ߊߡߙߌߞߌ߬ ߓߎߚߎߕߎߕߎߟߊ ߛ߭ߐߣ ߞߐߡߖ߭ ߡߍ߲ ߞߊ߲߬ߕߐ߮ ߦߋ߫ ߞߏ߫ ߔߌ߫ ߘߌ߬ߘߌ߬߸ ߏ߬ ߟߋ ߖߊ߲߬ߞߌ߬ߣߍ߲߫ ߛߊ߲߬ ߣߊ߯ߣߌ߲߫ ߥߛߎߟߊߘߏ߲ ߠߊ߫߸ ߊ߬ ߞߍ ߘߐ߫ ߞߊ߬ ߝߊߕߎߦߊ߫ ߓߊ߯ߙߊ ߛߌ߲߬ߝߏ߲߬ߧߊ߬، ߒ߬ߓߊ߬߸ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߊ߬ ߟߊ߫ ߞߕߌ ߛߋ߫ ߘߴߊ߬߬ ߞߎ߲߬ߘߏ߲ ߡߊ߬߸ ߞߵߊ߬ ߞߎ߲߬ߘߏߣߌ߲ ߟߴߊ߬ ߞߎ߲߬.
ߔߌ߫ ߘߌ߬ߘߌ߬ ߟߊ߫ ߞߕߌ ߓߘߊ߫ ߕߍ߰߸ ߊ߬ߟߋ ߡߍ߲ ߠߊ߫ ߞߕߌ ߕߍ߬ߘߍ߫ ߞߌ߬ߓߊ߬ߙߏ߬ߘߊ ߟߎ߬ ߘߊ߫ ߊߡߙߌߞߌ߬ ߞߣߐ߫ ߢߌ߬ߣߊ߲߬ ߞߕߌ ߓߍ߯ ߘߌ߫ ߞߊ߬ߣߌ߲߬، ߊߡߙߌߞߌ߬ ߓߎߚߎߕߎߕߎߟߊ ߟߋ߬ ߦߴߊ߬ ߘߌ߫߸ ߊ߬ ߖߊ߲ߞߌ߫ ߘߊ߫ ߓߌ߬ ߛߌ߬ߣߌ߲߬ߟߏ߲ ߢߌ߲߬ ߠߋ߬ ߡߊ߬߸ ߞߏ߲ߓߌߕߌ߮ ߕߋ߬ߟߋ߫ ߃، ߛߊ߲߬ ߣߊ߯ߣߌ߲߫ ߣߌ߫ ߞߊߙߏ߫ ߝߌ߬ߟߊ߫ ߟߋ߬ ߟߊ߫ ߘߴߊ߬ ߞߎ߲߬߸ ߞߵߏ߬ ߟߊ߫ ߘߟߊ߫ ߅߀߀ ߀߀߀ ߢߍ߬ߦߌ߲߬ߘߐ߬ߓߍ߲ ߛߊ߬ߙߊ ߞߊ߲߬، ߊ߬ ߞߕߌ߫ ߘߊ߫ ߟߋ߬߸ ߞߏ߫ ߊ߬ ߕߘߍ߬ ߡߏ߬ߛߏ ߟߎ߫ ߟߋ߬ ߡߊߘߏ߬ߣߌ߲߬ ߠߊ߫߸ ߞߊ߬ ߥߴߊ߬ߟߎ߫ ߟߐ߬ ߖߘߍ߬ ߝߙߋ ߟߊ߫߸ ߊ߬ ߞߊ߬ ߛߊ߲߬ ߕߊ߲߫ ߣߌ߫ ߞߐ߫ ߟߋ߬ ߞߍ߫ ߏ߬ ߓߊ߯ߙߊ ߞߊ߲߬.
ߊ߬ ߛߌ߭ ߦߋ߫ ߛߊ߲߬ ߅߅ ߟߋ߬ ߘߐ߫ ߕߋ߲߬߸ ߛߍ߮ ߟߋ߬ ߣߐ߬ ߘߐ߲߬ߞߟߌ߬ߟߊ߬ߟߊ߬ ߛߘߊߡߊ ߣߌ߲߬ ߝߘߏ߬ ߟߊ߫߸ ߓߊߏ߬ ߊ߬ ߓߌ߬ߟߊ߬ߕߐ߫ ߕߘߍ߬ ߥߛߎ߫ ߘߎߡߊߣߍ߲ ߠߋ߬ ߟߊ߫، ߞߊ߬ߕߎ߲߯߸ ߞߕߌ ߘߏ߫ ߟߎ߫ ߞߍ߫ ߘߊ߫ ߞߊ߬ߙߌ߬ߝߐ ߟߊ߫߸ ߘߏ߬ߣߌ߲߬ ߛߌߦߊߡߊ߲߫ ߠߋ߬ ߟߊ߫ ߘߴߊ߬ ߞߎ߲߬߸ ߓߊ߬ߙߵߊ߬ ߞߵߊ߬ ߞߎ߲߬ߓߐ߫ ߏ߬ ߟߎ߬ ߓߍ߯ ߞߘߐ߫ ߟߋ߬.
ߔߌ߫ ߘߌ߬ߘߌ߬ ߡߊߝߌ߲߬ߣߍ߲߬ ߞߏ ߡߍ߲ ߠߎ߬ ߘߐ߫߸ ߞߏ߫ ߊ߬ ߕߍ߬ߘߍ߫ ߡߏ߬ߛߏ ߟߎ߫ ߕߊ߬ ߟߊ߫ ߟߋ߬ ߞߵߏ߬ ߟߎ߫ ߟߐ߬ ߞߊ߬ߞߟߊ߬ߦߊ ߟߊ߫߸ ߊ߬ ߟߊ߫ ߦߙߐ ߏ߬ ߟߎ߫ ߕߘߍ߬ ߞߟߌ߫ ߟߊ߫ ߟߋ߬ ߞߏ߫: <<ߝߑߙߌ߯ߞ ߐߝߛ>> ߊ߬ ߣߌ߫ <<ߤߏ߬ߕߍߣ ߣߊߦߕ>>߸ ߊ߬ ߕߘߍ߬ ߘߴߊ߬ ߛߌ߰ ߞߵߊ߬ ߢߊ ߓߍ߲߬ ߊ߬ߟߎ߫ ߡߊ߬ ߦߋ߲߬߸ ߞߵߊ߬ߟߎ߫ ߖߌ߬ߦߊ߬ߖߟߎ߬ߦߊ߬߸ ߊ߬ߟߎ߬ ߦߴߊ߬ߟߎ߬ ߕߏߟߏ߲߫ ߊ߬ߟߎ߫ ߖߘߍ߬ ߟߊ߫ ߖߘߍ߬ߘߐ߬ߣߐ߮ ߘߌ߫، ߏ߬ ߟߋ ߘߐ߫߸ ߞߕߌߞߊ߲ߘߊ߫ ߡߛߏ ߡߍ߲ ߞߵߊ߬ ߟߊ߫ ߞߕߌ ߣߌ߲߬ ߛߌ߰ ߛߋ߲߬ߠߊ߫߸ ߓߐ߬ߟߐ߲߬ߞߊ߫ ߞߙߌߛߑߕߌ ߛߑߟߊߝ߭ߌߞ߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߓߌ߬ ߢߐ߲߰ ߟߏ߲߫߸ ߊ߲ ߓߘߊ߫ ߛߋ߫ ߘߊߞߎ߲߫ ߠߋ߬ ߘߐ߫߸ ߌ ߣߐ߬ ߡߍ߲ ߞߍ߫ ߟߊ߫߸ ߌ ߘߴߏ߬ ߡߊߜߏ߬ߙߏ߫ ߟߋ߬ ߘߍ߯، ߞߍ߫ ߦߴߌߘߐ߫ ߡߐ߱ ߡߍ߲ ߞߐ߫ ߣߌ߲߬߸ ߊ߬ ߞߊ߬ ߛߊ߲߬ ߁߅ ߢߐ߲߰ ߠߋ߬ ߞߍ߫߸ ߊ߬ ߦߋ߫ ߞߏ ߢߌ߲߬ ߠߎ߬ ߞߍ ߞߊ߲߬ ߛߋ߲߬ߢߊ߬ ߦߙߌߞߊ߫، ߏ߬ ߟߋ ߘߐ߫߸ ߊ߬ ߣߐ߬ ߞߏ߫ ߟߊߛߋ߫ ߟߊ߫ ߡߍ߲ ߠߎ߬ ߡߊ߬ ߏ߬ ߘߌ߫߸ ߝߏ߫ ߞߵߏ߬ ߟߎ߬ ߖߏ ߟߊߛߊ߬ߦߌ߲߫ ߊ߬ߟߎ߫ ߡߊ߬ ߟߋ߬ ߡߎ߬ߕߎ߲߬.>>
ߗߋߛߓߍ ߘߏ߫ ߞߊ߬ߙߊ߲߬ ߘߊ߫ ߛ߭ߐߣ ߞߐߡߖ߭ ߖߍ߬ߘߍ ߓߟߏ߫ ߦߋ߲߬߸ ߊ߬ ߞߵߊ߬ ߟߊ߫ ߣߡߌߛߊ ߦߌ߬ߘߊ߫ ߦߋ߲߬ ߞߏߛߓߍ߫: <<ߒ ߓߘߊ߫ ߓߣߐ߬ ߒ ߠߊ߫ ߛߌߟߊ ߞߊ߲߬، ߓߌ߲߬ߘߌ߬ߓߊ߲ߘߊ߲ ߣߌ߫ ߘߊ߲߬ߠߊ߬ߕߊߡߌ߲ ߠߋ߬ ߞߊ߬ ߒ ߠߊߕߏ߫ ߊ߬ ߘߐ߫، ߒ ߓߋ߭ ߣߌ߲߬ ߢߊ߸ ߏ߬ ߞߎ߲߭ ߦߋ߫ ߒ ߠߊ߫ ߢߊ߲ߞߎߣߊ߲ߧߊ ߟߋ߬ ߘߌ߫ ߒ ߖߘߍ߬ ߟߊ߫، ߒ ߓߘߊ߫ ߟߊߡߊ߬ߟߏ߬ߦߊ߬߸ ߞߊ߬ ߒ ߡߊ߬ߞߏߛߊ߬߸ ߒ ߕߴߛߋ߫ ߡߍ߲ ߕߐ߮ ߟߊ߫ ߟߊ߫ ߡߐ߰ ߜߘߍ߫ ߞߎ߲߬ ߣߌ߫ ߒ ߖߍ߬ߘߍ ߕߍ߫.>>
ߊ߬ ߟߊ߫ ߞߎߡߊ ߢߌ߲߬ ߠߎ߬ ߓߍ߯ ߣߴߊ߬ ߕߊ߫߸ ߊ߬ ߡߊߞߊ߲ߞߊ߲ߓߊ߮ ߟߎ߫ ߞߎߡߊ߫ ߘߊ߫ ߞߵߊ߬ ߓߍ߲߬ ߊ߬ ߟߊ߫ ߥߛߎ ߟߊߘߐ߯ߦߊ߫ ߞߏ ߡߊ߬߸ ߓߊ߬ߙߌ߬ ߏ߬ ߡߊ߫ ߞߕߌߘߊ ߕߊ߫ ߡߌ߬ߣߊ߬ ߓߐ߫ ߘߋ߬، ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߡߙߌߦߊ ߕߘߍ߬ ߞߊߙߏ߫ ߁߄ ߞߏ ߟߋ߬ ߡߊ߬، ߓߊߏ߬߸ ߞߏ߫ ߊ߬ ߟߊ߫ ߕߐ߫ߕߌ߯ߦߊ ߣߴߊ߬ ߕߊ߫߸ ߊ߬ ߡߊ߫ ߜߟߍ߬ߦߊ߬ ߝߏߦߌ߬ ߘߏ߲߬ ߊ߬ ߟߊ߫ ߞߏ ߟߎ߬ ߘߐ߫، ߕߎ߬ߡߊ ߘߏ߫ ߛߋ߫ ߘߊ߫߸ ߘߏ߫ ߟߎ߫ ߕߍ߬ߘߍ߫ ߊ߬ ߓߛߌ߬ߞߌ߬ ߟߊ߫ ߞߏ߫ ߞߊ߲ߕߌ߮ ߓߍߣߵߊ߬ ߡߊߞߕߏ߫߸ ߓߊ߬ߙߌ߬ ߘߏߣߊߟ ߕߑߙߐ߲ߔ ߞߵߏ߬ ߞߏ ߡߊߛߐ߬ߛߐ߫ ߟߋ߬ ߜߍ ߘߐ߫ ߥߛߊߞߙߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
