ߞߵߊ߬ ߓߍ߲߬ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߟߊ߫ ߛߋ߲߬ߠߊ߬ߓߐ߬ߟߌ ߡߊ߬ ߘߎ߰ߣߍ߲ ߠߎ߬ ߞߣߐ߫ ߞߵߊ߬ߟߎ߫ ߛߌ߰ߝߊߘߌ ߟߎ߬ ߟߐ߲߫߸ ߒ߬ ߛߋ߫ ߘߊ߫ ߜߙߋߘߎ߯ ߓߙߊߣߡߊ߬ ߛߏ ߞߣߐ߫߸ ߞߵߊ߲ ߢߊ ߡߊߖߌ߰ ߘߋ߲ߡߌߛߍ߲ ߠߎ߬ ߟߊ߫ ߞߏ ߝߍ߬، ߓߙߊߣߡߊ߬ ߘߐߕߟߊߣߍ߲߫ ߞߎߘߎ߲߫ ߣߊ߯ߣߌ߲ ߡߍ߲ ߘߌ߫߸ ߊ߬ ߓߍ߯ ߣߴߊ߬ ߘߋ߲ߡߌߛߍ߲߫ ߞߎ߲ߕߌ߯ ߞߙߍߞߙߍߣߍ߲߫ ߠߋ߬߸ ߡߍ߲ ߠߎ߬ ߢߍߡߌ߬ߣߊ߬ߣߍ߲߫ ߡߐ߰ ߞߋߟߋ߲߫ ߓߟߏ߫߸ ߏ߬ ߡߍ߲ ߕߐ߯ ߞߏ߫ ߡߊ߬ߡߎߘߎ߬ ߞߐ߲ߘߍ߫߸ ߊ߬ߟߋ ߟߋ߬ ߘߏ߲߬ ߦߋ߫ ߓߙߊߣߡߊ߬ ߃߲ ߘߋ߲ߡߌߛߍ߲߫ ߞߎ߲ߕߌ߮ ߘߌ߫.
ߒ߬ ߧߋ߫ ߘߎߢߊ߫ ߥߊ߯ߕߌ ߡߍ߲ ߘߐ߫ ߝߘߊ߬ߝߌ߲߬ߠߊ߬ ߞߣߐ߫ ߕߋ߲߬߸ ߘߋ߲ߡߌߛߍ߲ ߠߎ߬ ߟߊ߫ ߖߌ߫ ߞߊ߲߫ ߕߊ߯ߟߌ ߣߌ߫ ߞߎ߲߬ߝߍ߬ߕߊ߰ߟߌ ߓߘߊ߫ ߛߌߦߊߦߊ߫، ߓߊ߬ߙߌ߬߸ ߜߙߋߘߎ߯ ߓߙߊߣߊ߬ߡߊ߫ ߡߐ߰ߓߊ ߟߎ߬ ߟߊ߫ ߘߐ߬ߖߊ ߛߊߓߎ߫ ߟߊ߫߸ ߘߋ߲ߡߌߛߍ߲ ߠߎ߬ ߘߊ߲߭ ߠߋ߬ ߡߊ߬ߕߊ߰ߡߊ߬ߟߌ ߘߌ߫ ߘߊ߬ߡߊ߲߬ߘߊ ߟߎ߬ ߟߊ߫، ߣߴߏ߬ ߕߍ߫߸ ߊ߬ߟߎ߬ ߝߋ߲߫ ߕߍ߫ ߓߐ߫ ߟߊ߫߸ ߊ߬ߟߎ߫ ߘߏ߲߬ ߠߊ߫ ߓߊ߯ߙߊ ߞߐߞߟߏ ߦߋ߫ ߛߍ߬ߣߍ ߟߋ߬ ߘߌ߫: <<ߓߌ߬ ߢߐ߲߰ ߟߏ߲߫ ߊ߲ߠߎ߬ ߟߊ߫ ߘߋ߲ߡߌߛߍ߲ ߠߎ߬ ߟߊ߬ ߕߎ߲ߞߊ߲ ߠߊ߫ ߕߊ߯ߟߌ ߡߊ߲߫ ߛߌߦߊ߫߸ ߊ߲ ߞߐ߬ߣߌ߲ ߦߋ߫ ߕߊ߯ ߟߊ߫ ߖߌ߬ߣߍ߬ ߛߏ߫ ߡߌߛߍ߲߫ ߛߘߍߡߊ߲߫ ߠߋ߬ ߟߊ߫ ߸ߓߊ߬ߙߌ߬ ߜߙߋߘߎ߯ ߛߌ߰ߣߍ߲߫ ߛߣߍ߬ߞߍ ߟߋ߬ ߡߊ߬ ߸ߝߏ߫ ߘߊ߬ߡߊ߲߬ ߞߏ ߡߍ߲ ߓߘߊ߫ ߣߊ߬ ߓߌ߬ߟߵߊ߬ ߘߐ߫ ߞߐ ߣߌ߲߬ ߠߊ߫ ߸ߤߊߟߌ߬ ߕߊ߬ߞߎ߬ߙߊ߬ ߣߌ߫ ߛߣߊߣߊ߫… ߘߊ߬ߡߊ߲ ߦߋ߫ ߘߌ߲߬ߞߌߙߊ ߏ߬ ߟߎ߬ ߓߍ߯ ߘߐ߫>>
ߣߴߌ ߞߊ߬ ߓߙߊߣߡߊ߬ ߡߊߝߟߍ߫߸ ߊ߬ߟߎ ߡߊ߫ ߢߌ߬ߣߊ߬ ߓߋ߲ߓߊ ߟߎ߬ ߣߐ߭ ߟߊߛߓߊ߬ߕߌ ߞߐ߫ ߡߎߣߎ߲߬ ߝߋߎ߫، ߓߊߏ߬߸ ߛߍ߬ߣߍ ߦߴߊ߬ߟߎ߬ ߓߟߏ߫ ߞߏߓߊ߫ ߟߋ߬ ߘߌ߫߸ ߏ߬ ߡߍ߲ ߦߋ߫ ߛߏ ߛߌ߰ ߞߎ߲ߧߊ ߘߌ߫، ߏ߬ ߕߊ߬ߣߍ߲ ߞߵߊ߬ ߟߊ߫ ߛߎ߲ߞߎ߲ ߕߣߐ߬ߓߐ ߞߊ߲߬߸ ߣߊߟߌ߬ߡߎ߲߫ ߛߊߣߌ߲߫ ߘߊߡߊ߲ߛߋ߲ ߘߌ߫߸ ߛߏ ߛߌ߰ߣߍ߲߬ ߓߊ߯ߙߓߊ߫ ߝߌ߬ߟߊ ߏ߬ ߟߎ߫ ߟߋ߬ ߡߊ߬.
ߓߙߊߣߡߊ߬ ߦߋ߫ ߛߏ߫ ߟߋ߬ ߘߌ߫ ߖߌ߬ߣߍ߬ ߜߍߞߊ߲ߠߊ ߘߐ߫߸ ߊ߲ ߘߴߊ߬ ߝߐ߫ ߞߏ߫ ߢߌ߬ߣߊ߬ ߞߍߣߍ߲߫ ߦߙߐ ߡߍ߲ ߞߐ߫ ߝߊߦߌߘߊ߫، ߓߊߏ߬߸ ߓߊ߯ߙߊ߫ ߛߌߦߊߡߊ߲߫ ߠߋ߬ ߞߍߣߍ߲߫ ߛߏ ߣߌ߲߬ ߞߣߐ߫߸ ߊ߬ ߘߎ߰ߘߋ߲ ߠߎ߬ ߟߊ߫ ߘߐ߬ߖߊ ߣߐ߬ ߡߍ߲ ߞߍ߫ ߟߊ߫߸ ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߌ߮ ߟߊ߫ ߘߍ߬ߡߍ߲߬ ߛߌ߫ ߕߍ߫ ߛߋ߫ ߟߴߊ߬ߟߎ߫ ߡߊ߬ ߘߊߞߎ߲߫ ߛߌߦߊߡߊ߲߫ ߘߐ߫، ߏ߬ ߘߏ߫ ߟߋ߬ ߘߋ߲ߡߌߛߍ߲߫ ߓߏ߲ߓߊ߫ ߞߏ ߘߌ߫߸ ߊ߬ ߣߌ߫ ߕߏ߬ߟߊ߲߬ߕߊ߲߬ ߓߙߊ߸ ߏ߬ ߡߍ߲ ߞߏߖߊ ߦߴߊ߬ߟߎ߫ ߞߊ߲߬ ߞߊ߬ߦߌ߯ ߁߉߉߇ ߟߊ߫߸ ߘߋ߲ߡߌߛߍ߲ ߠߎ߬ ߟߊ߫ ߓߏ߲ߓߊ ߟߐ߬ ߘߊ߫߸ ߏ߬ ߡߊ߫ ߛߋ߫ ߟߊߞߎߘߦߊ߫ ߟߊ߫ ߡߎ߬ߕߎ߲߬.
<< ߊ߲ ߘߌ߫ ߛߋ߫ ߡߍ߲ ߝߐ߫ ߟߊ߫ ߞߎ߲߬ߠߊ߬ߛߌ߮ ߦߋ߫ ߞߵߊ߬ ߓߍ߲߬ ߘߋ߲ߡߌߛߍ߲ ߠߎ߬ ߡߊߘߍ߬ߡߍ߲߬ ߞߏ ߡߊ߬ ߸ߏ߬ ߘߏ߫ ߟߋ߬ ߞߊ߬ߙߊ߲߬ߓߏ߬ ߞߏ ߘߌ߫ ߸ߓߊߏ߬ ߘߋ߲ߣߍ߲ ߠߎ߬ ߞߊ߫ ߛߌߦߊ߫ ߓߊ߬ߙߌ߬ ،ߞߊ߬ߙߊ߲߬ߓߏ߲ ߕߍ߫ ߟߌ߬ߤߟߊ߬ ߢߌߡߊ߫ ߘߐ߫ ߞߵߏ߬ ߛߊߓߎ ߞߍ߫ ߡߎ߬ߙߊ߲߬ ߞߏ߬ߖߊ ߣߌ߫ ߞߙߊ߬ߡߐ߰ ߞߏߖߊ ߘߌ߫ . ߤߊߟߌ߬ ߣߴߌ ߞߵߊ߲ ߠߊ߫ ߘߋ߲ߡߌߛߍ߲߫ ߓߏ߲ ߝߣߊ߫ ߕߊ߬ ߸ߏ߬ ߞߏߖߊ߫ ߦߵߊ߲ ߞߊ߲߬، ߞߊ߬ߕߎ߲߯ ߊ߲ߠߎ߬ ߓߙߊߣߡߊߞߊ ߟߎ߫ ߟߋ߬ ߞߊ߬ ߓߏ߲ ߣߌ߲߬ ߟߐ߬ ߞߊ߬ߦߌ߯ ߁߉߉߇ ߟߊ߫ ߸ߣߴߌ ߞߊ߬ ߜߙߋߘߎ߯ ߓߙߊߣߊ߬ߡߊ߫ ߕߊ߬ ߸ ߌ ߘߴߊ߬ ߦߋ߫ ߕߏ߬ߟߊ߲߬ߕߊ߲߬ ߞߣߍ ߖߐ߲ߖߐ߲߫ ߛߌ߫ ߕߴߊ߲ ߓߟߏ߫ ߸ ߏ߬ ߓߟߏߡߊ߬ ߝߏ߫ ߞߎ߲߬ߠߊ߬ߛߌ߮ ߟߎ߬ ߦߴߊ߲ ߡߊߜߍ߲߫ ߘߊ߲ߞߎ߲߫ ߏ߬ ߘߐ߫ ߟߋ߬ >>
ߖߌ߬ߣߍ߫ ߘߎ߰ߣߍ߲߬ ߛߌߦߊߡߊ߲߫ ߠߋ߬ ߓߍ߫߸ ߜߙߋߘߎ߯ ߓߙߊߣߡߊ߬ ߟߊ߫ ߛߍ߰ ߛߎ߮ ߢߌ߲߬ ߠ߬ߎ ߦߋ߫ ߡߍ߲ ߠߎ߬ ߞߊ߲߬߸ ߊ߬ ߕߎ߬ߡߊ ߓߘߊ߫ ߛߋ߫ ߡߎ߬ߕߎ߲߬߸ ߢߊ ߦߋ߫ ߛߋ߫ ߡߊߖߌ߰ ߟߴߊ߬ߟߎ߫ ߝߍ߬߸ ߞߵߊ߬ ߟߐ߲߫ ߞߏ߫ ߊ߬ߟߎ߬ ߝߣߊ߫ ߣߌ߫ ߖߡߊ߬ߣߊ ߤߙߍ ߘߏ߫ ߟߎ߫ ߛߐ߬ߘߐ߲ ߞߊ߫ ߞߊ߲߫، ߏ߬ ߘߏ߲߬ ߓߊ߯ ߞߍ߫ ߞߍ߫ ߟߊ߫߸ ߘߋ߲ߡߌߛߍ߲ ߠߎ߬ ߕߊ ߦߴߊ߬ ߘߐ߫ ߓߏ߲߬ߓߊ߬ ߘߌ߫߸ ߏ߬ ߟߎ߬ ߡߍ߲ ߠߎ߬ ߦߋ߫ ߖߡߊ߬ߣߊ ߟߊ߫ ߥߙߎߞߌ ߞߐߞߟߏ ߟߎ߬ ߘߌ߫ ߞߊ߬ߣߌ߲߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
