ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߣߐ߫߸ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߡߐ߰ ߁߂ ߟߋ߬ ߓߣߐ߬ ߘߴߊ߬ ߣߌ ߘߐ߫ ߞߎߟߎ߲ ߝߘߌ ߘߐ߫ ߓߊߖߌ ߞߊ߲߬߸ ߞߵߏ߬ ߞߎ߲߭ ߞߍ߫ ߕߋ߰ߙߋ ߟߎ߬ ߢߍߛߌߟߊ߲ߒߢߍ ߘߌ߫߸ ߛߙߋ ߟߎ߬ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬، ߊ߬ ߛߌߦߊߡߊ߲߫ ߦߋ߫ ߡߏ߬ߛߏ ߟߎ߬ ߣߴߊ߬ߟߎ߬ ߘߋ߲ ߠߎ߬ ߟߋ߬ ߘߌ߫߸ ߞߎ߲߬ߠߊ߬ߝߎߟߋ߲ ߣߌ߲߬ ߓߐ߫ ߘߊ߫ ߜߙߍߜߙߍ ߞߏ ߟߎ߬ ߢߣߊߓߐ߫ ߞߎߓߋߘߊ ߟߋ߬ ߝߍ߬ ߓߌ߬، ߝߊ߰ߓߊ߰ߕߐ ߟߎ߬ ߟߊ߬ ߛߊ߬ߦߊ ߟߊߛߙߋߦߊ߫ ߘߊ߫ ߞߎߓߋߘߊ ߣߌ߲߬ ߞߊ߲ߕߌ߮ ߊߟߌߦߎ߬ ߛߋߤߎ߫ ߖߍ߬ߘߍ߫ ߟߋ߬ ߓߟߏ߫.
ߊ߬ ߓߘߴߊ߬ ߟߊߕߍ߰ ߞߏ߫ ߊ߬ߟߎ߬ ߦߋ߫ ߛߌߟߊ߫ ߟߊ߫ ߞߊ߬ ߘߍ߬ߡߍ߲ ߘߏ߲߬ ߞߊ߬ߛߙߊ߬ߓߊ߰ߕߐ ߟߎ߬ ߦߋ߫߸ ߞߏߕߐ ߟߎ߬ ߘߐ߫߸ ߡߛߏ߬ ߈ ߠߋ߬ ߦߴߊ߬ ߘߐ߫߸ ߊ߬ ߣߌ߫ ߘߋ߲ߣߍ߲߫ ߃߸ ߞߵߏ߬ ߟߊ߫ ߗߍ߬ ߁ ߞߊ߲߬߸ ߡߐ߰ ߃ ߛߋ߫ ߘߊ߫ ߟߊߞߛߌ߫ ߟߊ߫߸ ߛߙߋ ߟߎ߬ ߟߊ߫ ߝߐߟߌ߫ ߘߐ߫ ߡߐ߱ ߡߍ߲߬ ߠߎ߬ ߛߌߦߊߡߊ߲߫ ߠߋ߬ ߘߏ߲߬ ߘߊ߫ ߞߎߟߎ߲߫ ߞߋߟߋ߲߫ ߞߣߐ߫ ߞߏ߫ ߊ߬ߟߎ߬ ߦߋ߫ ߓߊ ߕߍ߰ ߟߊ߫߸ ߊ߬ߟߎ߫ ߖߊ߬ߡߊ ߟߊ߫ ߛߌߦߊߦߊ߫ ߡߊ߬ ߞߎߟߎ߲ ߡߊ߬߸ ߞߎߟߎ߲ ߝߘߌ߫ ߘߴߊ߬ߟߎ߬ ߘߌ߫߸ ߞߊ߬ߛߙߊ ߣߌ߲߬ ߞߍ߫ ߘߊ߫ ߖ߭ߊ߲ߝߙߊ߫ ߡߊ߬ߙߊ ߟߋ߬ ߘߐ߫.
ߊ߬ߟߋ߬ ߕߋ߰ߙߋ ߟߎ߬ ߞߊ߬ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫߸ ߞߊ߬ ߓߌߦߊ߲ ߠߎ߬ ߛߏ߲߬ߧߊ߬߸ ߞߊ߬ ߡߎߙߊ߲ ߠߎ߬ ߛߏ߲߬ߧߊ߬߸ ߞߊ߬ ߕߊ ߛߎ߫ ߓߏ߲ ߠߎ߬ ߟߊ߫߸ ߊ߬ ߣߌ߫ ߞߊ߬ ߡߐ߰ ߘߌߦߊߜߏߦߊ߫ ߡߌߣߊ ߞߍ߫، ߖߐ߲߰ߛߊ߫ ߡߌ߬ߣߊ߬ߓߊ߰ߕߐ ߟߎ߬ ߟߊ߫ ߡߐ߱ ߟߎ߬ ߘߌ߫ ߥߊߘߌ߫ ߛߙߊ߬ ߢߊ߫ ߡߍ߲ ߞߵߊ߬ߟߎ߬ ߟߊߓߌ߬ߟߊ߬.
