ߕߟߋ߬ߓߐ ߕߍߡߟߊ߸ ߞߎߣߎ߲߬ ߞߍ߲ߘߍߟߏ߲ ߠߋ߬ ߡߊ߬ ߌߛߌ߬ߙߊ߬ߌߟߊ߫ ߞߊ߬ ߥߊ߬ߟߏ߲߬ߠߌ߲ ߘߏ߫ ߟߋ߬ ߞߍ߫ ߜ߭ߊ߯ߖ߭ߊߞߊ ߟߎ߫ ߞߊ߲߬ ߞߊ߬ ߡߐ߰ ߅߀ ߓߐ߬ߣߐ߫ ߊ߬ ߣߌ ߘߐ߫߸ ߞߵߊ߬ ߛߐ߬ߘߐ߲߬ ߜߎ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߞߊ߬ ߟߊ߬ߛߋ߬ߟߌ ߘߏ߫ ߞߍ߫ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߛߎ ߡߊ߬߸ ߞߏ߫ ߌߛߌ߬ߙߊ߬ߌߟߊ߫ ߦߋ߫ ߥߊ߬ߟߏ߲߬ߠߌ߲ ߠߊߟߐ߬ ߜ߭ߊ߯ߖ߭ߊ߬ ߞߊ߲߬߸ ߓߊߏ߬߸ ߞߏ߫ ߤߡߊߛߌ߬ ߓߘߊ߫ ߛߐ߲߬ ߊ߬ ߟߊ߫ ߟߊ߬ߢߌߣߌ߲ ߠߎ߬ ߡߊ߬߸ ߣߴߏ߬ ߦߋ߫ ߞߟߍ߬ ߟߊߟߐ ߓߍ߲߬ߞߊ߲ ߘߌ߫.
ߤߡߊߛߌ߬ ߣߌ߫ ߌߛߌߙߊ߬ߌߟߊ߫ ߟߊ߫ ߕߍ߯ߝߐߟߊ ߟߎ߬ ߡߊߞߐ߬ߣߍ߲߫ ߞߍߙ، ߌߗ߭ߎߔߑߕ ߞߎߓߋ ߟߊ߫߸ ߞߊ߬ ߞߎߡߊ߫ ߘߏߣߊߟ ߕߑߙߐ߲ߔ ߟߊ߫ ߞߟߍ߬ ߟߊߟߐ߬ ߓߍ߲߬ߞߊ߲ ߣߌ߲߬ ߞߊ߲߬߸ ߓߊ߬ߙߌ߫߸ ߞߊ߬ ߞߐ߲߰ ߏ߬ ߢߍ߫߸ ߜ߭ߊߖ߭ߊ߬ ߖߘߍ߬ ߟߊ߬ߞߊ߲߬ߘߊ߬ ߞߙߎ ߟߊ߫ ߟߊ߬ߛߋ߬ߟߌ߬ ߘߐ߫߸ ߞߏ߫ ߌߛߌ߬ߙߊ߬ߌߟߊ߫ ߟߊ߫ ߥߊ߬ߟߏ߲߬ߠߌ߲ ߛߊߓߎ߫ ߟߊ߫߸ ߡߐ߰ ߅߀ ߣߌ߫ ߞߐ߫ ߟߋ߬ ߝߊ߰ ߘߊ߫، ߞߎߣߎ߲߬ ߞߍ߲ߘߍߟߏ߲ ߛߎ ߘߐ߫߸ ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߫ ߞߊ߬ ߥߊ߬ߟߏ߲߬ߠߌ߲ ߞߍ߫ ߟߋ߬ ߜ߭ߊߖ߭ߊ߬ ߞߊ߲߬.
ߞߵߊ߬ ߛߐ߬ߘߐ߲ ߜߎ ߘߏߣߊߟ ߕߑߙߐ߲ߔ ߕߘߍ߬ ߓߘߊ߫ ߞߍ߬ߟߍ ߣߌ߲߬ ߟߊߟߐ߬ ߞߏ ߝߐ߫، ߘߏߣߊߟ ߕߑߙߐ߲ߔ ߟߊ߫ ߟߊ߬ߛߋ߬ߟߌ߬ ߘߐ߫ ߞߎߣߎ߲߬߸ ߊ߬ߟߋ ߞߵߊ߬ ߝߐ߫ ߟߋ߬ ߞߏ߫ ߞߊ߬ ߞߍ߬ߟߍ߫ ߟߊߟߐ߬߸ ߣߌ߫ ߤߡߊߛߌ߬ ߝߣߊ߫ ߛߐ߲߬ ߘߴߊ߬ ߞߎߡߊ߫ ߞߊ߲ ߏ߬ ߡߊ߬߸ ߓߊ߬ߙߌ߫߸ ߞߏ߫ ߌߛߌ߬ߙߊ߬ߌߟߊ߫ ߟߊ߫ ߣߊ߲߬ߕߌ߮ ߟߎ߬ ߞߊ߬ ߘߊ߲߭ ߏ߬ ߟߋ߬ ߞߏߛߊ߬ߥߏ߲߫ ߞߊ߬ ߕߊ߯ ߊ߬ߟߎ߬ ߟߊ߫ ߥߊ߬ߟߏ߲߬ߠߌ߲ ߘߌ߫ ߜ߭ߊߖ߭ߊ߬ ߞߊ߲߬߸ ߘߏߣߊߟ ߕߑߙߐ߲ߔ ߞߵߊ߬ ߝߐ߫ ߟߋ߬ ߞߏ߫ ߞߊ߬ ߞߍ߬ߟߍ ߟߊߟߐ߬ ߞߊߟߌߦߊ ߘߝߊߣߍ߲ ߘߐ߫.
ߤߡߊߛߌ߬ ߘߏ߲߬ ߝߣߊ߫ ߏ߬ ߖߋ߬ߓߌ߬ ߌߞߘߐ߫ ߞߵߊ߬ ߦߌ߬ߘߊߞߊ߬ ߞߏ߫ ߊ߬ ߓߘߊ߫ ߛߐ߲߬ ߘߏߣߊߟ ߕߑߙߐ߲ߔ ߟߊ߫ ߞߎߡߊ߫ ߝߐߣߍ߲ ߡߊ߬߸ ߒ߬ߓߊ߬߸ ߞߏ߫ ߌߛߌ߬ߙߊ߬ߌߟߊ߫ ߟߊ߫ ߡߐ߰ ߡߌ߬ߣߊ߬ߣߍ߲ ߡߍ߲ ߠߎ߬ ߦߋ߫ ߤߡߊߛߌ߬ ߓߟߏ߫߸ ߊ߬ ߣߌ߫ ߤߡߊߛߌ߬ ߝߣߊ߫ ߟߊ߫ ߡߐ߰ ߡߌ߬ߣߊ߬ߣߍ߲ ߡߍ߲ ߠߎ߬ ߦߋ߫ ߌߛߌ߬ߙߊ߬ߌߟߊ߫ ߓߟߏ߫߸ ߣߌ߫ ߏ߬ ߟߎ߫ ߝߊ߬ߟߋ߲߬ ߘߊ߫ ߢߐ߲߮ ߘߐ߫ ߟߊ߬ߓߌ߬ߟߊ߬ߟߌ ߓߟߏߡߊ߬߸ ߊ߬ ߛߌߦߊߡߊ߲ ߘߐ߫߸ ߘߊ߲߬ ߓߍߣߊ߬ ߛߌ߰ ߞߍ߬ߟߍ ߟߊ߫߸ ߊ߬ ߓߘߊ߫ ߛߊ߲߬ ߛߓߊ߬ ߓߐ߫ ߞߍ߬ߟߍ߫ ߡߍ߲߬ ߦߋ߫ ߛߋ߲߬ ߠߊ߫.
ߘߏߣߊߟ ߕߑߙߐ߲ߔ ߟߊ߫ ߝߐߟߌ߫ ߘߐ߫߸ ߊ߬ߟߋ ߦߴߊ߬ ߝߍ߬ ߟߋ߬ ߛߌߣߍ߲߬ ߤߡߊߛߌ߬ ߦߋ߫ ߞߏ ߡߍ߲ ߠߎ߬ ߞߍ߫ ߞߙߐߕߐ ߓߟߏߡߊ߬߸ ߓߊߏ߬߸ ߊ߬ߟߋ ߕߴߊ߬ ߝߍ߬ ߢߊ߫ ߛߌ߫ ߟߋ߬ ߡߊ߬߸ ߞߵߊ߬ ߞߏ ߟߎ߬ ߟߊߛߎߡߦߊ߫، ߓߍ߲߬ߞߊ߲ ߞߎߡߊ ߕߐ߭ ߟߎ߬ ߞߏ߬ߣߌ߲ ߢߊߝߐߟߌ ߦߴߌߘߐ߫ ߌߗ߭ߎߔߑߕ ߟߋ߬߸ ߞߎߣߎ߲߬ ߞߍ߲ߘߍߟߏ߲ ߛߎ ߘߐ߫߸ ߕߍ߯ߝߐߟߊ ߟߎ߬ ߞߊ߬ ߞߎߡߊ߫ ߘߏ߫ ߟߎ߫ ߞߍ߫߸ ߞߊ߬ ߞߎߡߊ߫ ߡߐ߰ ߡߌ߬ߣߊ߬ߣߍ߲ ߠߎ߬ ߟߊ߫ ߞߏߢߊ ߞߊ߲߬.
ߊ߬ ߣߌ߫ ߞߍ߬ߟߍ ߘߌ߫ ߓߊ߲߫ ߢߊ߫ ߡߍ߲، ߞߍ߬ߟߍ ߣߌ߲߬ ߟߐ߲ߓߊ߮ ߟߎ߬ ߟߊ߫ ߝߐߟߌ߫ ߘߐ߫߸ ߡߐ߰ ߡߌ߬ߣߊ߬ߣߍ߲ ߠߎ߬ ߕߍߣߊ߬ ߛߋ߫ ߟߊ߫ ߞߊ߬ ߟߊߓߌ߬ߟߊ߫ ߕߋ߬ߟߋ߫ ߛߊ߬ߓߊ߫ ߞߎ߲߬ߕߊ߯ ߞߣߐ߫߸ ߦߏ߫ ߘߏߣߊߟ ߕߑߙߐ߲ߔ ߦߴߊ߬ ߟߊߢߌߣߌ߲߫ ߠߊ߫ ߢߊ߫ ߡߍ߲، ߞߎߣߎ߲߬ ߛߎ ߘߐ߫߸ ߌߛߌ߬ߙߊ߬ߌߟߊ߫ ߡߐ߰ ߡߌ߬ߣߊ߬ߣߍ߲ ߠߎ߬ ߟߊ߫ ߡߐ߱ ߟߎ߬ ߞߊ߬ ߝߎ߬ߙߎ߲߬ߞߎ߬ߟߌ ߟߋ߬ ߞߍ߫ ߞߎߓߋ ߟߊ߫߸ ߞߏ߫ ߊ߬ߟߎ߬ ߞߏ߫ ߊ߬ߟߎ߬ ߓߘߊ߫ ߜߍ߬ߘߍ߲߬ ߊ߬ߟߎ߬ ߟߊ߫ ߡߐ߱ ߟߎ߬ ߦߋ߫ ߞߏ ߟߊ߫.
ߊ߬ߟߎ߬ ߟߊ߫ ߞߏߕߌ߯ ߢߍߡߐ߮ ߓߋߣߑߦߡߊߣ ߦߕߊߥߏ߫ ߞߏ߬ߣߌ߲ ߓߘߴߊ߬ ߦߌ߬ߘߊߞߵߊ߬ߟߎ߬ ߟߊ߫߸ ߞߏ߫ ߊ߬ߟߎ߬ ߓߍ߯ ߟߊ߫ ߡߐ߱ ߟߎ߬ ߛߋ߬ߦߌ߲߬ߠߌ߲߬ ߞߏ߫ ߞߎߡߊ ߘߌߣߊ߬ ߟߴߊ߬ߟߎ߬ ߕߟߏ ߞߊ߲߬ ߟߏ߲߫ ߣߴߊ߬ ߣߊ߬ߕߐ ߟߎ߬ ߘߐ߫߸ ߊ߬ߟߎ߬ ߓߍ߯ ߘߏ߲߬ ߘߌ߫ ߛߋ߬ߦߌ߲߬ ߞߋߟߋ߲ߘߌ߫.
