ߞߕߌߖߌ߲ ߛߊ߲ߘߐߕߊ ߓߊ߲ ߞߐ ߞߊ߲ߕߌ߯ ߢߣߊߕߊߟߌ ߟߊߘߌ߬ߢߍ߬ ߟߊ߫߸ ߏ߬ ߡߍ߲ ߞߵߊ߬ ߦߌ߬ߘߊ߬ ߞߏ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߛߎߘߊ߲ߣߍ߲߫ ߞߊ߬ ߞߍ߫ ߖߌ߬ߣߍ߬ ߞߊ߲ߕߌ߮ ߘߌ߫ ߛߊ߲߬ ߇ ߣߊ߬ߕߐ ߣߌ߲߬ ߞߣߐ߫، ߒ߬ߓߊ߬߸ ߝߊ߬ߙߊ߲߬ߛߌ߬ߞߊ ߟߎ߬ ߟߊ߫ ߞߊ߲ߕߌ߮߸ ߋߡߊߣߎ߳ߍߟ ߡߊߞߐߙߐ߲߫ ߞߊ߬ ߡߊ߬ߡߊ߬ߘߌ߬ ߘߎ߲ߓߎߦߊ߫ ߝߏ߬ ߞߵߊ߬ ߞߎߟߎ߲ߖߋ߫߸ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ ߣߌ߲߬ ߞߍ ߞߊ߬ ߘߊ߲߭ߛߌ߰ ߣߊ߲߬ߕߌ߮ ߟߎ߬ ߟߊ߫ ߘߐ߬ߕߊߡߌ߲ ߠߊ߫߸ ߏ߬ ߓߍ߲߬ߣߍ߲߫ ߠߋ߬ ߝߋߎ߫.
ߞߎߣߎ߲߬ ߞߊ߯ߙߌ ߛߎ ߘߐ߫߸ ߝߊ߬ߙߊ߲߬ߛߌ߬ ߞߊ߲ߕߌ߮ ߋߡߊߣߎ߳ߍߟ ߡߊߞߐߙߐ߲߫ ߣߌ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߎߡߊ߫ ߘߊ߫ ߟߋ߬ ߜߋߟߋ߲ߜߋߟߋ߲ ߠߊ߫߸ ߊ߬ߟߋ ߡߍ߲ ߛߎߘߊ߲ߣߍ߲߫ ߢߣߊߕߊߟߌ ߘߐ߫ ߞߊ߬ߣߌ߲߬߸ ߣߴߏ߬ ߟߤߊߕߍߦߊ߫ ߘߊ߫ ߞߕߌߖߌ߲ ߛߊ߲ߘߐߕߊ ߓߟߏ߫ ߞߐߝߟߌ߫ ߓߊ߲ߝߟߍ߬ߟߍ ߘߐ߫، ߒ߬ߓߊ߬߸ ߓߐߛߎ߲ ߘߏ߫ ߟߎ߫ ߦߴߊ߬߬ ߦߌ߬ߘߊ߬ ߟߊ߫߸ ߞߊ߬ ߝߘߊ߫ ߝߊ߬ߙߊ߲߬ߛߌ߬ ߞߊ߲ߕߌ߯ߘߊ ߟߊ߫߸ ߞߏ߫ ߞߟߌߟߌ ߡߍ߲ ߕߊ߬ߡߌ߲߬ ߘߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߌ߫ ߡߊߞߐߙߐ߲߫ ߕߍ߫߸ ߏ߬ ߟߐ߬ߣߍ߲߫ ߕߍ߬ߘߍ߫ ߊ߬ ߕߊ߲߬ߘߏ ߟߋ߬ ߡߊ߬߸ ߝߊ߬ߙߊ߲߬ߛߌ߬ ߦߴߊ߬ߟߋ ߡߍ߲ ߛߎߥߊ߲ߘߌ ߦߋ߫ ߟߊ߫ <<ߘߐ߬ߕߊߡߌ߲ ߞߎ߲߬ߘߏ߲ ߘߌ߫>> ߞߊ߬ߣߌ߲߬߸ ߊ߬ ߣߌ߫ ߓߏ߲߬ߓߊ߫ ߘߌ߫ ߖߡߊ߬ߣߊ ߟߊ߫ ߛߌߣߌ߲߫ ߣߊ߬ߕߐ ߘߐ߫.
ߟߊ߬ߛߋ߬ߟߌ ߡߍ߲ ߞߍ߫ ߘߊ߫ ߔߊ߬ߙߌ߬ ߞߊ߲ߕߌ߯ߘߊ ߋߟߌߖ߭ߋ߫ ߓߟߏ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߝߊ߬ߙߊ߲߬ߛߌ߬ ߞߊ߲ߕߌ߮ ߡߊ߫ ߘߏ߫ ߜߘߍ߫ ߝߐ߫߸ ߊ߬ ߞߊ߬ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߝߏ߬ ߞߵߊ߬ ߞߎߟߎ߲ߖߋ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߣߊ߬ߕߊ ߦߋ߫ ߡߍ߲ ߘߌ߫߸ ߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ ߦߋ߫ ߝߊ߲߬ߞߊߘߏ߲߬߸ ߞߊ߬ ߕߊ߬ߡߌ߲߬ ߖߡߊ߬ߣߊ߫ ߝߌ߬ߟߊ ߟߊ߫ ߕߍߓߊ߯ߦߊ ߖߎ߬ߟߎ ߓߊ߲ߓߊ߲߫ <<ߓߍ߯ ߟߊ߫ ߕߐ߬ߣߐ ߡߞߊߘߊ߲ ߞߊ߲߬>>.
ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߍ߲ ߞߏ߫ ߦߋ߫ ߕߋ߲߬߸ ߊ߬ߟߋ ߣߊ߬ ߘߊ߫ ߖߡߊ߬ߣߊ ߞߎ߲߬ߠߊ߫ ߞߊ߬ߝߏ߬ ߖߊߛߏ߲ ߠߋ߬ ߟߊ߫ ߂߀߂߁ ߕߎߟߊߝߌ߲ ߠߊ߫߸ ߊ߬ ߞߊ߬ ߣߊ߬ߒ߬ߕߊ߲ ߘߏ߫ ߟߋ߬ ߟߊߥߟߏ߫߸ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫، ߒ߬ߓߊ߬߸ ߊ߬ ߓߘߊ߫ ߛߎߘߊ߲߫ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߘߐ߫߸ ߞߊ߲ߧߊ߫ %߈߆،߇߂ ߟߊ߫، ߢߣߊߕߊߟߌ ߏ߬ ߟߊߘߌ߬ߢߍ߬ ߘߊ߫ ߞߊ߯ߙߌ߫ ߕߊ߬ߡߌ߲߬ߣߍ߲ ߢߌ߲߬ ߠߋ߬ ߡߊ߬߸ ߞߊ߬ ߛߌߟߊ ߟߊߞߵߊ߬ ߦߋ߫߸ ߞߏ߫ ߊ߬ ߦߋ߫ ߖߡߊ߬ߣߊ ߡߊ߬ߙߊ߫ ߛߊ߲߬ ߥߐߙߐ߲ߝߌ߬ߟߊ߫ ߟߐ߬ߒ߬ߞߋ߬ߟߊ ߞߣߐ߫، ߛߊ߲߬ ߣߊ߯ߣߌ߲߫ ߓߊ߯ߙߊ ߞߐߝߟߌ ߟߋ߬ ߣߌ߲߬ ߘߌ߫߸ ߖߌ߬ߣߍ߫ ߣߊ߲߬ߕߌ߮ ߟߎ߬ ߓߘߊ߫ ߖߡߊ߬ߣߊ ߛߊ߬ߙߌ߬ߦߊ߬ ߞߏ ߟߎ߬ ߢߊߓߐ߫ ߏ߬ ߞߣߐ߫߸ ߞߊ߬ ߛߋ߫ ߞߊ߲ߕߌ߯ ߞߋߟߋ߲߫ ߛߎߥߊ߲ߘߌ߫ ߟߊ߫߸ ߞߊ߬ ߘߐ߬ߕߊߡߌ߲ ߞߎ߲߭ߝߊ߰.
ߢߣߊߕߊߟߌ ߞߏ߬ߣߌ߲ ߕߊ߬ߡߌ߲߬ ߢߊ ߘߐ߫߸ ߓߙߊߡߊߖߊ߲ߓߊ߲߫ ߖߐ߲ߖߐ߲߫ ߡߊ߫ ߕߊ߬ߡߌ߲߬߸ ߝߊ߲߬ߞߊߛߌ߬ߣߊ ߟߎ߬ ߘߐ߫ ߞߟߏߡߊ ߛߌߦߊߡߊ߲߫ ߛߋ߲߬ߓߐ߬ ߘߊ߫ ߟߋ߬߸ ߊ߬ ߝߊ߲߬ߓߊ ߦߋ߫ ߢߊߣߌ߲ߡߊߓߏߙߌ ߘߐ߫ ߕߎ߲ߞߊ߲ ߠߊ߫، ߝߘߏ߬ߓߊ߬ ߞߊ߲ߠߊߓߌߟߊ ߟߎ߬ ߟߌ߬ ߟߊߛߘߌ߬ߣߍ߲߫߸ ߓߘߍ߬ߓߘߍ߬ߟߌ߬ߟߊ߫ ߛߌߦߊߡߊ߲߫ ߣߌ߫ ߟߊ߬ߞߙߐ߬ߛߟߌ߬ߟߊ߬ ߛߌߦߊߡߊ߲߫߸ ߏ߬ ߟߎ߫ ߞߙߐ߬ߛߌ߬ ߛߋ߫ ߘߊ߫ ߛߋ߲߬ߠߊ߬ߛߘߌ ߏ߬ ߘߏ߫ ߟߎ߫ ߡߊ߬ ߞߊ߲ߠߊߓߌߟߊ߫ ߞߏ ߣߌ߫ ߞߏ߫ ߜߘߍ߫ ߟߎ߫ ߘߐ߫.
ߢߣߊߕߊߟߌ ߣߌ߲߬ ߘߐ߫߸ ߡߐ߰ ߛߌߦߊߡߊ߲߫ ߞߎ߲ߣߴߊ߬ ߖߍ߬ߘߍ߫ ߡߵߊ߬ ߘߐ߫ ߡߎߣߎ߲߬، ߊ߬ ߞߏ߬ߣߌ߲߸ ߝߊ߬ߙߊ߲߬ߛߌ߬ ߓߘߴߊ߬ ߞߏߢߊ ߕߊ߲߬ߘߏ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߌߣߍ߲߫ ߖߌ߬ߣߍ߬ ߣߌ߫ ߝߊ߬ߙߊ߲߬ߛߌ߬ ߟߊ߫ ߓߊ߯ߙߊߢߐ߲߯ߦߊ߫ ߕߣߐ߬ ߝߊ߲߬ ߝߌ߬ߟߊ߬ߡߊ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
