ߡߙߊ߬ߒ߬ߡߊ߬ߟߌ ߡߍ߲ ߞߍ߫ ߘߊ߫ ߢߊߡߍ߫ ߛߊ߲ߡߊߘߊ߲ ߠߊ߫ ߓߌ߲ߠߊߥߎߟߋ߲ ߕߋ߬ߟߋ߫ ߂߉ ߕߊ߬ߡߌ߲߬ߣߍ߲ ߡߊ߬߸ ߝߊ߬ߙߊ߲߬ߛߌ߬ ߡߊߝߌ߲߬ߣߍ߲߫ ߏ߬ ߟߋ ߞߏߢߊ ߘߐ߫ ߖߋ߬ߟߌ߬ߓߊ߬ߘߎ߯ ߞߎ߲߬ߠߊ߬ߛߌ߮ ߓߟߏ߫، ߒ߬ߓߊ߬߸ ߊ߬ߟߎ߬ ߞߎߡߊߣߍ߲ ߏ߬ ߟߋ ߞߊ߲߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߣߐ߬ ߕߴߏ߬ ߘߐ߫ ߝߋߝߋ߫، ߋߡߊߣߎ߳ߍߟ ߡߊߞߐߙߐ߲߫ ߞߊ߲߫ ߞߏ߫ <<ߓߘߍ߬ߓߘߍ߬ߟߌ ߟߊ߫ ߕߐ߯ߟߊߒߠߊ>> ߟߵߏ߬ ߘߌ߫߸ ߊ߬ߟߎ߫ ߣߐ߬ ߕߍ߫ ߡߍ߲ ߘߐ߫ ߡߎ߰ߡߍ߫، ߞߏ߫ ߞߎߡߊ ߏ߬ ߟߊߥߟߌ߬ߣߍ߲߫ ߖߡߊ߬ߣߊ߫ ߝߌ߬ߟߊ ߕߍߝߘߊ ߟߋ߬ ߘߐߙߐ߲߫ ߡߊ߬.
ߔߊ߬ߙߌ߬ ߣߌ߫ ߢߊߡߍ߫ ߟߊ߫ ߞߎ ߡߐ߬ߓߊߟߌߦߊ ߘߊ߰ ߞߋߟߋ߲߫ ߘߐ߫߸ ߏ߬ ߕߍ߫ ߞߏ߫ ߘߏ߲߰ߣߍ߲߬ ߘߌ߫ ߡߎ߬ߕߎ߲߬، ߓߊߏ߬߸ ߊ߬ߟߎ߬ ߞߊ߲߫ ߞߏ߫ ߝߊ߬ߙߊ߲߬ߛߌ߫ ߣߐ߭ ߟߋ߬ ߖߊ߲߬ߖߏ߲߫ ߕߊ߬ߡߌ߲߬ߣߍ߲ ߣߌ߲߬ ߘߌ߫ ߛߊ߲ߡߊߘߊ߲ ߠߊ߫߸ ߡߍ߲ ߠߊߥߟߌ߬ ߘߵߊ߬ߟߎ߬ ߟߊ߫ ߖߡߊ߬ߣߊ ߘߐߞߟߊߦߊ ߡߊ߬، ߋߡߊߣߎ߳ߍߟ ߡߊߞߐߙߐ߲߫ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߝߊ߬ߙߊ߲߬ߛߌ߬ ߡߊ߫ ߘߎ߰ߞߘߐ߬ߞߓߊ߬ߦߊ ߞߌ߬ߛߍ߬ ߞߋߟߋ߲ ߞߍ߫ ߣߌ߲߬ ߞߏ ߘߐ߫ ߖߋ߬ߟߌ߬ߘߎ߯ ߞߊ߲ߡߊ߬.
ߝߊ߬ߙߊ߲߬ߛߌ߬ ߞߊ߲ߕߌ߮ ߋߡߊߣߎ߳ߍߟ ߡߊߞߐߙߐ߲߫ ߓߘߴߊ߬ ߦߌ߬ߘߊ߬ ߞߏ߫ ߡߙߊ߬ߒ߬ߡߊ߬ߟߌ ߡߍ߲ ߞߍ߫ ߘߊ߫ ߢߊߡߍ߫ ߛߊ߲ߡߊߘߊ߲ ߠߊ߫ ߓߌ߲ߠߊߥߎߟߋ߲ ߕߋ߬ߟߋ߫ ߂߉ ߕߊ߬ߡߌ߲߬ߣߍ߲ ߡߊ߬߸ ߝߊ߬ߙߊ߲߬ߛߌ߫ ߣߍ߬ ߕߴߏ߬ ߘߐ߫ ߡߎ߰ߡߍ߫، ߛߌ߬ߟߡߊ߬ ߝߊߕߐ ߡߍ߲ ߠߎ߬ ߦߋ߫ ߞߌ߬ߢߍ߬ߞߏ߲ߞߏ߫ ߞߊ߲߬߸ ߏ߬ ߟߎ߬ ߞߊ߲߫ ߞߏ߫ ߊ߬ߟߎ߫ ߣߐ߭ ߟߋ߬. ߡߊߞߐߙߐ߲߫ ߠߊ߫ ߞߎߡߊ ߣߌ߲߬ ߞߍ߫ ߞߎ߲ ߠߋ߬߸ ߓߊߏ߬ ߞߟߍ߬ߕߌ߯ ߊߓߘߎߙߊߤߑߡߊߣߌ߲߬ ߗߊ߬ߣߌ߫ ߞߊ߬ ߛߙߊ߬ߣߎ߲ ߕߊ߬ ߡߍ߲ߞߍ߬ ߊ߬ߟߎ߬ ߟߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߟߊ߫ ߛߌ߬ߣߌ߲߬ߟߏ߲߫ ߕߊ߬ߡߌ߲߬ߣߍ߲߸ ߊ߬ ߞߵߊ߬ ߦߌ߬ߘߊ߫ ߟߋ߬ ߞߏ߫ ߝߊ߬ߙߊ߲߬ߛߌ߫ ߟߋ߬ ߞߊ߬ ߞߍߒߞߊ߲ߠߌ߲ ߏ߬ ߛߌ߰ ߛߋ߲߬ߠߊ߫߸ ߊ߬ߟߎ߬ ߟߊ߫ ߖߡߊ߬ߣߊ ߞߊ߲ߡߊ߬.
ߞߟߍ߬ߕߌ߯ ߗߊ߬ߣߌ߬ ߟߊ߫ ߝߐߟߌ߫ ߘߐ߫߸ ߡߙߊ߬ߒ߬ߡߊ߬ߟߌ ߣߌ߲߬ ߡߊ߫ ߟߊߥߟߌ߬ ߝߏߦߌ߬ ߡߊ߬߸ ߝߏ߫ ߞߊ߬ ߖߋ߬ߟߌ߬ߓߊ߬ߘߎ߯ ߛߊ߲ߡߊߘߊ߲ ߝߊ߲߬ߞߊ ߟߊߕߍ߰߸ ߞߊ߬ ߕߊ߬ߡߌ߲߫ ߝߊ߬ߙߊ߲߬ߛߌ߬ ߟߊ߫ <<ߓߊߛߌ߯ߓߊߟߌߦߊ ߢߍߥߟߊ߫ ߖߎ߮>> ߞߐߞߘߐߘߏ߲߬ ߠߴߊ߬ߟߎ߬ ߟߊ߫ ߖߡߊ߬ߣߊ ߞߊ߲ߡߊ߬، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߗߍ߬ߘߋ߲ ߠߎ߬ ߞߊ߬ ߖߎ߯ߦߊ߫ ߥߊߟߋ ߣߌ߲߬ ߕߎ߲߬ߕߎ߲߫ ߠߋ߬߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ <<ߥߏ߭ ߓߐ߫ ߘߊ߫>> ߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߞߎ߲߬، ߖߋ߬ߟߌ߬ߓߊ߬ߘߎ߯ ߝߊ߰ߡߊ ߟߎ߬ ߞߊ߲߫߸ ߞߏ߫ ߙߎ߬ߛߌ߫ ߣߊ߲߬ߕߌ߮ ߟߎ߫ ߟߋ߬ ߞߵߊ߬ߟߎ߫ ߞߎ߲߬ߠߊ߬ߘߌߦߊ߫߸ ߏ߬ ߟߎ߫ ߛߐ߬ߘߐ߲߬ ߘߊ߫ ߕߊߢߐ߲߯ߓߐ ߘߐ߫، ߞߊ߬ߕߎ߲߯߸ ߞߊ߬ߦߌ߯ ߂߀߂߃ ߞߊ߬ߙߌ߬ߝߐ ߞߊ߬ߝߏ߬ ߖߊߛߏ߲ ߞߐ ߟߋ߬ ߘߐ߫߸ ߡߐߛߑߞߎ߫ ߣߌ߫ ߢߊߡߍ߫ ߞߵߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߡߊ߬ߞߊ߲߬ߞߊ߲߬ߠߌ߲ ߛߌߟߊ ߝߍ߬.
ߔߊ߬ߙߌ߫ ߣߊ߲߬ߕߌ߰ ߝߊ߲ߞߊ ߟߊ߫ ߓߋߟߋ߲ߕߌ߮߸ ߝߊߙߌ߲߫ ߖߌ߬ߦߏߡ ߝ߭ߍߙߑߣߋ߫ ߞߵߊ߬ ߦߌ߬ߘߊ߬߸ ߞߏ߫ ߖߋ߬ߟߌ߬ߓߊ߬ߘߎ߯ ߟߊ߫ ߡߊ߬ߝߌ߲߬ߞߊ߲߬ߠߊ ߣߌ߲߬ ߦߋ߫ <<ߞߌ߬ߓߊ߬ߙߏ߬ ߟߊ߬ ߞߟߍ>> ߟߋ߬ ߘߌ߫، ߊ߬ ߘߏ߲߬߸ ߝߊ߬ߙߊ߲߬ߛߌ߫ ߞߵߊ߬ ߛߋ߲߬ߓߐ߫ ߟߋ߬ ߦߋ߲߬ ߞߏ ߟߎ߬ ߘߐ߫ ߞߊ߬ߝߏ߬ ߖߊߛߏ߲ ߞߐ ߘߐ߫ ߜߏߦߊߜߏߦߊ ߟߊ߫߸ ߝߘߊ߬ߝߌ߲߬ߠߊ߫ ߕߟߋ߬ߓߋ ߞߊ߬ߝߏ߬ ߖߊ߬ߛߏ߲߬ ߥߙߍ߫ ߢߐ߲߰ ߞߐ ߏ߬ ߟߎ߬ ߞߐ ߘߐ߫߸ ߊ߬ ߞߊ߬ ߖߡߊ߬ߣߊ߬ ߛߌߦߊߡߊ߲߫ ߠߋ߬ ߘߐߞߊ߬، ߏ߬ ߘߐ߫߸ ߞߏ߫ ߞߎߡߊ߫ ߛߌ߫ ߟߐ߬ߣߍ߲߫ ߓߊ߰ߓߊ߰ߟߌ߬ߟߊ ߟߎ߬ ߞߐߡߊߓߌ߲ߓߌ߲ ߡߊ߬߸ ߝߊ߬ߙߊ߲߬ߛߌ߫ ߛߋ߲߬ ߕߴߏ߬ ߘߐ߫ ߝߋߎ߫.
ߖߡߊ߬ߣߊ߫ ߝߌ߬ߟߊ ߢߌ߲߬ ߠߎ߬ ߟߊ߫ ߕߍߜߟߍߦߊ ߓߘߊ߫ ߛߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߡߊ߬ߘߎ߮ ߘߐ߫، ߓߊߏ߬߸ ߊ߬ߟߋ߬ ߣߊ߲߬ߕߌ߰ ߝߊ߲ߞߊ ߓߘߊ߫ ߛߏߡߊߦߌߙ ߞߏߟߊߘߍ ߟߊߝߊ߬ߛߏ߬ߦߊ߫߸ ߏ߬ ߡߍ߲ ߦߋ߫ ߝߊ߬ߙߊ߲߬ߛߌ߫ ߞߏߟߊߘߍ߫ ߏߙߊߣߏ ߓߏߟߏ߲ߝߘߊ ߘߏ߫ ߘߌ߫ ߞߊ߬ߣߌ߲߬، ߊ߬ߟߎ߬ ߓߘߊ߫ ߞߏ ߟߎ߬ ߓߐ߫ ߏߙߊߣߏ ߓߟߏ߫߸ ߞߊ߬ ߡߎ߯ߖߎ߯ߞߏ ߜߋ߬ߟߎ߲߬ߠߌ߲ ߘߏ߲߬ ߛߏߡߊߦߌߙ ߓߟߏ߫، ߗߊ߬ߣߌ߫ ߕߎ߲߬ ߞߵߊ߬ ߝߐ߫ ߟߋ߬ ߞߏ߫ ߞߙߌߕߌ߫ ߁߀߀ ߡߍ߲ ߠߊߓߐ߫ ߘߊ߫ ߞߊ߬ߝߏ߬ ߖߊߛߏ߲ ߢߍ߫߸ ߞߏ߫ ߊ߬ ߘߴߏ߬ ߘߌ߫ ߝߊ߬ߙߊ߲߬ߛߌ߫ ߡߊ߬، ߓߊ߬ߙߌ߬߸ ߞߐ ߢߌ߲߬ ߠߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߕߊ ߟߵߊ߬ ߓߍ߯ ߘߌ߫߸ ߡߍ߲ ߞߍߣߍ߲߫ ߓߊ߬߸ ߡߍ߲ ߞߍ ߦߴߌߘߐ߫ ߓߊ߬، ߕߋ߲߭ߕߋ߲߭ ߣߌ߲߬ ߘߐ߫߸ ߊ߬ ߦߌ߬ߘߊ߬ߣߍ߲߬ ߞߏ߫ ߡߎ߯ߖߎ߮ ߞߙߌߕߌ߫ ߁ ߀߀߀ ߠߋ߬ ߟߊ߬ߡߙߊ ߘߐ߫ ߢߊߡߍ߫ ߛߊ߲ߡߊߘߊ߲ ߠߊ߫، ߖߋ߬ߟߌ߬ߓߊ߬ߘߎ߯ ߣߐ߬ ߊ߬ ߖߊ߬ߕߋ߬ ߟߴߏ߬ ߟߋ ߘߐ߫߸ ߞߏ߫ ߝߊ߬ߙߊ߲߬ߛߌ߬ ߦߴߊ߬ ߝߍ߬ ߞߵߊ߬ߟߎ߫ ߡߊ߬ߞߏߛߊ߬ ߏ߬ ߟߋ ߝߍ߬ ߦߋ߲߬. ߊ߬ ߞߏ߬ߣߌ߲߸ ߏߙߊߣߏ ߓߘߊ߫ ߞߕߌ߫ ߞߏ ߘߏ߫ ߟߎ߫ ߛߌ߰ ߛߋ߲߬ߠߊ߫. ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
