ߊ߬ ߞߎ߲߬ߢߐ߲߰ ߞߋߟߋ߲߫ ߖߊ߬ߕߋ߫ ߟߋ߬ ߕߋ߲߬߸ ߕߊ ߓߐ߫ ߘߊ߫ ߓߐ߬ߙߑߘߏ߫ ߍߛ.ߏ.ߍߛ ߞߌ߲߬ߘߊ ߟߊ߫، ߒ߬ߓߊ߬߸ ߓߌ߬ ߓߌߟߏ߲ ߣߌ߲߬ ߝߣߊ߫ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߁߆߸ ߕߊ߫ ߜߘߍ߫ ߟߋ߬ ߓߐߣߍ߲߫ ߦߋ߲߬، ߛߦߊ߬ ߞߏ߫ ߡߊ߫ ߝߐ߫ ߕߊߓߐ ߣߌ߲߬ ߘߐ߫߸ ߓߊ߬ߙߵߊ߬ ߞߍߣߍ߲߫ ߠߋ߬ ߓߟߏߝߋ߲߫ ߞߊߛߙߊ ߘߌ߫ ߞߟߋ߫.
ߕߊ ߥߟߌ߬ ߘߊ߫ ߕߟߋ߬ߞߎߣߊ ߟߋ߬ ߘߐ߫ ߞߊ߲ߞߊ߲߫ ߞߌ߲߬ߘߊ ߢߌ߲߬ ߞߣߐ߫߸ ߞߊ߬ ߕߌߢߍߟߌ߫ ߛߌߦߊߡߊ߲߫ ߞߍ߫ ߟߎ ߘߏ߫ ߞߣߐ߫، ߟߎ ߡߍ߲ ߦߋ߫ ߕߋ߲߬߸ ߓߏ߲ߓߊ߫ ߝߌ߬ߟߊ߫ ߟߋ߬ ߦߋ߲߬߸ ߊ߬ ߓߏ߲ߓߊ߫ ߝߌ߬ߟߊ ߓߍ߯ ߟߋ߬ ߖߋ߬ߣߌ߲߬ ߘߊ߫ ߕߊ ߓߟߏ߫߸ ߝߋ߲߫ ߝߏߦߌ߬ ߡߊ߫ ߛߋ߫ ߓߐ߫ ߟߊ߫߸ ߞߊ߬ ߘߋ߲ߓߦߊ ߓߌ߬ߟߊ߫ ߛߎ߬ߣߎ߲ ߘߝߊߣߍ߲ ߘߐ߫.
ߓߐ߬ߙߑߘߏ߫ ߍߛ.ߏ.ߍߛ ߞߎ߲߬ߘߊ ߁߭ ߞߎ߲߬ߕߌ߮ ߎߡߊߙ ߝߊ߬ߙߎߞ ߞߐ߲ߘߍ߫ ߟߊߟߐ߲ߠߌ߲߫ ߘߊ߫ ߕߊߓߐ߫ ߞߏ ߟߊ߫ ߞߵߊ߬ ߛߐ߬ߘߐ߲߬ ߊ߬ߟߋ ߦߋ߫ ߓߊ߯ߙߊ߫ ߦߌߟߊ ߟߋ߬ ߘߐ߫، <<ߒ ߕߏ߫ ߘߊ߫ ߓߊ߯ߙߊ߫ ߦߙߐ ߟߋ߬ ߘߐ߫߸ ߒ ߞߟߌ߫ ߘߊ߫ ߒ ߠߊ߫ ߞߎ߲߬ߘߊ ߞߣߐ߫ ߡߐ߮ ߘߏ߫ ߓߟߏ߫߸ ߞߏ߫ ߕߊ ߓߘߊ߫ ߓߐ߫ ߒ ߠߊ߫ ߘߎ߰ߘߋ߲ ߘߏ߫ ߟߊ߫ ߟߎ ߞߣߐ߫، ߏ߬ ߞߍ߸ ߒ ߞߊ߬ ߕߊߟߛߊߟߊ ߟߎ߬ ߟߊߟߐ߲ߠߌ߲߫ ߌߞߘߐ߫، ߊ߬ߟߎ߬ ߦߋ߫ ߣߊ߬ ߟߊ߫߸ ߛߌ߰ߢߐ߲߮ ߠߎ߫ ߕߎ߲߬ ߓߘߊ߫ ߛߌߦߊߡߊ߲߫ ߞߍ߫ ߕߊߟߛߊ ߘߐ߫߸ ߓߊ߬ߙߌ߬ ߕߊ ߕߎ߲߬ ߦߋ߫ ߕߊ߬ߡߌ߲߬ ߠߊ߫ ߥߙߊ߬ ߟߊ߫ ߟߋ߬، ߕߊߟߛߊߟߊ ߟߎ߬ ߟߊ߫ ߣߊ߬ߟߌ ߞߍ߫ ߘߊ߫ ߕߙߎ߬ ߘߌ߫߸ ߕߊ ߛߋ߫ ߘߊ߫ ߡߊߣߐ߬ ߟߊ߫.>> ߊ߬ ߞߵߏ߬ ߦߌ߬ߘߊ߬ ߞߎߡߊ ߘߐ߫.
ߕߋ߲߭ߕߋ߲߭ ߣߌ߲߬ ߘߐ߫߸ ߕߊߓߐ ߣߌ߲߬ ߞߎ߲߬ ߡߊ߫ ߟߐ߲߫ ߡߎߣߎ߲߬، <<ߒ ߕߴߛߋ߫ ߝߏߦߌ߬ ߝߐ߫ ߟߊ߫ ߕߊ ߣߌ߲߬ ߓߐ߫ ߢߊ ߖߐ߲ߖߐ߲ ߞߊ߲߬، ߞߎߡߊ ߡߍ߲ ߠߎ߬ ߦߋ߫ ߝߐ߫ ߟߴߊ߬ ߞߊ߲߬߸ ߓߍ߯ ߦߴߌ ߕߊ߫ ߟߋ߬ ߝߐ߫ ߟߊ߫.>> ߞߎ߲߬ߘߊ ߞߎ߲߬ߕߌ߮ ߞߵߏ߬ ߦߌ߬ߘߊ߬.
ߡߐ߰ ߡߊ߫ ߕߏ߫ ߕߊߓߐ ߣߌ߲߬ ߘߐ߫߸ ߒ߬ߞߊ߬ ߓߟߏߝߋ߲߫ ߛߌߦߊߡߊ߲߫ ߠߋ߬ ߕߏߣߴߊ߬ ߘߐ߫، <<ߊ߬ ߓߐ߬ߣߐ ߥߙߊ߬ߣߍ߲߬ ߓߊߟߋ߬، ߞߎ߲߬ߠߊ߬ߘߌߦߊ ߞߍ߫ ߘߊ߫ ߡߍ߲ ߘߌ߫߸ ߡߐ߰ ߡߊ߫ ߓߐ߬ߣߐ߫ ߊ߬ ߣߌ ߘߐ߫߸ ߓߟߏߝߋ߲ ߠߎ߫ ߞߏ߬ߣߌ߲ ߕߌߢߍ߫ ߘߊ߫ ߟߋ߬ ߝߋߝߋ߫.>>
ߞߊ߬ ߓߍ߲߬ ߕߊߓߐ߫ ߛߌߦߊߡߊ߲ ߣߌ߲߬ ߡߊ߬ ߓߐ߬ߙߑߘߏ ߍߛ.ߏ.ߍߛ ߞߌ߲߬ߘߊ ߟߊ߫߸ ߞߌ߲߬ߘߊ ߞߏߟߊߕߍ߮ ߟߎ߬ ߓߘߊ߫ ߘߎ߰ߘߋ߲ ߟߐ߬ ߞߟߌߟߌ ߞߍ߫ ߟߊ߫ ߖߏߣߊ߫߸ ߣߴߊ߬ ߓߍ߲߬ ߘߊ߫ ߕߌߢߍߟߌ߫ ߡߊ߬. <<ߡߍ߲ ߕߐ߬ߣߐ ߞߊ߫ ߓߏ߲߬߸ ߕߊߟߛߊߟߊ ߟߎ߬ ߟߊ߫ ߝߙߍߕߍ ߓߊ߲ ߞߐ ߛߐ߬ߘߐ߲߬ ߠߊ߫߸ ߡߐ߰ ߞߊ߫ ߡߐ߰ ߡߊߞߐ߬ߣߐ߲߫ ߡߎ߬ߕߎ߲߬߸ ߞߏ߫ ߝߏ߫ ߞߌ߲߬ߘߊ ߞߎ߲߬ߕߌ߮ ߟߎ߬ ߓߊ߯ ߣߊ߬ ߡߎߣߎ߲߬ ߥߟߊ߫ ߘߏ߫ ߜߘߍ߫، ߕߊ ߓߊ߯ ߓߐ߫ ߢߊ ߡߍ߲ ߌߞߘߐ߫߸ ߊߟߎ߫ ߦߋ߫ ߕߊߟߛߊߟߊ ߟߎ߬ ߞߟߌ߫.>> ߎߡߊߙ ߝߊ߬ߙߎߞ ߞߐ߲ߘߍ߫ ߞߵߏ߬ ߦߌ߬ߘߊ߬.
ߊ߬ ߞߊ߬ ߘߋ߲ߓߦߊ ߟߎ߬ ߟߊߟߌ߫߸ ߞߏ߫ ߊ߬ߟߎ߬ ߦߋ߫ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߝߊ߲߬ߞߊߘߏ߲߬. <<ߒ ߧߋ߫ ߒ ߞߊ߲ߠߊߘߌ߫ ߘߋ߲ߓߦߊ ߟߎ߫ ߡߊ߬߸ ߊ߬ ߕߌ߯ߕߌ߯ ߡߏ߬ߛߏ ߟߎ߬߸ ߓߍ߯ ߦߴߊ߬ ߘߋ߲߫ ߠߊߟߌ߫ ߞߊ߬ ߓߍ߲߬ ߕߊ ߡߊ߲߬ߕߙߐ ߡߊ߬߸ ߊ߬ ߣߴߊ߬ߟߎ߬ ߘߌ߫ ߛߴߊ߬ߟߎ߫ ߖߘߍ߬ ߟߊߕߊ߲߬ߞߊ߬ ߟߊ߫ ߢߊ ߡߍ߲ ߡߊ߬.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬.
