ߕߟߋ߬ ߦߌߞߊ߫ ߞߍߣߍ߲ ߞߐߝߍ߬ ߖߌ߬ߣߍ߬ ߞߣߐ߫߸ ߘߍ߬ߞߙߏߝߏ ߟߎ߬ ߓߟߏߕߍ߰ߣߍ߲߫ ߞߵߊ߬ߟߎ߫ ߝߛߏ߬ߝߛߊ߫߸ ߢߣߊߕߊߟߌ ߢߊߞߘߐߟߊ ߣߌ߲߬ ߘߐ߫ ߕߋ߲߬߸ ߓߟߏ߫ ߓߘߊ߫ ߓߐ߫ ߊ߬ߟߎ߬ ߘߐ߫.
ߊ߬ ߕߟߋ߬ ߦߙߌߞߊ ߟߋ߬ ߕߍ߬ߘߍ߫ ߕߋ߲߬߸ ߖߌ߬ߣߍ߬ߞߊ ߟߎ߫ ߕߎ߲߬ ߓߘߊ߫ ߖߊ߲߬ ߘߍ߬ߞߙߏߝߏ ߟߎ߬ ߟߊ߫߸ ߞߵߊ߬ ߕߍ߰ ߊ߬ߟߎ߫ ߡߊ߬ ߜߊߘߌ߫، ߒ߬ߓߊ߬߸ ߏ߬ ߓߘߊ߫ ߞߊ߲ߠߊߓߌ߬ߟߊ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬، ߞߊ߬ߕߎ߲߯߸ ߝߍߛߑߓߎߞ ߓߊ߬߸ ߡߋߛߊ߲ߖ߭ߍߙ ߓߊ߬߸ ߦߎߕߎ߳ߓ ߓߊ߬߸ ߞߵߏ߬ ߟߊ߫ ߕߌߞߑߕߐߞ ߞߊ߲߬߸ ߏ߬ ߓߍ߯ ߟߋ߬ ߕߍ߰ߣߍ߲߫ ߕߘߍ߬߸ ߞߊ߬ߦߌ߯ ߞߎߣߎ߲ߟߏ߲߫ ߕߊ߬ߡߌ߲߬ߣߍ߲߸ߓߟߐߟߐߛߙߏߝߋ ߟߎ߬ ߟߊ߫ ߘߍ߬ߞߙߎ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.
ߞߎ߲߬ߠߊ߬ߛߌ߮ ߟߎ߫ ߞߏ߬ߣߌ߲ ߡߊ߫ ߢߊߝߐߟߌ߫ ߝߏߦߌ߬ ߞߍ߫ ߊ߬ ߞߏ ߞߊ߲߬߸ ߊ߬ߟߎ߫ ߞߏ߬ߣߌ߲ ߞߊ߬ ߟߊ߬ߛߋ߬ߟߌ߬ ߞߍ߫ ߡߐ߱ ߟߎ߬ ߦߟߌߓߌ߬ߟߊ߬߸ ߞߏ߫ ߓߍ߯ ߦߴߊ߬ ߖߊ߲߬ߕߏ߫ ߊ߬ ߞߎߡߊ߫ ߢߊ ߘߐ߫ ߓߟߐߟߐ ߞߊ߲߬߸ ߞߊ߬ ߞߎߡߊ߫ ߟߎ߫ ߟߋ߬ ߝߐ߫߸ ߡߍ߲ ߘߌ߫ ߡߐ߱ ߟߎ߬ ߓߟߏ ߟߊ߫ ߢߐ߲߮ ߞߊ߲߬.
ߓߟߐߟߐ߫ ߕߍ߮ ߣߌ߲߬ ߘߏ߲߬ ߞߍߣߍ߲߫ ߞߊ߬ ߞߎ߲߬ߢߐ߲߰ ߘߊ߲ߘߐ߫ ߟߋ߬ ߕߏ߫ ߢߣߊߕߊߟߌ ߟߊ߫߸ ߥߛߊ߬ߘߋ߲߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲ ߢߣߊߕߊߟߌ߸ ߏ߬ ߡߍ߲ ߞߍߕߐ߫ ߘߓߊ߬ߕߊ߫ ߣߊ߬ߕߐ ߟߊߓߊ߲ ߠߊ߫.
ߓߟߐߟߐ߫ ߞߏ ߤߊߞߍ ߡߞߊߘߊ߲ߓߊ߮ ߟߎ߬ ߞߊ߲߫ ߞߏ߫ ߓߟߏ ߓߐ ߘߍ߬ߞߙߏߝߏ ߟߎ߬ ߞߊ߲߫ ߘߐ߫ ߣߌ߲߬ ߢߊ߸ ߏ߬ ߦߋ߫ ߟߌ߬ߤߟߊ߬ ߘߌߡߊ߲߫ ߠߋ߬ ߘߌ߫ ߕߟߏ ߟߊ߫߸ ߡߍ߲ ߘߌ߫ ߞߍ߫ ߕߙߎ߬ ߘߌ߫ ߖߡߊ߬ߣߊ߬ߘߋ߲ ߠߎ߬ ߘߌ߫ ߛߋ߫ ߞߎߡߊ߫ ߟߴߊ߬ߟߎ߫ ߛߊ߬ߥߏ߬ ߘߐ߫߸ ߊ߬ ߣߌ߫ ߞߊ߬ ߟߌ߬ߤߟߊ ߟߎ߬ ߟߊߛߐ߬ߘߐ߲߫ ߊ߬ ߢߊ ߡߊ߬.
ߓߊ߬ߙߌ߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߢߐ߲߰ ߞߊߣߊ߬ ߞߍ߫ ߢߣߊߕߊߟߌ ߡߊ߬ߛߎߘߎ߲ߧߊ ߘߐ߫ ߘߋ߬.
ߖߌ߬ߣߍ߫ ߞߏ߬ߣߌ߲ ߓߘߊ߫ ߡߊߝߌ߲߬ ߛߋ߲߬ߢߊ߬ ߛߌߦߊߡߊ߲߫ ߠߋ߬ ߓߟߐߟߐ߫ ߕߍ߯ ߞߏ ߣߌ߲߬ ߘߐ߫߸ ߊ߬ ߦߋ߫ ߕߍ߰ ߟߊ߫ ߕߋ߲߬ ߠߋ߬߸ ߊ߬ ߕߍ߫ ߛߙߊ߬ ߟߊ߫ ߡߐ߰ ߟߊ߫، ߊ߬ ߘߌ߫ ߟߊߓߌ߬ߟߊ߬ ߝߣߊ߫߸ ߊ߬ ߕߍ߫ ߢߊߝߐ߫ ߟߊ߫، ߏ߬ ߛߌߦߊߡߊ߲߫ ߠߋ߬ ߝߣߊ߫ ߦߋ߫ ߞߍ߫ ߟߊ߫ ߢߣߊߕߊߟߌ ߢߊߞߘߐߟߊ ߟߎ߬ ߘߐ߫ ߛߐ߲߬.
