ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߘߏ߲߬ߖߟߎ߬ߡߊ߬ߟߌ߬ߟߊ߸ ߓߊߛߓߊ߬ߕߌ߫ ߛߘߌ߬ߓߋ߫ ߣߐ߬ ߢߌ߬ߣߌ߲߬ߞߊ߬ߟߌ߫ ߣߝߊ߬ߡߊ߬ߓߊ߫ ߟߋ߬ ߖߋ߬ߓߌ߬ ߟߊ߫ ߣߌ߲߬߸ ߡߍ߲ ߘߐߝߌ߲߬ߣߍ߲߫ ߡߐ߰ ߛߌߦߊߡߊ߲߫ ߡߊ߬ ߛߐ߲߬ ߡߌߡߐ߫، ߞߊ߬ߕߎ߲߯߸ ߊ߬ ߦߋ߫ ߡߐ߰ ߛߌߦߊߡߊ߲߫ ߢߣߊ߫ ߟߋ߬߸ ߞߏ߫ ߣߴߊ߬ ߝߐ߫ ߘߊ߫ ߡߊ߬ߣߋ߲߬ߞߊ ߓߟߏ߫ ߞߏ߫ ߖߊ߯ߙߡߊ߬߸ ߊ߬ ߣߐ߬ ߥߊߟߌ߫ ߞߊ߲ ߠߋ߬ ߝߐ߫ ߟߴߏ߬ ߘߌ߫، ߣߌ߫ ߝߎߟߊ ߘߏ߲߬ ߞߵߊ߬ ߝߐ߫ ߊ߬ ߟߊ߫ ߞߎߡߊ ߘߐ߫ ߞߏ߫ ߕߣߊ߬ ߡߊ߫ ߛߌ߬߸ ߏ߬ ߘߌ߫ ߘߊ߲ߞߎ߲߫ ߘߏ߫ ߟߎ߫ ߓߟߏ߫ ߥߊߟߌ߫ ߞߊ߲ ߘߌ߫، ߞߵߊ߬ ߛߐ߬ߘߐ߲߬߸ ߥߊߟߌ߫ ߞߊ߲ ߦߋ߫ ߞߊ߲߫ ߠߋ߬ ߞߏ߫ ߘߌ߫،߸ ߡߍ߲ ߓߐߖߎ߫ ߕߍ߫ ߖߡߊ߬ߣߊ ߞߣߐ߫߸ ߝߏ߫ ߊ߬ ߣߊ߬ߣߍ߲߫ ߟߏ߲ߟߊ߲ ߘߏ߫ ߟߎ߫ ߟߋ߬ ߝߍ߬ ߡߊ߬ߙߊ ߞߣߐ߫ ߥߟߊ߫ ߛߌߟߊ߫ ߜߘߍ߫ ߝߍ߬.
ߣߌ߲߬ ߦߋ߫ ߢߌ߬ߣߌ߲߬ߞߊ߬ߟߌ߫ ߞߟߊ߬ߟߊ߬ߡߊ߫ ߖߋ߬ߓߌ߬ߕߊ ߟߋ߬ ߘߌ߫߸ ߒߞߏ߫ ߞߊߙߊ߲ߘߋ߲ ߠߎ߬ ߞߊ߫ ߞߊ߲߫ ߞߊ߬ ߞߍ߫ ߡߍ߲ ߖߋ߬ߓߌ ߞߊ߬ߟߊߡߊ߬ .
ߖߋ߬ߓߌ߬ߟߌ : ߛߌߦߊ߫ ߓߐߣߍ߲ ߢߐ߲߰ ߡߊ ߡߍ߲ ߠߎ߬ ߛߌ߰ߣߍ߲߫ ߖߡߊ߬ߣߊ߬ ߞߋߟߋ߲߫ ߞߣߐ߫߸ ߏ߬ ߟߎ߬ ߟߊ߫ ߞߊ߲ ߠߎ߬ ߕߍ߫ ߖߊ߬ߕߋ߬ ߟߊ߫ ߥߊߟߌߞߊ߲ ߘߌ߫.
ߟߊߒߡߊ߫ ߘߐ߫ :
ߥߊߟߌߞߊ߲ ߦߋ߫ ߞߊ߲߫ ߠߋ߬ ߘߌ߫߸ ߡߍ߲ ߓߐߖߎ ߕߍ߫ ߖߡߊ߬ߣߊ ߏ߬ ߞߣߐ߫، ߦߏ߫ ߖߌ߬ߣߍ߬ ߥߊߟߌߞߊ߲ ߠߎ߬ (ߝߊ߬ߙߊ߲߬ߛߌ߬ߞߊ߲ ߥߟߊ߫ ߊ߲߬ߜ߭ߌ߬ߟߋ߬ߞߊ߲ ߤߊߡߊ߲߫ ߊߙߊߓߎߞߊ߲.. .) ߓߊ߸ߞߊ߲ ߏ߬ ߟߎ߬ ߛߌߦߊ ߓߐߖߎ߫ ߕߍ߫ ߖߌ߬ߣߍ߬ ߘߌ߫.
ߞߏ߬ߣߌ߲߬ ߛߌߦߊ ߡߍ߲ ߠߎ߬ ߛߌ߰ߣߍ߲߫ ߖߡߊ߬ߣߊ߬ ߞߋߟߋ߲߫ ߞߣߐ߫ ߞߊ߬ߦߌ߯ ߘߐ߬ߝߐ ߕߎ߬ߡߊ߬ ߖߊ߲߫߸ ߏ߬ ߟߎ߬ ߟߊ߫ ߞߊ߲ ߠߎ߬ ߦߋ߫ ߞߟߌ߫ ߟߊ߫ ߟߋ߬ ߞߏ߫ ߝߊ߬ߛߏ߬ߞߊ߲، ߦߏ߫ (ߝߌߟߊߞߊ߲߸ ߞߛߌ߬ߞߊ߲߸ ߡߊ߲߬ߘߋ߲߬ߞߊ߲….) ߓߊߏ߬ ߊ߬ߟߎ߬ ߓߐߖߎ ߦߋ߫ ߖߡߊ߬ߣߊ ߏ߬ ߖߍ߬ߘߍ ߟߋ߬ ߞߣߐ߫߸ ߊ߬ߟߎ ߟߋ߬ ߦߋ߫ ߘߎ߰ߙߋ߲߬ߞߊ߲ ߘߌ߫.
ߕߎ߬ߡߊ ߘߏ߫ ߟߎ߫ ߟߊ߫߸ ߛߌߦߊ߫ ߞߋߟߋ߲ ߘߏ߫ ߟߎ߫ ߦߋ߫ ߘߐߕߟߊ߫ ߟߊ߫ ߖߡߊ߬ߣߊ߬ ߛߌߦߊߡߊ߲߫ ߕߍ߫ (ߦߏ߫ ߖߌ߬ߣߍ߫، ߡߊ߬ߟߌ߫، ߥߟߊ߫ ߜߋ߲ߞߐ߰ߖߌ߬ߘߊ…) ߏ߬ ߛߌߦߊ ߟߎ߬ ߓߍ߯ ߣߴߊ߬ߟߎ߬ ߟߊ߫ ߞߊ߲ ߠߋ߬ ߝߋߎ߫، ߞߏ߬ߣߌ߲߬ ߖߡߊ߬ߣߊ ߗߍߕߊ߫ ߞߊ߲ ߠߎ߬ ߟߋ߬، ߓߊߏ߬ ߊ߬ ߕߌ߱ ߟߎ߬ ߦߋ߫ ߖߡߊ߬ߣߊ߬ߘߋ߲ ߠߋ߬ ߘߌ߫.
-ߞߊ߲ ߘߌ߫ ߛߋ߫ ߞߟߌ߫ ߟߊ߫ ߞߏ߫ ߥߊߟߌߞߊ߲߸ߣߴߊ߬ ߓߐߖߎ ߦߋ߫ ߖߡߊ߬ߣߊ߬ ߜߘߍ߫ ߟߋ߬ ߘߌ߫.
-ߥߊߟߌߞߊ߲ ߛߏ߯ߙߏߣߍ߲߫ ߞߎߡߊߘߋ߲ ߂ ߟߋ߬ ߟߊ߫:
߁– ߥߊߟߌ
ߥߊߟߌ ߦߋ߫ ߞߘߐ߫ ߂ ߟߋ߬ ߟߐ߲ߣߍ߲߫ ߒߠߋ ߓߊߛߓߊ߬ߕߌ߫ ߛߘߌ߬ߓߋ߫ ߓߟߏ߫ ߕߊ߲߬:
߁߭-ߓߊ߯ߙߊ: ߏ߬ ߦߋ߫ ߡߐ߱ ߦߟߌ߫ ߣߴߊ߬ ߝߊ߬ߘߌ ߝߊ߲߭ ߘߏ߫ ߟߊߡߊ߰ ߟߋ߬ ߘߌ߫ ߞߍߟߌ ߘߏ߫ ߘߊߞߘߐ߫.
߂-ߟߏ߲ߟߊ߲ ߥߟߊ߫ ߜߘߍ: ߏ߬ ߦߋ߫ ߘߌ߲߬ߞߌߙߊ ߘߏ߫ ߝߋ߲ ߥߟߴߊ߬ ߞߏ ߘߏ ߟߋ߬ ߟߊߛߋ ߘߌ߫ ߘߌ߲߬ߞߌ߬ߙߊ߬ ߘߏ߫ ߘߐ߫.
ߏ߬ ߡߊ߬߸ ߥߊߟߌߞߊ߲ ߞߘߐ ߟߋ߬ ߦߋ߫ ߞߊ߲߫ ߟߏ߲ߟߊ߲ ߘߌ߫ ߥߟߊ߫ ߞߊ߲߫ ߜߘߍ߫ ߡߍ߲ ߕߍ߫ ߖߡߊ߬ߣߊ ߞߊ߲ ߝߋ߲߫ ߘߌ߫.
ߥߊߟߌ ߟߊߓߊ߯ߙߊ߫ ߘߊߞߎ߲ ߘߏ߫ ߟߎ߫ ߝߟߍ߫: ߥߊߟߌߞߊ߲߸ߥߊߟߌߡߐ߮߸ ߥߊߟߌߝߋ߲߸ ߥߊߟߌߞߏߟߊ߲ߘߌ߸ ߥߊߟߌߡߛߏ.. ߊ߬ ߣߌ߫ ߥߊߟߌߘߊ ߸ߥߊߟߌߝߊ߸ߥߊߟߌߝߦߊ߸ߥߊߟߌߢߊ߸ߥߊߟߌߢߌߟߐ߲߸ߥߊߟߌߢߌ߲ߡߊ……
߂߲- ߞߊ߲
ߏ߬ ߦߋ߫ ߖߡߊ߬ߣߊ߬ ߞߋߟߋ߲߫ ߡߌ߬ߙߌ߲߬ߘߌ ߝߐ߫ ߞߊ߲ ߠߎ߬ ߟߋ߬ ߘߌ߫، ߏ߬ ߞߘߐ ߟߋ߬߸ ߖߡߊ߬ߣߊ߬ ߞߋߟߋ߲ ߡߌ߬ߙߌ߲߬ߘߌ ߟߎ߬ ߦߋ߫ ߢߐ߲߮ ߢߊߦߋ߫ ߟߊ߫ ߞߎߡߊ߫ ߢߊ ߡߍ߲ ߘߐ߫߸ ߏ߬ ߟߋ ߞߊ߲ ߘߌ߫، ߝߊ߬ߣߌ߫ ߛߌ߰ ߞߎߘߎ߲ ߠߎ߬ ߘߏ߲߬ ߘߌ߫ ߓߐ߫ ߢߐ߲߮ ߡߊ߬ ߖߡߊ߬ߣߊ ߞߣߐ߫߸ ߘߊ߲߬ߝߘߊ ߘߌ߫ ߘߏ߲߬ ߝߐ߫ ߞߊ߲ ߠߎ߬ ߕߍ߫، ߦߏ߫ ߖߌ߬ߣߍ߬ ߜߍߞߊ߲ߠߊ ߣߴߊ߬ ߕߎߞߘߐߟߊ ߣߴߊ߬ ߕߍߡߟߊ ߣߴߊ߬ ߞߐ߰ߖߌ߬ߘߊ ߟߎ߬ ߞߊ߲ ߠߎ߬ ߓߐߣߍ߲߫ ߢߐ߲߮ ߡߊ߬ ߢߊ ߡߍ߲.
ߒ߬ߓߊ߬߸ ߟߏ߲ߟߊ߲ ߡߍ߲ ߣߊ߬ߣߍ߲߫ ߓߊ߬ߛߊ߲߬ ߠߊ߫ ߏ߬ ߟߎ߬ ߢߣߊ߫ ߓߊ߯ߙߊ ߘߏ߫ ߣߌ߫ ߡߊ߬ߙߊ ߘߏ߫ ߣߌ߫ ߞߏ߫ ߜߘߍ߫ ߛߌߟߊ ߝߍ߬߸ ߏ߬ ߟߎ߬ ߟߊ߫ ߞߊ߲ ߠߋ߬ ߥߊߟߌ߫ ߞߊ߲ ߘߌ߫، ߒ߬ߞߊ߬߸ ߖߡߊ߬ߣߊ ߖߍ߬ߘߍ ߛߏ߯ߙߏߣߍ߲߫ ߞߊ߬ ߞߊ߲ ߡߍ߲ ߠߎ߬ ߝߐ ߕߏ߫ ߌ ߘߐ߫ ߊ߬ ߞߣߐ߫߸ ߏ߬ ߟߎ߬ ߦߋ߫ ߝߊ߬ߛߏ߬ ߞߊ߲ ߠߎ߬ ߟߋ߬ ߘߌ߫߸ ߥߟߊ߫ ߞߊ߲߫ ߘߎ߯ߙߋ߲ ߠߎ߬.
ߓߊߛߓߊ߬ߕߌ߫ ߛߘߌ߬ߓߋ߬ ߓߟߏ߫߸ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߞߊ߲ߕߌ߮
