ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߊ߲߬߸ ߡߐ߰ ߁߆߀ ߟߋ߬ ߓߘߊ߫ ߓߣߐ߬ ߊ߬ ߣߌ ߘߐ߫ ߊ߬ ߣߌ߫ ߞߊ߬ ߈߀ ߢߐ߲߰ ߕߎߣߎ߲߫ ߂߀߂߅ ߖߌߓߐ ߣߌ߲߬ ߘߐ߫߸ ߂߀߂߅ ߞߊߙߏ߫ ߥߐ߯ߙߐ߫ ߞߎ߲߬ߕߊ߮ ߞߣߐ߫߸ ߞߎߓߋߘߊ ߡߍ߲ ߘߐ߭ߘߏ߲߬ߣߍ߲߫ ߜߟߍ߬ߦߊ ߟߎ߬ ߟߊ߫߸ ߏ߬ ߟߎ߫ ߟߋ߬ ߞߊ߬ ߖߊ߬ߕߋ߬ߡߌߣߊ ߢߌ߲߬ ߠߎ߬ ߟߊ߫ ߞߣߍ ߞߊ߲߬، ߥߊ߬ߛߌ߬ߥߙߊ ߕߊ߬ߡߌ߲߬ߣߍ߲ ߕߟߋ߬ ߃߁ ߠߋ߬ ߟߊ߫ ߖߊ߬ߕߋ߬ߡߌߣߊ ߡߍ߲߬ ߠߎ߬ ߟߊ߲ߒߞߣߍߡߦߊ߫ ߘߊ߫، ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߟߊ߬ߟߌ߬ߟߌ߬ ߞߙߎ ߟߊ߫ ߢߐ߲߯ߠߊߘߍ ߘߏ߫ ߟߋ߬ ߛߋ߲߭ ߝߍ߬߸ ߏ߬ ߟߎ߫ ߞߊ߬ ߡߟߌߦߊߙߌ߫ ߛߌߦߊߡߊ߲߫ ߠߋ߬ ߟߊߓߌ߬ߟߊ߬ ߓߊ߯ߙߘߊ ߟߎ߬ ߦߋ߫߸ ߖߐ߲߰ߛߊ߫ ߞߊ߬ ߖߌߓߐ ߟߎ߬ ߢߊߞߘߐߕߍ߰.
ߞߎߓߋߘߊ ߡߍ߲ ߦߋ߫ ߜߟߍ߬ߦߊ ߟߎ߬ ߞߎ߲߭ ߓߍ߲߬ ߠߊ߫߸ ߏ߬ ߟߎ߬ ߟߊ߫ ߝߐߟߌ߫ ߘߐ߫߸ ߂߀߂߅ ߢߌ߲߬ ߖߌߓߐ ߓߘߊ߫ ߡߐ߰ ߥߊ߫ ߡߎߥߊ߲߫ ߊ߬ ߣߌ߫ ߕߊ߲ߣߌ߲ߞߐߣߐ߲ߘߐ ߟߋ߬ ߓߣߐ߬ ߊ߬ ߣߌ ߘߌ߫߸ ߡߐ߰ ߁߆߀ ߟߋ߬ ߝߊ߰ ߘߊ߫ ߏ߬ ߟߎ߬ ߕߍߡߊ߬߸ ߞߊ߬ ߡߐ߰ ߁߃߈ ߖߐߞߌ߫ ߊ߬ ߣߌ߫ ߞߊ߬ ߡߐ߰ ߄߃ ߀߀߀ ߟߐ߬ ߊ߬ߟߎ߫ ߛߌ߰ ߘߌ߲ߞߌߙߊ ߓߌ߬ߟߊ߬ ߟߊ߫، ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߠߋ߬ ߟߊ߫ ߟߊ߬ߥߊ߲߬ߞߊ߲߬ߠߌ߲ ߢߌ߲߬ ߠߎ߬ ߟߊ߬ߒߞߣߍߡߦߊ߫ ߘߊ߫߸ ߝߣߊ߫ ߛߊ߲ߖߌ߫ ߞߊߛߙߊ ߣߌ߲߬ ߡߊ߲߬ߕߙߐ ߞߍ߫ ߘߊ߫ ߡߏ߬ߛߏ ߟߎ߬ ߣߌ߫ ߘߋ߲ߣߍ߲ ߠߎ߬ ߟߋ߬ ߕߊ ߘߌ߫ ߓߊߞߍ߭߸ ߓߊߏ߬߸ ߡߏ߬ߛߏ߫ ߃߆ ߀߀߀ ߣߌ߫ ߞߐ߫߸ ߊ߬ ߣߌ߫ ߘߋ߲ߣߍ߲߫ ߅߀ ߀߀߀ ߣߌ߫ ߞߐ߫ ߟߋ߬ ߝߊ߰ ߘߊ߫.
ߡߙߊ߬ߓߟߏ ߡߍ߲ ߠߎ߬ ߘߏ߲߬ ߝߣߊ߫ ߟߊ߫ ߞߊ߬ߛߙߊ ߖߎ߯ߦߊ߫ ߘߴߊ߬ ߕߐ߭ ߟߎ߬ ߘߌ߫߸ ߏ߬ ߟߎ߫ ߟߋ߬ ߦߋ߫ ߊߡߏ߫߸ ߊߓߌߦߊ߫߸ ߓߐߙߑߣߏ߫߸ ߊ߬ ߣߌ߫ ߞߊߘߎߡߊ߫ ߡߙߊ߬ߓߟߏ ߟߎ߬ ߘߌ߫߸ ߣߋߡߊ߫ ߞߎߓߋߘߊ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬؛ ߓߊ߬ߙߌ߬߸ ߘߎ߰ߘߋ߲ ߠߎ߬ ߟߊ߫ ߟߊ߬ߛߙߋ߬ߦߊ߬ߟߌ߬ ߘߐ߫߸ ߞߏ߫ ߞߏߕߐ ߟߎ߬ ߓߙߍ߬ߦߊ ߘߌ߫ ߕߊ߬ߡߌ߲߬ ߣߋߡߊ߫ ߞߎߓߋߘߊ ߟߊ߫ ߖߊ߬ߕߋ ߟߎ߬ ߘߌ߫، ߓߊߏ߬߸ ߖߌߓߐ ߟߊ߫ ߕߌߢߍߟߌ߫ ߟߊߓߊ߲ ߞߍ߫ ߘߊ߫ ߌߞߘߐ߫ ߞߊ߯ߙߌ ߕߊ߬ߡߌ߲߬ߣߍ߲ ߣߌ߲߬ ߠߋ߬ ߡߊ߬߸ ߏ߬ ߘߏ߲߬ ߞߍ߫ ߘߊ߫ ߡߐ߰ ߃߀ ߢߐ߲߰ ߠߋ߬ ߛߕߊ ߘߌ߫ ߊߘߊߡߥߊ߫ ߡߙߊ߬ߓߟߏ ߞߣߐ߫، ߣߋߡߊ߫ ߟߊ߫ ߞߎߡߊߞߊ߲ ߠߎ߬ ߟߋ߬ ߞߏߛߐ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߟߊ߬ߟߌ߬ߟߌ ߞߊ߬ ߥߊߘߌ ߘߏ߫ ߘߌ߫߸ ߦߊ߯ߛߊ߫ ߞߊ߬ ߡߊ߬ߘߍ߬ߡߍ߲߬ߠߌ߲ ߘߏ߫ ߞߍ߫߸ ߊ߬ ߞߏ ߟߎ߬ ߞߊ߲߬.
ߏ߬ ߓߟߏߡߊ߬߸ ߣߊߦߌߙߊ߫ ߥߊߘߌ ߡߟߌߦߊߙߌ߫ ߁ ߣߌ߫ ߘߏ߫ ߟߋ߬ ߟߊߕߊ߯ ߘߊ߫ ߕߌ߲߬ߞߎߘߎ߲߫ ߃߆ ߟߊ߫ ߖߊ߬ߕߋ߬ߘߊ ߟߊ߫߸ ߡߊ߲߬ߕߙߐ ߛߋ߫ ߘߊ߫ ߦߙߐ ߡߍ߲ ߠߎ߬ ߘߐ߫߸ ߝߣߊ߫ ߣߊߦߌߙߊ߫ ߥߊߘߌ ߡߟߌߦߊߙߌ߫ ߁߀ ߘߌ߫ ߘߊ߫ ߟߋ߬ ߣߋߡߊ߫ ߖߍ߬ߘߍ ߡߊ߬߸ ߊ߬ ߣߌ߫ ߓߊ߯ߙߘߊ߫ ߜߘߍ߫ ߟߎ߫، ߞߏߕߌ߯ ߟߎ߫ ߓߘߴߊ߬ߟߎ߬ ߞߊ߲ߕߏ߫߸ ߞߏ߫ ߘߍ߬ߡߍ߲߬ߠߌ߲߬ ߝߊ߲ߝߘߊ ߟߎ߬ ߓߍߣߊ߬ ߓߌ߬ߟߊ߬ ߛߋ߲߬ߠߊ߫߸ ߘߊߥߎ߲ߠߌ߲ ߠߎ߬ ߣߌ߫ ߛߌ߰ߦߙߐ ߟߎ߬ ߣߌ߫ ߝߊߘߌߦߊߓߐ ߟߎ߬ ߘߌ߫ ߘߐ߫ ߞߏߕߐ ߟߎ߬ ߡߊ߬.
