ߞߵߊ߬ ߓߍ߲߬ ߥߊߘߌ߫ ߡߎ߯ ߞߏߖߊ ߡߊ߬ ߖߌ߬ߣߍ߬ ߞߣߐ߫߸ ߕߊ߲ߓߊ߲߫ ߜߍߓߏ߲ ߓߘߴߊ߬ ߟߊߛߋ߫ ߊ߬ ߟߊ߫ ߝߍߛߑߓߎߞ ߞߐߜߍ ߞߊ߲߬ ߞߏ߫ ߜߍߓߟߎ߫ ߞߎߘߊ ߟߎ߬ ߓߘߊ߫ ߘߏ߲߬، ߊ߬ߟߎ߬ ߓߊ߲߫ ߘߊ߫ ߞߵߊ߬ߟߎ߬ ߞߊ߲ߠߊߘߌ߫ ߖߊ߬ߡߊ ߡߊ߬߸ ߛߊ߫ ߥߊߘߌ߫ ߡߎ߯ ߞߏߖߊ ߣߌ߲߬ ߘߌ߫ ߛߋ߫ ߘߊ߲ߘߊ߫ ߟߊ߫ ߢߊ ߡߍ߲ ߡߊ߬ ߝߋߝߋ߫.
ߖߌ߬ߣߍ߬ ߞߊ߲ߓߍ߲ ߕߊ߲ߓߊ߲߫ ߜߍߓߏ߲ (ߖ.ߞ.ߕ.ߜ) ߞߵߊ߬ ߟߊߛߋ߫ ߓߌ߬ ߞߊ߯ߙߌ ߣߌ߲߬ ߡߊ߬ ߂߀߂߅ ߘߓߊ߬ߓߌߟߊ ߕߟߋ߬ ߃߁߸ ߟߊ߬ߖߍ߲߬ߛߍ߲߬ߠߌ߲ ߘߏ߫ ߘߐ߫ ߊ߬ߟߎ߬ ߟߊ߫ ߝߍߛߑߓߎߞ ߞߐߜߍ ߟߊ߫߸ ߞߏ߫ ߜߍߓߟߎ߫ ߞߎߘߊ ߟߎ߬ ߓߘߊ߫ ߘߏ߲߬߸ ߞߵߊ߬ ߓߍ߲߬ ߞߎ߲߬ߠߊ߬ߛߌ߰ߟߊ ߟߊ߫ ߢߍߥߟߊ߫ ߡߊߗߍ߲߬ߣߍ߲ ߡߊ߬߸ ߞߏ߲߬ߓߏ߫ ߞߊ߬ߙߊ߲߬ߡߐ߮ ߞߊ߬ߓߊ، ߥߊߘߌ߫ ߟߊߘߏ߲ ߣߌ߲߬ ߘߏ߲߬ ߦߴߊ߬ ߘߊߡߌ߬ߣߊ߬ߣߍ߲ ߠߋ߬ ߘߌ߫ ߛߍߣߍ߲߬߸ ߥߊߘߌ ߟߎ߬ ߘߌ߫ ߘߏ߲߬ ߡߎ߬ߕߎ߲߬ ߤߊ߲߯ ߛߊ߲߭ ߢߌ߲߬ ߠߊߓߊ߲.
ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߣߌ߲߬ ߞߎ߲߭ ߦߋ߫ ߖߎ߬ߟߦߊ߬ ߜߍߓߏ߲ ߠߎ߬ ߡߊߛߐ ߟߋ߬ ߘߌ߫ ߜߍߓߟߎ ߟߊ߫߸ ߖߐ߲߰ߛߊ߫ ߖߡߊ߬ߣߊ߬ߘߋ߲ ߠߎ߬ ߣߌ߫ ߥߊߘߌ߫ ߟߊߓߊ߯ߙߟߊ ߟߎ߫ ߡߊ߬ߞߏ ߘߌ߫ ߢߊ߬ ߞߊߟߌߦߊ߫ ߘߐ߫ ߢߊ ߡߍ߲ ߡߊ߬.
ߊ߬ߟߎ߬ ߟߊ߫ ߟߊ߬ߖߍ߲߬ߛߍ߲߬ߠߌ߲߬ ߞߋߟߋ߲ ߣߌ߲߬ ߞߣߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߝߙߋߞߋ ߡߍ߲ ߦߋ߫ ߖߡߊ߬ߣߊ ߞߣߐ߫߸ ߥߊߘߌ߫ ߡߎ߯ ߞߏߖߊ߫ ߕߍ߫߸ ߥߊߘߌ߫ ߟߊߘߊ߲ ߠߊߛߎߡߦߊ߫ ߞߏ߫ ߝߣߊ߫ ߕߍ߫߸ ߊ߬ ߘߐߕߟߊ߫ ߞߏ ߟߊ߫ ߜߟߍ߬ߦߊ߬ ߝߣߊ߫ ߕߍ߫، ߝߍ߭ ߦߋ߫ ߦߙߐ ߡߍ߲ ߘߐ߫߸ ߥߊߘߌ ߕߍ߫ ߕߊ߯ߡߊ߫ ߟߊ߫ ߜߍߓߏ߲ ߠߎ߬ ߞߣߐ߫، ߓߊߏ߬߸ ߓߍ߯ ߥߞߊ߬ߟߌ߬ߣߍ߲߫ ߥߊߘߌ ߟߊߡߊ߬ߙߊ ߟߋ߬ ߟߴߊ߬ߟߎ߫ ߖߘߍ߬ ߓߟߏ߫߸ ߞߊ߬ ߕߊ߬ߡߌ߲߬ ߥߊߘߌ ߟߊߕߊ߮ ߘߌ߫ ߜߍߓߏ߲ ߠߊ߫߸ ߏ߬ ߟߋ ߓߘߊ߫ ߣߊ߬ ߝߙߋߞߋ ߘߌ߫.
ߊ߬ߟߎ߬ ߞߊ߫ ߞߏ߫ ߣߴߌ ߞߵߊ߬ ߡߊߝߟߍ߫ ߓߌ߬߸ ߖߌ߬ߣߍ߬ ߥߊߘߌ <<%߉߄ ߢߐ߲߰>> ߠߋ߬ ߟߊߡߙߊ߬ߣߍ߲߫ ߡߐ߱ ߟߎ߬ ߓߟߏߟߊ߫߸ ߊ߬ߟߎ߬ ߕߍ߫ ߜߍߓߏ߲ ߞߣߐ߫، ߘߏ߫ ߟߎ߫ ߟߊߡߙߊ߬ߣߍ߲߫ ߥߊߘߌ߫ ߟߊߡߙߊ߫ ߢߊ߫ ߞߘߐ߬ߡߊ߲ ߠߎ߬ ߡߊ߬ ߓߏ߲ ߠߎ߬ ߞߣߐ߫߸ ߘߏ߫ ߟߎ߫ ߦߋ߫ ߡߐ߰ ߞߎ߲߬ߞߋߟߋ߲ ߠߎ߬ ߓߟߏ߫߸ ߏ߬ ߟߋ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߣߊ߬ ߞߣߐ߬ߘߐ߬ߝߟߌ ߘߌ߫ ߥߊߘߌ߫ ߡߎ߯ ߞߏ ߘߐ߫.
ߏ߬ ߟߋ ߞߏߛߐ߲߬߸ ߊ߬ߟߎ߬ ߓߘߴߊ߬ߟߎ߫ ߥߊ߬ߞߊߟߌ߫ ߞߊ߬ ߛߋ߫ ߞߏ߫ ߛߌ߰ ߟߊ߫ ߛߋ߲߬ߠߊ߫߸ ߡߍ߲ ߘߌ߫ ߞߍ߬ߟߍ ߞߍ߫ ߢߊ߫ ߝߌ߬ߟߊ߫ ߡߊ߬: ߥߊߘߌ ߦߋ߫ ߛߋ߫ ߓߐߟߌ߫ ߞߍ߫ ߟߊ߫ ߌߞߘߐߞߘߐߣߌ߲߬߸ ߊ߬ ߣߌ߫ ߞߊ߬ ߛߋ߫ ߓߐߒߘߊ߫ ߢߌߣߌ߲߫ ߠߊ߫߸ ߛߊ߫ ߡߐ߱ ߟߎ߫ ߖߎ߬ߛߎ ߘߌ߫ ߟߐ߬ ߜߍߓߏ߲߫ ߞߏ ߟߊ߫߸ ߞߊ߬ ߛߋ߫ ߛߙߊ߬ߟߌ߬ ߢߎߡߍߙߋ߲ߡߊ ߟߎ߬ ߝߊ߲߬ߞߊߘߏ߲߬ ߠߊ߫߸ ߞߊ߬ ߓߊ߲߫ ߞߊ߬ ߛߋ߫ ߟߊߒߠߦߊ ߟߊߘߊ߲߫ ߠߊ߫ ߜߍߓߏ߲ ߣߌ߫ ߡߐ߱ ߟߎ߬ ߕߍ߫.
ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ <<ߥߊߘߌ߫ ߞߏ߫ ߜߟߍߦߊ ߣߌ߲߬ ߘߊ߲ߘߊ ߕߍ߫ ߥߊ߫ ߞߊ߬ ߖߊ߬ߡߊ ߕߏ߫߸ ߝߏ߫ ߓߍ߯ ߟߋ߬ ߦߴߊ߬ ߛߋߞߏ߫ ߞߍ߫.>> ߏ߬ ߟߋ ߞߍ߫ ߘߴߊ߬ߟߎ߬ ߓߟߏ߫ ߞߟߌߟߌ߫ ߞߊ߲ߠߊ߫ ߘߌ߫ ߞߵߊ߬ ߟߊߛߋ߫ ߡߌ߬ߙߌ߲߬ߘߌ ߡߊ߬، ߞߵߊ߬ ߦߌ߬ߘߊ߬ ߞߏ߫ ߓߍ߯ ߦߴߊ߬ ߘߐߖߊ߬ ߞߊ߬ ߛߋ߫ ߜߍߓߏ߲ ߠߋ߬ ߞߍ߫ ߟߊ߫ ߥߊߘߌ߫ ߟߡߙߊ߫ ߦߙߐ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
