߌ߫ ߞߊ߬ ߞߍ߫ ߓߋߣߍ߲߫ ߞߊ߲ߕߌ߮ ߘߌ߫߸ ߞߊ߬ ߓߐ߬ߟߐ߲߬ߞߊ߫ ߛ߭ߊ߬ߓߌ߫ ߛ߭ߊ߬ߓߌ߫ ߕߊ߬ߟߊߕߊ߬ ߞߍ߫ ߞߊ߲ߓߍ߲ ߞߊ߲ߕߌ߯ ߛߙߍߞߍ ߘߌ߫.
ߊ߬ ߛߊ߲ߞߊߢߐ߲߯ ߔߏߟ ߤߎ߲ߜ߳ߍ߫ ߛߎߘߊ߲߫ ߘߊ߫ %߀߅،߇߃ ߟߋ߬ ߟߊ߫، ߏ߬ ߘߏ߲߬ ߝߣߊ߫ ߛߐ߲߬ ߘߴߊ߬ ߟߊ߫ ߗߌߙߏ߲ ߡߊ߬߸ ߞߊ߬ ߥߘߊߢߌ߫ ߞߎߟߎ߲ߖߋ߫ ߊ߬ ߟߊ߫ ߛߎߘߊ߲ ߘߐ߫، ߢߊߝߐߟߌߓߊ ߞߍ߫ ߘߊ߫ ߡߍ߲ ߘߌ߫ ߛߊ߫߸ ߏ߬ ߟߋ ߞߍ߫ ߘߊ߫ ߢߣߊߕߊߟߌ ߕߘߍ߬ߒ߬ߘߐ߬ߟߌ ߗߡߍ߬ߘߐ߬ߦߊ ߘߌ߫، ߞߊ߬ߕߎ߲߯߸ ߛߌ߰ߞߊ߲ ߞߕߌߖߌ߲ ߠߊ߫ ߝߐߟߌ߫ ߘߐ߫߸ ߕߘߍ߬ߒ߬ߘߐ߬ߟߌ ߦߋ߫ %߆߃،߅߅ ߟߋ߬ ߘߌ߫، ߓߊ߬ߙߌ߬߸ ߢߣߊߕߊߟߌ ߥߛߊ߬ߓߊ߰ߦߊ߬ ߘߍ߲ߣߍ߲ߒߖߘߍ߬ߟߊ ߞߊ߬ ߡߍ߲ ߝߐ߫߸ ߏ߬ ߟߋ %߅߈،߇߅ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
