ߝߘߊ߬ߝߌ߲߬ߠߊ߫ ߖߡߊ߬ߣߊ߬ ߢߍߡߐ߮ ߟߎ߬ ߟߊ߫ ߘߍ߬ߞߙߎ ߞߊ߬ ߕߟߋ߬ ߛߓߊ߬ ߕߊ߯ߡߊ ߞߎ߲߭ߘߏ߲߬ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߥߊ߬ߛߌ߬ߥߙߊ ߕߟߋ߬ ߁߁ ߥߊߛߑߕߐ߲߫، ߓߍ߲߬ߞߊ߲߬ ߓߟߋߓߟߋ߫ ߞߏ߬ߣߌ߲߫ ߞߟߊ߬ߣߐ߰ߦߊ߬ߟߌ ߡߊ߫ ߞߍ߫߸ ߓߊ߬ߙߌ߬߸ ߝߘߊ߬ߝߌ߲߬ߠߊ߫ ߢߍߡߐ߮ ߟߎ߬ ߣߌ߫ ߊߡߙߌߞߌ߬ ߓߘߊ߫ ߓߟߏߘߏ߲ߢߐ߰ߓߟߏ ߛߌߟߊ ߟߎ߬ ߕߊ߯ߡߊ߫ ߛߐ߬ߘߐ߲ ߛߌߟߊ ߝߍ߬، ߞߵߊ߬ ߟߴߊ߬ ߞߊ߲߬߸ ߊߡߙߌߞߌ߬ ߞߊ߬ ߟߊ߬ߢߌ߬ߣߌ߲߬ ߞߙߍߞߙߍߣߍ߲ ߠߎ߬ ߕߊ߬ ߞߵߊ߬ ߢߍߛߌ߲߫ ߝߘߊ߬ߝߌ߲߬ߠߊ߫ ߖߡߊ߬ߣߊ ߟߎ߫ ߡߊ߬؛ ߕߋ߬ߟߋ߫ ߛߊ߬ߓߊ߫ ߞߘߐ߫، ߝߘߊ߬ߝߌ߲߬ߠߊ߫ ߢߍߡߐ߯ ߟߏ߯ߟߎ߫ ߡߍ߲߬ ߠߎ߫ ߞߵߊ߬ߟߎ߬ ߟߊ߫ ߖߡߊ߬ߣߊ ߛߎߡߊ߫ ߘߌߡߊ߲ ߠߎ߬ ߛߊߙߌ߫ ߊߡߙߌߞߌ߬ ߡߙߊ߬ߓߊ߮ ߟߎ߬ ߢߊߞߘߐ߫.
ߛߣߍ߬ߜ߭ߊ߬ߟߌ߬ ߞߊ߲ߕߌ߮ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߞߵߊ߬ ߛߌ߲ߛߌ߲߫ ߊ߬ ߟߊ߫ ߖߡߊ߬ߣߊ ߟߊ߫ ߓߛߊ߬ߕߌ ߟߋ߬ ߞߊ߲߬، ߜ߭ߊߓߐ߲߫ ߣߌ߫ ߟߌߓߋߙߌߦߊ߫ ߣߌ߫ ߖߌ߬ߣߍ߫ ߓߌ߬ߛߊ߬ߥߏ߫ ߟߎ߫ ߢߍߡߐ߮ ߟߎ߬ ߞߵߊ߬ߟߎ߫ ߟߊ߫ ߘߎ߰ߞߘߐ߬ ߣߊ߲ߝߟߏ ߟߋ߬ ߓߙߍ߬ߦߊ ߦߌ߬ߘߊ߬… ߊߡߙߌߞߌ߬ ߝߐ߰ߓߍ߬ߦߊ߬ߟߊ ߘߏ߫ ߟߊ߫ ߝߐߟߌ߫ ߘߐ߫߸ ߞߏ߫ ߘߏߣߊߟ ߕߑߙߐ߲ߔ ߟߊ߫ ߝߊ߲߬ߞߊ ߦߴߊ߬ ߝߍ߬ ߞߊ߬ ߓߊ߲ߓߊ߲߫ ߝߘߊ߬ߝߌ߲߬ߠߊ߫ ߖߡߊߣߊ ߟߎ߬ ߟߋ߬ ߘߐߙߐ߲߫ ߞߊ߲߬، ߢߍߡߐ߮ ߟߏ߯ߟߎ߫ ߡߍ߲߬ ߠߎ߬ ߞߏ߬ߣߌ߲ ߕߘߍ߬ ߦߋ߫ ߕߊ߯ߡߊ ߟߊ߫ ߊߡߙߌߞߌ߬ ߞߣߐ߫ ߣߌ߲߬߸ ߊ߬ߟߎ ߞߏ߬ߣߌ߲ ߠߊ߫ ߖߋ߬ߓߌ߬ߟߌ ߟߎ߬ ߡߊ߫ ߓߐ߫ ߝߟߐ߫.
