ߞߎߘߍ߫ ߓߌߛߊ߬ߓߊ߫ ߢߐ߲߰ ߠߋ߬ ߦߋ߫ ߜߙߋߘߎ߯ ߓߙߊߣߡߊ߬ ߣߌ߫ ߞߊ߲ߞߊ߲߫ ߞߊ߬ߝߏ߬ߙߋ߲ ߕߍ߫߸ ߊ߬ ߘߊ߲ߘߊߟߌ߫ ߘߌ߲ߞߌߙߊ ߕߴߛߋ߫ ߟߊ߫ ߛߏ߫ ߞߣߐ߫ ߡߐ߮ ߟߎ߫ ߖߌ߱ ߡߝߊ߫ ߟߊ߫ ߦߏ߫ ߊ߬ߟߎ߬ ߦߴߊ߬ ߝߍ߬ ߢߊ ߡߍ߲ ߡߊ߬߸ ߏ߬ ߡߍ߲ ߞߎߡߊ ߝߐ߫ ߘߊ߫ ߘߊ߲ߘߊߟߌߟߊ ߟߎ߫ ߖߍ߬ߘߍ ߓߟߏ߫.
ߘߊ߲ߘߊߟߌ߫ ߘߌ߲ߞߌߙߊ ߣߌ߲߬ ߞߣߐ߫߸ ߡߊ߬ߡߊ߬ߘߌ߬ ߁߭ ߞߡߊ߬ߙߊ߬ ߡߍ߲ ߦߋ߫ ߘߊ߲ߘߊߟߌ߫ ߘߌ߲ߞߌߙߊ ߣߌ߲߬ ߞߎ߲߬ߕߌ߰ ߛߙߍߞߍ ߘߌ߫߸ ߊ߬ߟߋ ߡߍ߲ ߓߟߏߡߊߞߊ߬ߣߍ߲߫ ߘߋ߲ߣߍ߲ ߠߎ߬ ߟߊ߫ ߞߏ ߞߊ߲ߡߊ߬߸ ߊ߬ ߞߵߊ߬ ߡߙߌߦߊ ߦߌߘߊߞߊ߬ ߛߌߟߊߓߐߛߐ߯ߣߊ߫ ߞߎߡߊߓߘߎ ߟߊ߫:
<< ߓߙߊߣߡߊ߬ ߛߏ ߞߣߐ߫ ߦߊ߲߬ ߸ ߣߌ߫ ߖߊ߲߬ߞߊߙߏ ߓߋ߬ ߘߊ߫ ߘߏ߫ ߟߎ߫ ߞߊ߲߬ ߸ ߊ߬ߟߎ߬ ߛߘߍߡߊ߲߫ ߦߋ߫ ߣߊ߬ ߟߊ߫ ߘߊ߲ߘߊߛߏ߫ ߟߴߊ߬ߟߎ߫ ߖߘߍ߬ ߦߋ߫ ߸ߓߊ߬ߙߌ߬ ߘߏ߫ ߟߎ߫ ߝߣߊ߫ ߕߊ߫ ߦߴߏ߬ ߛߌ߬ߣߊ ߟߋ߬ ߘߌ߫، ߘߏ߫ ߟߎ߫ ߖߍ߬ߘߍ ߝߣߊ߫ ߦߋ߫ ߓߊߛߌ߫ ߛߘߍߡߊ߲߫ ߠߋ߬ ߕߊ߬ ߟߊ߫ ߟߎ ߡߊ߬ ߡߎߣߎ߲߬، ߞߵߊ߬ߟߎ߫ ߘߐ߱ߘߏ߲߬ ߊ߬ߟߎ߬ ߖߘߍ߬ ߟߊ߫ ߞߊ߬ ߞߐ߲߰ ߣߊ߬ߟߌ ߢߍ߫ ߘߊ߲ߘߊߛߏ ߟߊ߫߸ ߡߐ߰ߓߊ߬ߞߘߐ ߣߌ߫ ߘߋ߲ߣߍ߲ ߠߎ߬ ߓߍ߯ ߦߴߏ߬ ߟߋ߬ ߘߐ߫߸ ߏ߬ ߡߊ߲߬ߕߙߐ߫ ߦߴߊ߲ ߞߊ߲߬ ߞߏߛߓߍ߫>> ߡߊ߬ߡߊ߬ߘߌ߬ ߁߭ ߞߡߊ߬ߙߊ߫ ߟߋ߬ ߞߊ߲߫ ߕߋ߲߬.
ߘߊ߲ߘߊߟߌߟߊ ߣߌ߲߬ ߠߊ߫ ߞߎߡߊ߫ ߘߐ߫߸ ߖߊ߲߬ߞߊߙߏ ߡߍ߲ ߠߎ߬ ߞߊ߫ ߛߌߦߴߊ߬ߟߎ߫ ߝߍ߬ ߦߋ߲߬ ߓߊߞߍ߬߸ ߏ߬ ߟߋ << ߛߐ߰ߛߐ߮ ߦߋ߫ ߘߋ߲ߣߍ߲߫ ߠߎ߬ ߡߊߛߍ߰ ߟߊ߫ ߸ ߖߋ߬ߟߌ߬ߞߐ߬ߕߊ߲ ߦߋ߫ ߡߐ߰ߓߊ߬ߞߘߐ߬ ߞߎ߲ߘߊ߫، ߘߋ߲ߓߊߟߋ߲ ߛߊ߫߸ ߏ߬ ߦߋ߫ ߘߊߞߎ߲ ߓߍ߯ ߟߋ߬ ߘߐ߫ ߞߵߏ߬ ߟߊ߫ ߡߏ߬ߛߏ ߟߎ߬ ߟߊ߫ ߢߊ߬ߡߊ߲ ߞߊ߲߬ ߊ߬ ߣߌ߫… >> ߊ߬ߟߎ߬ ߟߊ߫ ߘߊ߲ߘߊߟߌ߫ ߕߊ߲ߓߊ߲ ߦߴߊ߬ ߛߋߞߏ ߞߍ߫ ߟߴߏ߬ ߟߎ߬ ߘߊ߲ߘߊ ߘߐ߫ ߡߊ߬ߢߌ߬ߡߊ߬ߞߏ ߘߏ߫ ߟߎ߫ ߟߋ߬ ߘߐ߫.
ߘߊ߲ߘߊߟߌߟߊ߫ ߡߊ߬ߡߊ߬ߘߌ߬ ߁߭ ߞߡߊ߬ߙߊ߬ ߞߙߊ ߛߋ߫ ߘߊ߫ ߕߌ߲߬ߕߐ ߟߎ߬ ߝߣߊ߫ ߟߊ߫ ߞߏ ߡߊ߬: << ߕߌ߲߬ߕߐ ߟߎ߬ ߝߣߊ߫ ߟߊ߫ ߝߙߋߞߋ ߟߎ߬ ߞߊ߫ ߛߌߦߴߊ߲ ߝߍ߬ ߞߏߛߓߍ߫ ߸ߓߊߏ߬ ߡߛߏ߬ ߞߣߐߡߊ ߞߣߐ ߓߊ߯ ߛߋ߫ ߞߊߙߏ߫ ߖߊ߬ߕߋ ߘߏ߫ ߘߐ߫ ߸ ߊ߬ ߞߊ߫ ߞߊ߲߫ ߞߊ߬ ߣߊ߬ ߛߓߍߙߋ߲ ߕߊ߬ ߊ߬ ߖߘߍ߬ ߦߋ߫ ߟߋ߬. ߛߊߣߌ߲߬ ߞߣߐ ߖߊ߲߬ߝߊ߬ߕߐ ߞߊ߬ ߕߊ߯ ߢߍ߫. ߓߊ߬ߙߌ߬ ߘߏ߫ ߟߎ߫ ߕߍ߫ ߣߊ߬ ߟߊ߫ ߝߏ߫ ߞߣߐ ߞߊߙߏ߫ ߉ ߡߊ߬. ߘߏ߫ ߟߎ߫ ߝߣߊ߫ ߕߍ߫ ߞߍ߫ ߟߊ߫ ߓߟߏ߫ ߢߌߡߊ߫ ߘߐ߫߸ ߞߵߏ߬ ߟߊ߫ ߓߊߟߏ߫ ߞߏ ߣߌ߫ ߛߊߣߌ߲ߧߊ߫ ߞߏ ߝߣߊ߫ ߞߊ߲߬ ߸ ߘߏ߫ ߟߎ߫ ߖߍ߬ߘߍ ߦߋ߫ ߣߊ߬ ߟߊ߫ ߘߊ߲ߘߊߛߏ ߟߊ߫ ߦߊ߲߬ ߡߐ߰ ߛߌ߫ ߕߴߊ߬ߟߎ߫ ߝߍ߬߸ ߊ߬ ߣߌ߫… >> ߊ߬ ߞߵߏ߬ ߟߋ ߝߐ߫.
ߊ߬ߟߋ߫ ߝߍ߬߸ ߜߋ߬ߟߎ߲߬ߠߌ߲߬ ߛߓߍߙߋ߲ ߕߊ߬ߓߊߟߌߦߊ ߞߣߐߡߊ ߓߟߏ߫߸ ߏ߬ ߦߋ߫ ߟߊ߬ߣߐ߰ ߞߏ߬ߓߊ߫ ߟߋ߬ ߘߌ߫: <<ߞߵߊ߬ ߛߐ߬ߘߐ߲߬ ߛߓߍߙߋ߲ ߦߋ߫ ߕߊ߬ ߟߊ߫ ߟߋ߬ ߸ߖߐ߲߰ߛߊ߫ ߞߊ߬ ߛߴߌ ߟߊ߫ ߞߏ ߟߎ߬ ߜߋ߬ߟߎ߲߬ ߠߊ߫ ߕߎ߬ߡߊ߬ ߓߍ߯ ߤߊ߲߯ ߞߵߌ ߡߐߦߌ߫ ߕߎߡߊ ߛߋ߫. ߒ߬ߓߊ߬߸ ߘߏ߫ ߟߎ߫ ߕߴߏ߬ ߟߋ߬ ߓߐ߫ ߟߴߊ߬ ߛߌߟߊ߫ ߝߍ߬.. >> ߊ߬ ߞߎߡߊ߫ ߞߊ߲ ߠߵߏ߬ ߘߌ߫.
ߜߙߋߘߎ߯ ߓߙߊߣߡߊ߬ ߞߣߐ߫߸ ߊ߬ߟߎ߬ ߟߊ߫ ߘߊ߲ߘߊߟߌ߫ ߕߊ߲ߓߊ߲ ߣߌ߲߬ ߦߋ߫ ߓߊ߯ߙߊ߫ ߟߊ߫ ߡߊ߬ߢߌ߬ߡߊ߬ߞߏ߬ߓߊ߫ ߟߋ߬ ߘߐ߫، ߟߊ߫ ߦߙߐ߫ ߖߐ߲ߖߐ߲߫ ߕߴߊ߬ߟߎ߬ ߓߟߏ߫߸ ߊ߬ߟߎ߬ ߓߟߏߝߋ߲ ߠߎ߬ ߟߊߡߊ߲߬ߘߌ߬ ߦߙߐ߫ ߕߴߊ߬ߟߎ߬ ߓߟߏ߫߸ ߢߎߡߍ߫ ߕߴߦߋ߲߬߸ ߖߌ߫ ߝߣߊ߫ ߕߴߦߋ߲߬، <<ߊ߲ ߠߊ߫ ߘߊ߲ߘߊߟߌ߫ ߕߊ߲ߓߊ߲ ߣߌ߲߬ ߟߐ߭ ߓߘߊ߫ ߡߍ߲߫߸ ߊ߬ ߡߊ߫ ߟߊߞߎߘߦߊ߫ ߡߎ߰ߡߍ߫، ߓߊ߯ߙߊ߫ ߡߎߙߊ߲߫ ߞߏߖߊ ߦߴߊ߲ ߞߊ߲߬߸ ߤߊߟߵߊ߲ ߓߊ߯ ߖߊ߲߬ߞߊ߬ߙߏ߬ߕߐ ߟߊߛߐ߬ߘߐ߲߬߸ ߊ߬ߟߎ߬ ߟߊߡߊ߲߬ߘߌ߬ ߦߙߐ߬ ߞߏ ߓߍ߯ ߞߊ߫ ߜߍ߬ߟߍ߲߬.>> ߘߊ߲ߘߊߟߌ߫ ߞߎ߲ߕߌ߮ ߞߊ߲ߞߘߐߛߌ߮ ߟߋ߬ ߞߊ߲߫ ߕߋ߲߬.
ߡߊ߲߬ߖߊ߲߫ ߡߊ߰ߛߎߓߊ߫ ߡߍ߲ ߦߋ߫ ߘߊ߲ߘߊߟߌ߫ ߦߙߐ ߘߍ߬ߘߊ ߞߊ߲ߕߌ߮ ߘߌ߫ (ߞߏߖ߭ߊ ߔߙߋ߬ߖ߭ߌ߬ߘߊ߲)߸ ߣߴߊ߬ ߦߋ߫ ߛߏ߫ ߞߣߐ߫ ߡߐ߮ ߟߎ߬ ߣߌ߫ ߘߊ߲ߘߊߟߌߟߊ ߟߎ߬ ߕߍ߫ ߞߊ߬ߣߌ߲߬، ߏ߬ ߞߵߊ߬ ߦߌ߬ߘߊ߬ ߞߏ߫ ߝߟߐ߫ ߕߘߍ߬߸ ߛߏ߫ ߞߣߐ߫ ߡߐ߮ ߓߍ߯ ߛߌ߰ߣߍ߲߫ ߕߍ߬ߘߍ߫ ߝߘߊ߬ߝߌ߲߬ ߝߌߘߊ ߟߋ߬ ߡߊ߬. <<ߓߊ߬ߙߌ߬ ߓߌ߬߸ ߓߍ߯ ߦߋ߫ ߣߊ߬ ߟߊ߫ ߦߊ߲߬ ߠߋ߬، ߓߊ߬ߙߌ߬ ߣߌ߫ ߘߊ߲ߘߊߟߌߟߊ ߟߎ߫ ߞߊ߬ ߘߊ߲ߘߊߟߌ߫ ߛߓߍ ߘߌ߫ ߖߊ߲߬ߞߊ߬ߙߏ߬ߕߐ ߡߊ߬߸ ߊ߬ ߘߴߊ߬ ߛߐ߬ߘߐ߲߬ ߡߍ߲ ߛߓߍߣߴߊ߬ ߞߎ߲߬߸ ߏ߬ ߕߍ߫ ߛߐ߬ߘߐ߲߬ ߊ߲ ߓߟߏ߫ ߦߊ߲߬، ߏ߬ ߦߋ߫ ߝߙߋߞߋߓߊ߫ ߟߋ߬ ߘߌ߫.>> ߊ߬ ߞߵߏ߬ ߟߋ ߝߐ߫.
ߊ߬ߟߋ ߝߣߊ߫ ߞߊ߲߫ ߞߏ߫ ߊ߬ ߦߋ߫ ߘߍ߬ߡߍ߲ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߟߎ߫ ߝߍ߬: <<ߊ߲ ߧߴߊ߬ ߢߌߣߌ߲߫ ߠߊ߫ ߝߊ߰ߡߊ ߟߎ߬ ߝߍ߬ ߸ߊ߬ߟߎ߬ ߦߋ߫ ߛߋ߫ ߞߵߊ߲ ߘߍ߬ߡߍ߲߬ ߓߊߛߌ߫ ߞߏ ߘߐ߫߸ ߓߏ߬ߙߌ߬ߝߋ߲߬ ߞߏ ߘߐ߫، ߘߊ߲ߘߊߟߌ߫ ߦߙߐ ߟߎ߬ ߛߋߞߏߦߊ ߡߊ߲߫ ߓߏ߲߬߸ ߊ߬ ߛߌߦߊߡߊ߲ ߦߋ߫ ߟߊߕߊ߯ ߟߊ߫ ߢߍߝߍ߬ ߟߋ߬، ߣߌ߫ ߓߏ߬ߙߌ߬ߝߋ߲߬ ߕߴߦߋ߲߬߸ ߊ߬ ߜߍ߬ߟߍ߲߬ߡߊ߲߬، ߤߊߟߌ߬ ߘߊ߲ߘߊߟߌߟߊ ߟߎ߬ ߦߋ߫ ߛߌ߬ ߟߊ߫ ߓߏ߲ ߡߍ߲ ߠߎ߬ ߟߊ߫ ߦߊ߲߬߸ ߏ߬ ߘߐߜߍ߫ ߜߏߡߊ߲߫. ߤߊߟߌ߬ ߛߊ߲ ߓߊ߯ ߣߊ߬߸ ߊ߬ߟߎ߬ ߟߊ߫ ߦߙߐ߫ ߞߏ ߘߌ߫ ߜߟߍ߬ߦߊ߬.>>
ߡߊ߲߬ߖߊ߲߫ ߡߊ߰ߛߎߓߊ߫ ߞߊ߬ ߜߟߍ߬ߦߊ߬ ߜߘߍ߫ ߝߣߊ߫ ߞߏߝߐ߫߸ ߞߵߊ߬ ߦߌ߬ߘߊ߬ ߞߏ߫: <<ߘߊ߲ߘߊߟߌߟߊ ߡߍ߲ ߠߎ߬ ߦߋ߫ ߦߊ߲߬߸ ߞߊ߬ ߝߘߊ߫ ߞߎ߲߬ߠߊ߬ߛߌ߮ ߟߊ߫ ߞߎ߲߬ߠߊ߫߸ ߏ߬ ߡߊ߲߫ ߛߌߦߊ߫، ߊ߬ ߝߊ߲߬ߓߊ ߓߍ߯ ߦߋ߫ ߘߏߝߊ߫ߘߋ߲ ߠߎ߬ ߟߋ߬ ߘߌ߫߸ ߊ߬ ߣߌ߫ ߓߐߒߖߘߍߘߐߡߐ߮ ߟߎ߬، ߊ߬ߟߎ߬ ߕߍ߫ ߛߙߊ߬ ߟߊ߫ ߞߎ߲߬ߠߊ߬ߛߌ߮ ߓߟߏ߫߸ ߊ߬ߟߎ߬ ߕߍ߫ ߡߊߘߍ߬ߡߍ߲߬ ߠߊ߫ ߘߍ߬ߞߙߎ߬ ߜߘߍ߫ ߓߟߏ߫، ߊ߬ߟߎ߫ ߘߏ߲߬ ߦߋ߫ ߓߊ߯ߙߊ߫ ߟߊ߫ ߛߎ ߣߌ߫ ߕߋ߬ߟߋ، ߏ߬ ߘߐ߫߸ ߞߎ߲߬ߠߊ߬ߛߌ߮ ߦߴߊ߲ ߘߍ߬ߡߍ߲߫ ߞߵߏ߬ ߟߎ߬ ߝߣߊ߫ ߕߊ߬.>> ߡߊ߲߬ߖߊ߲߬ ߠߊ߫ ߞߎߡߊ ߟߵߏ߬ ߘߌ߫.
ߊ߬ ߟߊ߫ ߞߎߡߊ ߟߊߓߊ߲ ߘߐ߫߸ ߊ߬ ߞߊ߲߫ ߞߏ߫: <<ߣߌ߫ ߞߎ߲߬ߠߊ߬ߛߌ߮ ߡߴߊ߲ ߘߍ߬ߡߍ߲߬߸ ߊ߬ ߜߍ߬ߟߍ߲߬ߡߊ߬ ߞߏߛߓߍ߫.>>
ߜߙߋߘߎ߯ ߓߙߊߣߡߊ߬ ߞߣߐ߫߸ ߊ߬ ߛߌ߰ߓߊ߮ ߟߎ߬ ߟߊ߫ ߞߍ߲ߘߍߦߊ ߦߋ߫ ߖߐ߬ߘߐ ߟߋ߬ ߘߐ߫߸ ߞߵߏ߬ ߞߎ߲߭ ߞߍ߫ ߞߏ߫ ߛߌߦߊߡߊ߲߫ ߘߛߍ ߘߌ߫ ߊ߬ߟߎ߬ ߟߊ߫ ߘߊ߲ߘߊߟߌ߫ ߕߊ߲ߓߊ߲ ߘߐ߫، ߓߏ߲߫ ߞߏ ߦߴߊ߬ߟߎ߬ ߟߊ߫ ߞߊߕߌ߫، ߏ߬ ߟߋ ߘߐ߫߸ ߞߟߌߟߌ߫ ߞߊ߲ߠߊ߫ ߦߋ߫ ߟߊߛߋ߫ ߟߊ߫ ߞߎ߲߬ߠߊ߬ߛߌ߮ ߡߊ߬߸ ߞߊ߬ ߢߊ ߟߐ߬ ߘߎ߰ߣߍ߲ ߠߎ߬ ߘߐ߫߸ ߢߌ߬ߣߊ߬ ߡߊ߲߫ ߞߊ߲߫ ߞߊ߬ ߞߍ߫ ߊ߬ߟߎ߬ ߞߐ߫ ߝߘߏ߬ߓߊ߬ ߞߏ ߟߎ߬ ߘߐ߫߸ ߞߍ߲ߘߍߦߊ ߦߴߏ߬ ߡߍ߲ ߕߏ߬ߕߍ߬ߡߊ߬ ߕߏ ߘߏ߫ ߘߌ߫ ߞߊ߬ߣߌ߲߬.
ߣߊߡߊ߲߬ߖߊ߲߫ ߡߐ߬ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
