ߝߊ߬ߛߏ ߟߊ߫ ߖߘߍ߬ߡߊ߬ߛߐߘߐ߲ ߢߊ߰ߢߊ߮ ߣߌ߲߬ ߝߍ߬߸ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߞߊ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߞߍ߫ ߞߵߊ߬ ߕߏ߫ ߞߎ߲߬ߞߊ߬ߙߌ߬ߝߊ߬ߟߌ ߘߐ߫، ߊ߬ ߟߊ߫ ߡߊ߬ߙߊ ߕߎ߬ߡߊ ߟߊ߫߸ ߘߋ߲ߡߌߛߍ߲ ߡߍ߲ ߠߎ߬ ߝߊ߰ ߘߊ߫ ߔߊߞߌߛߦߊ ߟߎ߬ ߘߐ߫߸ ߊ߬ ߣߡߌߛߊߣߍ߲ ߞߊ߬ ߕߌ߲ߞߌ ߞߍ߫ ߏ߬ ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߞߢߊ߬ ߘߴߊ߬ ߟߊ߫ ߞߍߕߊ ߘߏ߫ ߟߎ߫ ߟߋ߬ ߞߍ߫ ߟߊ߫߸ ߏ߬ ߟߋ ߞߵߊ߬ ߞߍ߫ ߏ߬ ߞߵߊ߬ ߡߊߛߐ߬ߘߐ߲߬، ߊ߬ ߞߵߊ߬ ߟߊ߫ ߣߡߌߛߊ ߦߌ߬ߘߊ߬ ߓߊߞߍ߭ ߦߙߐ ߡߍ߲ ߘߐ߫߸ ߏ߬ ߟߋ ߞߍ߫ ߘߴߊ߬ ߟߊ߫ ߞߏߟߊߕߐ߲ߓߊߟߌߦߊ ߘߌ߫.
ߊ߬ ߟߊ߫ ߟߊ߬ߖߍ߲߬ߛߍ߲ߠߌ߲ ߘߏ߫ ߘߐ߫ ߞߏ߲ߓߌߕߌ߮ ߕߟߋ߬ ߁߭ ߡߊ߬߸ ߖߌ߬ߣߍ߬ ߟߊ߫ ߖߘߍ߬ߕߌ߰ߦߊ ߛߊ߲߬ ߆߇ ߡߊ߬߸ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߞߵߊ߬ ߕߋ߬ߟߋ ߞߏ߫ ߞߍߣߍ߲ ߘߏ߫ ߟߎ߫ ߡߊߘߊ߲߫߸ ߞߵߊ߬ ߛߐ߬ߘߐ߲߬ ߊ߬ ߦߋ߫ ߖߌ߬ߣߍ߫ ߖߡߊ߬ߣߊ ߞߎ߲߬ߕߌ߰ߦߊ ߟߊ߫، ߊ߬ ߞߎߡߊ߫ ߘߴߊ߬ ߟߊ߫ ߢߎߡߍߓߊߟߊ߲߫ ߟߐ߬ߣߍ߲ ߠߎ߬ ߞߊ߲߬߸ ߊ߬ ߟߊ߫ ߛߌߟߊ߫ ߟߊߣߍ߲ ߠߎ߬ ߞߊ߲߬߸ ߊ߬ߟߊ߫ ߞߊ߬ߙߊ߲߬ߕߊ߫ ߟߐ߬ߣߍ߲ ߠߎ߬ ߞߊ߲߬߸ ߊ߬ ߣߴߊ߬ ߟߊ߫ ߘߊ߲ߘߊߛߏ߫ ߟߐ߬ߣߍ߲ ߠߎ߬، ߊ߬ ߞߎߡߊ߫ ߘߊ߫ ߊߣߊߝߌߞ ߝߣߊ߫ ߞߊ߲߬߸ ߏ߬ ߡߍ߲ ߠߊߘߊ߲߫ ߘߴߊ߬ ߓߟߏ߫ ߓߟߏߞߏߟߏ߲ߧߊ ߞߟߍ߬ ߞߊ߲ߡߊ߬߸ ߞߊ߬ ߛߋ߫ ߘߊ߬ߡߊ߲߬ ߕߣߐ ߘߏ߫ ߟߎ߫ ߟߊߛߋ߫ ߟߊ߫ ߞߏ߲ߞߏ߫ ߞߣߐ߫ ߡߐ߮ ߟߎ߫ ߡߊ߬.
ߊ߬ ߟߊ߫ ߓߊ߯ߙߓߊ ߏ߬ ߟߎ߬ ߓߍ߯ ߣߴߊ߬ ߕߊ߫߸ ߖߡߊ߬ߣߊ ߝߊ߰ߡߊ߬ ߞߘߐ ߞߵߊ߬ ߓߋ߬ ߦߙߐ ߘߏ߫ ߟߎ߫ ߝߐ߫߸ ߡߍ߲ ߠߎ߬ ߣߡߌߛߊ ߦߴߊ߬ ߟߊ߫ ߕߋ߲߬، ߊ߬ ߞߵߊ߬ ߢߊߦߋ߫ ߡߍ߲ ߠߎ߬ ߘߐ߫ ߞߏ߫ ߊ߬ ߟߊ߫ ߞߎ߲߬ߠߊ߬ߛߌ߮ ߣߡߊ߫ ߘߊ߫ ߦߋ߲߬ ߠߋ߬ ߝߛߊߦߌ߫߸ ߞߊ߬ ߘߏ߲߬ ߝߟߌ߬ ߥߊ ߟߊ߫، <<ߓߊ߯ߙߊ߫ ߞߍߣߍ߲ ߏ߬ ߓߍ߯ ߣߴߊ߬ ߕߊ߫߸ ߒ ߛߐ߲߬ߣߴߊ߬ ߡߊ߬ ߞߏ߫ ߝߎ߬ߕߎ߲߬ߕߌ ߘߏ߫ ߟߎ߫ ߞߍ߫ ߘߊ߫߸ ߊ߬ ߣߌ߫ ߦߙߐ ߘߏ߫ ߟߎ߫ ߓߎ߬ߘߎ߲߬ߣߍ߲߫ ߕߘߍ߬߸ ߒ ߕߎ߲߬ ߞߊ߫ ߞߊ߲߫ ߞߊ߬ ߡߍ߲ ߠߎ߬ ߘߊ߲ߘߊ߫.>> ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬߬ ߕߍ߬ߘߍ߫ ߊ߬ ߝߍ߬ ߞߊ߬ ߝߍ߭ ߏ߬ ߘߏ߫ ߟߎ߫ ߟߋ߬ ߘߊ߲ߘߊ߫߸ ߏ߬ ߟߋ ߢߍߥߟߊ ߕߏ߫ ߘߴߊ߬ ߓߟߏ߫߸ ߞߊ߬ߝߏ߬ ߖߊߛߏ߲ ߞߍ߫ ߘߊ߫ ߂߀߂߁ ߠߊ߫.
ߊ߬ ߕߌ߯߯ߕߌ߮ ߘߐ߫߸ ߞߊ߲ߓߍ߲ ߞߊ߲ߕߌ߮ ߞߊ߬ ߛߦߊ߬ ߞߐ߲ߘߐ߲ ߠߊߛߋ߫ ߊ߬ ߕߋ߬ߟߋ ߝߊ߰ߓߊ߰ߕߐ ߘߏ߫ ߟߎ߫ ߡߊ߬ ߔߊߞߌߛߦߊ ߟߎ߬ ߘߐ߫، << ߒ ߘߌ߫ ߒ ߠߊ߫ ߛߦߊ߬ߞߐ߲߬ߘߐ߲߬ ߡߊߞߌ߬ߣߌ߬ߞߌ߬ߣߍ߬ߣߍ߲ ߟߊߛߋ߫ ߞߐߙߍ߫ ߢߊߖߌߕߐ ߏ߬ ߟߎ߫ ߡߊ߬ ߕߎ߲߯ߣߌ߲߫،ߞߊ߬ ߘߊ߲ߓߊ߮ ߦߊ߬ߝߊ߫ ߊ߬ߟߎ߬ ߛߟߐߡߌ߲ ߠߎ߫ ߡߊ߬،ߞߊ߬ ߦߝߊ߬ ߢߌߣߌ߲ ߞߍ߫ ߊ߬ߟߎ߫ ߝߍ߬ ߖߌ߬ߣߍ߫ ߖߡߊ߬ߣߊ ߕߐ߯ ߘߐ߫.>>
ߦߝߊ߬ ߕߙߊ ߏ߬ ߟߋ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߛߐ߲߬ߣߴߊ߬ ߡߊ߬߸ ߞߏ߫ ߊ߬ ߞߊ߬ ߖߌ߬ߣߍ߬ߞߊ ߟߎ߫ ߜߊ߬ߒ߬ߠߊ߬ߞߏ ߘߏ߫ ߟߎ߫ ߞߍ߫ ߊ߬ߟߎ߬ ߟߊ߫ ߊ߬ ߟߊ߫ ߞߊ߲ߕߌ߯ߦߊ ߕߎ߬ߡߊ ߟߊ߫، ߏ߬ ߟߋ ߘߐ߫߸ ߊ߬ ߣߡߌߛߊߣߍ߲ ߓߘߴߊ߬ ߕߍ߮ ߘߐߛߌ߰ ߖߌ߬ߣߍ߬ߞߊ ߟߎ߬ ߦߋ߫ ߞߏߞߎߘߊ߫߸ ߛߴߊ߬ߟߎ߬ ߟߊ߫ ߘߊߝߐ߲ ߏ߬ ߟߎ߬ ߘߌ߫ ߕߎߣߎ߲߫ ߢߊ ߡߍ߲ ߡߊ߬.
ߟߊ߬ߞߙߐ߬ߛߟߌ߬ߟߊ ߘߏ߫ ߟߎ߫ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߟߊ߫ ߓߋߟߋ߲ߠߊ ߣߌ߲߬ ߦߋ߫ ߞߎ߲߬ߠߊ߬ߦߋߙߋ߲ ߣߌ߫ ߞߎ߲߬ߠߊ߬ߖߌ߮ ߟߋ߬ ߓߊ߬ߛߊ߲߬ߣߍ߲ ߘߌ߫߸ ߊ߬ ߟߊ߫ ߓߘߍ߬ ߞߍߣߍ߲ ߠߎ߬ ߝߐ ߞߏߛߐ߲߬ ߊ߬ ߓߟߏ߫߸ ߊ߬ ߣߴߊ߬ ߟߊ߫ ߝߍ߬ ߞߍߣߍ߲ ߠߎ߬ ߝߣߊ߫ ߝߐ ߞߏߛߐ߲߬߸ ߊ߬ ߕߍ߬ߘߴߊ߬ ߝߍ߬ ߞߵߏ߬ ߟߎ߬ ߡߍ߲ ߠߎ߬ ߘߊ߲ߘߊ߫߸ ߣߴߊ߬ ߓߍ߲߬ ߘߊ߫ ߞߊ߬ߝߏ߬ ߖߊߛߏ߲ ߡߊ߬ ߂߀߂߁ ߕߎߟߊߝߌ߲ ߠߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
