߂߀߂߅ ߝߊ߬ߛߏ ߞߘߐߓߐߟߌ ߟߎ߬ ߘߊߡߌ߬ߣߊ߬ ߟߊ߫ ߥߊ߬ߛߌ߬ߥߊߙߊ ߕߟߋ߬ ߁߂ ߟߋ߬ ߡߊ߬ ߞߵߊ߬ ߞߎ߲߭ ߘߏ߲߬ ߕߋ߬ߟߋ߫ ߂߇ ߟߋ߬ ߡߊ߬ ߖߌ߬ߣߍ߬ ߞߊ߲ߓߍ߲߫ ߞߣߐ߫.
ߞߘߐߓߐߟߌ ߣߌ߲߬ ߛߊߓߎ߫ ߟߊ߫ ߸ߡߊ߬ߡߌ߬ߘߊ߬ߟߌ߬ߟߊ߫ ߥߊ߯ ߦߙߌߞߊ߫ ߟߋ߬ ߛߋ߫ ߘߊ߫ ߟߊߘߍ߬ ߟߊ߫ ߝߊ߬ߛߏ ߕߌ߲߬ߞߎߘߎ߲ ߝߊ߲߭ ߓߍ߯ ߘߐ߫.
ߛߋ߲߬ߕߊ߫ ߞߘߎ߬ߜߍ߬ߟߍ߲߬ߓߊ ߣߌ߲߬ ߓߍ߯ ߞߐ߫߸ ߞߐߝߟߌ ߟߎ߬ ߡߊߞߐ߬ߣߐ߲߬ ߕߎߡߊ ߓߘߊ߫ ߛߋ߫ ߸ߏ߬ ߡߍ߲ ߕߎ߬ߡߊ ߕߐ߰ߡߊ߬ߛߙߋ߬ߦߊ߬ߣߍ߲߫ ߖߛߎ߬ߡߊ߬ߞߛߊ ߘߌ߫ ߊ߬ ߣߌ߫ ߞߊ߬ߙߊ߲߬ߘߋ߲ ߠߎ߬ ߣߌ߫ ߞߐߙߍ߫ ߟߎ ߖߌ߭ ߘߌ߫.
ߟߊ߬ߞߟߏ߬ߞߟߏ߬ߟߌ ߣߌ߫ ߟߊ߬ߛߓߍ߬ߛߎ߲߬ߧߊ߬ߟߌ ߞߏߕߌ߯ߘߊ ߟߊ߫ ߟߐ߯ߞߎ߲߫ -ߟߐ߯ߞߎ߲߫ ߟߊߘߍ ߣߌ߲߬ ߛߋ߲߬ߝߍ߬ ߸ ߏ߬ ߡߍ߲ ߞߍߣߍ߲߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߅ ߞߊ߬ߙߌ߬ߝߐ ߕߟߋ߬ ߇ ߸ߒ߬ߓߊ߬ ߸ ߏ߬ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫ ߞߏߛߐ߲߬ ،ߞߘߐߓߐߟߌ߫ ߣߌ߫ ߞߊ߬ߙߊ߲߬ߛߏ ߟߎ߬ ߜߋ߬ߟߎ߲߬ߓߊ߮ ߝߘߏ߬ߓߊ߬ ߗߋߕߌ߮ ߞߊ߬ ߡߐ߱ ߟߎ߬ ߦߟߌߡߊߘߌߦߊ߫ ߓߊ߯ߙߊ ߟߎ߬ ߥߢߊ߫ ߓߘߍ ߟߎ߬ ߟߊ߫.
ߓߊ߯ߙߊ߫ ߣߌ߲߬ ߓߍ߯ ߣߴߊ߬ ߕߊ߫ ߸ ߊ߬ ߛߋ߫ ߟߊ߫ ߞߊ߬ ߟߊ߬ߞߎ߬ߘߦߊ߬ߟߌ ߘߏ߫ ߞߍ߫ ߓߊߓߌߟߊߟߌ ߟߎ߬ ߛߊߞߍߟߌ ߕߊ߯ߢߊ ߞߊ߲߬ ߊ߬ ߣߌ߫ ߕߏ߲ߘߋ ߟߎ߬ ߕߊ߲ߓߊ߲ߦߊߟߌ:
( la centralisation des notes)
ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ،ߊ߬ ߞߵߊ߬ ߝߐ߫ ߟߋ߬ ߞߵߊ߬ ߟߊߕߍ߰ ߝߋߎ߫ ߞߏ߫ ߸ ߞߏ ߟߎ߬ ߓߍ߯ ߟߊߘߍ߬ߣߍ߲ ߘߌ߫ ߣߊ߬ ߕߊ߬ߡߌ߲߬ ߞߵߊ߬ ߓߍ߲߬ ߊ߬ ߥߊ߯ߕߌ ߡߊ߬ ߸ ߊ߬ ߣߌ߫ ߞߐߝߟߌ߫ ߞߎ߲߬ߝߟߐ ߟߎ߬ ߘߌ߫ ߣߊ߬ ߛߐ߬ߘߐ߲߬ ߊ߬ ߕߎ߬ߡߊ߬ ߖߐ߲ߖߐ߲߫ ߠߊ߫.
ߟߊ߬ߞߟߏ߬ߞߟߏ߬ߟߌ ߣߌ߫ ߟߊ߬ߛߓߍ߬ߛߎ߲߬ߧߊ߬ߟߌ ߞߏߕߌ߯ߘߊ ߟߋ߬ ߞߊ߬ ߘߊ߲߬ߕߍ߰ߟߌ ߏ߬ ߞߍ߫ ߞߎ߬ߢߐ߲߮ ߟߊ߬ߘߍ ߣߌ߲߬ ߛߋ߲߭ߝߍ߬. ( ߗ߭ߊ߲߭ ߔߏߟ ߛߋߘߌ߫ ߞߊ߬ߣߌ߲߬)
ߖߌ߬ߣߍ߫ ߟߊ߬ߞߟߏ߬ߞߟߏ߬ߟߌ ߡߌ߬ߙߌ߲߬ߘߌ ߡߎ߰ߡߍ ߓߍ߯ ߟߊߟߐ߬ߣߍ߲߫ ߠߋ߬ ߞߐߝߟߌ ߢߌ߲߬ ߠߎ߬ ߟߊߥߊ߲߬ߞߊ߲ ߡߊ߬ ߸ ߏ߬ ߡߍ߲ ߓߍߣߊ߬ ߞߍ߫ ߛߋ߲߬ߕߊ߬ ߞߘߎ߬ߜߍߟߍ߲߫ ߘߌ߫ ߝߎߣߎ߲ߞߋ߫ ߛߘߍߡߊ߲߫ ߓߟߏ߫ ߛߎߘߊ߲ ߣߌ߫ ߟߞߊ߬ߙߊ߲߬ߠߌ߲߬ ߢߌߣߌ߲ ߠߊ߫.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
