ߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߟߎ߫ ߣߐ߬ ߛߌ߬ߟߡߊ߬ ߝߊߕߐ ߟߎ߬ ߟߊ߫ ߞߎ߲߬ߕߌ߰ߓߊ ߘߏ߫ ߟߋ߬ ߝߊ߰ ߟߊ߫߸ ߞߵߊ߬ ߟߴߊ߬ ߝߊ߬ߘߌ߬ߞߣߐ߬ߜߍ߲߬ߘߋ߲ ߞߊ߲߬، ߏ߬ ߞߍ߫ ߘߊ߫ ߦߙߍߞߍߟߌ߫ ߛߎߡߊ߲ߣߍ߲ ߘߏ߫ ߟߋ߬ ߛߋ߲߭ߝߍ߬ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߥߊ߬ߛߌ߬ߥߙߊ ߕߋ߬ߟߋ߫ ߂߈߸ ߛ߭ߡߊߣߋ߫߸ ߏ߬ ߦߋ߫ ߘߌ߲߬ߞߌߙߊ ߘߏ߫ ߟߋ߬ ߘߌ߫ ߞߎߘߍ߫ ߓߌߣߊ߯ߣߌ߲߫ ߢߐ߲߰ ߠߊ߫ ߡߋߣߞߊ߫ ߞߐ߰ߘߎ߮ ߘߐ߫.
ߡߊ߬ߟߌ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ߟߎ߬ ߟߊ߫ ߕߊ߯ߟߌ ߦߋ߲߬߸ ߏ߬ ߕߊ߬ ߘߊ߫ ߟߊ߬ߛߏ߬ߓߟߌ߬ ߖߐ߲ߖߐ߲ ߘߏ߫ ߟߋ߬ ߡߊ߬߸ ߊ߬ߟߎ߬ ߟߊߟߐ߲ߠߌ߲߫ ߘߴߊ߬ߟߎ߬ ߟߊ߫ ߞߏ ߟߊ߫ ߟߋ߬߸ ߏ߬ ߟߋ ߞߍ߫ ߘߊ߫ ߕߙߎ߬ ߘߌ߫ ߊ߬ߟߎ߬ ߛߋ߫ ߘߊ߫ ߓߊ߰ߓߊ߰ߟߌ߬ ߞߎ߲ߕߌ߮ ߣߌ߲߬ ߦߙߐ߫ ߟߐ߲߫ ߠߊ߫، ߓߊ߯ߙߊ߫ ߜߘߍ߫ ߕߎ߲߬ ߕߴߊ߬ߟߋ ߡߍ߲ ߠߊ߫ ߕߋ߲߬߸ ߘߌߦߊߜߏߦߊ߫ ߗߍߕߊ ߞߐ߫߸ ߞߊ߬ ߡߐ߱ ߟߎ߬ ߞߘߊߡߊ߫ ߞߵߊ߬ߟߎ߬ ߟߊߘߏ߲߬ ߓߊ߰ߓߊ߰ߟߌ ߘߐ߫ ߞߊ߬ߣߌ߲߬، ߊ߬ ߕߎ߲߬ ߦߋ߫ ߞߘߊߡߊߟߌ߫ ߛߏߓߌߟߊߞߎߣߎ߲ߠߌ߲ ߠߋ߬ ߞߊ߲߬߸ ߞߊ߬ ߡߐ߱ ߟߎ߫ ߕߊ߬ ߞߵߊ߬ߟߎ߬ ߞߍ߫ ߊ߬ߟߎ߬ ߟߊ߫ ߞߟߍ߬ߘߋ߲ ߠߎ߬ ߘߌ߫ ߓߊ߰ߓߊ߰ߟߌ߬ ߞߙߎ ߘߐ߫.
ߒ߬ߓߊ߬߸ ߡߊ߬ߟߌ ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߣߌ߲߬ ߛߌ߰ ߘߊ߫ ߛߋ߲߬ߠߊ߫ ߢߊ߫ ߟߋ߬ ߡߊ߬߸ ߣߊ߲߬ߒ߬ߕߊ߲߬ ߛߌ߫ ߡߊ߫ ߓߐ߬ߣߐ߫ ߊ߬ ߣߌ ߘߐ߫ ߢߊ ߡߍ߲ ߡߊ߬، ߊ߬ߟߎ߬ ߟߊ߫ ߟߊ߬ߛߋ߬ߟߌ߬ߓߊ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߬ ߟߊ߫ ߗߍ߬ߘߋ߲ ߠߎ߬ ߞߊ߬ ߦߙߍߞߍߟߌ ߣߌ߲߬ ߞߍ߫ ߢߊߟߐ߲ ߣߌ߫ ߞߎ߬ߛߊ߲߬ߧߊ ߣߌ߫ ߥߍ߬ߣߍ ߟߋ߬ ߟߊ߫، ߏ߬ ߘߏ߬ ߝߣߊ߫ ߡߊ߫ ߞߍ߫ ߦߋ߲߬ ߕߋ߲߬ ߜߊ߲ߛߊ߲߫ ߘߋ߬߸ ߏ߬ ߞߎ߲߭ ߦߋ߫ ߖߡߊ߬ߣߊ ߝߊ߰ߡߊ ߟߎ߬ ߡߙߌߦߊ ߟߋ߬ ߘߌ߫ ߓߊ߰ߓߊ߰ߟߌ߬ߟߊ ߟߎ߫ ߞߍ߬ߟߍ ߘߊߞߎ߲ ߘߐ߫ ߖߡߊ߬ߣߊ ߟߊߞߊ߲ߘߊ ߘߐ߫.
ߗߍ߭ ߣߌ߲߬ ߠߊ߫ ߝߊ߬ߛߏ߬ߦߊ ߦߋ ߖߡߊ߬ߣߊ߬ ߜߘߍ ߘߏ߫ ߡߐ߰ ߘߌ߫߸ ߏ߬ ߞߵߊ߬ ߦߌ߬ߘߊ߫ ߡߊ߬ߟߌ ߝߊ߰ߡߊ ߟߎ߬ ߟߊ߫ ߟߋ߬߸ ߞߏ߫ ߊ߬ߟߎ߬ ߦߋ߫ ߝߙߋߞߋߓߊ߫ ߟߋ߬ ߕߍߡߊ߬߸ ߡߍ߲ ߕߍ߫ ߦߙߐ߫ ߞߋߟߋ߲߫ ߞߏ߫ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
